Þjóðviljinn - 14.06.1986, Side 7
Laugardagur 14. júnf 1986. ÞJÓÐVILJINN - SfÐA
Hinn aldni meistari - Svavar Guðnason og tvö verka hans.
Listahátíð
Verk
Svavars
Guðnasonar
Yfirlitssýning í Norræna húsinu
Það er óhætt að segja að veg-
ur myndlistarinnar sé ekki
látinn liggja milli hluta á þess-
ari Listahátíð. Sjálfur Picasso
á Kjf valsstöðum, og þarer
einnig að finna fjölbreytta en
nokkuð misjafna sýningu á
Reykjavík í myndlist. Karl
Kvaran er í Listasafni (slands
og nú bætistvið yfirlitssýning
á verkum eins af okkar merk-
ustu málurum á þessari öld,
Svavars Guðnasonar.
Sýningin er framlag Norræna
hússins til Listahátíðar og hefur
undirbúningur hennar verið mik-
ill og vandaður. Tekist hefur að
ná í verk Svavars bæði hér heima
og erlendis. Sýningarnefndin sem
í sátu Knut 0degárd forstjóri
Norræna hússins, Olafur Kvaran
listfræðingur, Robert Dahlmann
Olsen arkitekt og Hannes Páls-
son bankastjóri, setti sér það
markmið að sýna listrænan feril
Svavars með sérstakri áherslu á
fimmta áratuginn, sem var mikil-
vægt skeið í listrænni þróun Svav-
ars.
Gefinn verður út vandaður
katalógur, þar sem er að finna
auk mynda og ávarps Knuts
Odegárds, tvær greinar um Svav-
ar. Gamall félagi hans frá
Kaupmannahafnarárunum Ro-
bert Dahlmann Olsen skrifar
grein sem hann kallar Nokkrir
áfangar í list Svavars Guðna-
sonar. Þar rekur hann ævi Svav-
ars og þróunarferil hans sem
myndlistarmanns og leitast við að
varpa ljósi á áhrifavalda á list
Svavars og skilgreina þá mynd-
listarstrauma sem lágu í loftinu á
mótunarárum Svavars Guðna-
sonar.
Hin greinin er eftir Per Hov-
denakk listfræðing og safnvörð í
Danmörku og nefnist Svavar
Guðnason og straumar í list
samtímans. Þar fer hann í
saumana á hræringum í myndlist
á fjórða og fimmta áratugnum,
sem voru nauðsynleg forsenda
fyrir myndlistarmenn eins og
Svavar Guðnason, sem lagði
fram ríkulegan skerf til þróunar í
norrænni myndlist og er í hópi
þeirra íslenskra myndlistar-1
manna sem hvað stærst nafn hafa
skapað sér í alþjóðlegum mynd-
listarheimi.
í Norræna húsinu eru í kjallara
sýnd 40 olíumálverk frá árunum
1938-80, en í anddyri 5 stórar
pastelmyndir frá sjötta áratugn-
um. Auk þess er að finna í bóka-
safni hússins bækur og skrá um
greinar og ritgerðir sem skrifaðar
hafa verið um list Svavars.
Síðast var yfirlitssýning á verk-
um Svavars árið 1960. Hér hefur
því vaxið úr grasi heil kynslóð
sem ekki hefur fengið tækifæri til
þess að kynnast list Svavars
Guðnasonar, með þeim hætti
sem nú gefst. Því er þessi sýning í
senn mikill listviðburður og
kærkomin þeim sem vilja kynna
sér þróunina í íslenskri myndlist
þessarar aldar.
-pv
1