Dagblaðið Vísir - DV - 21.12.1995, Blaðsíða 12

yndir
FIMMTUDAGUR 21. DESEMBER 1995
María Ellingsen er til vinstri á myndinni í hlutverki Agnesar, lengst til hægri er Egill Ólafsson í
hlutverki sýslumannsins.
Agnes sýnd í Laugarásbíói og Stjörnubíói
Ástríður, svik
og blóðug
hefnd
Bíóborgin - sími 5511384
Assasslns ★
Sylvester Stallone er góði launmorðinginn, Banderas er
vondi launmorðinginn og Julianne Moore er góði þjófurinn
í kvikmynd Richard Donners sem kann ýmislegt fyrir sér í
gerð spennumynda en getur ekki bætt leiðinlega sögu. -HK
Hættuleglr hugir irki<
Michelle Pfeiffer stendur sig með ágætum sem ung og
áhugasöm kennslukona. Þokkaleg mynd um sigur hins já-
kvæða yfir hinu neikvæða, stundum þó of sykursæt. -GB
Bíóhöllin - sími 587 8900
Gullauga ★★★
James Bond er loksins mættur aftur til leiks í hraðri og
skemmtilegri mynd sem svíkur engan aðdáanda þessa mesta
njósnara og kvennagulls allra tíma. Pierce Brosnan er góður
og á eftir að verða betri. E'nnig sýnd í Háskólabíói. -GB
Showgirls ★
Konungar kynþokkamyndanna i Hollywood, Verhoeven og
Eszterhas, falla með glæsibrag á þessari innantómu og leiðin-
legu mynd um sýningar- og dansstúlkurnar í Las Vegas. -GB
Mad Love ★★
Vegamynd um tvö ástfangin ungmenni sem yfirgefa heima-
hús og aka út í óvissuna. Myndin er rótlaus eins og ung-
mennin og leikur Drew Barrymore og Chris O’Donnell jafn
ósannfærandi og myndin í heild. -HK
Saga-bíó - sími 587 8900
Algjör jólasvelnn ★★
Ósköp sæt og ljúf mynd um fráskilinn heimilisföður sem
iendir í því að taka að sér hlutverk jólasveinsins. Ungur
sonur hans er stórhrifinn en ekki hinir fullorðnu. -GB
Háskóiabíó - sími 552 2140
Saklausar lygar ki.
Óspennandi og ósannfærandi mynd um breskan rannsókn-
arlögreglumann og kolgeggjaða franska fjölskyldu og nokk-
ur dularfull dauðsfóll. -GB
Jade ★★
Sálfræðiþriller sem fer vel af stað en brotalamir koma í ljós
þegar líður á myndina. Joe Eszterhaz er greinilega að
reyna að ná upp þeirri erótísku og grípandi stemningu sem
einkenndi Basic Instinct en mistekst. -HK
Fyrir regnið' •
Stríðið í fyrrum lýðveldum Júgóslaviu er baksvið þessarar
óvenjuglæsilegu kvikmyndar frá Makedóníu um lífshásk-
ann sem fylgir því að taka afstöðu í lífinu. -GB
Glórulaus ★★★
Einstaklega lífleg táningamynd um ríka krakka í Beverly
Hills. Sagan er ekki merkileg en fyndin tilsvör söguhetjunn-
ar Cher, sem er á skjön við allt, eru sérlega vel samin. -HK
Apollo 13 ★★★
Vel heppnað drama um eitt alvarlegasta slys í himin-
geimnum. Á köflum nokkuð langdregin en góður leikur og
vel skrifað handrit gerir það að verkum að heildin er mjög
sterk. -HK
Laugarásbíó - sími 553 2075
Mortal Kombat ick
Slagsmál og aftur slagsmál er það sem einkennir þessa
hröðu mynd, sem gerð er eftir vinsælum tölvuleik. Sviðs-
hönnun, búningar og áhættuatriði góð en þá er líka upp-
talið það sem vit er í. -HK
Felgöarboð ick
Það er margt ágætlega gert í Feigðarboðum og á Peter Hall
stundum auðvelt með að ná upp á yfirborðið innri spennu
persónanna en handritið er brothætt og helstu persónur
ekki nógu áhugaverðar. -HK
Tegundlr'A^
Gamla góða sagan um vísindamennina sem missa tökin á
tilraunum sínum og búa til ófreskju sem þeir ráða ekki við.
