Þjóðviljinn - 26.09.1986, Blaðsíða 2

“SPURMNGIN1™
Hvernig fer fyrir heimilis-
friðnum í væntanlegu
fjölmiðlaflóði sjónvarps,
hljóðvarps og gervi-
hnatta?
Sigurður Sigurgeirsson,
bankastarfsmaður:
Ég held að þetta fjölmiðlaflóð
hljóti að hafa vond áhrif á heimilis-
h'fið. Fólk eyðir allt of miklum tíma
í að sitja og gera ekki neitt, bara
glápa. Kotríki eins og ísiand hefur
ekkert við alla þessa fjölmiðla að
gera.
Anna Magnúsdóttir, dag-
mamma:
Ég er alveg á móti þessu. Við höf-
um alveg nóg að glápa á, ég er guðs-
fegin að það er lokað fyrir sjón-
varpið á fimmtudögum, þá er þó
einhver friður.
Þórunn Kristinsdóttir, nemi:
Mér líst bara vel á komandi
breytingar. Við eigum alveg að iifa
þær af.
Ólafur Hjaltason, vinnur hjá
Hagkaupum:
Ætli við verðum ekki að bíða og sjá •
til hvað verður um heimilisfriðinn.
Annars er ég þokkalega bjartsýnn
og ánægður með aukna samkeppni
og þar með meira úrval.
Eydís Þ. Jónsdóttir, í
atvinnuleit:
Mér líst bara vel á útlitið. Þessi fjöl-
breytni verður létt og léttir því
skapið í fólki. Foreldrar sem ala
börnin sín vel upp, geta vel gætt
þess að börnin horfi ekki 10 tíma á
dag á sjónvarp.
FRÉTTIR
Kvennaathvarfið
Mest fra Kópavogi
Tillaga samþykkt í bœjarráði Kópavogs ígœr um tœp-
lega tvöföldun framlagsins í ár
Bæjarráð Kópavogs ákvað í
gær að veita Kvennaathvarfinu í
Reykjavík 100.000 króna fjár-
stuðning og munu þá samtals
230.000 krónur renna til at-
hvarfsins í ár frá Kópavogi. Er
það tæplega helmingi hærri upp-
hæð en Kvennaathvarfið hafði
áður farið fram á.
Valþór Hlöðversson bæjarfull-
trúi Aiþýðubandalagsins og
flutningsmaður tillögunnar sagði
það enga tilviljun að Kópavogur
stæði sig betur en aðrir þegar
styrkja þyrfti félagsleg málefni á
borð við þetta. „Alþýðubandalag
og Alþýðuflokkur fengu skýrt og
ákveðið umboð í síðustu kosning-
um til að stjórna Kópavogi í anda
félagshyggju og það þarf því eng-
an að undra þótt kaupstaðurinn
skeri sig úr í þeim efnum,“ sagði
Valþór í samtali. Hann minnti á
að fyrr á árinu hefði Kópavogur
látið 130.000 kr renna til Kvenna-
athvarfsins. „Síðan hafa skipast
veður í lofti. Athvarfið berst í
bökkum og útséð um að það
muni þurfa að draga stórlega
saman reksturinn nema aukin að-
stoð komi til. Okkar viðbóta-
rframlag er svar við neyðarkalli,“
sagði Valþór ennfremur.
Þess má geta að Hafnarfjörður
hefur látið 100.000 kr renna til
Kvennaathvarfsins eftir 40.000 kr
aukafjárveitingu fyrir skömmu,
Garðabær hefur veitt 20.000 kr,
Keflavík 10.000 kr en bæir eins og
Akureyri og Seltjarnarnes hafa
ekki látið krónu til athvarfsins í
ár. Þó hafa stjórnendur kaup-
staðanna lofað einhverju fram-
lagi- _ös
Tómas Gíslason við klippiborðið. Á skerrminum grillir í „Skytturnar" tvær á leið í bæinn úr hvalstöðinni.
Skytturnar
„Verður hressileg mynd“
íslenska kvikmyndasamsteypan hefurfengið danskan klippara tilað
setja saman kvikmynd sína, Skytturnar. Tómas Gíslason heitir hann
og á ættir að rekja hingað til lands
Eg á ættir mínar að rekja hing-
að til íslands, annað foreldri
beggja minna foreldra var ís-
lenskt. Mér er því hlýtt til íslands
og íslendinga." Þetta scgir Tómas
Gíslason sem hefur alið allan sinn
aldur í Danmörku, hann er hing-
að kominn til að setja saman film-
ubúta sem innihalda athafnir
tveggja litríkra persóna þannig
að úr verði kvikmyndin Skytt-
urnar. Sem við fáum líkast til að
sjá á jólum.
Tómas er viðurkenndur klipp-
ari, hann hefur vakið mikla at-
hygli fyrir vir.nu sína í kvikmynd-
inni „Eðli glæpsins", Forbrydels-
ens element, sem sýnd hefur ver-
ið hér á landi.
