Dagblaðið Vísir - DV - 28.02.2003, Blaðsíða 10

10
FÖSTUDAGUR 28. FEBRÚAR 2003
x>v
SKIPULAGS- QG BYGGINGARSVIÐ
BORGARTÚN 3-105 REYKJAVÍK • SlMI 563 2340 • MYNDSENDIR 562 3219
Auglýsing
um deiliskipulag í Reykjavík
í samræmi við 25. gr. skipulags- og byggingarlaga nr.
73/1997, með síðari breytingum, eru hér með auglýstar til
kynningar tillögur að deiliskipulagsáætlunum og breytingum
á deiliskipulagsáætlunum fyrir eftirtalin svæði í Reykjavík:
Lóuhólar 2-6.
Tillagan tekur til svæðis sem afmarkast af Suðurhólum, lóð
leikskóla og dagheimilis í austur, bílastæða Hólagarðs í
norður og aksturleið strætisvagna til vesturs . Um er að ræða
tillögu að breytingu á deiliskipulagi sem samþykkt var til
auglýsingar í borgarráði 18. febrúar 2003.
Tillagan gerir m.a. ráð fyrir að bílastæðalóð Lóuhóla 2-6
stækki um 111 m2 til vesturs, bílastæðum á lóðinni fækki um
13 og að heimilt verði að reisa sjálfsafgreiðslustöð fyrir
bifreiðaeldsneyti, með tilheyrandi stjórnstöð í suðvesturhorni
lóðarinnar.
Tillagan gerir ekki ráð fyrir neinum breytingum varðandi
bílastæðalóð dagvistarstofnana. Samkvæmt breyttu deili-
skipulagi verða því samtals 149 þílastæði á lóðinni auk 2
sérmerktra bílastæða fyrir hreyfihamlaða.
Reitur 1.132.1, Naustareitur.
Tillagan tekurtil reits sem afmarkast af Tryggvagötu, Grófinni,
Vesturgötu og Norðurstíg. Um er að ræða breytingu á
deiliskipulagi sem samþykkt var til auglýsingar í borgarráði
19. febrúar 2003.
í tillögunni er gengið út frá niðurstöðum Árbæjarsafns hvað
snertir varðveislugildi. Megin hugmyndin er að tvinna saman
gamla og rótgróna byggð og nýja og skapa á svæðinu
spennandi miðborgarsvæði með hnitmiðuðum „borgar-
rýmum” og gönguleiðum. Megin áhersla er lögð á ný-
byggingar Tryggvagötumegin og við Norðurstíg. Tilgangur
með uppbyggingu er að styrkja götumynd Tryggvagötu og að
endurnýta lóðir sem í dag nýtast illa eða óverulega. í
tillögunni er gert ráð fyrir að möguleikar verði á uppbyggingu
á eftirfarandi lóðum:
Grófin 1/Vesturgata 4, Vesturgata 6-1 Oa, Vesturgata 14b,
Vesturgata 18 og Tryggvagata 10, 12, 14 og 18. Eftirfarandi
byggingar þurfa að víkja vegna uppbyggingar: Vesturgata 4
(útbygging), Vesturgata 18 (bygging við Norðurstíg),
Tryggvagata 10 (viðbygging við Norðurstíg) og Tryggvagata
18 (viðbygging úr timbri syðst). Lagt er til að 1 hús, Vestur-
gata 16b, verði friðað og flutt í Árbæjarsafn. Tillagan gerir
ekki ráð fyrir að bílastæði fyrir eldri byggðina eða
nýbyggingar verði leyst nema að óverulegum hluta á reitnum.
Heiðargerði.
Tillagan tekur til svæðis sem afmarkast af helgunarsvæði
Miklubrautar, Grensásvegi, Brekkugerði og lóð Hvassa-
leitisskóla og húsum við Stóragerði. Um er að ræða deili-
skipulag sem samþykkt var til auglýsingar í þorgarráði 19.
febrúar 2003.
Tillagan gerir m.a. ráð fyrir að stuðla að hæfilegri endurnýjun
og uppbyggingu á reitnum og búa þannig um hnútana að
uppbygging og breytingar geti gerst á forsendum þeirrar
byggðar sem þar stendur. Horft er á hverfið með við-
byggingarmöguleika í huga og hvernig megi gefa ákveðið
svigrúm til breytinga án þess að raska þeirri heildarmynd sem
fyrir er.
Einnig gerir tillagan ráð fyrir einni lóð fyrir einbýlishús við
Grensásveg og skal leitast við að fella það að núverandi
byggð varðandi hæðir og form.
Reynisvatnsheiði, vatnsgeymir.
Tillagan tekur til afmörkunar á svæði sem er í suðaustur af
Reynisvatni á grænu svæði á Aðalskipulagi Reykjavíkur. Um
er að ræða deiliskipulag sem samþykkt var til auglýsingar í
borgarráði 14. janúar 2003.
Tillagan gerir m.a. ráð fyrir að vatnsgeymir ásamt lokahúsi
verði staðsettur í gryfju sem sprengd hefur verið vegna grjót-
náms. Gert er ráð fyrir að fyllt verði að geyminum með efni úr
nágrenninu þannig að hann verði hulinn jarðvegi nema að
framanverðu.
