Þjóðviljinn - 19.08.1987, Blaðsíða 3

Borgarráð
Opnunartíma
frestað
Davíð vill bíða eftir
fullskipaðri borgar-
stjórn. Skilafrestur at-
hugasemda vegna að-
alskipulags lengdur
Borgarráð samþykkti í gær til-
lögu Davíðs Oddssonar borg-
arstjóra að fresta síðari umræðu
um tillögu Árna Sigfússonar og
fleiri borgarfulltrúa Sjálfstæðis-
flokksins um rýmkaðan af-
greiðslutíma verslana, þar til
borgarstjórn kemur saman eftir
sumarleyfi 3. september n.k.
Skiptar skoðanir eru meðal
fulltrúa Sjálfstæðismanna um
lengingu afgreiðslutímans og
borgarstjóri því ekki tilbúinn að
láta afgreiða málið fyrr en full-
skipuð borgarstjórn tekur aftur
við störfum í næsta mánuði.
Á fundi borgarráðs í gær var
jafnfram samþykkt tillaga full-
trúa minnihlutans um að fram-
lengja frest til að skila inn athuga-
semdum við nýtt aðalskipulag
borgarinnar fram til 23. septemb-
er nk. en fresturinn hefði að öðr-
um kosti runnið út í dag. _ |g_
FRE1TIR
Smásöluverslun
Hirðir Krínglan aukninguna?
Veltan ísmásöluversluninni jókst umlOtil 13% á síðasta ári. Magnús Finnsson
framkvœmdastjóri Kaupmannasamtakanna: Þróunin mjöghröð oghlýturað
hafa áhrifá afkomu margra verslana
Það er ákveðin þróun sem á sér
stað í smásölu alis staðar í
heiminum. Formið er að breytast
frá hinni hefðbundnu verslun yfir
í staði með margar verslanir,
sagði Magnús Finnsson fram-
kvæmdastjóri Kaupmannasamt-
akanna þegar blaðið innti hann
eftir þeim áhrifum sem tilkoma
Kringlunnar hefði í för með sér.
Með Kringlunni bætast um 9%
verslunarrýmis við það sem fyrir
er, og forsvarsmenn verslunar-
samstæðunnar gera sér vonir um
að ná 13% af smásöluversluninni
i sinn hlut. Magnús sagði að velt-
an í smásöluverslunínni hefði
verið nálægt 22 milljörðum árið
1984, tæplega 31 milljarður ’85 og
um 42 milljarðar í fyrra eftir því
sem best væri vitað. í prósentum
talið samsvara þessar tölur 4 til 5
prósent raunaukningu í magni
milli ára ’84 og ’85 og 10 til 13
prósentum milli áranna ’85 og
’86. „í ljósi þessa má ætla að
Kringlumenn ætli sér að selja
væntanlega aukningu," sagði
Magnús, „og mætti álykta út frá
þessu að tilkoma Kringlunnar
hefði ekki ýkja mikil áhrif. En því
er ekki að leyna að þessi þróun
hefur gerst mjög hratt hérna, og
er óneitanlega sjokk fyrir smá-
söluverslunina og hlýtur að hafa
áhrif á afkomu margra verslana".
Magr.ú; var spurður hvernig
kaupmanninum á horninu reiddi
af, og sagði hann að hann væri í
hættu alls staðar. „Pað sem við
höfum gert hér á landi er að
styrkja stöðu hans með því að
efla innkaupasambönd og að-
drætti. Við reynum að sjá til þess
að smákaupmenn njóti sömu eða
svipaðra kjara og stóru aðilarnir.
Því miður hefur okkur þó ekki
tekist eins vel og við ætluðum í
þessum efnum,“ sagði Magnús.
í þessu sambandi sagði Magn-
ús að það væri enginn
pilsfaldaskapítalismi í því fólginn
að leita til borgaryfirvalda til að
létta ýmsum álögum af smákaup-
mönnum, en þeir borga til að
mynda hátt aðstöðugjald. „Það
þarf að koma til móts við þá sem
eiga óhægt um vik að komast úr
sínu hverfi til að versla. Þessar
hugmyndir höfum við kynnt
borgaryfirvöldum og fengið já-
kvæðar undirtektir, enda nýtur
málstaður kaupmannsins á horn-
inu samúðar,“ sagði Magnús.
