Þjóðviljinn - 14.01.1989, Blaðsíða 6
Útboð
Innkaupastofnun Reykjavíkurborgar, fyrir hönd
Rafmagnsveitu Reykjavíkur, óskar eftir tilboðum
í háspennustrengi 12-kV.
Útboðsgögn eru afhent á skrifstofu vorri að Frí-
kirkjuvegi 3, Reykjavík. Tilboðin verða opnuð á
sama stað þriðjudaginn 28. febrúar 1989 kl.
11.00.
INNKAUPASTOFNUN REYKJAVIKURBORGAR
Fríkirkjuvegi 3 - Sími 25800
Auglýsing um
fasteignagjöld
Lokið er álagningu fasteignagjalda í Reykjavík
1989 og verða álagningaseðlar sendir út næstu
daga ásamt gíróseðlum vegna fyrstu greiðslu
gjaldanna.
Gjalddagar fasteignagjalda eru 15. janúar, 1.
mars og 15. apríl.
Gjöldin eru innheimt af Gjaldheimtunni í Reykja-
vík, en einnig er hægt að greiða gíróseðlana í
næsta banka, sparisjóði eða pósthúsi.
Fasteignagjaldadeild Reykjavíkurborgar, Skúla-
túni 2, veitir upplýsingar um álagningu gjaldanna,
símar 18000 og 10190.
Tekjulágir elli- og örorkulífeyrisþegar munu fá
lækkun á fasteignaskatti samkvæmt reglum,
sem borgarstjórn setur og framtalsnefnd úr-
skurðar eftir, sbr. 3. mgr. 5. gr. laga nr. 73/1980
um tekjustofna sveitarfélaga. Verður viðkomandi
tilkynnt um lækkunina þegar framtöl hafa verið
yfirfarin, sem vænta má að verði í mars- eða
aprílmánuði.
Borgarstjórinn í Reykjavík
12. janúar 1989
Frænka mín
Sigrún Jónatansdóttir
hjúkrunarkona
Stóragerði 30
er látin.
Anna Brynjúlfsdóttir
Útför
Gunnars Hanssonar
Sólheimum 5
fer fram frá Dómkirkjunni þriðjudaginn 17. janúar kl. 13.30.
Þeim sem vildu minnast hans er vinsamlegast bent á Krabb-
ameinsfélag íslands.
Huida Valtýsdóttir
Kristín Gunnarsdóttir Stefán P. Eggertsson
Helga Gunnarsdóttir Michael Dal
Hildigunnur Gunnarsdóttir Ásgeir Haraldsson
og barnabörn
ERLENDAR FRETTIR
Sovétríkin
Efasemdir um
kraftaverk
Práttfyrir dauðaleit hefur ekki tekist að hafa uppi áfimm af
mönnunum sex sem bjargað var úr húsarústum, 35 dögum eftir
jarðskjálftana mannskœðu
r
Izvestía, málgagn Sovétstjórn-
arinnar, lét í gær í Ijós efa-
semdir um að fréttirnar af björg-
un 6 manna úr húsarústum í Len-
ínakan væru sannleikanum sam-
kvæmar. Fregnir um þessa
mannbjörg flugu vítt um heim í
fyrradag en komið er hátt á ann-
an mánuð frá því hörmungarnar
dundu yfir í Armeníu.
í fyrrakvöld sýndi sovéska
sjónvarpið viðtal við miðaldra
rafvirkja, Aikaz Akopjan að
nafni, sem tjáði höggdofa frétta-
mönnum að hann hefði verið
grafinn út úr húsarústum daginn
áður við sjötta mann.
En Ízvestía efast. Þrátt fyrir ít-
arlega leit og mikla eftir-
grennslan hafi ekki tekist að hafa
uppá þessum fimm félögum Ak-
opjans. Og það þótt menn hafi
spurst fyrir á öllum sjúkrahúsum
á svæðinu frá Lenínakan að höf-
uðborginni Jerevan.
„Við blaðamenn erum í klípu
því reynsla undanfarinna daga og
vikna hefur kennt okkur að fólk
vonast heitt og innilega eftir
kraftaverki,“ segja höfundar
greinarinnar en þeir héldu til
Armeníu daginn eftir jarðskjál-
ftann og dvelja þar enn.
Þeir segjast hafa haldið að rúst-
um fjölbýíishússins sem fólkið lá
grafið undir strax og björgunar-
fréttin barst þeim til eyrna. „Við
komum þangað klukkan tvö eftir
hádegi en sexmenningarnir
„Fólk vonast heitt og innilega eftir kraftaverki."
höfðu verið grafnir út um morg-
uninn. Hvað var orðið af þeim?