Að mörgu leyti hin ágætasta skemmtun. -GB
Regnboginn - sími 551 9000
Nlne Months icki,
Vel heppnuð gamanmynd um verðandi faðir sem á erfitt
með að sætta sig við orðinn hlut. Verður stundum þreyt-
andi en nær sér á strik jafnóðum aftur. Lokaatriðið á fæð-
ingardeildinni er mjög fyndið. -HK
Beyond Rangoon ★★★
Oft á tíðum áhrifamikil ádeila á landsfeðurna í Burma en
nokkuð brokkgeng þar sem myndmálið er sterkara en hið
talaða mál. John Boorman hefur gert betri myndir en
einnig verri. -HK
Krakkar kick
Opinská, bersögul og krassandi mynd um unglinga í New
York á hraðri leið til andskotans vegna fikniefnaneyslu og
almenns ólifnaðar. -GB
Aö yfirlögöu ráöi kkk
Réttarhöld yfir morðingja beinast að hinu illræmda Alcatr-
az-fangelsi. Sönn saga sem fær góða meðhöndlun í áhrifa-
mikilli mynd. Kevin Bacon sýnir stórleik í hlutverki fang-
ans Henri Young. -HK
Braveheart ★★★
Mel Gibson hefur svo sannarlega gert stórmynd að öllu
umfangi með frásögn af skosku frelsishetjunni William
Wallace sem lifði eitthvað fram á 14. öldina en sverðaglam-
ur ber mannlega þáttinn ofurliði. -GB
Stjörnubíó - sími 551 6500
Indíáninn í skápnum ★★
Flatneskjuieg og óspennandi ævintýramynd um ungan
dreng og töfraskápinn hans. Hins vegar vantar allan töfra-
ljóma yfir frásögnina og myndin fellur kylliílöt. -GB
Desperado kkk
Kraftmikil og stórskemmtileg mynd um nafnlausan farand-
söngvara, með byssur í gítartöskunni, sem leitar hefnda fyr-
ir morðið á kærustunni. Banderas í banastuði. -GB
Benjamín dúfa ★★★★
Virkilega vel heppnuð kvikmynd. Gott handrit og sérlega
góður leikur hjá ungu leikurunum ásamt góðri vinnu
tæknimanna. Fer í hóp bestu íslenskra kvikmynda. Einnig
sýnd í Bíóhöllinni. -HK
Tár úr stelnl ★★★★
Sérlega vönduð og vel heppnuð kvikmynd og ein allra
besta íslenska kvikmyndin. Mannlýsingar eru sterkar og
kvikmyndataka frábær. Mynd sem snertir mann og gefur
mikið frá sér. -HK
Magnús Olafsson og Hilmir Snær Guðnason í hlutverkum sínum í Agnesi.
Annað kvöld verður frumsýning í Laugar-
ásbíói á íslensku kvikmyndinni Agnesi en
hún verður síðan sýnd bæði í Laugarásbíói
og Stjörnubíói. Með frumsýningu á Agnesi
lýkur mesta kvikmyndaári íslendinga frá
upphafi þegar sýningar eru hafðar í huga en
alls hafa verið frumsýndar sjö leiknar kvik-
myndir í fullri lengd. Mismikið hefur verið
kostaö til þessara mynda en Agnes, sem gerð
er af kvikmyndafyrirtækinu Pegasusi, er
einhver allra dýrasta íslenska kvikmyndin
og var ekkert til sparað til að gera hana sem
best úr garði.
Ástríður, svik og blóðug hefnd eru við-
fangsefni Agnesar og fjallar um þá dramat-
ísku atburðarás sem leiddi til síðustu aftök-
unnar á íslandi árið 1830 þegar Agnes Magn-
úsdóttir og Friðrik Sigurðsson voru tekin af
lífi fyrir morð á Natani KetOssyni. Þessir at-
burðir eru kveikjan að handriti myndarinn-
ar sem skrifað er af Jóni Ásgeiri Hreinssyni
og framleiðandanum og kvikmyndatöku-
manninum Snorra Þórissyni en myndin lýt-
ur lögmálum skáldskapar fremur en sagn-
fræði.
Agnes er ung og aðlaðandi einstæð móðir
sem starfar sem vinnukona hjá sýslumanni í
Húnavatnssýslu og eiginkonu hans. Hún fell-
ur fyrir Natani Ketilssyni, dularfullum og
djarftækum kvennamanni og sjálfmenntuð-
um lyflækni sem dæmdur hefur verið fyrir
ólöglega lækningastarfsemi. Dramatísk sam-
skipt} aðalpersónanna þriggja, Agnesar, Nat-
ans og sýslumanns, hrinda af stað örlaga-
þrunginni atburðarás þar sem ástarsamband
breytist í martröð ofbeldis og tortímingar.
