Dagblaðið Vísir - DV - 28.02.2003, Blaðsíða 2

2
FÓSTUDAGUR 28. FEBRÚAR 2003
DV
Fréttir
Keflavíkurverktakar segja upp launalið vinnustaðasamninga. Róbert Trausti Árnason forstjóri:
Iðnaðarmenn sem starfa hjá
Keflavíkurverktökum fengu sent
bréf í gærmorgun þar sem fyrir-
tækið tilkynnti að felldur væri úr
gildi launaliður vinnustaðasamn-
inga sem gerðir voru í maí 2000.
Jafnframt er tilkynnt að teknir
verði upp nýir samningar sem
kynntir voru 26. febrúar en kol-
felldir voru á fundi starfsmanna í
fyrrakvöld. Þeir samningar fela í
sér um 15% launalækkun að mati
starfsmanna og eiga að taka gildi
1. júní. Starfsmenn sem DV ræddi
við í gær lýstu mikilli gremju í
garð fyrirtækisins sem sagði
einnig upp 70 starfsmönnum á
síðasta sumri.
Róbert Trausti Árnason, for-
stjóri Keflavíkurverktaka, segir
hart barist í útboðum í verktaka-
bransamun um þessar mimdir.
Að þessu þurfl fyrirtækið að laga
sig. Hagrætt hafi verið á flestum
sviðum, m.a. í innkaupum á
rekstrarvörum frá birgjum. Nú sé
röðin einfaldlega komin að launa-
lið vinnustaðasamninga. - „Við
erum hermangarar í endurhæf-
ingu,“ sagði Róbert Trausti.
- Lítið þið þá svo á að þiö séuð
að laga ykkur að þeim samning-
um sem gilda almennt á mark-
aðnum?
„Já, þá erum við mun sam-
keppnishæfari um verk utan
Keflavíkurvallar en við höfum
verið. Auðvitað kemur þetta þó
illa við menn og ég skil mjög vel
Launalækkun boöuð hjá Keflavíkurverktökum
Starfsmenn sem DV ræddi viö í gær lýstu yfir mikilli gremju í garö
fyrirtækisins. Forstjórinn segir breytingar á samningum hluta af hagræöingu
sem unniö hefur veriö aö undanfariö.
að menn vilji ekki breytingar.
Vamarliðsframkvæmdir eru þó
ekki sá burðarás lengur í okkar
vinnu sem áður var, enda allt
komið í samkeppni og útboð.
Varnarliðið er víkjandi hluti í
okkar búskap og við byrjuðum
því á því á síðasta ári af miklum
krafti að fara inn á íslenska
markaðinn. Við höfum notið mik-
illar velgengni þar auk þess sem
við erum núna í viðræðum við
aðila sem koma að framkvæmd-
um á Austurlandi."
- Er það ítalska fyrirtækið
Impregilo?
„Já, og við erum vongóðir um
að geta verið með í hluta af þeim
framkvæmdum. Þannig að gam-
alt hermangarafyrirtæki, Kefla-
víkurverktakar, er bara að beina
sjónum sínum annað, frá vamar-
liðinu og varnarsvæðinu yfir á
markaðssvæði sem er mjög
áhugavert. Það væri klaufska af
okkur að taka ekki þátt í því.“
Sigfús Eysteinsson, formaður
Iðnsveinafélags Suðurnesja, segir
í sjálfu sér lítið hægt
að gera í stöðunni. „Það verður
að segjast eins og er að þetta er
hálfómurlegt. Það er þó alltaf rétt-
ur atvinnurekandans að ráða
menn og reka, svo framarlega að
rétt sé að því staðið samkvæmt
kjarasamningi. Þetta er þó alltaf
verulega sársaukafullt og fyrir-
tækið var með fjöldauppsagnir á
yfir 70 manns í fyrrasumar."
