Þjóðviljinn - 16.01.1988, Blaðsíða 4
Lúðrablástur eftir fiðluleikinn
„Róm brennur," sagði Steingrímur Her-
mannsson í lok ræðu sinnar á Framsóknarfundi
í fyrrakvöld. Formaður Framsóknarflokksins,
sem nú er utanríkisráðherra, áður forsætisráð-
herra, þar áður sjávarútvegsráðherra og enn
áður dómsmálaráðherra, - hefur setið nær
samfellt í ríkisstjórn síðan árið 1978 -, honum
finnst núna að eitthvað verði að gerast í efna-
hagsmálunum, helst næstu vikurnar, annars
vakni menn upp í rjúkandi rústum.
Tíminn sem hinn margfaldi ráðherra notar til
þessarar yfirlýsingar um eldinn í Rómaborg er
athyglisverður, - nefnilega sama kvöldið og
einhverri lengstu hausttörn alþingis lýkur og
komið frammí janúar. Steingrímur Hermanns-
son hefur sumsé annaðhvort ekki orðið var við
neistaflugið neðanúr þingi eða fundist ein-
hvernveginn ósmekklegt að kalla á slökkviliðið
úr ræðustól hinna þjóðkjörnu.
Það er hinsvegar rétt hjá Steingrími að eldur
er laus í efnahagslífinu. Verðhækkanir í des-
embermánuði jafngilda 55% verðbólgu á ári.
Stjórnvöld hafa ekkert taumhald á fjármagns-
markaðnum og síðustu ár og misseri hafa ein-
kennst af gríðarlegum fjárfestingum, ekki síst
opinberum, meðal annars í frægum monthús-
um. Ríkisstjórnin hefur lagt á alþýðu manna
gríðarlega skatta, þar á meðal hinn illræmda
matarskatt sem þyngir verulega byrðar þeirra
sem síst máttu við áður. Frammundan eru
kjarasamningar þarsem launamenn búast til að
sækja sinn hlut refjalaust. Enda ekki á aðra að
treysta: síðasta ríkisstjórn sveik sín loforð í síð-
ustu samningum og núverandi ríkisstjórn hefur
beinlínis spillt fyrir næstu samningum með verk-
um sínum - og aðgerðaleysi - í verðlags-,
skatta- og peningamálum.
Einsog Olafur Ragnar Grímsson benti á í
Sjónvarpinu nú í vikunni er þessi eldsvoði ekki
síst því að kenna að oddvitar Sjálfstæðisflokks
og Framsóknarflokks tóku þann kostinn í upp-
hafi árs að reyna að dylja vandann fyrir hæst-
virtum kjósendum. Þeir gáfu til kynna fyrir kosn-
ingar að við lifðum hér í besta heimi allra heima,
og á stjórnarmyndunartímanum var ekki samið
um neinar þær ráðstafanir sem máli skiptu.
í þessu Ijósi er óneitanlega svolítið neyðar-
legt að horfa á Steingrím Hermannsson í hlut-
verki lúðurþeytarans að vara við Rómareldin-
um, og koma allri sök á lagsbræður sína í stjórn-
inni.
Fiðla Nerós fór honum miklu betur.
Merkileg könnun
Aldrei skyldu menn taka ofmark á einstökum
skoðanakönnunum. Til þess eru þær helsti
sveiflóttar og sundurleitar.
Sú sem Helgarpósturinn birti í vikunni, -
fyrsta könnun í tæpa tvo mánuði -, er hinsvegar
merkileg fyrir að virðast spegla ákveðin þátta-
skil í fylgisþróun nú um áramótin.
Helstu tíðindin sem hún virðist bera á borð
eru þau að ríkisstjórn með öflugri þingmeirihluta
en þekkist langt aftur hefur minnihlutastuðning
meðal þjóðarinnar. Aðeins 45 prósent þeirra
sem afstöðu tóku lýsa fylgi við stjórnina, 55
prósent leggjast gegn henni. Eigi (Dessi mynd
eftir að staðfestast í næstu könnunartilraunum
eru á ferð pólitískar stórfréttir sem gætu haft
veruleg áhrif á hegðun stjórnarliða næstu mán-
uði. Þessi könnun kann raunar að hafa sitt að
segja um nýjasta leik Steingríms Hermanns-
sonar að eldinum.
