Þjóðviljinn - 15.10.1987, Side 2

Ragnheiður Arngrímsd.
verslunarmaður:
Nei ég ætla ekki að setja nagla-
dekk undir. Ég nota gróf vetrar-
dekk. Við sem keyrum á jeppum
þurfum ekki nagladekk. Þar að
auki er ég alfarið á móti nöglun-
um.
Halldór Guðbjarnarson:
Nei. Ég er á fjórhjóladrifnum bíl
og læt það nægja. Ég er sam-
mála gatnamálastjóra og er á
móti nöglunum vegna þeirra
skemmda sem þeir valda á göt-
um borgarinnar.
Magnús Arnaids:
Ég skipti ekki yfir á naglana á
morgun. annars á ég góð vetrar-
dekk. Það getur vel verið að ég
láti þau duga.
Hulda Sigurðardóttir,
verslunarmaður:
Ég set naglana ekki undir alveg
strax. Ég hugsa að það verði ekki
fyrr en eftir næstu helgi. Ég hef
trú á nöglurtfum og finn stórmun á
þeim í hálku og ónegldum hjól-
börðum.
—SPURNINGIN—
Ætlar þú aö setja nagla-
dekkin undir í vetur?
Gunnlaugur Sigurðsson,
framkvæmdastjóri:
Ég hef haft það fyrir sið að vera
seinastur að skipta af sumar-
dekkjum yfir á nagladekkin og
ætli það verði ekki eins nú.
FRÉTTIP
Matarskatturinn
Stóð illa í Jóni
Svavar Gestsson: Jón Baldvin kemur aftan að kjósendum sínum með
matarskattinum. Jón Baldvin Hannibalsson: Svavar Gestsson átti sœti íríkisstjórn
sem ber ábyrgð á þessu vitlausa kerfi
að fór mjög fyrir brjóstið á
Jóni Baldvini Hannibalssyni,
fjármálaráðherra, þegar Svavar
Gestsson spurði hann á Alþingi í
gær, hvar það hefði staðið í
stefnuskrá Alþýðuflokksins að
fyrstu aðgerðir flokksins í ríkis-
stjórnarsamstarfi yrðu að leggja
á nýjan matarskatt.
„Ekki var það kynnt í fundar-
herferð formanns Alþýðuflokks-
ins um landið, að ef Alþýðu-
flokkurinn fengi einhverju ráðið
þá yrði byrjað á því að leggja á
matarskatt. Formaður Alþýðu-
flokksins kemur því aftan að
kjósendum sínum, það er kjarni
málsins," sagði Svavar.
Jón Baldvin svaraði fyrir sig og
sagði að á ferð sinni um landið
hefði hann kynnt hugmyndir
sínar um einföldun söluskatts-
kerfisins. Sagði hann að þessi
ummæli kæmu úr hörðustu átt,
því Svavar Gestsson bæri ábyrgð
á því kolvitlausa söluskattskerfi,
sem hefði stóraukið skattsvik í
landinu. „Þau lög voru sett í tíð
úrræðalausustu og vitlausustu
ríkisstjórnar sem setið hefur í
landinu." Þetta þótti Svavar
merkur dómur um ríkisstjórn
sem Alþýðuflokkurinn átti þátt-
töku í. Eiður Guðnason tók hins-
vegar undir þessi orð formanns
síns að þetta hefði verið úrræða-
laus og vitlaus ríkisstjórn, enda
hefðu kratar sagt sig úr henni.
Umræður þessar komu eftir að
Svavar Gestsson hafði mælt fyrir
frumvarpi um Skattadóm og
rannsókn skattsvikamála. Jóni
Baldvini þótti rétt að útskýra til
hvaða aðgerða ríkisstjórnin
hyggðist grípa, en það er fyrst og
fremst með einföldun skattakerf-
isins og afnámi undanþága.
Þetta þóttu Svavari ekki nógu
skýr svör og sagði að það væri
ekki nóg að afnema undanþágur
af söluskatti á matvæli og á að-
flutningsgjöldum á bflum til fatl-
aðra. Það þyrfti að afnema und-
anþágur íýrirtækjanna. Spurði
hann hvenær von væri á ríkis-
stjórnarfrumvarpi um skattlagn-
ingu fyrirtækja.
Jón Baldvin svaraði því ekki og
sagði Svavar þá að það væri að-
dáunarvert hversu vel hefði tekist
við að skipta um forrit í Jóni
Baldvini eftir að hann komst í rík-
isstjórn.
í framhaldi af þessari umræðu
mælti Svavar svo fyrir frumvarpi
um breytingu á lögum um tekj-
uskatt og eignarskatt, þar sem
lagt er til að dregið verði úr frá-
dráttarheimildum fyrirtækja auk
þess sem framtöl einstaklinga
verða einfölduð mjög.
-Sáf
Matarskatturinn stóð í fjármálaráðherra á þingi í gær.
