Dagblaðið - 22.07.1978, Blaðsíða 6

6
DAGBLAÐIÐ. LAUGARDAGUR 22.JÚL1 1978.
FER FÉLAGSSTOFN-
UN STÚDENTA
Á HAUSINN?
— sjóðir stofnunarinnarþurrausnir
1 nýútkomnu Stúdentablaði víkur
Ásgeir Danielsson stjórnarformaður
Félagsstofnunar stúdenta nokkuð að
miklum fjárhagsörðugleikum stofn-
unarinnar. Hann segir m.a. að í sl.
mánuði hafi svo verið komið að allir
sjóðir FS hafi verið þurrausnir og yfir
hafi vofað að mörg fyrirtæki lokuðu á
vöruúttekt til stofnunarinnar, þannig
að ekki yrði mögulegt að halda rekstri
matstofunnar áfram.
Þá vantaði einnig fé til þess að opna
hótelið og til þess að ráða bót á því
gengu nokkrir stjórnarmenn í ráðu-
neyti ogfengu flýtt 2 1/2 milljón króna
greiðslu, sem stofnunin átti rétt á
þannig að það tókst að opna hótelið.
Sumarið og haustið er sá tími þegar
tekjur FS af hótelrekstrinum og innrit-
unargjöldum stúdenta i háskólann
koma inn. Þessar tekjur eru síðan
notaðar til þcss að greiða niður þjón-
ustu FS yfir veturinn. Hversu lengi
það verður hægt ræðst af tekjum
hótelsinsog framlagi rikisins.
Stjórn FS hefur stefnt að því að
hækka verð þjónustunnar ekki meira
en hækkun verðlags í landinu al-
mennt. Þá hefur því verði sem ákveðið
er á haustin verið haldið óbreyttu út
skólaárið. Með þessu móti hefur FS
reynt að þrýsta á rikisvaldið um að sjá
FS fyrir fé, sem gerði henni kleift að
halda þjónustunni við stúdenta a.m.k.
í horfinu. Þessi stefna hefur þó ekki
borið árangur hvað framlag ríkisins til
FS varðar. FS hefur að visu komizt
upp með að standa i vanskilum við
opinberar stofnanir án þess að gripið
væri til meiriháttar aðgerða.
Hinar stórfeildu óreiðuskuldir FS
valda miklu álagi á starfsfólk
stofnunarinnar og óöryggi varðandi
launagreiðslur og atvinnuöryggi
þeirra. Það er skoðun Ásgeirs að eina
leiðin til þess að ná árangri sé að reka
FS þannig að óreiðuskuldum stofn-
unarinnar sé haldið innan þeirra
marka sem nauðsynlegt er til að
tyryggja að rekstur stofnunarinnar
gangi eðlilega fyrir sig. í haust verður
síðan að gera greiðsluáætlanir fyrir FS
í nokkra mánuði í senn, þannig að yfir-
vofandi gjaldþrot stofnunarinnar komi
í Ijós nokkrijm mánuðum áður en til
endanlegs greiðsluþrots kæmi. Það
mun þá koma í Ijós næsta haust þegar
fjárveiting til FS verður ákveðin hvort
grundvöllur er fyrir rekstri stofnunar-
innarút veturinn.
Ef ekki reynist rekstrargrundvöllur
fyrir FS verða stúdentar að gera það
upp við sig hvort þeir ætla út í frekari
aðgerðir, t.d. með þvi að hóta að loka
stofnuninni eða hluta hennar. Hin val-
kosturinn er sá að gefast upp og
gangast inn á þá kröfu rikisvaldsins að
afleiðingum af lækkuðu rikisframlagi
til FS sé velt yfir á stúdenta með
hækkun verðlags og minni þjónustu.
- JH
Nú á að byrja á húsinu sem byrja átti á
fyrir25árum
Ráðamenn komu í veg
fyrir notkun á
ódýrum teikningum
Allir voru að vonum ákaflega glaðir
þegar fyrsta skóflustungan var tekin að
nýju útvarpshúsi í fyrradag. Var það
vonum seinna að mati margra. En flestir
voru þó búnir að gleyma þviað litlu
munaði að slíkt yrði gert fyrir heilum 25
árum.
Eftir stríðið fól ríkisútvarpið Gunnari
R. Paulsson, fulltrúa sínum í New York,
að útvega sérfróðan arkitekt til þess að
teikna útvarpshús. Gunnar fór þegar á
stúfana og í tvö ár starfaði hann að
teikningum af íslenzku útvarpshúsi með
ítölskum arkitekt, sem m.a. hafði teikn-
að hús fyrir CBS útvarpsstöðina. Þessar
teikningar voru keyptar hingað á fremur
hagstæðu verði og í sjóði voru til
peningar til að byrja að byggja. En þá
gerðist það að ýmsir ráðamenn settu sig
upp á móti hugmyndinni um bygging-
una og teikningarnar voru settar upp í
hillu þar sem þær hafa legið síðan. Siðan
þá hafa viðhorfin breytzt og sjónvarpið
komið til sögunnar. Þannig þótti ekki
fært að nota sömu teikningarnar heldur
var allt unnið upp á nýtt með æmum til-
kostnaði. Gömlu teikningamar gerðu
ráð fyrir húsi undir útvarp á nær sama
stað og Þjóðarbókhlaðan á nú að rísa.
