Dagblaðið Vísir - DV - 08.05.2000, Blaðsíða 10

28
MÁNUDAGUR 8. MAÍ 2000
4. .. ............................... ................
Sport_____________________________________________________ dv
^ Elliðavatnið um helgina:
Agæt veiði
- og mun hlýrra veður
„Veiöin gengur ágætlega héma núna, það hefur líka hlýnað verulega
og veiðimenn fá einna mest héma úti á engjunum fyrir framan hjá mér,“
sagði Vignir Sigurðsson, sem var við Elliðavatnið um helgina, er við
spurðum frétta af veiðiskapnum. „Það voru tveir héma á engjunum í gær
og þeir veiddu vel, 8 til 10 fiska á mann. Veiðimenn þurfa að vaða til að
komast þangað en þama er fiskur. Helluvatnið er allt að koma til og þar er
bleikjan farin að gefa sig. Það er níu stiga hiti héma við vatnið núna og
veiðimenn eru að reyna fyrir sér,“ sagði Vignir um leið og hann afgreiddi
tvo veiðimenn sem biðu eftir því að renna í ána. Við fréttum af veiðimanni
sem fór stíflumegin í Elliðavatnið með sitt flotholt og maðk og veiddi 9
fiska, allt urriða sem sumir voru 2 punda. Rétt hjá þessum veiðimanni var
annar, 6 tO 7 ára, og hann veiddi 3 punda urriða á maðkinn. Það er því
ýmislegt að gerast við Elliðavatnið þessa dagana og hvergi betra en þar að
hita sig upp fyrir sumarið.
Fullt út úr dyrum
Veiðimenn virðast heldur betur vera komnir í startholurnar fyrir
sumarið. Þeir geta varla beðið lengur eftir að veiðitiminn byrji og
fjölmenna þar sem veiði er í boði. Stangaveiðifélag Reykjavíkur bauð upp
á opið hús á föstudagskvöldið og var fullt út úr dyrum. Veiðileiðsögn um
tíu bestu veiðiárnar vakti athygli en þar fengu þeir sem þekkja veiðiárnar
manna best að tala um þær í 5 mínútur. Þetta voru ár eins og Rangárnar,
Þverá og Kjarrá, Grímsá, Norðurá, Langá, Laxá í Kjós, Miðfjarðará, Blanda,
Víðidalsá og Laxá í Leirársveit. Var þetta skemmtileg nýjung í opnu húsi.
Frammi á gangi voru Björgvin Halldórsson og fleiri að kynna nýju
flugustöngina sem heildverslunin Vog flytur inn og er víst algjört æði. Hún
er dýr en algjör gullmoli og margir vildu skoða stöngina vel.
Dagana 20. og 21. verður haldin í íslenska kvikmyndaverinu Óskari, sem
stendur á bökkum Korpu, stangaveiðisýning. ÖOum þeim sem tengjast
stangaveiðiíþróttinni verður boðin þátttaka í sýningunni og ætla víst
margir sem tengjast sportinu að koma. Undirbúningur að sýningunni hófst
í byrjun árs en Landssamband stangaveiðifélaga, sem er 50 ára á árinu,
verður heiðursgestur sýningarinnar. Þessa dagana stendur Lands-
sambandið fyrir mikOli fluguhnýtingakeppni og verður íslandsmeistari í
fluguhnýtingum 2000 krýndur á sýningunni. Sýningarstjóri er
veiðimaðurinn Stefán Á. Magnússon.
17 punda urriöi á dorg
Dorgveiði hefur verið þónokkuð stimduð á ÞingvaOavatni í vetur og
sumir hafa fengið góða veiði. Fyrir nokkrum dögum veiddust í vatninu
þrír stórir urriðar og var einn þeirra sérstaklega vænn, 17 pund. Hinir
fískarnir voru 10 og 12 punda. Veiðimenn eru eitthvað byrjaðir að kasta
flugunni i vatnið. Eitthvað hefur verið að veiðast en ekki mikið enn sem
komið er. -G.Bender
Hestamolar
Þó að svœðió i Viðidalnum sé ekki
endanlega komið í það form sem áætl-
að er voru menn samt nokkuð sáttir.