Starfsmenn funduðu um tilboð
Keflavíkurverktaka um nýjan
samning í fyrrakvöld. Voru þau
drög kolfelld með 77 atkvæðum
gegn 2 sem voru þeim fylgjandi. í
bréfinu, sem barst starfsmönnun-
um í gærmorgun, var tilkynnt
einhliða um nýjan samning. Tek-
ið er fram að kjósi menn að hafna
„tilboðinu" þá geti menn tilkynnt
starfsmannastjóra það bréflega
inna tveggja vikna. -HKr.
Við erum hermangarar
í endurhæíingu
komust undan
Rúða var brotin í skartgripa-
verslun við Laugaveg rétt eftir
klukkan fimm í morgun. Aö sögn
lögreglunnar voru þar á ferð þrír
menn og komust þeir undan.
„Þetta er hefðbundið innbrot í
skartgripaverslun: Þjófarnir eru á
næturvakt, þeir brjóta rúðuna,
grípa það sem þeir geta og koma
sér á brott eins fljótt og hægt er.“
Lögreglan segir að yfirieitt séu
þjófavarnir í skartgripaverslun-
um góðar. „Gluggarnir eru
veikasti hlekkurinn og þjófamir
notfæra sér það.“ -Kip
Bíll bnann
Samkvæmt upplýsingum frá
lögreglunni á Akureyri kviknaði
í fólksbíl af gerðinni Wolkswagen
Golf á Öxnadalsheiði um áttaleyt-
ið í gær. Ökumaður var einn í
bílnum og slapp ómeiddur en bíll-
inn, sem var kominn til ára
sinna, brann til kaldra kola. -Kip
DV-MYND SIGURÐUR JÖKULL
Vetrarhátíö sett
Vetrarhátíö Reykjavíkur 2003 var sett á tjarnarbakkanum viö lönó í gærkvöld meö því aö Þórólfur Árnason borgarstjóri
kveikti á nýrri lýsingu Tjarnarbrúarinnar. Regnbogabrú var mynduö frá Ráöhúsinu yfir í Tjörnina og Ijósberar veiddu
tungliö upp úr henni í gjörningi. Fjölbreytt dagskrá var síöan í borginni á eftir og veröur næstu daga. Nokkrir kórar
sungu viö setningarathöfnina, þar á meöal Vox Feminae, og nokkrir kórfétagar sjást hér halda á logandi kyndlum.
Stuttar fréttir_________________________________________________________
Deilt um íraksmálið
Halidór Ás-
grímsson utanrík-
isráðherra sagði á
Alþingi í gær að
ekki væri unnt að
semja við Saddam
Hussein nema með
því að beita her-
valdi. Ögmundur
Jónasson, þingmaður Vg, and-
mælti utanríkisráðherra og sagði
tal hans öfgakennt Björn Bjarna-
son blandaði sér einnig í umræð-
una og sagði frið ekki nást með
því aö lúta einræðisherrum.
Öllum sagt upp hjá LA
Öllum starfsmönnum, 15
manns, hjá Leikfélagi Akureyrar
hefur verið sagt upp störfum. Þor-
steinn Bachmann leikhússtjóri
sagði í samtali við RÚV að upp-
sagnimar megi tengja fjárhags-
vanda félagsins en hann vonaðist
til að samningar næðust við Akur-
eyrarbæ áður en uppsagnarfrestur
starfsmannanna fimmtán rennur
út.
Smáslatti eftir af loðnu
Tólf loðnuskip eru búin með
loðnukvótann sinn og mörg eiga
lítið eftir. Nú á eftir að veiða rúm
100 þúsund tonn af útgefnum
loðnukvóta en þess er nú beðið að
loðnumælingum um borð í rann-
sóknarskipinu Árna Friðrikssyni
ljúki. RÚV greindi frá.
