Þjóðviljinn - 28.06.1989, Blaðsíða 9
FRÉTTIR
70 -r %
Ríkisútvarpið telur almenninguráð ræki hlutverk sitt hvað best af opinberum stofnunum. Athygli vekur hve
dómstólarnir og Alþingi eru í litlum metum meðal almennings.
Opinberar stofnanir
Háskólinn og RÚV
best þokkaðar
Alþingi og dómstólarnir talin sinna sínu hlutveki illa. Grunnskólarnir
þarfastir
Flestir telja að Háskóli íslands
gegni híutverki sínu vel, sé
vönduð kennslustofnun og að
þjónusta hans sé góð eða að
minnsta kosti sæmileg. Flestir eru
ósammála þeirri staðhæfingu að
Háskólinn sé lokuð stofnun sér-
fræðinga en á hinn bóginn er það
álit margra að kynna mætti al-
menningi starfsemi hans betur og
auka tengsl skólans við þjóðlífið.
Þetta kemur fram í niðurstöð-
um skoðanakönnunar sem Fé-
lagsvísindastofnun Háskólans
gerði nýlega að beiðni
Kynningarnefndar skólans.
Leitað var til 1500 manna á aldr-
inum 18 til 75 ára af öllu landinu.
Markmið könnunarinnar var að
meta ímynd Háskóla íslands í
samanburði við nokkrar opinber-
ar stofnanir.
Samanborið við aðrar opinber-
ar stofnanir kemur Háskólinn
mjög vel út, en Alþingi og dóm-
stólarnir eru ekki í miklu áliti hjá
þjóðinni þar sem einungis 6,1%
telja Alþingi gegna hlutverki sínu
vel og 14,5% telja dómstólana
gera það. Imynd Ríkisútvarpsins
er mjög jákvæð og telja 66% að-
spurðra að það gegni hlutverki
sínu vel.
46% aðspurðra töldu Há-
skólann gegn hlutverki sínu vel.
Svarendur telja að aðeins ein
stofnun sinni hlutverki sínu bet-
ur, það er Ríkisútvarpið en
63,3% telja það gegna hlutverki
sínu vel. Lögreglan kemur næst á
eftir Háskólanum og um 43%
telja Þjóðkirkjuna, Þjóðleikhús-
ið og menntaskólana sinna hlut-
verki sínu vel og grunnskólarnir
fylgja fast á eftir með 38,7%. Al-
þingi og dómstólarnir reka lest-
ina.
39% þátttakenda í könnuninni
telja þjónustu Háskólans góða og
einungis heilbrigðiskerfið töldu
menn betra en 59,6% töldu þjón-
ustu þess góða og fannst þjónusta
skólakerfisins, löggæslunnar og
vegagerðarinnar góð eða að
minnsta kosti sæmileg. Það er
áberandi hvað fáir telja þjónustu
ráðuneytanna og stjórnsýslunnar
vera góða en einungis 8% telja að
svo vera.
Þrátt fyrir jákvætt viðhorf til
Háskólans sem fram kemur í
könnuninni telja 89,8% ástæðu
til að starfsemi Háskólans sé
kynnt almenningi betur en nú er
gert og 56,8% telja tengsl há-
skólans við þjóðlífið of lítil.
Þegar fólk var beðið um að
forgangsraða tilgreindum stofn-
unum sem efla mætti með meiri
fjárveitingum af opinberu skattfé
komu grunnskólarnir í efsta sæti.
í öðru sæti var Háskólinn, þá
Ríkisútvarpið og Þjóðleikhúsið
og síst töldu svarendur að auka
ætti fjárveitingar til Listasafns ís-
lands. Ef taka ætti opinbert
skattfé til að efla eina opinbera
stofnun með auknum fjárveiting-
um töldu flestir að það fé ætti að
renna til grunnskólanna.
->Þ
Ashkenazy
Ashkenazy
spilar
I Moskvu
Aldrei bjóst ég við því að ég
yrði boðinn velkominn til Sovét -
ríkjanna, sagði Valdimír Ashken-
azy, þegar hann tilkynnti um þá
ákvörðun sína að taka þátt i
tvennum góðgerðatónleikum í
Moskvu í nóvember. En hann hef-
ur stundað list sína í útlegð frá
árinu 1963.
Ashkenazy, sem er íslenskur
ríkisborgari eins og kunnugt er,
nú búsettur í Sviss ásamt Þórunni
Jóhannsdóttur konu sinni, kvað
það skyldu sína að taka þátt í
þeim sögulegum breytingum sem
nú eiga sér stað í Sovétríkjum
Gorbatsjovs.
Ashkenazy mun stjórna Kon-
unglegu bresku fdharmoníu-
hljómsveitinni. Ágóðinn af tón-
leikunum rennur til endurreisnar
sögulegra bygginga sem sködd-
uðust í jarðskjálftum í Armeníu.
-áb.
ÞJÓÐVILJINN - SÍÐA
ALÞÝÐUBANDALAGIÐ
Sumarferð Alþýðubandalagsins á Austurlandi:
Um söguslóðir á Fljótsdalshéraði
laugardaginn 8. júlí 1989.
Farið verður í rútum kl. 9 frá Söluskála KHB á Egilsstöðum og ekið um
Skriðdal, Fljótsdal, Fell, Hróarstungu og austur yfir hjá Lagarfossi til baka í
Egilsstaði kl. 19. - Bílferðir verða skipulagðar frá fjörðunum eftir þátttöku.
Staldrað verður við á völdum sögustöðum, skoðaðar fornminjar á gömlum
þingstöðum, kirkjur og bæir og fræðst um umhverfið, m.a. væntanleg
skógræktarsvæði á Héraði.