HS
Þórshaninn
Aðeins 45 pör
sem fundust
Iumfangsmikilli könnun á fjölda
og útbreiðslu þórshana hér á
landi sem gerð var í sumar á veg-
um Fuglaverndunarfélagsins og
Náttúrufræðistofnunar fundust
aðeins 45 pör af fuglinum dreifð
um allt land. Yfirleitt voru aðeins
örfá pör á hverjum stað.
Telur Fuglaverndunarfélagið
fulla ástæðu til að vera uggandi
um framtíð þórshanans hérlendis
og leitar nú leiða til að tryggja
framtíð þessarar fuglategundar á
íslandi.
Útvegsbankamálið
Ættarveldi íhaldsins sameinast
*
Þverskurður afefsta lagi Sjálfstæðisflokksins sameinast um tilboð í Útvegsbankann
Þrjátíu og þrjú fyrirtæki og ein-
staklingar sameinast um til-
boð í Útvegsbankann var fyrir-
sögn dagsins í gær. En hvaða fyr-
irtæki og einstaklingar eiga þar í
hlut? Er það almenningur, einsog
fyrrverandi viðskiptaráðherra,
Matthías Bjarnason, kysi helst að
ætti bankann, sem stendur að til-
boðinu? Gefur þessi hópur breiða
mynd af fyrirtækjum í útvegi og
öðrum atvinnugreinum?
Svarið er nei. Hér hefur gamla
ættarveldi íhaldsins tekið sig sam-
an með „óskabarn þjóðarinnar“
Eimskip í fararbroddi, og sam-
einast í tilboði þessu.
Lítum aðeins nánar á þá aðila
sem standa að tilboðinu.
Eimskip
Eimskipafélag íslands á stærst-
an hlut í tilboðinu, eða 100
milljónir króna. Þykir reyndar
ýmsum að fjárhagur fyrirtækisins
sé með eindæmum góður þar sem
félagið hefur nýverið keypt
stærsta hluta þrotabús Hafskips.
í stjórn Eimskips sitja m.a.
þeir Halldór H. Jónsson, sem er
stjórnarformaður, Indriði Páls-
son, varaformaður, Thor Ó.
Thors, Jón Ingvarsson og Bene-
dikt Sveinsson.
Þeir Halldór H. og Thor Ó. eru
svo einu einstaklingarnir sem eru
aðilar að tilboðinu, en þeir eiga
hvor um sig 25 milljónir í pakkan-
um. Undir tilboð þeirra skrifar
svo Indriði Pálsson, varaformað-
ur stjórnar Eimskips og forstjóri
og stjórnarformaður Skeljungs,
sem á 40 milljón króna hlut í fé-
laginu. Halldór H. Jónsson situr
einnig í stjórn Skeljungs auk þess
sem hann er stjórnarformaður ís-
lenskra aðalverktaka, en fram-
kvæmdastjóri þeirra er Thor Ó.
Thors.
í stjórn Eimskips situr einnig
Jón Ingvarsson, sem á sæti í
stjórn Granda, sem á 20 milljónir
í púkkinu, auk þess sem Síldar-
og fískimjölsverksmiðja Reykja-
víkur, sem að meirihluta til er í
eigu Granda, á 20 milljónir.
Undir þessi tilboð skrifar Ragnar
Júlíusson, borgarfulltrúi íhalds-
ins í Reykjavík og stjórnarfor-
maður Granda.
H.Ben œttin
Benedikt Sveinsson, stjórnar-
maður í Eimskip, er formaður
stjórnar Sjóvá og skrifar undir 10
milljón krónur sem Sjóvá á í til-
boðinu. í stjórn Sjóvá eiga auk
þess sæti Ingvar Vilhjálmsson,
faðir Jóns Ingvarssonar hjá
Granda og Eimskip.