Vellimir eru enn í mótun en tréverkið
sem afmarkar stóra hringvöllinn fór
mikið í taugamar á áhorfendum.
Hrossin frá Miðsitju vöktu mikla at-
hygli í Víðidalnum og er alveg greini-
leg að Jói vakri og konan, Sólveig,
eru að gera góða hluti i sinni ræktun.
Þau hafa stundað hrossarækt í nokkra
áratugi með góðum árangri.
Hér aö ofan eru efstu stóöhestarnir í sex vetra flokki og eldri. Frá vinstri taliö: Daníel Jónsson á Núma frá
Þóroddsstöðum sem varö efstur, Vignir Jonasson á Keili frá Miösitju og Sigurbjörn Bárðarson á Markúsi frá
Langholtsparti. DV-myndir Hinrik
“y
Fyrsta kynbótasýning sumarsins
fór fram á mótssvæði Fáks og má
segja að þetta hafl verið prufu-
keyrsla á svæðið fyrir komandi
landsmót. Ekki voru menn á eitt
sáttir um keppnisvellina og var það
þá helst að tréverk sem marka
brautina eru of há og hindra sýn á
hross frá áhorfendabrekkum.
Um sjötiu hross voru skráð og er
það svipaður fjöldi og i fyrra en eins
og flestir vita hafa þessar fyrstu
kynbótasýningar farið fram í
Gunnarsholti. í fjögurra vetra
flokki stóðhesta varð efstur Jöfur
frá Blesastöðum en hann er undan
Sprota frá Hæli. Þessi bráðefnilegi
foli hlaut 7,89 í aðaleinkunn og virk-
aði gífurlega jafn á öllum gangteg-
undum nema á skeiði sem hann á
efalaust eftir að bæta síðar meir. í
öðru sæti varð Þráinn frá Sigtúni,
Ófeigssonur, en hann hlaut 7,83 í að-
aleinkunn.
Segja má að Svartssonurinn, Ask-
ur frá Kanastöðum, hafi verið
stjama þessarar sýningar. Hann
varða efstur í 5 vetra flokki og fékk
8,35 í aðalein-
kunn. Hér er
á ferðinni
mjög spenn-
andi ræktun-
arhestur með
9,0 fyrir vilja
og brokk, auk
þess sem
hann er með
góð fyrstu
verðlaun fyr-
ir byggingu.
Gustur frá
Hóli virðist
koma sterkur
inn í ræktun
og á það ekki
að koma á
óvart. Sonur
hans, Kjami
frá Árgerði,
varð í öðru
sæti með 8,33 1
Vignir Jónasson á mikilli siglingu á Keili á kynbótasýningunni.
Hrossin frá Miösitju vöktu athygii mótsgesta. DV-mynd Hinrik
Númi frá Þóroddstöóum, sem stóö
efstur 6 vetra stóðhesta, er í eigu
hrossaræktarsamtaka á Suðurlandi,
einnig Eyflrðinga og Þingeyinga. Dan-
íel Jónsson, sem sýndi hestinn um
helgina, segist hafa áhyggjur af því að
lítill tími verði til að þjálfa hestinn fyr-
ir landsmót. Búast má við því að mer-
amar streymi til hans eftir þennan
góða árangur um helgina.
Ijósvaki frá Akureyri, sem Baldvin
Ari hefur undanfarin ár náð góðum ár-
angri með, var langt frá sínu besta um
helgina. Hvað það er sem hrjáir hest-
inn veltu menn mikið fyrir sér, enda
mönnum annt um að
þessi glæsihestur sýnist
vel.