Þessi staður var ekki lengur fyrir hendi
þegar loksins var tekið til við að byrja á
húsinu og var staðurinn á horni
VUhjálmur Hjilmarsson menntamálariðherra telcur
fyrstu skóflustunguna að langþráðu útvarpshúsi.
DB-mynd: Ari.
Háaleitisbrautar og Hvassaleitis valinn i
hans stað.
DS
\
Glæsilegur árangur Ingvars
— á „World Open” í Philadelphia
Hvorki meira né minna en 14
Islendingar tóku þátt í hinu árlega
„World Open” skákmóti, sem fram fór
í Philadelphiu í Bandaríkjunum
dagana 30. júní til 4. júlí. Er það að
öllum likindum einn fjölmennasti
hópur íslendinga, sem farið hefur utan
til þátttöku i skákmóti. 7 þeirra héldu
siðan áfram taflmennsku, þvi
nokkrum dögum seinna hófst annað
mót i New York — GHI-
International. Það látum við hins
vegar bíða til næsta þáttar, en i dag
beinum við athygli okkar að mótinu í
Philadelphiu.
Að þessu sinni voru yfir 1000 skák-
áhugamenn mættir til leiks og tefldu
þeir i 8 flokkum. 1 Opna fiokknum
voru keppendur tæplega 500 og þar
tefidu allir Islendingarnir. Árangur
þeirra var nokkuð misjafn, eins og
gefur að skilja, en þó máttu flestir vel
við una. Stjörnu Ingvars Ásmunds-
sonar bar þó langhæst og mátti
reyndar vart hærra komast. Ingvar
gerði sér nefnilega litið fyrir og varð
efstur á mótinu ásamt 6 -öðrum skák-
meisturum með 7,5 vinninga af 9
mögulegum sem er stórglæsilegur
árangur. Ingvar ruslaði hverjum and-
stæðingnum upp á fætur öðrum og
skorti þá orð til að lýsa snilldartafl-
mennsku hans. A.m.k. tveir þeirra
töldu henni bezt lýst með orðunum:
„Þú tefldir alveg eins og stórmeistari.”
Segir það sína sögu.
Ásamt Ingvari fengu eftirtaldir
skákmenn 7,5 vinninga: Biyiasas
(Kanada), Gheorghiu (Rúmeniu),
Westerinen (Finnlandi), Zuckerman
(Bandar.,) Seirawan (Bandar.,) Sanz
(Spáni) og Hebert (Kanada).
Ingvar tapaði i 2. umferð, en vann
síðan 6 skákir í röð. Er það óvenjuvel
af sér vikið, ef tekið er tillit til þess að
dagskrá mótsins var mjög erfið.
Tefldar voru 2 umferðir á dag og
engar biðskákir leyfðar. Skákirnar
varð því að tefla til botns og lá við að
menn sætu að tafli allan sólarhring-
inn. Það voru því ýmsir sem freist-
uðust til að gera stutt jafntefli, en þeir
voru þó færri en búast hefði mátt við.
Árangur hinna íslendinganna varð
þessi: Margeir Pétursson 6,5 v. Jón L.
Árnason og Helgi Ólafsson 6 v.
Benóný Benediktsson, Ásgeir Þ. Árna-
son og Bragi Halldórsson 5,5 v.
Jóhannes Gíslason. Guðni Sigur-
bjarnarson, Jóhann Þórir Jónsson,
Sævar Bjarnason og Leifur Jósteins-
son hlutu allir 5 v. Guðmundur
Ágústsson 4,5 v. og Þórir Ólafsson
4vinninga,.
Aðstæður á skákstað voru með
bezta móti og munaði þar mestu að
reykingar voru bannaðar i skák-
salnum. Er það sannarlega verðugt
íhugunarefni fyrir islenzka skák-
forustu hvort ekki sé orðið iímabært
að taka þá nýbreytni upp i skákmótum
hér á landi.
Þá kemur hér eitt gullkorn frá hendi
Ingvars. Hann á þar í höggi við
sovézka alþjóðameistarann Zaltsman,
sem nú er búsettur í Bandarikjunum.
Ingvar teflir þessa skák mjög vel og
yfirspilar andstæðing sinn örugglega.
Lok skákarinnar eru einkar glæsileg.
Ingvar hristir þar fram úr erminni
einhverja bráðfallegustu leikfléttu,
sem lengi hefur sézt á skákborðinu.
