Þjóðviljinn - 09.11.1989, Blaðsíða 2
FRETTIR
Svavar Gestsson menntamálaráðherra opnaöi í lok október myndlistarsýninguna „Landscapes from a
High Latitude", yfirlitssýningu á íslenskri myndlist frá 1909 - 1989, í Hull. Á myndinni er Svavar að sýna
John Stanley borgarstjóra í Hull málverk Eiríks Smith „Tvær verur og grá fjöll".
Umhverfismál
uf í Fossvogsdal
Samtökin Lífí Fossvogsdal voru stofnuð á
miðvikudag
Stofnfundur samtakanna Líf í
Fosvogsdal var haldinn sl.
miðvikudag í safnaðarheimili Bú-
staðakirkju og komu yfir hundr-
að manns á fundinn. Að baki
samtökunum standa nú um 300
félagar.
Á fundinum var samþykkt að
hlutverk samtakanna væri í fyrsta
lagi að vekja skilning og áhuga
alemennings og stjórnvalda á
mikilvægi Fossvogsdals fyrir
órofa tengingu útivistarsvæða á
höfuðborgarsvæðinu frá fjöru til
fjalls. í öðru lagi að hvetja félaga-
samtök og einstaklinga til þess að
nýta Fossvogsdal til fjölbreyttrar
útiveru, íþrótta, skemmtunar og
leikja. I þriðja lagi að virkja fé-
lagsmenn til starfa við hreinsun,
fegrun, gróðursetningu og al-
menna uppbyggingu útivistarað-
stöðu í Fossvogsdal.
í fjórða lagi að leita fjáröflun-
arleiða og afla fjár til kynningar-
starfs og þátttöku í uppbyggingu
útivistaraðstöðu-í Fossvogsdal. í
fimmta lagi að standa fyrir skoð-
unarferðum, fyrirlestrum, útgáfu
kynningarefnis o.fl. í samvinnu
við ólík félagasamtök þar sem
sjónum er einkum beint að
Hljómskálagarði, Vatnsmýrinni,
Öskjuhlíð, Fossvogsdal, Elliða-
árdal, Heiðmörk og Bláfjöllum
sem einni órofa heild. Og í sjötta
lagi að leggja sitt af mörkum til
þess að sætta ólík sjónarmið um
nýtingu Fossvogsdals og koma í
veg fyrir þá mannvirkjasmfð í
dalnum sem rýri gildi hans sem
útivistarsvæðis fyrir almenning.
Reykjavíkurborg
Gengur á undan með hækkunum
BorgarráðsamþykktitillögurBláfjallanefndarumalltað33% hækkun á gjaldskrá
Verð á lyftukortum í Bláfjöllum
hækka um allt að 33% frá því
sem var síðasta vetur samkvæmt
ákvörðun Bláfjallanefndar sem
borgarráð hefur nú samþykkt.
Hækkun einstakra liða er langt
umfram verðlagsþróun á tímabil-
inu, en að meðaltali hækkar
gjaldskráin um rúmlega 25% sem
einnig er meira en almennar verð-
lagshækkanir. í bæjarstjórn
Garðabæjar greiddu fulltrúar Al-
þýðubandalagsins atkvæði á móti
hækkuninni og fulltrúi Alþýðu-
flokksins sat hjá. Hækkunin var
hins vegar samþykkt af hálfu
bæjarstjórnarinnar með at-
kvæðum Sjálfstæðismanna.
- Þessi hækkun er langt um-
fram það sem þörf er á og raunar í
takt við þá stefnu Reykjavíkur-
borgar að ganga á undan með
stórfelldum hækkunum á allri
þjónustu við almenning. Rekstur
Bláfjallasvæðisins skilaði hagn-
aði á síðasta ári og hefur gert það
áður og því er engin þörf á þetta
mikilli hækkun núna, sagði Hilm-
ar Ingólfsson, bæjarfulltrúi Al-
þýðubandalagsins í Garðabæ.
Reykjavíkurborg er stærsti
eignaraðilinn að Bláfjallasvæðin
og nægir því hennar samþykki til
að tillögur nefndarinnar nái fram
að ganga.
Kolbeinn Pálsson, formaður
Bláfjallanefndar sagði að hækk-
animar miðuðust í grófum drátt-
um við almenna verðlagsþróun,
en skýringin á meiri hækkun ein-
stakra liða í gjaldskránni væri sú
að verðið væri látið hlaupa á 50
krónum til að minnka notkun
skiptimyntar. Hann sagði það
ekki rétt að hagnaður hefði verið
á rekstrinum á síðasta ári, hins
vegar hefði ekki þurft að nota út-
hlutaðan rekstrarstyrk sem
sveitarfélögin höfðu veitt.
