Þjóðviljinn - 29.08.1987, Blaðsíða 11

BRLENDAR FRÉTTIR
Filippseyjar
BlóðbaðT Manilu
Að minnsta kosti29féllu og 100slösuðustíbardögum 800 uppreisnarmanna og dáta stjórnarinnar
í og við höfuðborgina í gær
Drottinhollir dátar leggja til atlögu viö uppreisnarmenn I Manilu í gær.
Afvopnun
Hvor vísar
á annan
Talsmenn beggja risaveldanna
segja tilboð Helmuts Kohls
um eyðingu 72 Pershing-IA
flauga Vestur-Þjóðverja auka lík-
ur á samningi um alheimseyðingu
meðaldrægra kjarnflauga sinna.
En hvor tveggja staðhæflr þó að
allt velti nú á því að mótaðilinn
taki af skarið.
Sovétmenn kváðu hafa óskað
eftir að Bandaríkjamenn greindu
þeim frá því hvað þeir hefðu í
hyggju að gera við kjarnoddana
72 sem heyra til flaugum sam-
bandsstjórnarinnar en þær eru í
vörslu þeirra. Reagan á semsagt
næsta leik að þeirra mati.
Vestan Atlantsála er viðhorfið
annað einsog vera ber. Banda-
ríkjamenn fullyrða að hin
rausnarlega flaugafórn Kohls og
nýjar tillögu þeirra sjálfra um eft-
irlit með svindli sé hvort tveggja
undanlátssemi við Kremlverja.
Nú eigi þeir leik!
- ks.
Yfírmenn hers Filippseyja lýstu
því yfir seint í gær að sveitir
uppreisnarmanna í aðalstöðvum
hersins, Aguinaldo búðum, og við
nokkrar útvarps- og sjónvarps-
stöðvar hefðu verið brotnar á bak
aftur og stjórnarherinn hefði
bæði töglin og hagldirnar í höfuð-
borginni.
Þetta var fimmta og jafnframt
blóðugasta uppreisn hermanna á
Filippseyjum frá því Corazon
Aquino settist við stjórnvölinn
fyrir átján mánuðum. Að
minnsta kosti 31 maður lét lífið
og 100 særðust. í hópi hinna
föllnu voru fréttamaður frá Nýja
Sjálandi og fimm úr lífverði fors-
etans. Einn hinna særðu er einka-
sonur forsetans, Benigno Aqu-
ino.
Ekki er vitað nákvæmlega
hvað liðhlauparnir höfðu í hyggju
en fyrirliði þeirra, fyrrum náinn
samstarfsmaður Juans Ponce
Enriles stjórnarandstöðuleið-
toga, kvað hafa farið fram á af-
sögn Aquinos en óljóst var hver
átti að taka við, Markos, Enrile
eða hann sjálfur?
Einsog skýrt hefur verið frá
hófst uppreisnin í fyrrakvöld er
um 300 dátar slógu hring í kring-
um forsetahöllina og reyndu að
ryðjast inn. Árásinni var hnekkt
og flúðu þeir þá inní Aguinaldo
búðirnar þar sem samherjar voru
fyrir.
Skömmu fyrir hádegi réðust
síðan hersveitir hollar stjórninni
til atlögu og um tíma lék allt á
reiðiskjálfi er sprengjum úr
skriðdrekum og fallbyssum
rigndi yfir búðirnar. Eftir snarpa
bardaga gáfust liðhlauparnir upp
en foringi þeirra komst undan í
þyrlu. Uppreisnarmenn á öðrum
stöðum í höfuðborginni lutu
einnig flestir í lægra haldi fyrir
stjórnarliðum en þó veittu ýmsir
smáhópar enn viðnám síðast er
fréttist. Bardagarnir í gær munu
hafa verið þeir mestu í Manilu frá
því í síðari heimsstyrjöld. - ks.
Kvikmyndir
Snillingur yfirgefiir
hvíta tjaldið
LátinnJohn Huston, höfundur Möltufálkans, Sierra Madre-fjársjóðsins,
Fat City og Heiðurs Prizzianna. „Maður á ekki að leyfa sér að leiðast“
Igær lést á spítala í Massachus-
etts John Huston, 81 árs, einn
af fremstu kvikmyndaleik-
stjórum bandarískum í hálfa öld.