Einnig gerir tillagan ráð fyrir að á svæðinu rísi, í framtíðinni,
tveir geymar til viðbótar sem yrðu byggðir fast upp að þeim
fyrsta með því að grafa frá honum og hylja síðan aftur á þrjá
vegu með jarðvegi.
Tillögurnar liggja frammi í sal skipulags- og byggingarsviðs í
Borgartúni 3, 1. hæð, virka daga kl. 10.00 - 16.00 frá
28.02.2003 - til 11.04. 2003. Eru þeir sem telja sig eiga
hagsmuna að gæta hvattir til að kynna sér tillögurnar.
Ábendingum og athugasemdum við þær skal skila skriflega
til skipulagsfulltrúa eigi síðar en 11. apríl 2003.
Þeir sem eigi gera athugasemdir innan tilskilins frests, teljast
samþykkja tillögurnar.
Reykjavík, 28.02. 2003.
Skipulagsfulltrúi
Fréttir
Komið vop hjá sumum
tegundum
„Það er komið vor hjá sumum
tegundum í garðinum," segja þær
Auður Jónsdóttir garðyrkjufræð-
ingur og Dóra Jakobsdóttir grasa-
fræðingur hjá Grasagarðinum í
Reykjavík. „Við erum með mikið
af tegundum frá suðlægum slóð-
um og sumar þeirra misskilja tíð-
ina og halda að það sé komið vor.“
Blómstrandi töfratré
Dóra segir að töfratré sé frægt
fyrir að blómstra snemma. „Það
blómstrar áður en það laufgast og
var til dæmis í blóma í desember.
Það stoppaði í kuldakastinu
Loövíðir
Brumin eru farin
að þrútna og
stutt í að hann
laufgist.
skömmu eftir áramót en lét það
ekki á sig fá og er aftur í blóma
núna.“
Að sögn Auðar eru það helst
toppar og tegundir af rósaætt sem
hafa farið af stað. „Mispillinn er
til dæmis af rósaætt og hann er
víða farinn að laufgast."
Þær stöllur eru sammála um að
ef hlýindin haldi áfram geti skap-
ast hættuástand fyrir gróður. „Viö
vitum að það á eftir að kólna, ann-
að er óhugsandi. Ef það kólnar
skyndilega geta suðrænar tegund-
ir farið mjög illa, ef það kólnar aft-
ur á móti hægt og rólega geta
plönturnar aðlagað sig og lifað af.
Það eru svo margir þættir sem
spila inn í að það er nánast óhugs-
andi að spá fyrir um útkomuna.
Það skiptir til dæmis miklu máli
hvort það liggur snjór yfir gróðr-
inum eða ekki.“ Auður segir að
starfsmenn Grasagarðsins hafi
breitt greinar yfir viðkvæman
gróður til að hlífa honum við
Viðbúið að einhverjir
runnar láti á sjá
Veturinn hefur verið óvenjulega
hlýr það sem af er og víða má sjá
gróður vera farinn að skjóta upp
kollinum og jafnvel mótar fyrir
grænu brumi á runnum og trjá-
gróðri í görðum.
Hafsteinn Hafliðason garðyrkju-
fræðingur segir að það sé ekki enn
komið hættuástand fyrir gróðurinn.
„Flestar plöntur sem hér vaxa hafa
verið fluttar inn frá norðlægum
slóðum eða háfjöllum og þurfa
ákveðið magn birtu og yls til að fara
af stað. Þaö er ekki fyrr en í áliðn-
um marsmánuði, ef veðráttan held-
ur áfram aö vera svona blíð, að við
ættum að fara að bera ugg í brjósti
um velferð plantnanna í görðun-
liyv, <(
Allra veðra von
Hafsteinn segir að margir séu ef-
laust minnugir hretsins vorið 1963
þegar tijágróður féll eða fór mjög
illa á Suður- og Suðvesturlandi.
„Hretið í apríl 1963 kom eftir ein-
munablíðu með sól og sumaryl frá
miðjum mars og fyrstu dagana í apr-
íl. Trjágróður af suðlægari slóðum
ruglaðist i ríminu við að daglengd
og lofthiti var komið í það jafnvægi
sem gróðurinn átti að venjast á
heimaslóðum og var þess vegna far-
inn að laufgast af fullum krafti. Um
10. apríl var dagshitinn um 11 gráð-
ur, en þá skipti um á nokkrum
klukkutímum með norðanáhlaupi
sem fylgdi 15 stiga frost. Hitamunur
á einum sólarhring varð um 25-30
gráður og það var meira en alaska-
aspir, sitkagreni og fjöldi annarra
trjátegunda þoldi.
Að sögn Hafsteins kenndi sú
reynsla mönnum ýmislegt, því eftir
það hefur verið lögð áhersla á að fá
til landsins þann trjágróður sem á
uppruna sinn á svæðum þar sem
hnattstaða, veðurfar og ekki síst
umhleypingamir er sem líkast því
sem gerist hér á landi.