Þjóðviljinn - 11.03.1986, Blaðsíða 3

FRETTIR
Alpaklúbbsfélagar
Fundust í skálanum
Nœr eitt hundrað manns kallað út til leitar að tveimurfjallaklifrurum í
Botnssúlum. Fundust heilir á húfi ískála Alpaklúbbsins
Mikil lcit var gerð í fyrri nótt
og gærmorgun að tveimur
félögum úr Alpakiúbbnum, sem
verið höfðu að æfa klifur í Botns-
súlum, sem er eitt aðal ætlnga-
svæði klúbbsins, sl. sunnudag.
Fundust þeir félagar um kl. II í
gærmorgun heilir á húfi í skála
Alpaklúbbsins þar efra, en engin
talstöð er í skálanum.
Að sögn Jóhannesar Briem hjá
SVFÍ kallaði Landsstjórn hjálp-
arsveita út mikið lið til leitar, allt
að eitt hundrað manns, eftir að
tveir félagar þeirra sem leitað var
að gerðu lögreglu aðvart um að
þeir væru ókomnir til byggða kl.
rúmlega eitt í fyrrinótt. Gerðu
leitarmenn ráð fyrir þrernur
möguleikum í leit sinni, að þeir
hefðu hrapað í klifri, orðið fyrir
snjóflóði eða væru í skálanum.
Færð og veður í fyrrinótt var með
því versta sem gerist, krap og
bleyta og hvasst.
Utbúnaður leitarmanna var
samkvæmt þeim möguleikum
sem gert var ráð fyrir. Það var svo
hópurinn sem fór að skálanum
sem fann þá félaga.
Jóhannes sagði að þarna hefði
verið um vana fjallamenn að
ræða. Þó mætti ávíta þá fyrir að
taka ekki mark eða tillit tii hinnar
vondu veðurspár, sem var fyrir
þetta svæði á sunnudag. -S.dór
Félag bókagerðarmanna
Samþykkir
en mótmælir
Fjölmennurfundur ífélaginu telurað hendur
verkalýðsfélaganna hafi verið bundnar
r
Afjölmennum fundi í Félagi
bókagerðarmanna voru ný-
gerðir kjarasamningar sam-
þykktir með meirihluta atkvæða
gegn 18.
Mjög stór hluti fundarmanna
sat hjá við atkvæðagreiðsluna.
Töluverðar umræður urðu um
samningana og töldu ræðumenn
að sú forysta verkalýðshreyfing-
arinnar, sem hefði knúið þessa
samninga uppá verkalýðs-
hreyfinguna, hefði brugðist hags-
munum verkafólks, segir í frétta-
tilkynningu frá Félagi bókagerð-
armanna. Er síðan vísað til eftir-
farandi ályktunar, sem samþykkt
var á fundinum.
ÁLYKTUN:
Fundur í Félagi bókagerðar-
manna, haldinn 6. mars 1986,
harmar þá undanlátssemi sem í
nýgerðum kjarasamningum felst.
Fundurinn telur að forysta verka-
lýðshreyfingarinnar í samvinnu
við atvinnurekendur hafi bundið
hendur verkalýðsfélaga til að
sækja þann rétt sem verkafólki
ber og allar ytri aðstæður buðu
uppá. í stað þess að sækja raun-
hæfar og réttlátar kjarabætur til
atvinnurekenda er ábyrgðinni
velt yfir á ríkið, en það er einmitt
launafólk, sem stendur undir
rekstri þess. Kaupmáttarskerð-
ingin hefur verið gífurleg á und-
anförnum mánuðum og þrátt
fyrir góða stöðu í efnahagsmálum
er nú einungis samið um
óbreyttan kaupmátt á samnings-
tímanum, ef það þá heldur.
Svona samningsgerð má ekki
endurtaka sig, enda felur hún í
sér að þeir sem síst skildu, lág-
launafólkið, er nánast í sömu
sporum eftir sem áður.
Fundurinn minnir á að þjóð-
artekjur eru afar háar á íslandi á
sama tíma og laun verkafólks eru
með því allra lægsta sem þekkist í
hinum vestræna heimi. Fundur-
inn hvetur allt verkafólk til að
stilla saman strengi og vinna sjálft
og sameinað að undirbúningi
næstu samningsgerðar, þá fyrst er
von til þess að raunhæfar kjara-
bætur fáist.
Veðurfræöingar spá áframhaldandi rigningu eða slyddu á landinu allt fram
að helgi, með suðaustan- eða suðvestanátt. Bragi Jónsson veðurfræðingur
sagði í gær að það yrði tiltölulega hlýtt og nokkuð vindasamt, og koma lægðir
nú beint sunnan úr hafi. Mikil úrkoma var í gær eins og sést á myndinni hér að
ofan. Mynd E.ÓI.