Huston (frb. höston) hóf kvik-
myndaferil sinn með perlunni um
Maltverska fálkann 1941 með
Bogart í aðalhlutverki og af öðr-
um myndum er ekki hægt annað
en að nefna Fjársjóðinn í Sierra
Madre (líka Bogart), Key Largo
(Bogart og Edward G. Robin-
son), The Misfits (Marilyn Monr-
oe, eftir leikriti Artúrs Millers),
Afrísku drottninguna (Bogart og
Katrín Hepburn), Fat City og
Heiður Prizzianna, sem var síð-
asta mynd gamla mannsins og ein
af þeim allra bestu, tengdasonur-
inn Jack Nicholson í aðalhlu-
tverki glæfralegs mafíósa, eitt af
aukahlutverkunum í höndum
dótturinnar Anjelicu.
Ferill Hustons var viðburða-
ríkur mjög; hann var boxari, rit-
höfundur, ofursti í Mexíkóher,
myndhöggvari, málari, blaða-
maður, veiðimaður, barðist í
seinni heimsstyrjöldinni, -en hóf
feril sinn sem sviðs- og kvik-
myndaleikari og tók upp þann
þráð aftur seinna á ævinni, til
dæmis í Chinatown Polanskis.
Huston kom illa saman við
mógúlana í kvikmyndaverunum
enda urðu sumar mynda hans illa
úti í lokaklippingum fjármálabé-
John Huston: „Samsettur úr því sem
heillar mig“
usa, og hann stóð iðulega útí
kanti í Hollywood-selskapnum,
drakk með ævintýramönnum
einsog Bogart og Hemingway.
Þegar galdraofsóknir McCarthy-
tímans stóðu sem hæst fór hann
úr landi og settist um tíma að á
írlandi og varð þar ríkisborgari.
Hann kvæntist fimm sinnum, -og
sagði í viðtali fyrir nokkrum árum
að helsti lærdómur sinn af lífinu
væri að maður eigi ekki að leyfa
sér að leiðast, heldur breyta hik-
laust til þegar áhuginn á viðfangs-
efninu er horfinn, „ég er samsett-
ur úr því sem heillar mig“.
Þótt Huston sé viðurkenndur
einn af bestu kvikmynda-
mönnum sögunnar er erfitt að
sérkenna verk hans með einni
setningu, til þess er ferillinn alltof
fjölbreyttur. Hann lagði mjög af
mörkum til kvikmyndatækninnar
og mótaði sérstakan afskipta-
lítinn samstarfsstíl við leikara
þannig að hið besta sem þeir áttu
laðaðist fram, -og einna helst
þemu í verkum hans eru annars
vegar utangarðsmaðurinn,
gullgrafarinn í Sierra Madre,
boxarinn í Fat City, - hins vegar
hin miskunnarlausa græðgi þvert
á tilfinningar. í fyrstu mynd Hu-
stons neitar spæjarinn ást sinni til
sökóttrar konu, - í síðustu mynd-
inni verða hagsmunir ýmissa maf-
íudeilda yfirsterkari heitu ástar-
sambandi.
Huston varð til þess ásamt kol-
legum á borð við Howard Hawks
og John Ford að brúa bilið á milli
spennuiðnaðar í B-myndum og
raunverulegrar kvikmyndalistar,
að sameina almenna höfðun og
handbragð snillingsins, - ekki síst
þessvegna verður ekki minnst á
hina sérlegu listgrein 20. aldar-
innar af viti nema nafn hans sé
nefnt í leiðinni. _ m
NÚ líður mér vel!
Ljósaskoðun
LAGU

Útboð
Sm Hólavegur, Hjaltadalsvegur rn um Hóla 1987
Vegagerð ríkisins óskar eftir tilboðum í ofangreint verk. Lengd vegarkafla 4,7 km, magn 34.000 m3. Verki skal lokið 1. júlí 1988. Útboðsgögn verða afhent hjá Vegagerð ríkisins á Sauðárkróki og í Reykjavík (aðalgjaldkera) frá og með 1. september n.k. Skila skal tilboðum á sömu stöðum fyrir kl. 14.00 þann 14. september 1987.
Vegamálastjóri
Eiginmaður minn, faðir okkar og tengdafaðir
Guðjón Klemenzson
læknir
lést á Borgarspítalanum 26. ágúst
Margrét Hallgrímsdóttir
Margrét J. Guðjónsdóttir Ólafur Marteinsson
Auðbjörg Guðjónsdóttir Guðmundur Arnaldsson
Hallgrímur Guðjónsson Ragnheiður Haraldsdóttir
Guðný Védís Guðjónsdóttir Olafur Marel Kjartanss.
Laugardagur 29. ágúst 1987 ÞJÓÐVILJINN - SlÐA 11