Mikil söngveisla verð-
ur haldin í Félagsheim-
ili Fáks næstkomandi
laugardag. Þar verður
harmoníkusnillingur-
inn og hestamaðurinn
Grettir Björnsson
ásamt Auðuni Valdi-
marssyni. Álftagerðis-
bræður þenja einnig sín
skagfirsku raddbönd.
Það má því segja að
þetta verði ekta hesta-
mannaskemmtun.
Svo er að minna knapa
á að nota reiðhjálm. Það
hefur margur bjargast á
því að hafa einn slíkan
á höfðinu og ætti það
ekki að sjást að menn
séu án slíks öryggistæk-
is. Upp með hjálminn.
-HÓ
aðaleinkunn. Þar á eftir kom Þym-
ir frá Þóroddsstöðum með aðaleink-
un upp á 8,31. í flokki 6 vetra stóð-
hesta og eldri varð enn einn Svarts-
sonurinn í fyrsta sæti en það er
Númi frá Þóroddsstöðum með 8,45 í
aðaleinkunn.
Númi fékk 9,5 fyrir skeið og virð-
ist stefna í tíuna eins og faðirinn, og
þá líklega á komandi landsmóti. í
öðru og þriðja sæti voru Markús frá
Langholtsparti og Keilir frá Mið-
sitju. Á heildina litið voru hrossin
frekar jöfn og fátt sem kom á óvart
en gefa verð.ur þessum hrossum
tækifæri til að bæta sig fyrir kom-
andi landsmót.
Hestadagar í Reiöhöllinni
Hinir árlegu hestadagar Norð-
lendinga og Sunnlendinga voru
haldnir í Reiðhöllinni um helgina
og troðfullt var á báðum sýningun-
um. Dagskráin var fjölbreytt aö
vanda en að sama skapi voru sýn-
ingamar æði misjafnar að gæðum.
Fyrir hlé var sýning þeirra Gylfa
Gunnarssonar og Páls Bjarka Páls-
sonar einna best. Þeir félagar voru
með glæsihrossin Gyðju og stóð-
hestinn Kormák frá Flugumýri.
Sýning þeirra var kraftmikil og vel
útfærð og hestamir vöktu mikla
hrifningu áhorfenda, sérstaklega
Kormákur sem sýndist glæsilega á
sýningunni. Sigurbjöm Bárðcæson
mætti með eðaltöltarann Eið frá
Oddhóli og sýndi hvemig hreint og
fallegt tölt á að líta út. Eftir hlé tók
sýningin á sig betri hlið og þar
vöktu afkvæmi Gáska frá Hofsstöð-
um mikla hrifningu.
Þar fór fremstur Randver frá
Nýja-Bæ, jarpskjótur glæsihestur,
og má búast við því að hann verði
mikið notaður til undaneldis eftir
þessa kynningu sem hann fékk.
Hrossin frá Miðsitju hafa ávallt vak-
ið athygli og að þessu sinni fengu
áhorfendur að sjá fyrstu verðlauna-
stóðhestana frá þessu mikla rækt-
unarbúi saman komna. Það er í
raun einstakt að eitt bú skuli vera
með þvílíka efnisgripi eins og þama
sást og eiga þau hjónin, Jóhann Þor-
steinsson og Sólveig Stefánsdóttir,
skilið mikið lof fyrir.
Sýningunni lauk með mikilli
skeiðveislu þar sem hver gammur-
inn af öðmm var látinn þeysast í
gegnum höllina við mikinn fögnuð
áhorfenda. Sýningin í heild sinni
var of löng og hefði mátt fella mörg
atriði út af dagskránni. Það er í
raun með ólíkindum hvað lítið er
gert úr lýsingunni þegar reiðhallar-
sýningar eru skipulagðar.
Það er ekki hægt að bjóða áhorf-
endum upp á þessa frystihúsalýs-
ingu sem er í Reiðhöllinni. Ljósin
flæða um allan salinn og ekkert
ákveðið svæði er afmarkað. Fyrir
vikið sýnast hrossin verr og öll blæ-
brigði atriðanna hverfa. Þetta verð-
ur að laga. -HÓ