Starfsmannafélag Reykjavíkur
Kannar hug félagsmanna
sinna til BSRB
Tillaga til að kanna hug félagsmanna til úrsagnar úr BSRB samþykkt á
aðalfundifélagsins. Reynist meirihluti fyrir úrsögn verðurmálið tekið
fyrir á nœsta aðalfundi. HaralaurHannesson: Aðformaður
Starfsmannafélagsins er ekki varaformaður BSRB spilar eflaust inn í
að verið er að athuga með úrsögn
Starfsmannafélag Reykjavík-
urborgar hyggst kanna hug fé-
BÍ
Fundur í dag
Blaðamannafélag íslands boð-
ar til fundar um nýgerða kjara-
samninga félagsins að Hótel Borg
kl. 17.00 í dag, þriðjudag. Fé-
lagar eru hvattir til að mæta á
fundinn.
lagsmanna sinna til úrsagnar fé-
lagsins úr BSRB. Tillaga þess eðl-
is var samþykkt á aðalfundi
félagsins fyrir viku síðan. Hefur
verið ákveðið að könnun þessi
fari fram í haust og komi fram
vilji meirihluta félagsmanna til
úrsagnar verður málið tekið fyrir
á aðalfundi Starfsmannafélagsins
vorið 1987.
Haraldur Hannesson, formað-
ur Starfsmannafélagsins, sagði að
það lægju margar ástæður fyrir
því að ákveðið hefði verið að gera
þessa könnun, en þetta mun vera
í þriðja skiptið sem Starfsmanna-
félag Reykjavíkur kannar hug fé-
lagsmanna sinna til úrsagnar frá
stofnun BSRB. Sagði Haraldur
að samskonar tillaga hefði verið
borin upp á aðalfundinum í fyrra,
en verið felld þá.
Hækkuð félagsgjöld til BSRB
mun vera ein af ástæðunum fyrir
því að menn vilja íhuga úrsögn
núna en það mun líka hafa haft
sitt að segja að formaður Starfs-
mannafélags Reykjavíkur var
ekki kjörinn varaformaður
BSRB, eins og samþykkt hafði
verið samhljóða af stjórn félags-
ins fyrir þing BSRB.
„Það er ekki höfuðástæðan
fyrir að ákveðið hefur verið að
kanna úrsögnina núna, en eflaust
spilar það inní“, sagði Haraldur
Hannesson við Þjóðviljann í gær.
Það voru 28 manns sem fluttu
tillöguna um að kanna vilja fé-
lagsmanna til úrsagnar úr BSRB
á aðalfundinum.
-Sáf
Þriðjudagur 11. mars 1986 ÞJÓÐVILJINN - SÍÐA 3
Kennarar
Viðræður
að hefjast
Samninganefndir ríkisins og
Bandalags kcnnarafélaga fyrir
hönd Kennarasambandsins hitt-
ust í gær og voru kröfur kcnnara
þar kynntar í fyrsta sinn.
Að sögn Valgeirs Gestssonar
formanns KÍ er nú beðið eftir
niðurstöðu úrskurðarnefndar
BHMR, og því ekki að vænta tíð-
inda frá samningsgerð kennara.
Farið verður í það nú næstu daga
að vinna grundvöll að aðalkjara-
samningi BK, sem verður sá fyrs-
ti sinnar tegundar. Ekki var rætt
sérstaklega um kröfugerð kenn-
ara á fundinum í gær. -gg
Vari
Baldur
borgar
Dómssáttum 160
þúsund. Baldur
greiðir málskostnað
Deilu þeirra Ragnars Guð-
laugssonar, Axels Hilmarssonar
og Karls Karlssonar við Baldur
Ágústsson eiganda öryggisþjón-
ustunnar Vara hefur lokið með
því að Baldur greiðir þeim fé-
lögum 160 þúsund krónur auk
málskostnaðar sem er 35 þúsund
krónur.
Málið var rekið fyrir bæjar-
þingi Reykjavíkur og lauk með
dómssátt í síðustu viku. Ragnar,
Axel og Karl voru starfsmenn
Baldurs fram í ágúst á síðasta ári,
þegar Baldur rak Ragnar fyrir-
varalaust úr starfi. Félagar hans
gátu ekki sætt sig við slíka með-
ferð á starfsfélaga sínum og
sögðu sínum störfum upp, en
Baldur neitaði þá að greiða þeim
laun og uppsagnarfrest. Honum
var þá stefnt með fyrrgreindum
málalokum. Lögmaður Baldurs
var Hafsteinn Baldvinsson, en
Atli Gíslason lögfræðingur
Dagsbrúnar sótti máli. -gg
Samningarnir
Veitinga-
fólk felldi
I gæi kvoldi var haldinn fundur
hjá Félagi starfsfólks í veitinga-
húsum um nýgerða kjarasamn-
inga. Á fundinn mættu um það bil
50 manns og var samningurinn
felldur með meginþorra at-
kvæða. Tveir voru með samning-
unum en þrír sátu hjá. Aðrir fell-
du samningana. Undanlarna
daga hafa verkalýðsfélögin verið
með fundi um samningana og
hafa þeir allsstaðar verið sam-
þykktir þar til í gærkvöldi.
Öll stærstu verkalýðsfélögin
hafa samþykkt þá, félög eins og
Dagsbrún, Framsókn og Iðja í
Reykjavík, Bókagerðarmenn,
Eining á Akureyri og Iðja á Ak-
ureyri, og auk þeirra verkalýðsfé-
lögin Framtíðin, Aldan, Fram á
Sauðárkróki, Jökull, Verkalýðs-
félagið á Vopnafirði og bæði fé-
lögin í Vestmannaeyjum, í Rang-
árvallasýslu, Landssamband
vörubifreiðastjóra. Sennilega eru
fleiri félög búin að fjalla um
samningana en skrifstofu ASÍ
höfðu ekki borist fleiri tilkynn-
ingar í gær.
Frestur til að funda um samn-
ingana rennur út 12. mars.
- S.dór/ih.