Meðal leiðsögumanna verða Guðrún Kristinsdóttir minjavörður, Helgi
Hallgrímsson náttúrufræðingur, Jón Loftsson skógarvörður, Páll Páls-
son fræðimaður frá Aðalbóli og Skarphéðinn Þórisson líffræðingur. Far-
arstjóri: Hjörleifur Guttormsson.
Tilkynnið þátttöku sem fyrst til Ferðamlðstöðvar Austurlands, Eglls-
stöðum, sfmi (97)1 20 00.
öllum heimil þátttaka. - Alþýðubandalagið - kjördæmisráð.
Alþýðubandalagið á Suðurlandi
Sumarferð
Sumarferð Ab. Suðurlandi verður farin til Vestmannaeyja dagana 30. júní til
2. júli nk. Tilkynna þarf þátttöku t síðasta lagi á fimmtudag 29. júni til
Sigurðar Randvers í síma 21714.
Félagar fjölmennum til Eyja.
Ferða- og undirbúningsnefnd Kjördæmisráðs Ab. Suðurlandi
EB
Stofnráð
fræðslusamtaka
Astofnfundi Fræðslusamtaka
um ísland og EB á dögunum
voru samþykktar starfsreglur
samtakanna og kosnir 20 af 30 í
ráð sem fara mun með málefni
þeirra. Einnig skráði fólk sig í
hópa sem vinna munu að einstök-
um málefnum sem tengjast Evr-
ópubandalaginu. Akveðið var að
í upphafi yrðu fjórir vinnuhópar
settir á fót en áætlað er að þeim
fjölgi eftir áhuga og þörfum.
Á fundinum voru flutt fimm
stutt erindi: Hólmgeir Jónsson,
framkvæmdastjóri Sjómanna-
sambands, talaði um EB og sjáv-
arútveg, Ragnar Árnason, dós-
ent, um fjármagnsflutninga, Ari
Skúlason hagfræðingur ASf, um
hreyfingar vinnuafls, Kristín
Ástgeirsdóttir, kennari, um fé-
lagsleg áhrif og menntun og Páll
Pétursson, alþingismaður, um
EB og EFTA: hugmyndir um að-
lögun.
Ráð samtakanna markar meg-
instefnu þeirra og mótar starfsá-
ætlun. í því eiga sæti allt að 30
manns og skulu % valdir á stofn-
fundi, en hina velur ráðið síðar.
Ráðið endurnýjar sig sjálft, þ.e.
kveður til fólk í stað þeirra sem
hætta störfum. Leitast skal við að
ná sameiginlegri niðurstöðu
innan ráðsins, en ella ræður
meirihluti.
Á stofnfundinum voru eftir-
taldir skipaðir í stofnráð samtak-
anna: Ari Skúlason, Asta Ragn-
heiður Jóhannsdóttir, Birgir
Björn Sigurjónsson, Gerður
Steinþórsdóttir, Gissur Péturs-
son, Guðmundur Hallvarðsson,
Gunnar Guðbjartsson, Gunn-
laugur Júlíusson, Ingibjörg Sól-
rún Gísladóttir, Jón R. Gunnars-
son, Kristín Sigurðardóttir, Mon-
ika Karlsdóttir, Óskar Vigfússon,
Pálmi Gíslason, Ragnar Árna-
son, Sigrún Jóhannesdóttir, Sjöfn
Halldórsdóttir, Stefanía Trausta-
dóttir, Vigfús Geirdal og Póranna
Pálsdóttir.
Ferðamál
Nefnd í málið
Ætlað að gera tillögur um opinbera stefnu í
ferðamálum og semja ný lög efþurfaþykir
Samgönguráðuneytið skipaði
nýverið nefnd til að fjalla um
ferðamál á breiðum grundvelli og
stefnumörkun í þeim efnum.
Starf nefndarinnar fclst m.a. í því
að gera könnun á samkeppnis-
stöðu og rekstrarskilyrðum ferð-
aþjónustu hérlendis i samanburði
við nágrannalöndin, endurskoða
hina opinberu stefnu í ferðamál-
um og gera tillögur um æskilega
þróun þeirrar stefnu auk þess sem
nefndin á að taka til endurskoð-
unar núgildandi lög um ferðamál.
Nefndin á að skila áfanga-
skýrslu um næstu áramót en gert
er ráð fyrir að hún muni ljúka
störfum fyrir vorið 1990 og frum-
varp til nýrra laga, ef samið verð-
ur, verði lagt fyrir þingið haustið
1990.
Starfsmaður nefndarinnar er
Árni Þór Sigurðsson hagfræðing-
ur, en formaður er Hjörleifur
Guttormsson alþingismaður.
Aðrir nefndarmenn eru Áslaug
Alfreðsdóttir, Birgir Þorgilsson,
Bjarni Sigtryggsson, Friðjón
Þórðarson, Kristín Einarsdóttir,
Reynir Adolfsson og Unnur Stef-
ánsdóttir.
-iþ
FJOlBRAlíTASXÓUNN
BREIÐH0UI
Frá Fjölbrautaskólanum í Breiðholti
Útskrift stúdenta verður laugardaginn 1. júlí nk.
kl. 11.00 í Fella- og Hólakirkju, Hólabergi 88,
Reykjavík.
Skólameistari
^ Askorun
um greiðslu fasteigna-
gjalda
Hér með er skorað á alla þá, sem eiga van-
greidd fasteignagjöld til Bæjarsjóðs Garðabæj-
ar, að gera skil sem fyrst. Eindagi síðasta hluta
álagðra fasteignagjalda 1989 var 15. júní. Þeir
fasteignagjaldagreiðendur, er eiga vangreidd
fasteignagjöld mega búast við að óskað verði
uppboðs á viðkomandi fasteign, verði skuldin
ekki greidd.
Bæjarstjórinn í Garðabæ
3