Dagblaðið Vísir - DV - 26.05.1997, Blaðsíða 7

MÁNUDAGUR 26. MAÍ 1997
7
x>v________________________________Fréttir
Grunnskólinn á Flateyri:
Skólastjóri
látinn hætta
- borinn „alvarlegum ásökunum” í kvörtunarbréfi
DV, ísafjaröarbæ:
Björn E. Hafberg, skólastjóri
grunnskólans á Flateyri, skrifaði
þann 6. maí undir starfslokasamn-
ing við ísafjarðarbæ í kjölfar ásak-
ana sem á hann voru bomar af
tveim samkennunun hans. Mun
hann reyndar ekki hafa átt nema
þrjá kosti í stöðunni, að sitja áfram
gegn vilja yfirboðara sinna og eiga
uppsögn yfir höfði sér, segja upp
sjálfur, eða þiggja starfslokasamn-
ing með sex mánaða launum.
Meirihluti kennara við skólann
hefur ritað fræðslunefnd yfirlýs-
ingar til stuðnings Bimi þar sem
þeir lýsa m.a. undrun sinni á þvi
að skólayfirvöld hafi á engan hátt
kannað málið eða leitað upplýs-
inga hjá þeim, auk þess sem þeim
þykir að sér vegið í þeim ávirðing-
um sem á skólastjórann eru born-
ar.
Líklega tvö bréf
Bjöm, sem jafhframt er varabæj-
arfulltrúi Alþýðuflokksins í bæn-
um, segist í greinargerð um málið
fyrst hafa heyrt af áburðinum á
hendur sér þann 13. apríl sl. á
fundi með Rúnari Vífilssyni, skóla-
og menningarfulltrúa ísafjarðar-
bæjar. Rúnar sagði honum þá ffá
kvörtunarbréfi eða bréfum sem
borist höfðu til formanns fræðslu-
nefndar, Óðins Gestssonar, Sjálf-
stæðisflokki, og væru bréfin lík-
lega tvö, annað frá tveim samkenn-
umm hans, Hörpu Jónsdóttur og
Sigrúnu S. Jökulsdóttir, sem jafh-
framt er trúnaðarmaður kennara.
Gerði Rúnar skólastjóranum ljóst
að formaður fræðslunefndar áliti
að hann yrði að láta af störfum
vegna þessara bréfa.
Könnuöust ekki við bréfiö
Hafði Björn samband við alla
fasta kennara skólans nema Hörpu
Jónsdóttur, sem hann náði ekki í,
og gerði þeim grein fyrir hvaða
staða væri komin upp. Enginn
þeirra kannaðist við að hafa sent
bréf. Sigrún og Harpa viðurkenndu
þó á kennarafundi 17. apríl að hafa
sent slíkt bréf. Neituðu þær þá að
upplýsa um innihald þess.
Á fundi með formanni skóla-
nefndar mánudaginn 21. april kom
fram að lykilatriði málsins væri að
Bjöm léti af störfum.
Fengu aö lesa bréfiö
Þann 6. maí skrifaði Bjöm svo
undir starfslokasamning, en ítrek-
aði að hann gæti ekki lokið málinu
fyrr en hann fengi að minnsta
kosti nánari skýringar á því hvað
við væri átt með orðum formanns-
ins, „mjög alvarlegar ásakanir".
Síðar þennan sama dag var hald-
inn fræðslunefhdarfundur þar sem
tilkynnt var um gerðan starfsloka-
samning. Fengu fúlltrúar fræðslu-
nefndar þar að lesa áðurnefnt bréf
kennara. Mun það hafa komið
sumum fræðslunefndarfulltrúum á
óvart að einn fúlltrúi nefndarinn-
ar, Magnea Guðmundsdóttir, Sjálf-
stæðisflokki, hafði áður fengið að
lesa umrætt bréf án þess að aðrir
nefndarmenn hefðu hugmynd um
tilveru þess. Hafði Björn fengið
það staðfest að Magneu hafði upp-
haflega verið afhent bréf kennar-
anna mánuöi áður en aðrir
fræðslunefndarmenn, fyrir utan
formanninn, höfðu vitneskju um
málið.