í aðalhlutverkum eru María Ellingsen,
sem leikur Agnesi, Baltasar Kormákur leik-
ur Natan og Egill Ólafsson leikur sýslu-
mann. í öðrum helstu hlutverkum eru Hilm-
ir Snær Guðnason, Magnús Ólafsson, Hanna
María Karlsdóttir, Guðný Guðlaugsdóttir,
Gottskálk Dagur Sigurðarson og Ámi Pétur
Guðjónsson. Leikstjóri er EgUl Eðvarðsson
en þetta er fyrsta leikna kvikmyndin í fullri
lengd sem hann leikstýrir frá því hann gerði
Húsið árið 1983. Snorri Þórisson er framleið-
andi og kvikmyndatökumaður, leikmynd
gerði Þór Vigfússon, Helga I. Stefánsdóttir
hannaði búninga, Ragna Fossberg sá um
fóröun, Siguröur Karlsson, klippingu og tón-
list samdi Guimar Þórðarson.

í Bandaríkjunum
- dagana 15.-17. desember. Innkoma í millj-
ónum dollura og heildarlnnkoma.
Jumanji byggist mikið upp á
tæknibrellum.
Jumanji
rétt náði á
toppinn
Þrátt fyrir aðhin dýra tækni-
brellumynd Jumanji hafl náð
efsta sætinu á bandaríska vin-
sældalistanum eftir að aðsóknar-
tölur helgarinnar voru birtar þá
rikir engin gleði í herbúðum
TriStar og Sony, þar sem myndin
halaði aðeins inn rúmar ellefu
milljónir doUara. Það er rúmlega
helmingi minna en menn þar á
bæ gerðu sér vonir um. Það ríkir
heldur engin gleði hjá Para-
mount, þar sem Sabrina halaði
aðeins inn funrn og hálfa miUjón
doUara, en þar var einnig búist
við mun meiru. Ljóst er að erfitt
verður fyrir Jumanji að ná upp í
kostnað, en talið er að myndin
hafi kostað vel yfir 100 milljónir
doUara í framleiðslu. Þriðja stóra
myndin sem frumsýnd var um
helgina var Heat með þeim A1
Pacino, Robert De Niro og Val
Kilmer í aðalhlutverkum. Hún
gerði akkúrat það sem búist var
við af henni og mun sjálfsagt
sigla lygnan sjó í nokkrar vikur.
Af ódýrari myndum sem frum-
sýndar voru um síðustu helgi er
vert að vekja athygli á Sense and
SensibUity, sem leikstýrt er af
Ang Lee, en flestir eru á að þessi
mynd verði með margar óskarstU-
nefhingar á bakinu þegar tilnefn-
ingar verða birtar í febrúar. -HK
1 (-) Jumanji 11,1 11,1
2(1) Toy Story 11,0 97,5
3 (-) Heat 8,4 8,4
4 (3) Father of the Bride 7,3 21,2
5 (-) Sabrina 5,5 5,5
6 (3) Goldeneye 3,2 83,1
7 (7) The American President 2,1 41,1
8 (9) Casino 2,1 32,8
9 (5) Ace Ventura 1,8' 101,2
10(6) MoneyTrain 1,7 32,0
11 (-) Sense and Sensibility 0,7 0,9
12(8) Get Shorty 0,5 66,9
13 (9) It Takes Two 0,4 16,9
14 (12) Copycat 0,3 28,3
15 (16) Dangerous Minds 0,3 83,6
16 (17) Seven 0,2 86,8
17(12) Homefor the Holidays 0,2 17,0
18 (-) To Die for 0,2 20,5
19 (11) White Man’s Burden 0,2 3,6
20 (16) Powder 0,2 28,6
Sharon Stone
í fótspor
Simone
Signoret
Ein þekktasta franska saka-
málmynd sem gerð hefur verið er
Diabolique sem leikstýrð var af
Henri Georges Clouzot. Á sínum
tíma var myndin vinsæl í Banda-
ríkjunum og vann verðlaun kvik-
myndagagnrýnanda í New York
sem besta erlenda kvikmyndin.
Þá er sagt að Alfred Hitchcock
hafi haft Diabolique tU hliðsjónar
þegar hann gerði meistaraverk
sitt, Vertigo. I þeirri öldu sem
gengur í HoUywood að endurgera
franskar kvikmyndir kemur ekki
á óvart að Diabolique skuli nú
vera endurgerð og heldur hún
sama nafni. Það er Jeremy
Chechik sem leikstýrir myndinni
en aðalhlutverkið leikur Sharon
Stone og leikur hún hlutverk
sem Simone Signoret lék. Aðrir
leikarar eru IsabeUe Adjani,
Chazz Palminteri og Kathy Bates.