Almannatryggingar
Dagpeningar stórhækki
Guðrún Helgadóttir mæltifyrir frumvarpi um að dagpening-
ar einstaklinga jafngildi lágmarkslaunum
Guðrún Helgadóttir mælti í gær
fyrir frumvarpi um breytingu
á lögum um almannatryggingar,
þar sem gert er ráð fyrir að fullir
dagpeningar fyrir einstakling
jafngildi lágmarkslaunum ófag-
Iærðs verkafólks fyrir átta stunda
dagvinnu, einsog þau eru á hverj-
um tíma.
Auk þess skal greiða 4% af
framangreindum launum fyrir
hvert barn undir 18 ára aldri, þar
með talin börn utan heimilis, sem
bótaþegi sannanlega greiðir með
samkvæmt meðlagsúrskurði eða
skilnaðarleyfisbréfi.
Frumvarpið var flutt á síðasta
þingi en ekki útrætt þá.
í greinargerð með frumvarp-
inu segir að sjúkradagpeningar
hafí um árabil verið svo lág upp-
hæð að erfitt sé að koma auga á
hvernig tekjulausum einstaklingi
sé ætlað að draga fram lífið af
þeim. Frá 1. október í ár fær mað-
ur, sem verður tekjulaus vegna
veikinda, rúmar 10 þúsund krón-
ur á mánuði og tæpar þr j ú þúsund
krónur með hverju barni.
Þá er í frumvarpi Guðrúnar
gert ráð fyrir að numið verði úr
gildi það ranglæti að mæðralaun
skerði sjúkradagpeninga, hafi sá
sem þeirra nýtur verið heima-
vinnandi.
„Upphæðir sjúkradagpeninga
eru ljótur blettur á því félagslega
öryggi sem almannatrygginga-
kerfinu er ætlað að veita og brýn
þörf á að úr verði bætt. Það væri
verðugt verkefni fyrir nýkjörið
Alþingi, sem nú hefur störf, að
má hann burt. Kjör sjúklinga,
sem undir Iæknishendi eru og
eiga ekki kost á öðrum trygging-
um en sjúkradagpeningum, eru
langt frá öllu velsæmi,“ sagði
Guðrún þegar hún fylgdi frum-
varpinu úr hlaði. ASáf
Námslán
Raunvextir boðaðir
Jón Baldvin Hannibalsson,
Ijármálaráðherra, telur eðli-
legt að endurgreiðslur af náms-
lánum væru verðtryggðar og beri
lágmarks raunvexti.
Þetta kom fram á blaðamanna-
fundi sem haldinn var til að
kynna fjárlagafrumvarpið fyrir
1988. Samkvæmt frumvarpinu
hækka framlög til lánasjóðsins úr
tæpum milljarði í einn og hálfan
milljarð króna. Áður hefur Lán-
asjóðurinn þurft að taka heil-
mikið fé að láni til að standa
undir skuldbindingum og að sögn
Jóns Baldvins stendur sjóðurinn
ekki undir meiri lántökum. Því
var ákveðið að gera þá breytingu
nú að hækka verulega framlög til
sjóðsins.
„í framhaldi af þeim breyting-
um tel ég eðlilegt að sú breyting
verði gerð á endurgreiðslum lána
til sjóðsins, að þær verði verð-
tryggðar með lágmarksraunvöxt-
um,“ sagði Jón Baldvin.
Framsóknarmenn hafa lýst yfir
andstöðu við hugmyndir um vexti
á námslán.
-Sáf
Nýr maður
hjáVSÍ
Prentvillupúkinn kom-
inn á mála í Garðastrœt-
inu. Breytir l íh og
brenglar Þjóðviljafrétt
Lesendur Þjóðviljans hafa ef-
laust furðað sig nokkuð á þeirri
staðhæfingu á forsíðu blaðsins í
gær að ein meginforsenda nýrra
fjárlaga væri almenn kauphækk-
un. Hér stjórnaði penna fjandvin-
ur okkar prentvillupúkinn sem
virðist kominn á mála hjá VSÍ,
nema hann sé orðinn aðstoðar-
maður fjármálaráðherra.
Stafurinn 1 í upphaflegum texta
breyttist í h, og snerist því fyrir-
sögnin við, - þar átti auðvitað að
standa að kauplækkun væri ein af
helstu forsendum fjárlaganna,
sem gera ráð fyrir 10 prósent
verðbólgu á næsta ári en aðeins 7
prósent hækkun á kaupinu.
Ný
Húsfriðun
nefhd
Menntamálaráðherra hefur
skipað í Húsafriðunarnefnd til
næstu fjögurra ára.
í nefndinni eiga sæti: Þór
Magnússon þjóðminjavörður,
Hörður Ágústsson listmálari,
Þorsteinn Gunnarsson arkitekt!
Sturla Böðvarsson bæjarstjóri og
Guðmundur Gunnarsson arki-
tekt.
2 SÍÐA - ÞJÓÐVILJINN Flmmtudagur 15. október 1987