Kæmi sjálfsagt engum á óvart, þó
sjálfur Capablanca hafi snúið sér við i
gröfinni af einskærri hrifningu:
Hvitt: Ingvar Ásmundsson
Svart: Zaltsman (Bandarikjunum)
Sikileyjarvörn
l.e4c5 2.RO Rc6 3.Bb5
Ingvar hefur mikið dálæti á þessum
leik og vann með honum marga góða
sigra á World Open mótinu. Leikurinn
hefur þann kost að vera lítið stúder-
aður og því upplagður fyrir þá, sem
vilja sleppa út fyrir hafsjó teóríunnar.
3. - g6 4. c3 Rf6 5. e5 Rd5 6. 0—0
Bg7 7. d4 cxd4 8. cxd4 0-0 9. Rc3
Rc7 10. Bf4!
Bráðsnjall leikur. Ingvar telur rétti-
lega að skjót liðsskipan sé mikilvægari
en Uf hvitreita biskupsins. Einhverjir
hefðu nú sjálfsagt brugðið á það ráð að
hörfa með hann, en sé skyggnst dýpra i
stöðuna sést að leikur Ingvars er mun
sterkari.
10. - Rxb5 11. Rxb5 a6 12. Rc3 d6
13. h3 13. Db3ere.t.v. nákvæmari
leikur, því nú virðist svartur auðveld-
lega ná að jafna taflið.
13. —dxe514.dxe5 B£5?
Nú lendir svartur i vandræðum.
Einfaldlega 14. — Dxd 1, leiðir til jafns
tafls. Svartur ofmetur stöðu sína
greinilega, en það á eftir að koma
honum i koll.
15. Db3! Rd4 16. Rxd4 Dxd4 17. Bg3
b5 18. Rd5!
Svartur á ótrúlega erfitt með að
svara þessum leik. Ef 18. — Bxe5?? þá
19. Rxe7+ og 20. Rc6, og vinnur.
Eða 18. — e6 19. Hfdl Da7 20.
Rf6+ Kh8 21. Hd7 með mun betri
möguleikum á hvitt. Svartur gripur
því til þess ráðs að gefa peðið á e7, og
freistar þess að loka riddarann inni.
18,—Be6 19.Rxó7+Kh8 20.Hfdl!
Þessi snjalli millileikur bjargar
málunum. Riddarinn sleppur út og
hvítur verður peði yfir.
20. — Da7
Eða 20. — Dc5 21. Rd5 Had8 22.
Hacl! Bxd5 23. Hxc5 Bxb3 24. Hxd8
Hxd8 25. axb3 og hvitur ætti að
vinna.
21. Da3 Db7 22. Dd6 Hfe8 23. Bh4!
Betra en 23. Rc6 Had8 24. Ra5
De4, þvi riddarinn stendur illa.
23. — h6 24. Bf6Kh7 25. Bxg7 Kxg7
26. Rc6 Hac8 27. Rd4!
Eftir hinn eðlilega leik 27. Hacl
verður svörtum ekki meint af
peðsátinu á a2.
27. - Kh7 28. Rb3. Hc2 29. Rc5 De7
30. b4!
Svartur hefur góða jafnteflismögu-
leika í endataflinu eftir 30. Dxe7
Hxe7.
30. - Dh4 31. Hd2 Hxd2 32. Dxd2
Hd8 33. Dc3 Bc4 34. Hel Dg5 35.
Re4DB36.Rf6+.
Timahrakið setur nú sinn svip á tafl-
mennsku beggja keppenda.Ingvar
hefur peði meira og betri stöðu að
auki og einsetur sér þvi aðeins að ná
tilskildum leikjafjölda og reynir að
breyta stöðunni sem minnst.
36. - Kg7 37. Re4 Hd3 38. Db2 Kf8
39. Rd6 De6 40. Re4Dd5?
Siðustu leikirnir voru leiknir í miklu
tímahraki, en nú skyndilega hefur
Ingvar nógan tíma. Og þá er ekki að
sökum að spyrja: Hann töfrar fram
stórkostlega leikfléttu, sem er vægast
sagt ótrúlega falleg.
Glæsilegur árangur Ingvars — á
„World Open” i Philadelphiu.
41. e6! Dxe6
41. — fxe6 42. Df6+ er að sjálf-
sögðu vonlaust.
42. Dh8+ Ke7.
Og þá kemur rúsínan i
pylsuendanum.....
43. Dal!!
Hvitur notar svo sannarlega skák-
linurnar. Á a! valdar drottningin
hrókinn og það hefur úrslitaþýðingu. 1
þessari stöðu gafst Zaltsman upp, frá
sér numinn af hrifitingu. Hann er
varnarlaus gegn hótuninni 44. Rc5.

JÓN L. ÁRNAS0N
SKRIFAR UM SKÁK