Þjóðviljinn - 15.11.1986, Blaðsíða 2
"SPURNINGIN"
Finnst þér að fækka
megi bönkum á ís-
landi?
Pétur Maack Pétursson,
sendibílstjóri:
Alveg tvímælalaust. Útvegs-
bankann ætti aö sameina hinum
ríkisbönkunum en ekki hlutafjár-
bönkunum. Það er engin ástæða
til þess að þeir taki á sig tapið.
Bryndís Sigurðardóttir.
afgreiðslustúlka:
Mér finnst bankarnir ofboðslega
margir, en samt virðist alltaf vera
svo mikið að gera í þeim. En ég
held að það hljóti að verða að
fara að sameina eitthvað af þess-
um bönkum t.d. Útvegsbankann
einhverjum öðrum.
Jóhanna Jóhannesdóttir,
afgreiðslustúlka:
Mér finnst sjálfsagt að fækka
bönkum á (slandi. I þessu sam-
bandi finnst mér að þaö ætti að
sameina Útvegsbankann hinum
ríkisbönkunum.
Jón Kjartansson,
leigubílstjóri:
Já mér finnst allt of margir bankar
á íslandi. Þetta er eins og með
kirkjurnar.
Jófríður Björnsdóttir,
húsmóðir:
Já þeir eru alltof margir og það
mætti byrja á því að sameina Út-
vegsbankann hinum ríkisbönk-
unum.
FRÉTTIR
Söluskattskilin
20 miljónir afskrífaðar
Vestmannaeyjar eina umdœmið sem ekki afskrifaði söluskatt sl. 3 ár
estmannaeyingar virðast vera ber meðan önnur skattum- verðarfjárhæðiráárunum 1983,
greiða sinn söiuskatt eins og dæmi landsins hafa afskrifað tals- 1984, 1985 og fram til 6. nóvem-
ber 1986. Engar afskriftir á óinn-
heimtanlegum eftirstöðvum söiu-
skatts voru í Vestmannaeyjum á
þessu tímabili, en í fyrra voru af-
skrifaðar yfir 20 miljónir króna á
landinu öllu.
Á árinu 1983 voru afskrifaðar
4,6 miljónir, að magninu til í
Reykjavík eða 3,5 miljónir
króna. Á árinu 1984 námu af-
skriftir 4,2 miljónum, en þá var
ekkert afskrifað í Reykjavík.
Skattumdæmi Reykjaness af-
skrifaði þá 2,4 miljónir króna og
Austurlands tæplega miljón, en
önnur umdæmi minna. í fyrra
námu afskriftir sem fyrr segir ríf-
lega 20 miljónum króna. Hæstar
voru þær í Reykjavík 8,1 miljón
og 7,3 í Reykjanesi, og 2,7 í
Norðurlandi eystra. Á þessu ári
hafa Austfirðingar afskrifað 300
þúsund og Norðurland vestra 500
þúsund krónur en önnur skatt-
umdæmi ekkert ennþá.
Þessar upplýsingar koma fram
í svari f j ármálaráðherra við fyrir-
spurn frá Jóhönnu Sigurðardótt-
ur um söluskattskil. -ÁI
Margrét Bjömsdóttir endurmenntunarstjóri H.l. og Magnús Pétursson hagsýslustjóri: Fjárlaga- og hagsýslustofnun og
endurmenntunardeild H.l. munu sjá um framkvæmd fræðslunnar í sameiningu.
Stjórnsýslufrœðsla
Kennt á ríkiskerfið
Stjórnsýslufrœðsla ríkisins stofnuð. Magnús Pétursson fjárlaga- og hagsýslustjóri:
Fullþörfáþvíaðfræða ríkisstarfsmenn um kerfið ogstarfsemiþess
að sem við erum að fara af
r stað með er vísir að skóla fyrir
rflrisstarfsmenn, svonefnd
Stjórnsýslufræðsla rflrisins,“
sagði Margrét Björnsdóttir
endurmenntunarstjóri Háskólans
i samtali við blaðið að loknum
fundi með um 50 stjórnendum
ýmissa ríkisstofnana um stefnu í
starfsmannamálum og fræðslu
fyrir rflrisstarfsmenn.