Mest hækkun verður á dag-
kortum í barnalyftur og kvöld-
kortum barna, þau kosta nú 200
krónur en kostuðu fyrir hækkun
150 krónur. Hækkunin er 33.3%.
Árskort barna hækka um tæplega
24%, kostar nú 3.900 krónur en
kostaði áður 3.100 krónur. Full-
orðnir þurfa nú að greiða 7.800
krónur fyrir árskortið en það
kostaði áður 6.300 krónur.
Að rekstri Biáfjallasvæðisins
standa 13 sveitarfélög á Suður-
landi og Suðurnesjum en Reykja-
vík er Iangstærsti eignaraðilinn
og sér um framkvæmdir á svæð-
inu. jþ
Kvikmyndin Kristnihald
undir Jökli fékk kvik-
myndalinsuna á kvikmyndahá-
tíðinni „Norrænir kvikmynda-
dagar“ í Lúbeck í Þýskalandi sl.
sunnudag. Leikstjóri myndarinn-
ar er Guðný Halldórsdóttir, dótt-
ir Halldórs Laxness höfundar
bókarinnar.
Á kvikmyndahátíð þessari sem
haldin er árlega em einungis
sýndar myndir frá Norður-
Formaður samtakanna var
kjörinn Margrét Þorvaldsdóttir
blaðamaður. Framundan er átak
í að fjölga félagsmönnum veru-
lega og er sérstök áhersla lögð á
að framtíð Fossvogsdals sé sam-
eiginlegt mál allra íbúa höfuð-
borgarsvæðisins, enda er dalur-
inn eina mögulega tenging órofa
útivistarsvæða frá fjöru til fjalls á
miðju höfuðborgarsvæðinu.
löndum. í ár kepptu 11 myndir
um verðlaunin auk fjölda stutt-
mynda og heimildarmynda.
í orðum dómnefndar segir að
myndin hafi sérstaklega höfðað
til nefndarinnar ekki aðeins
vegna þess hve vel hún er leikin
og landslagið stórbrotið, heldur
vegna margbreytileika hennar og
hvemig hún lýsir persónum sög-
unnar á kíminn og manneskju-
legan hátt.
-Sáf
Kvikmyndir
Kristnihaldið fékk verðlaun
Minnisbók Bókrúnar
Minnisbók Bókrúnar fýrir árið 1990 er komin út. Þetta er fjórða árið
sem minnisbókin kemur út. í hverri opnu er ein vika og efni, nýtt og
gamalt, ýmist á alvarlegum eða léttum nótum, við hvern dag ársins.
Fimm konur rita um hugðarefni sín og kynnt eru félagssamtök, að
þessu sinni ITC á íslandi. Greint er frá hlut kvenna á ritvellinum árið
1985 og skrá er yfir nöfn úr fyrri minnisbókum. Ljósmynd er í hverjum
mánuði. Ritstjóri bókarinnar er Valgerður Kristjónsdóttir og útlit
hannaði Eh'sabet Cochran. Á myndinni er Valgerður lengst til hægri,
þá kemur Sigríður Guðmundsdóttir framkvæmdastjóri Hjálparstofn-
unar kirkjunnarss sem er einn höfunda efnis í bókinni í ár og lengst til
vinstri er Elísabet Cohran er hannað hefur allar bækur Bókrúnar.
Pictionary
Nýtt spil, Pictionary, er komið á
markaðinn. Það var Kanadamað-
urinn Rob Angel sem skapaðí
Pictionary árið 1985 og sló spilið
samstundis í gegn í vesturheimi.
Dreifíngaraðilar hins vinsæla
spils Trivial Pursuit sáu að spil
þetta ætti að geta orðið vinsælt
annarsstaðar í heiminum og árið
1987 var spilið sett á markað í
Frakklandi, Englandi og V-
Þýskalandi og hefur salan farið
fram úr björtustu vonum. í dag
hafa selst um 15 miljón eintök af
spilinu og nú er röðin komin að
Islandi, en það er 20. landið sem
leikurinn er markaðssettur í.
