Þjóðviljinn - 07.08.1987, Side 2

■SPURNINGIN"
Hvemig leist þér á skatt-
seðilinn þinn?
Vllborg Schram
afgreiðslumaður:
Ég veit nú ekki hverju ég á að svara
þessu, en ég var nú ekki fyllilega
ánægð ef ég á að segja eins og er.
Svo vonar maður að staðgreiðslu-
kerfið komi á næsta ári, það er eðli-
legra kerfi.
Sævar Finnbogason
afgreiðslumaður:
Ég er hress með skattana, þeir eru
mátulega lágir. Persónuafslátturinn
nýttist mér til fulls svo ég er ekkert
spældur.
Gunnar Lárusson bankamaður:
Eins og ég bjóst við, en þó aðeins
verri. Maður tórir þetta nú af samt. Ég
býst við að staðgreiðslukerfið veröi
kýlt í gegn og mér líst betur á slíkt
kerfi.
Jóhanna Blrnlr símamær:
Mjög vel, ég fékk enga skatta enda
vann ég svo lítið síðasta ár. Venju-
lega hefur mér litist mjög illa á skatt-
seðilinn svo þetta er tilbreyting. Jú ég
vil gjarnan fá staðgreiðslukerfi.
Jón Ingvarsson bílstjóri:
Þetta hefur oft verið verra. Verðum
við ekki að taka á vandamálunum
með þeim? Ég veit nú ekki hvernig
þeir ætla að framkvæma stað-
greiðslukerfið, til dæmis hjá sjálf-
stæðum atvinnurekendum.
FRETTIR
Brugftist vi6 hafnleysunni: Bændur una því illa í Barðastrandarhreppi að óskir þeirra um nothæfan lendingarstað
fyrir báta þeirra við Haukabergsvaðal séu virtar að vettugi. Á Breiðalæk nota menn sérsmíðaðan vagn sem ýtt er út í
sjóinn, sem síðan dregur bátinn Þrist BA 5 upp á land með aðstoð 70 hestafla dráttarvél. Um 100 tunnur af hrognum
fengust að meðaltali á hvern bát. 15-20 bátar gerðir út á grásleppu í sumar. Mynd: Sig.
Barðastrandarhreppur
Daufheyrst við
óskum okkar
Kristján Þórðarson á Breiðalœk: 15-20 grásleppubátar gerðir
út. Fengu 100 tunnur afhrognum að meðaltali. Hafnleysa.
Óskir um nothæfan lendingarstað við Haukabergsvaðal ekki
virtar
Aðalhagsmunamál okkar hér í
Barðastrandarhreppi í
Vestur-Barðastrandarsýslu er að
fá nothæfan lendingarstað fyrir
grásleppubátana við Hauka-
bergsvaðai. Þrátt fyrir ítrekaðar
tilraunir til að opna augu þing-
manna okkar og hins opinbera
hefur verið daufheyrst við óskum
okkar. í staðinn er fé veitt til
hafnargerðar við Brjánslæk sem
kemur aðeins 3-4 grásleppuk-
örlum til nota. Við verðum að
notast við dráttarvél sem ýtir þar
til smíðuðum vagni út í sjóinn,
sem báturinn er síðan dreginn
með upp á land. En þar sem oft er
mjög brimasamt hér við strönd-
ina, segir það sig sjálft að ekki er
hægt að stunda þessa útgerð á
bátnum, nema þegar gott er í sjó,
segir Kristján Þórðarson að
Breiðalæk í Barðastrandar-
hreppi.
Að sögn Kristjáns gekk grá-
sleppuvertíðin mjög vel í sumar
og hafa bátarnir fengið að með-
altali um 100 tunnur af hrognum.
Um 15-20 bátar stunduðu grási-
eppuveiðar í sumar, á stærðinni
frá 1,5 tonnum og upp í 8 tonn.
Það eru aðallega bændur í
sveitinni sem stunda þessa út-
gerð, sem þeir hafa snúið sér að í
staðinn fyrir hefðbundinn bú-
skap. Árið 1975 voru 26 bændur í
sveitinni en þeim hefur fækkað
um helming. Ástæðan er að
margir þeirra misstu fullvirðisrétt
sinn, meðal annars vegna niður-
skurðar á fé vegna riðuveiki.
í Krossholti, byggðakjarna
sveitarinnar, var stofnuð hita-
veita á árunum 1978-1980, eftir
að heitt vatn fannst þar á 370
metra dýpi sem skilaði 30 sek-
úndulítrum af 44 gráðu heitu
vatni. í framhaldi af því var stofn-
að fyrirtækið Klif Vf fyrir
skreiðarþurrkun í 300 fermetra
húsnæði, en þvíhefur verið lokað
vegna mistaka og afglapa stjórn-
ar kaupfélagsins á Patreksfirði.