Ýmsar kvartanir borist
I greinargerð vegna starfsloka-
samnings kemur fram að formanni
fræðslunefndar hafi borist ýmsar
kvartanir frá foreldrum á síðast-
liðnu sumri vegna skólastjórans. í
mörgum þessara tiifefla hafi verið
um „mjög alvarlegar ásakanir að
ræða“ sem formaðurinn telur ekki
rétt að gera opinberar. Ekki sé ætl-
unin að fremja neina aftöku á við-
komandi starfsmanni, heldur að
reyna að komast frá málinu í ró og
spekt. Telur hann aö það sé ekki
málinu tfl framdráttar að tíunda
hverja einustu ásökun.
Síöan segir í greinargerö-
inni:
„Nú er það svo að það hlýtur að
vera krafa skólastjórans að fá vitn-
eskju um ef foreldrar eru óánægð-
ir með eitthvað í framkomu hans
gagnvart sínum börnum og skóla-
starfinu í heild sinni.“
Þrátt fyrir þessa klásúlu í grein-
argerðinni þótti ekki ástæða tfl að
upplýsa Björn um það sem kaflað-
ar eru „mjög alvarlegar ásaknir á
hendur honum“, sem voru þó tald-
ar svo alvarlegar að ekki væri um
annað að ræða en að láta hann
hætta störfum. Ekki mun heldur
hafa þótt ástæða til þess áður að
gera athugasemdir við Bjöm eða
að veita honum áminningu.
Pólitískar erjur?
Á fundi í nýlega stofnuðu félag
jafhaðarmanna í ísafjarðarbæ á
þriðjudag var m.a. fjaflað um þetta
mál. Samkvæmt heimildum blaðs-
ins telja menn eftir þann fund
erfitt að gera nokkuð þar sem
Björn hafi þegar skrifað undir
starfslokasamning. Því sé ekki bú-
ist við að það yrði látið brjóta á
þessu máli í meirihlutasamstarfi
Alþýðuflokks og Sjálfstæðisflokks.
Hins vegar sé málsmeðferðin
ámælisverð og mjög alvarlegt mál
hvemig að hlutum var staðið. Þá
taldi einn viðmælenda blaðsins að
„skítalykt" væri af þessu máli og
menn yrðu að opinbera hvað lægi
þarna að baki. Þá spyrja menn
þeirrar spumingar hvort pólitísk-
ar erjur þeirra Bjöms og Magneu
liggi að baki þessari málsmeðferð
og má geta þess að Björn beitti sér
mjög fyrir myndun vinstri meiri-
hluta í nýja sveitarfélaginu eftir
síðustu hæjarstjórnarkosningar.
Ofan á þetta vakna svo spurningar
um stjórnsýslulög og lög um rétt-
indi og skyldur opinberra starfs-
manna. í samtali við blaðið sagðist
Björn Hafberg ekki telja rétt að tjá
sig opinberlega um málið að svo
stöddu þar sem það væri formlega
ekki enn komið til fræðslunefhdar.
Því væri rétt að nefndin fengi fyrst
að fjalla um málið.
Þrátt fyrir margítrekaðar til-
raunir blaðamanns náðist ekki í
Óðin Gestsson varðandi þetta mál.
-HK
Rýmingar
10-50%
afsláttur
Seljum sýningareintökin.
Litið útlitsgölluð myndbandstæki,
sjónvarpstæki, hljómtæki og bíltæki.
Nú er lag að eignast ný tæki
á hlægilega góðu verði.
Sjðnvarpsmiðstððin
5ÍÐUMÚLA 2 • 5ÍMI 5B8 90 90