Vaka sigraði aftur
Vaka, félag lýðræðissinnaðra
stúdenta, vann aftur meirihlutann
í stúdentaráði Háskóla íslands í
kosningum sem lauk í gær. Vaka
hlaut 1.883 atkvæði og fimm full-
trúa. Röskva hlaut 3 fulltrúa, með
1.312 atkvæði, og Háskólalistinn
fékk 397 atkvæði og einn fulltrúa.
Þá hlutu Vaka og Röskva þrjá full-
trúa hvort á háskólafund. -aþ
Göngudeild BUGL
flytji að Vífilsstöðum
„Það eru alveg ljóst að við
verðum að kljúfa upp göngudeild
og legudeild ef hægt á að vera að
bjarga málum fyrir horn. Það eru
bæði kostir og gallar við það að
hafa legudeildir og göngudeildir
á mismunandi stöðum."
Þetta segir Ólafur Ó. Guð-
mundsson, yfirlæknir Barna- og
unglingageðdeildar Landspitala -
háskólasjúkrahúss um þá hug-
mynd nefndar sem vinnur að
lausn vanda deildarinnar að
flytja göngudeildina að Vífilsstöð-
um. Ólafur sagði að það væri
einn þeirra möguleika sem
nefndin heföi nú tO skoðunar.
„Það tíðkast víða erlendis að
hafa göngudeildirnar sér,“ sagði
Ólafur. „Það gefur aðeins meiri
afmörkun en hins vegar þarf
starfsfólk að fara meira á milli,
sem getur veriö óhentugt.“
Ólafur sagði enn fremur að all-
ar ábendingar um laust húsnæði,
sem gæti hentað til umræddrar
starfsemi, væru vel þegnar. Það
væri mikið af lausu húsnæði í
borginni en vitaskuld yrði það
sem fyrir valinu yrði að henta til
vistunar göngudeildar. -JSS
Fiskaflinn í fyrra:
Heildarverðmæti
71,5 milljarðar
Heildaraflaverðmæti íslenskra
skipa af öllum miðum var 71,5
milljarðar króna samkvæmt
bráðabirgðatölum fyrir fyrstu
ellefu mánuði ársins 2002, að því
er fram kemur í frétt frá Hag-
stofu íslands. Þar af var verð-
mæti afla af íslandsmiðum 69,2
milljarðar króna en 2,3 milljarð-
ar af fjarlægum miðum.
Heildarafli af öllum fiskveiði-
svæðum var 2.025 þúsund tonn,
þar af 1.958 þúsund tonn af ís-
landsmiðum og 67 þúsund tonn
af fjarlægum miðum.
Um þriðjungur alls botnfisk-
afla var frystur í vinnslustöðv-
um innanlands (landfrystur) en
tæp 32% voru fryst um borð
(sjófrysting). Um 22% botnfisk-
aflans voru söltuð og 11% voru
send fersk til útlanda. íslensk
fiskiskip lönduðu alls 36 þúsund
tonnum erlendis og var verð-
mæti þess afla ríflega einn millj-
arður króna. -ÓTG
mm
Rangt var farið meö nafn Sivj-
ar Friðleifsdóttur umhverfisráð-
herra á forsíðu DV-Magasíns í
gær, fimmtudag. Beðist er vel-
virðingar á mistökunum.
I helgarblaö
Höfundur Nóa albinóa
í Helgarblaði DV er
rætt við Dag Kára Pét-
ursson kvikmynda-
gerðarmann en kvik-
mynd hans, Nói al-
binói, var frumsýnd í
Háskólabíói á mið-
vikudag. Rætt er við
Dag Kára um ferilinn, fæðingu Nóa,
kvikmyndagerð og bjórauglýsingar.
Rætt er við Hrafn Jökulsson sem
hefur endurreist íslenska skákmenn-
ingu með miklum glæsibrag. Fjallað er
um þjóðhöfðingja sem hefur verið sýnt
banatilræði, farið á sýningu á mynd-
list í íslenskum handritum og rætt við
Svein Einarsson sem hlaut Menning-
arverðlaun DV fyrir skömmu.