Auðvitað hlaut einhver að hafa
gefið þeim gaum, liðsinnt þeim
og hjúkrað?“ En enginn virtist
hafa grænan grun um afdrif þess-
ara manna.
Mjög var af Akopjan dregið
eftir hrakningarnar en engu að
síður lýsti hann undirheimavist
þeirra félaga af all mikilli ná-
kvæmni.
„Það er erfitt að gera sér í hug-
arlund að maður sem er jafn illa á
sig kominn og hann fari með
fleipur,“ segir Ízvestía og hefur
eftir lækni nokkrum að Akopjan
væri illa farinn á taugum þótt
minni hans virtist óskert.
Tass kveðst hafa byggt fréttina
um „kraftaverkið í Lenínakan“ á
upplýsingum frá ermsku frétta-
stofunni Armenpress en blaða-
menn hennar segjast vera að
reyna að rekja frétt sína til róta
og hafa uppi á týndu fimmmenn-
ingunum.
Reuter/-ks.
Þýskir kommúnistar
Báðu félögum griða
Skjöl úrsafni Kóminterns þykja sanna að drápsœði Stalíns komflatt
uppá þýska kommúnista sem farið höfðu úr öskunni í eldinn
Austurþýskir sagnfræðingar
hafa um nokkurt skeið rótað í
pappírum og skjölum Kómint-
erns, þriðja alþjóðasambandsins,
og segjast nú hafa fundið bréf sem
sanni að oddvitar þýskra komm-
únista hafi reynt að bjarga lífum
landa sinna og félaga undan blóð-
hrammi Jósefs Stalíns á ofanverð-
um fjórða áratugnum.
Neues Deutschland, málgagn
Einingarflokks sósíalista, einsog
austurþýski kommúnistaflokkur-
inn nefnir sig, birti bréf þetta og
ítarlega skýringarklausu á dögun-
um. Bréfið ritaði Wilhelm Pieck
fyrir hálfri öld. Hann fer þess á
leit við sovéskan fyrirmann í al-
þjóðasambandinu að hann komi í
kring fundi þeirra Stalíns.
„Við þýskir félagar í Kómint-
ern erum fullvissir um að þessir
menn hafa ekki gerst sekir um
neina glæpi gagnvart Sovétríkj-
unum,“ segir Pieck og finnur að
því að enginn hafi hirt um svara
fyrirspurnum um afdrif þessara
félaga hans.
Út af efni bréfsins leggur síðan
Heinrich nokkur Kuehnrich,
starfsmaður Marx-Lenín stofn-
unarinnar. Það sanni svo ekki
verði um villst að þýskir komm-
únistar, sem einhverra hluta
vegna var hlíft við gúlagi og
dauða, hafi gengið fram fyrir
skjöldu og reynt að bjarga lífum
Við tilurð Þýska alþýðulýðveldisins heilsast kommúnistinn Wilhelm
Pieck og jafnaðarmaðurinn Otto Grotewohl. Andi StaKns sveif yfir
vötnum.
félaga sinna og landa, þýskum
kommúnistum sem af einhverj-
um orsökum var síðan ekki hlíft
við gúlagi og dauða.
Kómintern var sem kunnugt er
stofnað árið 1919 en lagt niður
árið 1943 þegarseinni heimsstyrj-
öld var í algleymingi. Árum sam-
an gættu Kremlverjar skjalasafns
þess einsog sjáaldurs auga síns og
engir útlendingar fengu að hnýs-
ast í pappírana fyrr en í ágúst í
sumar.
Austurþýskir sagnfræðingar
létu ekki segja sér tvisvar að
skella sér austur enda hefur ætíð
farið iágt hvað varð um 2.000
kommúnista sem flúðu í austur-
veg undan nasistum. Þeir hurfu
nær sporlaust en almannarómur
hermir að þeir hafi troðist undir
járnhæl Stalíns einsog miljónir
annarra.
Pieck var einn fremur fárra
Þjóðverja í Moskvu sem skrimti í
skjóli hulins verndarkrafts og
fyrir duttlunga bóndans í Kreml.
Erich Honecker var fangi Hitlers
heima í Þýskalandi á þessum
tíma. Kannski barg það lífi
hans!?
Reuter/-ks.
6 SÍÐA — ÞJÓÐVILJINN Laugardagur 14. janúar 1989