Þjóðviljinn - 26.01.1986, Blaðsíða 19

PAGSBRÚN 80 ÁRA
Emelía Emilsdóttir
ómilljóniríat-
vinnuleysisbæt-
ur hjáDagsbrún
1985. Bóta-
höfumfjölgar.
Mannlegi þátt-
urinn ljósasti
punktur starfs-
ins
Emclía Emilsdóttir er sá starfs-
maður, sem unnið hefur lengst
hjá Dagsbrún, ef formenn félags-
ins eru frátaldir. Hún hóf störf á
skrifstofum félagsins í febrúar
1969 svo hún hefur starfað í ein
sautján ár hjá Dagsbrún. Emilía
sér um greiðslur atvinnuleysis-
bóta, sjúkrabóta, dánarbóta, auk
lífeyrissjóðsgreiðslna og launa-
greiðslna til starfsfólks. Nú hefur
starfsfólkið þegar sótt námskeið
til að verða sér úti um nauðsyn-
lega menntun á tölvurnar.
Emelía sagðist ekkert óttast
tölvuvæðinguna, þegar blaða-
maður Þjóðviljans ræddi við
hana fyrr í mánuðinum. „Það er
um að gera að hella sér út í þetta
að þetta ætti að verða mikil hag-
ræðing fyrir okkur. Þó hef ég
enga trú á að tölvurnar leysi
heimsgátuna eins og svo margur
virðist halda. Tölvurnar tak-
markast af því sem við mennirnir
mötum þær á, en það er um að
gera að hella sér út í þetta af full-
um krafti“.
Starf Emelíu snýst ekki ein-
vörðungu um tölur og upphæðir,
þó nauðsynlegt sé að vera vel að
sér í tölfræðinni þegar bæturnar
eru reiknaðar. Mannlegi þáttur
starfsins er ekki síður mikilvægur
og Emelía þarf oft að setja sig í
spor sálfræðinga og eða skrifta-
föðurs, og greiða úr ýmsum
mannlegum flækjum fyrir þá sem
leita til hennar. Þessi mannlegu
samskipti telur hún ljósasta pun-
ktinn í starfinu þó oft reyni þau á
þolrifin, því þeir sem þurfa á bó-
tum að halda eiga við ýmsan
vanda að etja. Sumir bregðast ill-
ir við en aðrir brotna saman. Al-
gengt er að menn telji sig eiga rétt
á meiri bótum en raunin er og
bitnar þá reiði þeirra iðulega á
Emelíu.
„Menn missa rétt til atvinnu-
leysisbóta hafi þeir sagt upp fyrra
starfi sínu sjálfir, eða gerst brot-
legir. Þessu virðast ekki allir gera
sér grein fyrir. Það er einnig al-
gengt að menn gleymi að skrá sig
strax og þeir missa vinnuna og
ætli að útvega sér atvinnu af eigin
rammleik, sem svo tekst ekki.'
Geta oft liðið tveir til þrír mánuð-
ir áður en þeir láta skrá sig og
missa þeir þannig réttindi. Fullar
atvinnuleysisbætur miðast við að
umsækjandi hafi skilað sautján
hundruð vinnustundum sl. 12
mánuði, eða unnið í 10 mánuði á
þeim tíma.“
Sem dæmi um hvernig menn
geta brugðist við sagði Emelía
blaðamanni frá sjómanni, sem
hefði komið á skrifstofuna í des-
ember sl. Hann vildi fá bæturnar
sínar strax og engar refjar. Þegar
það gekk ekki brást hann hinn
versti við og heimtaði öll gögnin
sem hann hafði skilað inn með
umsókninni. Emelía sagðist hafa
tekið ljósrit af uppsagnarbréfinu
og afhent honum frumritið. Sagði
hún að maðurinn hefði verið svo
illur að tveir menn sem voru
staddir á skrifstofunni hefðu ver-
ið eins og varðhundar og vaktað
Emelía hjá Dagsbrún þarf stuncjpm
að setja sig í spor sálfraeðings eða
skriftaföður til að greiða úr ýmsum
mannlegum flækjum. Mynd E.ÓI.
manninn, enda búist við að hann
réðist á hana. Svo varð þó ekki og
yfirgaf hann skrifstofuna með
miklum hávaða og formælingum
og skellti hurðinni á eftir sér svo
hrikti í öllu. En daginn eftir mætti
hann aftur og var þá ljúfur sem
lamb og baðst afsökunar á fram-
ferði sínu og færði henni konfekt-
kassa sem sárabót. „Þetta
reyndist svo hið mesta ljúfmenni
og tókst mér að kippa hans mál-
um í liðinn. Nú er hann kominn
aftur á sjóinn. En það lá við að
við táruðumst bæði þegar hann
kom að biðja mig afsökunar".
Síðastliðið ár voru greiddar
rúmar 6 milljónir í atvinnuleysis-
bætur hjá Dagsbrún. Fullar bæt-
ur eru tæpar 836 kr. á dag, auk
þess eru greiddar rúmar 33 krón-
ur með hverju barni, sem nægir
ekki fyrir einum potti af mjólk.
Lægstu bætur eru tæpar 209 kr. á
dag.
Þeim sem eru greiddar at-
vinnuleysisbætur fjölgaði tölu-
vert í desember og voru þá 110
talsins. Þeim hefur nú fækkað
niður í 78 við það að Grandi fór í
gang, en á móti kemur að fyrrver-
andi starfsmenn Hafskips eru nú
að koma inn á skrá. Þá hefur tölu-
verðum fjölda verið sagt upp hjá
Landsvirkjun og starfsmenn af
Kirkjusandi eru líka að bætast í
hópinn. Hvað skipulagsbreyting-
in hjá Granda á eftir að þýða er
óljóst enn.
Emelía sér einnig um sjúkra-
bæturnar sem greiddar eru úr
styrktarsjóði Dagsbrúnar. Heilt
bótatímabil, sem er 100 dagar,
gerir 31400 kr. Ofan á það bætast
svo dagpeningar frá sjúkrasam-
lagi. Dagpeningarnir og sjúkra-
bæturnar ná u.þ.b. dagvinnutekj-
um.
Styrktarsjóðurinn greiðir einn-
ig í fyrirbyggjandi störf, til
Krabbameinsfélagsins, Hjarta-
verndar, SÁÁ o.fl. aðila.
Að lokum var Emelía spurð að
því hvort ekki hefðu orðið miklar
breytingar á þessum sautján
árum. Hún jánkaði því, öll að-
staða hefði batnað og það nýjasta
í því er tilkoma tölvunnar. For-
menn hafa komið og farið en
þrátt fyrir allt þá eru mannleg
vandamál enn þau sömu.
LANDSVIRKJUN
sendir bestu kveðjur
öllum þeim,
sem hafa lagt hönd á plóginn
við virkjanir landsins
fyrr og síðar,
og þakkar þeim
vel unnin störf.
Ljósafossstöð, 15 MW, hóf framleiðslu 1937.
írafossstöð, 48 MW, hóf framleiðslu 1953.
Steingrímsstöð, 26 MW, hóf framleiðslu 1960.
Búrfellsstöð, 210 MW, hóf framleiðslu 1969.
Sigöldustöð, 150 MW, hóf framleiðslu 1977.
Hrauneyjafossstöð, 210 MW, hóf framleiðslu 1981.
Laxárstöðvar, 23 MW, hófu framleiðslu 1939.
Kröflustöð, 30 MW, hóf framleiðslu 1978.
ÞJÓÐVILJINN — SÍÐA 19