Dagblaðið Vísir - DV - 16.05.1998, Blaðsíða 29

JZ>V LAUGARDAGUR 16. MAÍ 1998
Glönd
Fyrrverandi eiginkona Guccis ákærð fyrir morðið á honum:
Betra að gráta í Rolls en
vera hamingjusöm á hjáli
Patrizia Reggiani, fyrrverandi eiginkona tískukóngsins Maurizio Gucci, í
lögreglubíi eftir aö hún var handtekin í janúar í fyrra. Símamynd Reuter.
„Ég myndi heldur vilja gráta í
Rolls Royce en vera hamingjusöm á
hjóli.“ Þetta eru íleyg orð Patriziu
Reggiani, fyrrverandi eiginkonu
tískukóngsins Maurizio Gucci. Pat-
rizia er ákærð fyrir að hafa látið
koma Maurizio fyrir kattarnef.
Réttarhöld í máli hennar hefjast í
næstu viku.
Patrizia bíður réttarhaldanna í
San Vittore-fangelsinu í Mílanó á
Ítalíu. Hún er svo sem enginn
venjulegur fangi þó svo að hún
skreyti sig ekki lengur með gim-
steinum og loðfeldum. Patrizia, sem
ítalska pressan kallar Svörtu ekkj-
una, var handtekin
í lúxusíbúð sinni
fyrir 15 mánuðum.
Hún var sökuð um
að hafa leigt tvo
menn til að láta
myrða fyrrverandi
eiginmann sinn.
Patrizia neitar sak-
argiftum.
Vandamál Gucci-
fjölskyldunnar eru
næstum jafnþekkt og skórnir og
handtöskurnar sem hún seldi.
Fyrsta Gucci-fyrirtækið var söðla-
verkstæði í Flórens sem sett var á
laggirnar 1906. Söðlaverkstæðið átti
eftir að verða eitt stærsta tískufyrir-
tæki heims.
Stofnandi fyrirtækisins, Guccio
Gucci, hvatti syni sína til að keppa
hver við annan. Samkeppnin hélt
áfram þegar sonasynir Guccios
höfðu tekið við. Stundum var svo
heitt í kolunum á stjórnarfundum
að hnefahöggin glumdu. Guccifjöl-
skyldunni var líkt við Borgiafjöl-
skylduna í Flórens á miðöldum en
sumir meðlima hennar voru frægir
eiturbyrlarar.
Uppreisn Maurizios
Maurizio ákvað að gera uppreisn.
Þegar hann var tvítugur tilkynnti
hann fjölskyldunni að hann ætlaði
að kvænast dóttur þvottakonu. Fað-
ir Maurizios, Rudolfo, varð æfur og
ákvað að gera allt sem hann gæti til
að koma í veg fyrir brúðkaupið.
Maurizio hafði kynnst Patriziu,
sem var flórum árum eldri en hann,
í partíi í Milanó í upphafi áttunda
áratugarins. „Við fórum að fara út
saman en faðir hans harðbannaði
það strax. Hann sagði að ég væri
gullgrafari," sagði Patrizia eitt sinn
í blaðaviðtali.
Þrátt fyrir tilraunir Rudolfos til
að fá erkibiskupinn í Mílanó til að
skerast i leikinn gekk Maurizio að
eiga Patriziu árið 1972.
Patrizia tilheyrði ósköp venju-
legri fjölskyldu. Móðir Patriziu yfir-
gaf fóður hennar til að kvænast
manni er rak vöruflutningafyrir-
tæki. Patrizia var síðar ættleidd af
stjúpföður sínum.
Skólafélagar Patriziu segja að
Benedetto Ceraulo, meintur
leigumoröingi. Símamynd Reuter.
hún hafi aðeins haft eitt takmark í
lífinu, það er að kvænast ríkum
manni og hafa gnægð fjár milli
handanna.
Þegar takmarkinu var náð tók
Patrizia völdin í hjónabandinu.
Henni reyndist auðvelt að stjórna
hinum feimna Maurizio sem hafði
misst móður sína þegar hann var
fimm ára. Henni fórst einnig vel úr
hendi hlutverk eiginkonu í Gucci-
fjölskyldunni. Sagan segir að hún
hafi haft með sér 100 ferðatöskur á
ferðalögum og verið iðin við að
halda kampavínsveislur.
Það komu hins vegar upp vanda-
mál þegar Maur-
izio erfði 50 pró-
sent Gucciauðæf-
anna árið 1983 við
andlát fóður síns.
„Maurizio
breyttist á einni
nóttu,“ sagði Pat-
rizia í viðtali
skömmu áður en
hún var handtek-
in. „Hann hætti að
hlusta á mig.“
Maurizo tók yfirráðin. Hann rak
frænda sinn úr stjórn fyrirtækisins
og fór að seilast eftir hinum helm-
ingi auðæfanna.
Konan hans varð næsta fómar-
lamb. Dag nokkurn, tveimur árum
eftir andlát föður síns, steig
Maurizio um borð í einkaþotu sína
í Mílanó og kom aldrei aftur heim
til Patriziu.
Patrizia fylltist reiði og sakaði
Maurizio um allt mögulegt milli
himins og jarðar. Sagði hún hann
meðal annars getulausan og brjálað-
an. Hún samþykkti ekki tillögu
hans um skilnaðarsamkomulag.
Samkvæmt ítölskum blöðum bauð
Maurizio Patriziu um 70 milljónir
íslenskra króna.