—Og hvað finnst Tómasi svo um
það efni sem hann hefur nú undir
höndum?
„Það er nú afskaplega erfitt að
segja eitthvað að viti um það á
þessari stundu um hvernig tekst
til. En mér líst mjög vel á það sem
ég hef séð hingað til, þetta er
hressilegt og það er mjög
skemmtilegt að vinna við þetta
verkefni.“
-Hvernig kom til að þú ert nú
að vinna að íslenskri kvikmynd?
„Jú, þannig er að ég hef kennt
við danska kvikmyndaskólann.
Þar var einn nemandi minn ís-
lenskur, Þorbjörn Erlingsson. Ég
spurði hann hvort ekki væri
möguleiki að fá vinnu á mínu
sviði á íslandi, þar sem mig hefur
alla tíð langað til að koma hingað
til lands. Við ræddum þetta stutt-
lega. Nú, síðar hitti ég Friðrik
Þór Friðriksson að máli, hann var
þá með ákveðin verkefni í undir-
búningi, m.a. mynd um feril
Bubba Morthens. Friðrik lýsti
áhuga sínum. Svo hitti ég hann
aftur nú í ár, í Kaupmannahöfn,
og hér er ég.“
„Og ég má til með að nefna það
að ég er nú í fyrsta sinn að vinna
með sjónvarpsstjörnu, honum
Gísla Má Erlingssyni sem íslend-
ingar þekkja orðið vel af fræki-
iegri frammistöðu í poppþáttum í
sjónvarpinu. Mér finnst mjög
skemmtilegt að vera úti á gangi
með Gísla Má og fylgjast með
þegar fólk er að stöðva hann á
götu úti.“
-En þú ert að fara að vinna hjá
danska sjónvarpinu er það ekki?
„Jú, ég fer að vinna við þáttar-
öð sem gerð er eftir frægri dan-
skri kvikmynd. í sjónvarpinu
nefnast þessir þættir Strömer sem
er nú eins konar skammaryrði á
iögreglunni. En þetta er tekið úr
danskri sögu. Ég fer í þetta verk-
efni þegar ég fer heim í næsta
mánuði. En ég geri nú ráð fyrir að
koma aftur, í eftirvinnslu mynd-
arinnar,“ sagði Tómas að lokum.
-m.
Blindraletursprentvél
Tímamót
í blindra-
bókaútgáfu
Milljón krónaframlag
Gísla Helgasonar gerði
kaupin möguleg
Blindrabókasafn íslands er að
taka í notkun nýja blindraleturs-
prentvél sem er lokaáfangi í fram-
leiðslukerfi fyrir blindraletursút-
gáfu og hannað er af Hilmari
Skarphéðinssyni verkfræðingi.
Blindrabókasafn íslands var
stofnað 1983 og forgangsverkefni
þess hefur verið að koma upp
góðri aðstöðu til framleiðslu
blindraletursbóka. Það hefur
jafnframt verið markmið að
blindir gætu unnið við framleiðs-
luna. Kerfið er sérstaklega sniðið
til þess og því má hæglega færa
texta á ýmsum tölvutækum form-
um til vinnslu innan þess auk þess
sem prenta má texta með blindra-
letri sem upphaflega hefur verið
settur í prentsmiðju.
Fjármögnun við kaupin hefur
verið styrkt af ýmsum félagasam-
tökum og fyrirtækjum en þyngst
vegur þó framlag Gísla Helga-
sonar og félaga hans sem gáfu
hagnað af hljómplötunni Ástar-
játningu, eina milljón króna. Út-
gáfa á blindraletursbókum hefur
verið mjög lítil síðustu áratugina
og standa vonir til að tilkoma
nýju prentvélarinnar auki mjög
viðgang blindraleturs hér á landi.
Sirkusskóli
Ruben
kominn
aftur
Sænski trúðurinn Ruben Mad-
sen er kominn til landsins og mun
dveljast hér í 6 vikur. Ruben er
mörgum að góðu kunnur því
hann var hér á listahátíð 1982
með sirkusskemmtanir fyrir
börn.
Ruben kemur hingað á vegum
Bandalags íslenskra leikfélaga
við þriðja mann og munu þeir
ásamt Kolbrúnu Pétursdóttur
leikara fara um landið og staldra
við á 21 stað, tvo daga í senn.
Munu þeir vera með námskeið
fyrir leikfélagafólk og kennara og
sirkusskóla fyrir börn, 40 í hóp.
fyrsti viðkomustaður verður Pat-
reksfjörður á mánudag og þriðju-
dag en sýningar verða í Norræna
húsinu í dag kl. 5 og 6. -GH
2 SÍÐA — ÞJÓÐVILJINN Föstudagur 26. september 1986