Einnig er í Krossholti saumastof-
an Strönd Vt sem saumar fyrir
Álafoss. íbúar í hreppnum eru
180.
-grh
Flatey á Breiðafirði
Gott á grá-
sleppunni
Hafsteinn
Guðmundsson: íbúar
sex talsins. 200 tunnur af
hrognum. Dúnhreinsun
Grásleppuvertíðin gekk mjög
vel hjá okkur í ár og við
fylltum 200 tonnur af hrognum.
Þetta er skásta vertíðin um ára-
bil. Við erum þessa dagana að
hreinsa æðardún, og ef að likum
lætur verður það 20-25 kfló af
dún sem við fáum af æðarvarp-
inu, segir Hafsteinn Guðmunds-
son í Flatey á Breiðafírði.
Byggðin í Flatey man sinn fífil
fegri hér áður fyrr, en nú eru ekki
nema 6 manns með fasta búsetu
þar. 4. júlí síðastliðinn var Flat-
eyjarhreppur sameinaður fjórum
öðrum hreppum í eitt sveitarfé-
lag. Höfuðstaður hins nýja
sveitarfélags er á Reykhólum í
Reykhólahreppi. Flateyjarhepp-
ur var þó ekki sá fámennasti því í
einum hreppi í Austur-Barða-
strandarsýslu var aðeins einn íbúi
í einum hreppnum, sem samein-
aður var.
Bátafloti eyjarskeggja saman-
stendur af tveimur Sóma 800
plastbátum, 6,5 tonn hvor, og
einum 11 tonna báti. Pá eru Flat-
eyingar með um eitt hundrað
kindur og að sjálfsögðu með
kvóta þar sem og í öðru. Enginn
skóli er starfræktur í eynni þar
sem nú eru þar engin börn á
skólaskyldualdri. Töluvert hefur
verið um ferðamenn í eynni, en
þó mest, eins og undanfarin
sumur, er þar um fólk sem hefur
aðstöðu í þeim húsum sem fyrir
eru í eynni. Allir aðflutningar til
eyjarinnar fara fram með flóa-
bátnum Baldri og nota menn
símann til að panta sér það sem
þarf frá Stykkishólmi. Húsin eru
kynt með olíu.
Að sögn Hafsteins verður ekk-
ert um dansleiki í samkomuhús-
inu um þessa verslunarmanna-
helgi þar sem það hefur verið lagt
undir kvikmyndatöku á mynd-
inni um Nonna og Manna undir
leikstjórn Ágústs Guðmunds-
sonar, sem tekin verður þar í
sumar að hluta. -grh
Sagnfrœði
Þjóðaitrot og innflytjendaliópur
Norrœntsagnfrœðiþing ífyrsta skipti á íslandi. Búist við um 250þátttakendum
þing
Tuttugasta þing norrænna
sagnfræðinga verður haldið
Reykjavík í næstu viku, dagana
tíunda til fjórtánda ágúst nánar
tiltekið. Þetta er í fyrsta skipti
sem íslendingar verða í gestgjafa-
hlutverkinu, en þing þessi hafa
verið haldin allt frá árinu 1905.
Þorsteinn Helgason er fram-
kvæmdastjóri þingsins en undir-
búningsnefndina skipa Gunnar
Karlsson, Ingi Sigurðsson, Anna
Agnarsdóttir, Helgi Skúli Kjart-
ansson og Eggert Þór Bernharðs-
son.
Að sögn Þorsteins hafa íslensk-
ir sagnfræðingar tekið þátt í þing-
um þessum frá því um það bil
1920, en að vonum með hléum.
Þá ber það til tíðinda að Færey-
ingar eru nú með í fyrsta skipti
sem sjálfstæður aðili, en fram til
þessa hafa færeyskir sagnfræð-
ingar verið partur af dönsku
nefndinni.
Þrjú viðfangsefni verða eink-
um reifuð á þinginu: Heimildir
um tímabilið 800-1050 í norrænni
sögu; þjóðarbrot, innflytjenda-
hópar og staða þeirra á Norður-
löndum á síðustu tveimur öldum,
og Lífskjör á Norðurlöndum
1750-1918. Sagnfræðistofnun
Háskóla íslands hefur gefið út á
bókum erindi þau sem hér um
ræðir.
Að sögn Þorsteins er búist við
250 þátttakendum eða þar um
bil, og giskar hann á að þar á
meðal verði 50-60 íslendingar,
sagnfræðingar og nemar.
Ekki þurfa áhugamenn um
sagnfræði að veifa prófskírtein-
um til að fá inngöngu á þingið.
Þátttökugjaldið er 3.500 krónur
og fer skráning fram í Odda á
sunnudaginn. Innifaldar í þátt-
tökugjaldinu eru bækur þær um
aðalefnin sem drepið var á.
HS
2 SÍÐA - ÞJÓÐVILJINN Föstudagur 7. ágúst 1987