Ekki leið á löngu þar til Patrizia
sagði hverjum sem hlusta vildi að
hún óskaði þess að Maurizio væri
dauður. Barnfóstra Guccifjölskyld-
unnar á að hafa sagt að Patrizia
hefði beðið hana um að fmna ein-
hvem til að myrða Maurizio.
Snemma á þessum áratug fékk
Patrizia heilaæxli. Hún segir að
Maurizio hafi komið að heimsækja
hana á sjúkrahúsið þar sem hún lá
eftir skurðaðgerð. „Ég kom bara til
að athuga hvort þú hefðir dáið,“
hvíslaði hann í eyra Patriziu, að því
er hún fullyrðir.
Þegar Patrizia frétti að Maurizio
ætlaði að kvænast ljóshærða innan-
hússarkitektinum, sem flutt hafði
inn á Gucciheimilið, varð hún enn
reiðari. Hún vildi ekki að dætur
hennar misstu hluta af arfi sínum.
Leigumorðingjar
Þann 27. mars 1995, þegar
Maurizio var á leið upp tröppurnar
að skrifstofunni sinni í Mílanó, var
hann skotinn tveimur skotum í bak-
ið. Þriðja skotið hæfði hann í höfuð-
ið. Húsvörðurinn réðist á morðingj-
ann með kústi en var skotinn í öxl-
ina og handlegginn. Morðinginn
komst undan í grænum Renault
Clio.
Maurizio var myrtur tveimur ár-
um eftir að hann hafði selt fjárfest-
ingaraðila, sem var með araba á bak
við sig, hlut sinn í Guccifyrirtækinu
fyrir um tíu og hálfan milljarð ís-
lenskra króna. Frændur hans höfðu
selt sama aðila sinn hlut seinni
hluta níunda áratugarins.
I fyrstu taldi lögreglan að morðið
á Maurizio tengdist einhverjum nýj-
um viðskiptum hans. Hann ætlaði
meðal annars að opna spilavíti i
Sviss.
Patrizia varð ekkert sérstaklega
sorgmædd er hún frétti af morðinu.
Eftir tveggja ára rannsókn hafði lög-
reglan komist að þeirri niðurstöðu
að um samsæri hefði verið að ræða.
Ýmsar aðferðir höfðu verið notaðar
við rannsóknina og hafði meðal
annars levnilögreelumaður þóst
vera morðingi frá Kólumbíu.
Patrizia, skyggn vinkona hennar,
sem heitir Pina Auriemma, dyra-
vörður á hóteli, sem hefur áhuga á
dulspeki, og tveir meintir leigu-
morðingjar voru handtekin í janúar
1997 og ákærð fyrir morð að yfir-
lögðu ráði.
Lögreglan segir að Patrizia hafi
greitt fjórmenningunum rúmar 24
milljónir íslenskra króna fyrir að
myrða Maurizio. Áttu fjórmenning-
arnir að skipta peningunum á milli
sín. Frásögn fjórmenninganna renn-
ir frekari stoðum undir þetta. Pat-
rizia heldur því hins vegar fram að
þeir hafi tekið það upp hjá sjálfum
sér að láta ósk hennar verða að
veruleika án þess að ráðfæra sig við
hana um það.
„Það er rétt að ég gekk um og
sagði að ég þyrfti að finna morð-
ingja og að ég vildi að Maurizio
væri dauður," sagði Patrizia í við-
tali við dagblaðið Corriere della
Sera. „En ef einhver heföi komið til
mín með tilbúna áætlun hefði ég
aldrei samþykkt hana.“
Að sögn Patriziu kúgaði hin
skyggna vinkona hennar fé út úr
henni um leið og hún krafðist
greiðslu fyrir morðið. „Nú er röðin
komin að þér að borga. Hver sá sem
myrti getur myrt á ný. Hugsaðu um
dætur þínar,“ hefur Patrizia eftir
Auriemma. Sjálf kveðst Patrizia
vera bjartsýn en jafnframt hrædd.
Byggt á Reuter
HONDA
5 d v r a 1 . 4 i
7 5 h e s t ö f l
Traustur bíll fyrir ungt fólk á öllum aldri
InnifaUð í verði bílsins
M400cc 16 ventla vél með tölvustýrðri innsprautun
Hoftpúðar fyrir ökumann og farþega
►Rafdrifnar rúður og speglar
► Vindskeið með bremsuljósi
►Útvarp og kassettutæki
kHonda teppasett
M4" dekk
► Samlæsingar
► ABS bremsukerfi
kRyðvörn og skráning
Verð á götuna:1.295.000.
Aðrar vélarstærðir einnig á lager, viðbótarbúnaður tilgreindur:
Honda Civic 1.6 VTi VTEC
1.890.000,-
160 hestöfl
15" álfelgur
Rafdrifin sóllúga
6 hátalarar
Sportinnrétting
Leðurstýri og leðurgírhnúður
Honda Civic 1.5 LSi VTEC
1.490.000,-
115 hestöfl
Fjarstýðar samlæsingar
Höfuðpúðar aftan
4 hátalarar
Hæðarstillanlegt ökumannssæti
Honda Civic 1.4 Si
1.375.000,-
90 hestöfl
Sjálfskipting 100.000,-
(H)
HONDA
Sími: 520 1100
Umboðsaðiiar:
Akureyri: Höldur, s: 461 3014 • Akranes: Bílver, s: 431 1985 • ísafjörður: Bílasala Jóels, s: 456 4712
Keflavík: B.G. Bílakringlan, s: 421 1200 • Egilsstaðir: Bíla og Búvélasalan, s: 471 2011
w Erlent
fréttaljós