Björn Hallgrímsson, bróðir
Geirs Hallgrímssonar, fyrrver-
andi ráðherra Sjálfstæðisflokks-
ins og sonur Hallgríms Benedikts-
sonar, bróður Sveins Benedikts-
sonar föður Benedikts Sveins-
sonar. á einnig sæti í stjórn Sjóvá.
H. Benediktsson hf er svo með
5 milljón króna hlut í tilboðinu og
skrifar Björn undir þann hlut.
SHog
Tryggingamiðstöðin
Sölumiðstöð Hraðfrystihús-
anna og Tryggingamiðstöðin eru
samanlagt með jafn stóran hlut í
tilboðinu og Eimskip, eða 50
milljónir hvort fyrirtækið fyrir
sig. Samnefnari þessara tveggja
fyrirtækja og Eimskip nefnist Jón
Ingvarsson, en hann er stjórnar-
formaður SH auk þess sem hann
situr í stjórn Tryggingamiðstöðv-
arinnar, Eimskip og Granda.
Auk Jóns eiga sæti í stjórn SH
Aðalsteinn Jónsson (Alli ríki á
Eskifirði), en Hraðfrystihús Esk-
ifjarðar, sem Aðalsteinn stýrir á
10 milljónir í tilboðinu. Þá má
nefna Guðmund Karlsson fyrrum
þingmann Sjálfstæðisflokksins og
Agúst Einarsson, Sigurðssonar
ríka, stórútgerðarmanns og fyrr-
verandi alþingismanns Sjálfstæð-
isflokksins.
Ágúst skrifar undir 15 milljón
króna hlut Hraðfrystistöðvar
Reykjavíkur. Bróðir hans Sig-
urður Einarsson, forstjóri Hrað-
frystistöðvar Vestmannaeyja,
sem á 35 milljónir af tilboðinu,
situr í stjórn Tryggingamiðstöðv-
arinnar.
Undir tilboð Tryggingamið-
stöðvarinnar skrifar Gísli Ólafs-
son, formaður kjördæmaráðs
Sjálfstæðisflokksins á Reykja-
nesi.
Bankarnir
Tveir bankar standa einnig að
tilboðinu, báðir með 50 milljónir.
Það eru Iðnaðarbankinn, en for-
maður bankaráðs hans er Davíð
Scheving Thorsteinsson, mið-
stjórnarmaður Sjálfstæðisflokks-
ins. í bankaráðinu situr einnig
Brynjólfur Bjarnason, forstjóri
Granda.
Formaður bankaráðs Verslun-
arbankans er Árni Gestsson, sem
á Globus, en Globus á 5 milljónir
af tilboðinu og skrifar Árni bæði
undir tilboð fýrirtækis síns og
bankans.
í bankaráði Verslunarbankans
er einnig Guðmundur H. Garð-
arsson, þingmaður Sjálfstæðis-
flokksins og blaðafulltrúi Sölu-
miðstöðvarinnar. Hann er einnig
áhrifamikill innan stjórnar Líf-
eyrissjóðs verslunarmanna, sem
skrifar upp á 60 milljónir af til-
boðinu.
Minni spámenn
Tengsl Sjálfstæðisflokksins við
flesta aðra sem hlut eiga í máli
eru yfirleitt augljós. Þannig er
Gísli Jón Hermannsson, sem
skrifar undir 25 milljón króna
hlut Ögurvíkur, bróðir Sverris
Hermannssonar fyrrverandi ráð-
herra. Dagbjartur Einarsson,
sem skrifar undir 10 milljón
króna hlut Fiskaness í Grindavík,
er áhrifamaður í Sjálfstæðis-
flokknum á Reykjanesi.
Svona mætti halda áfram upp-
talningunni, Hekla og Sigfús-
synir, Soffanias Cecilsson í
Grundafirði o.s.frv., o.s.frv.
Sé Sambandið tengt Framsókn
augljósum böndum er þessi þver-
skurður af einkageiranum ekki
síður tengdur íhaldinu. Almenn-
ingur er því alveg út úr myndinni
hver sem niðurstaða viðskipta-
ráðherra og ríkisstjórnarinnar
verður.
-Sáf
Ml&vikudagur 19. ágúst 1987 ÞJÓÐVILJINN - S(ÐA 3