Á fundinum sem var haldinn af
Fjárlaga-og hagsýslustofnun,var
kynnt rit stofnunarinnar um
stefnu ríkisins í starfsmannamál-
um og sú ákvörðun að stofna til
sérstakrar fræðslu fyrir ríkis-
starfsmenn um stjómkerfið.
„Það er of mikið að segja að
þetta marki breytta stefnu í
starfsmannamálum, en gerð
þessa rits og stofnsetning
Stjórnsýslufræðslunnar beinist
þó hvorttveggja markvisst í þá
átt,“ sagði Magnús Pétursson for-
stjóri Fjárlaga-og hagsýslusstofn-
unar í samtali við blaðið.
„Hugmyndin að þessu varð
fyrst til vegna á annað hundrað
ábendinga frá ríkisstarfsmönnum
sem hafa haft samband við stofn-
unina og vakið athygli á að það er
þörf á því að kynna fólki betur
hvemig kerfið starfar og hver
staða fólks innan þess er.“
Framkvæmd fræðslunnar verð-
ur í formi námskeiða í samvinnu
við Endurmenntunardeild Há-
skólans og fer fram í húsakynnum
H.í.
-vd.
Afmœlisfyrirlestur
Mímir
40 ára
í tilefni af 40 ára afmæli Mímis,
félags stúdenta í íslenskum
fræðum gengst það fyrir fjöl-
breyttu fyrirlestrahaldi.
í dag kl. 14.00 mun Gísli Sig-
urðsson flytja fyrirlestur í Odda,
stofu 101, sem nefnist: Gelísk
áhrif á íslenska sagnahefð til
forna.
Ýmsir fræðimenn hafa haldið
því fram að írsk sagnahefði hafi
að einhverju leyti mótað íslensk-
ar fornbókmenntir. Um þessar
kenningar mun Gísli fjalla í fyrir-
lestri sínum sem er opinn öllu
áhugafólki.
Blaðamannafélagið
Tilræði við frjálsa fjölmiðlun
Stjórn BÍlýsir furðu sinni á ummœlum viðskiptaráðherra á Alþingi
Stjórn Blaðamannafélags ís-
lands hefur sent Matthíasi
Bjarnasyni viðskiptaráðherra
bréf þar sem lýst er furðu á þeim
ummælum ráðherrans á Alþingi í
vikunni, að hann myndi styðja
setningu laga er skylduðu blaða-
og fréttamenn til að brjóta trúnað
við heimildarmenn sína.
„Það er tilræði við frjálsa fjöl-
miðlun að setja í lög skyldu fjöl-
miðlafólks til að gefa upp heim-
ildir sínar fyrir fréttum. Mörg
mál, sem hafa verið til umræðu
upp á síðkastið, svo sem mál Haf-
skips, Útvegsbankans og Hjálp-
arstofnunar kirkjunnar, ættu að
vera nægur rökstuðningur fyrir
nauðsyn frjálsrar fjölmiðlunar á
íslandi,“ segir í samþykkt stjórn-
ar Blaðamannafélagsins sem
send var viðskiptaráðherra.
Við utandagskrárumræður á
Alþingi á miðvikudag þar sem
rætt var um lekann á Útvegs-
bankaskýrslunni til fjölmiðla
sagðist ráðherra frábiðja sér að
taka upp réttarhöld yfir þeim 16
mönnum sem fengu skýrsluna í
hendur fyrstir manna, en rétta
leiðin væri sú að segja lög sem
gerðu fjölmiðlum skylt að segja
frá heimildarmönnum sínum.
„Ég væri tilbúinn að greiða at-
kvæði með slíkum lögum,“ sagði
Matthías.
Svavar Gestsson sagði í um-
ræðunum á þingi að hann væri
ekki tilbúinn að standa að tillögu
um rannsóknarrétt yfir fjölmiðl-
um. Þá væri Alþingi komið út á
hálan ís. Hitt væri sjálfsagt að
hvetja menn til að virða þann
trúnað sem þeir gengjust undir
með viðtöku trúnaðarskjala.
Reynslan sýndi að ríkisstjórninni
væri ekki treystandi fyrir trúnað-
armálum. Ráðherra hefði verið
nær að afhenda stjórnarandstöð-
unni skýrsluna.
-ÁI./-lg.
2 SÍÐA - ÞJÓÐVILJINN Laugardagur 15. nóvember 1986