Athyglisvert er einnig að fylgissókn Fram-
sóknar sýnist í rénun, og Sjálfstæðisflokkurinn
fær nú minna fylgi í könnun en í aprílkosningun-
um, - sem var versta útreið í mannaminnum.
Það bendir líka til þáttaskila að Alþýðubanda-
lagið rífur sig í þessari könnun uppúrfylgislægð
í sumar og haust þegar flokkurinn var í slipp eftir
brotsjói og brimlendingu. Alþýðubandalagið
hefur að undanförnu verið í vígreifri forystu fyrir
stjórnandstöðunni utan þings og innan, og þvert
á hrakspár virðast flokksmenn samhentir um
fersk svör meðan stjórnarsamstarfið trénast
upp. Könnunin gefur flokknum byr undir báða
vængi og ekki vanþörf á næstu mánuði þegar
búast má við harðnandi stéttaátökum og ör-
væntingarfullri ríkisstjórn.
-m
LJOSOPIÐ
Mynd: E.ÓI.
þlÓÐVILJiNN
Málgagn sósíalisma, þjóðfrelsis
og verkalýðshreyfingar
Útgefandi: Útgáfufólag Þjóðviljans.
Ritstjórar: Árni Bergmann, Mörður Árnason, Óttar Proppé.
Frótta8tjóri: Lúðvík Geirsson.
Blaðamonn: Elísabet K. Jökulsdóttir, Guðmundur Rúnar Heiðarsson,
Hrafn Jökulsson, HjörleifurSveinbjörnsson, Kristín Ólafsdóttir,
KristóferSvavarsson, Logi Bergmann Eiðsson (íþróttir) MagnúsH.
Gíslason, Ólafur Gíslason, Ragnar Karlsson, Sigurður Á.
Friðþjófsson, Vilborg Davíðsdóttir.
Handrita-og prófarkalestur: Elías Mar, HildurFinnsdóttir.
Ljósmyndarar: Einar Ólason, Sigurður Mar Halldórsson.
Útlltsteiknarar: Sævar Guðbjörnsson, Garðar Sigvaldason, Margrót
Magnúsdóttir.
Framkvæmdastjórl: Hallur Páll Jónsson.
Skrif8tofustjóri: Jóhannes Harðarson.
Skrifstofa: Guðrún Guðvarðardóttir, Kristín Pótursdóttir.
Auglýsingastjóri: Siaríður Hanna Sigurbjörnsdóttir.
Auglýsingar: Unnur Ágústsdóttir, Olga Clausen, Guðmunda Krist-
insdóttir.
Símavarsla: Hanna Ólafsdóttir, Sigríður Kristjánsdóttir.
Bílstjórl: Jóna Sigurdórsdóttir.
Útbreiðslu-og afgreiðslustjóri: HörðurOddfríðarson.
Útbrelðsla: G. MargrótÓskarsdóttir.
Afgreiðsla: Halla Pálsdóttir, Hrefna Magnúsdóttir.
Innheimtumenn: Brynjólfur Vilhjálmsson, ÓlafurBjörnsson.
Útkoyrsla, afgreiðsla, ritstjórn:
Siðumúla 6, Reykjavfk, sími 681333.
Auglý8ingar: Síðumúla 6, símar 681331 og 681310.
Umbrot og setning: Prentsmiðja Þjóðviljans hf.
Prentun: Blaðaprent hf.
Verð í lausasölu: 55 kr.
Helgarblöð:65 kr.
Askrlftarverð á mánuði: 600 kr.
4 SÍÐA — ÞJÓÐVILJINN Laugardagur 16. janúar 1988