Spilið hefur verið þýtt á íslensku
og staðfært. Spilið inniheldur
2.500 orð sem skiptast í fímm
meginflokka og byggist spilið á
því að þátttakendur eiga að reyna
að þekkja ýmis orð sem þeir
teikna til skiptis á blað. Leikur-
inn byggist á frjóu ímyndunarafli
og hröðum handtökum en ekki
kunnáttu í myndmennt, þótt hún
geti komið að góðu gagni.
Fræðslumyndir
um vetrarumferð
Akstur og umferð að vetrarlagi er
efni fjögurra nýrra fræðslumynda
sem bifreiðatryggingafélögin,
Umferðarráð og Þjóðarátak í
umferðarmálum hafa látið gera. í
myndunum er leitast við að
benda áhorfendum á ýmislegt
varðandi vetrarumferð, atriði
sem ætla má að auðveldi fólki að
komast leiðar sinnar og auki um
leið umferðaröryggi. Myndirnar
eru stuttar, 2 til 5 mínútur hver og
er þess vænst að sjónvarpsstöðv-
arnar sýni þær á næstu vikum og
mánuðum, auk þess sem þær
verða sýndar í Fræðsluvarpinu,
ökuskólum, framhaldsskólum og
víðar. Myndirnar heita: Bfllinn
og veturinn, Gangandi í vetrar-
færð, Vetrarakstur og Ökum bet-
ur í vetur. Starfshópur á vegum
Umferðarráðs lagði á ráðin við
gerð myndanna í samstarfi við
AUK. Handrit skrifaði Ólafur
Pétursson hjá AUK. Saga film
annaðist gerð þáttanna undir
stjórn Egils Eðvarðssonar en
Kristín Á. Ölafsdóttir og Jónas
R. Jónsson sjá um kynningar.
Breytingar hjá
Fjárfestingarfélaginu
Stjórn Fjárfestingarfélags íslands
hefur gert breytingar á yfírstjórn
fyrirtækisins í kjölfar þess að
Gunnar Helgi Hálfdanarson
hætti og gerðist forstjóri Lands-
bréfa. Tveir menn, þeir Friðrik
Jóhannsson og Gunnar Óskars-
son, munu skipta með sér verk-
um og taka við allri daglegri
stjórnun Fjárfestingarfélagsins.
Friðrik hefur starfað sem fjárm-
álastjóri hjá Fjárfestingarfé-
laginu síðan 1986. Hann verður
forstjóri fyrirtækisins. Gunnar
verður framkvæmdastjóri fyrir-
tækisins en hann hefur starfað hjá
Fjárfestingarfélaginu síðan 1985,
fyrst við sjóðastjórnun en síðan
sem aðstoðarframkvæmdastjóri.
Þá hefur Kjartan Georg Gunn-
arsson verið ráðinn sem fram-
kvæmdastjóri Féfangs, sem er í
meirihlutaeign Fjárfestingarfé-
lagsins. Hann hefur undanfarin
tvö ár starfað sem aðstoðarfram-
kvæmdastjóri fyrirtækisins.
Landvernd
um umhverfis-
málaráðuneyti
Landvernd mun halda ráðstefnu
um Umhverfismálaráðuneyti í
Félagsheimili Kópavogs á morg-
un föstudaginn 10. nóvember og
. hefst hún kl. 13.30 og er öllum
opin. Daginn eftir, laugardaginn
11. nóvember verður aðalfundur
Landsverndar haldinn á sama
stað. Framsögumenn á ráðstefn-
unni verða Oddmund Graham
ráðuneytisstjóri norska umhverf-
ismálaráðuneytisins, Júlíus Sól -
nes ráðherra, Hallgrímur Indriða-
son framkvæmdastjóri Skógrækt-
arfélags Eyfirðinga og Auður
Sveinsdóttir landslagsarkitekt.
Alþjóðleg
samvinna háskóla
Utanríkisnefnd Stúdentaráðs HÍ
gengst fyrir ráðstefnu um alþjóð-
lega samvinnu háskóla laugar-
daginn 11. nóvember kl. 14 í
stofu 101 í Lögbergi. Hætt er við
að riki utan Evrópubandalagsins
verði utanveltu á ýmsum sviðum
og ekki síst í menntamálum eftir
árið 1992. Til að koma til móts
við þessa þróun hefur Norður-
landaráð sett á laggirnar áætlun
um samstarf háskóla á Norður-
löndunum. Untanríkisnefndin
telur nauðsyn að kynna það sem
er á döfinni á sviði alþjóðlegrar
samvinnu þar sem það snertir
verulega hagsmuni stúdenta.
2 SÍÐA
ÞJÓÐVjLJINN Fimmtudagur 9. nóvember 1989