Dagblaðið - 23.04.1979, Blaðsíða 2
DAGBLAÐIÐ. MÁNUDAGUR 23. APRÍL 1979.
Flankastaðamálið:
Orð Hæstaréttar ekki í samræmi við
r'
staðreyndir málsins
— segir dr. Gunnlaugur Þórðarson hrl.
Úr forsendum lundamerkjadómsins,
Hæstard. XXXII, 768—9:
„Þær upplýsingar, sem aflað hefur
verið um landamerki annarra jarða á
þennan hátt, hafa að sjálfsögðu tak-
markað gildi, en tala þó sínu máli.
Þær sýna, að skipting heiðarinnar á
milli hinna einstöku jarða er mjög
misjöfn og stefna merkjanna mis-
munandi. Virðist svo sem landsvæðið
utan heimahaga jarðanna hafi ekki
verið talið skipta miklu máli fyrr á
tímum.”
„Það er alkunn staðreynd, að
áttarskynjan manna er mjög ólík,
jafnvel hjá þeim, sem búa á sömu
slóðum. Það er því ekki sennilegt, að
áttartáknan landamerkjabréfanna
hafi verið ætlað að tákna nákvæma
stefnu, heldur sé hún aðeins til al-
mennrar leiðbeiningar um áttina. I
málinu hefur ekki verið sýnt fram á
dæmi þess, að landamerkin hafi verið
ákveðin með nákvæmri áttar-
táknan.”
Úr forsendum hæstaréttardómsins
XXXII, 762:
„Svo sem í héraðsdómi greinir, var
hinn 29. apríl 1957 sætzt á landa-
merki milli Suður- og Efri-Flanka-
staða og Norður-Flankastaða,
Klappar og Arnarbælis. Samkvæmt
merkjaákvörðun þessari lendir
heiðarskiki, sem samkvæmt landa-
merkjabréfi Sandgerðisjarða telst til
þeirra jarða, innan lands Klappar.
Hvorttveggja er, að landamerkja-
ákvörðunin frá 29. apríl 1957 bindur
eigi gagnáfrýjendur, sem hafa mót-
mælt henni, og landamerki Klappar
og Suður-Flankastaða eru eigi það
glögg, hvorki eftir landamerkjabréfi
Suður-Flankastaða né landamerkja-
bréfi Klappar frá 17. júní 1889, að
þau fái hrundið ákvæðum landa-
merkjabréfs Sandgerðisjarða.”
Um þetta segir m.a. í forsendum dr.
Gunnlaugs:
„Eigendur Sandgerðis voru ekki
tilkvaddir, er mörk þessi voru
ákveðin, og hafa þeir mótmælt
þeim.”
Þessi orð Hæstaréttard. og landa-
merkjad. eru ekki í samræmi við
staðreyndir málsins. Því fulltrúi
Sandgerðisjarða var viðstaddur og
skrifaði undir samkomulag um upp-
rifjun landamerkjanna frá 1889 og
mótmæli eru hvergi bókuð. Þess ber
að geta aö Sandgerði hafði aldrei átt
land að nyrðri helmingi Flankast.-
jarðatorfu, þ.e. m.a. ekki að KIöpp.
Óvíst er að neinn hafi þá áttað sig á
því, að dómlínan gengi svo langt inn
á land Fjankastaða að hún færi í
gegnum landi Klappar og inn á land
Fitja, því þau landamerki voru ekki
útfærð á uppdráttum fyrir dómst.
Rétt er að vekja athygli á hinum
einkennilegu orðum Hæstaréttar hér
að framan, sem eru e.t.v torskiljanleg
venjulegu fólki; en í þeim felst viður-
kenning á að heiðarskiki, sem er i
landi Klappar, lendi innan landa-
merkja Sandgerðisjarða. Um eigna-
tilfærsluna er orðalagið skýlaust.
Gunnlaugur Þórðarson, hrl..
EKKIKLAM
Unglingur hringdi:
,,Ég las lesendabréf í Dagblaðinu
miðvikudaginn 18. apríl frá manni
sem var yfir sig hneykslaður á því að
sjónvarpið skyldi sýna krabbadýr
eðla sig. Á hverju er maðurinn
hneykslaður? Nlér finnst nú
hugsunarháttur hans nokkuð gamal-
dags, því að ég lít ekki á þetta sem
klám. Á þennan hátt fjölga dýrin sér
og mennirnir lika. Ég er sannfærður
um að unglingar stæðu betur að vígi
gagnvart kynferðismálum og
afleiðingum þeirra ef foreldrarnir
— þóttkrabbadýr
fjölgi sér
gerðu meira að því að fræða okkur
unglingana í stað þess að taka á mál-
unum eins og þessi maður gerir. Ég
get ómögulega séð neitt ljótt við
þessa mynd og ég er viss um að fáir
hafa séð það.”
Klæðizt eftir veðri
—ekki tízku
Einar I. Magnússon skrifar:
Mönnum hefur löngum þótt
gaman að klæðast vel, enda er stað-
reyndin sú að meginþorri fólks lítur
fremur á ytra útlit náungans en
hjartalagið og er hann því i fullu gildi
enn málshátturinn, fötin skapa
manninn.
En hér og nú ætla ég ekki að ræða
um heimspekileg mál heldur vil ég
gjarnan og tel ekki vanþörf á að
fjalla um tízkuna í klæðaburði ungs
fólks hér á landi. Um tízkuna er stór
misskilningur ríkjandi hér á íslandi.
Unga fólkið virðist ekki skilja það að
ísland liggur á mörkum hins byggi-
lega heims þar sem vetur eru kaldir
og sumur svöl og þar sem landið ligg-
ur undir mikilli umferðarbraut lægða
er hér einnig mjög umhleypingasamt.
Tel ég því afar mikilvægt að vekja
ungt fólk til umhugsunar um klæða-
burð sinn sem heyrir undir tizku-
fatnað suðrænni landa. Unga fólkið
hér gengur í slíkum klæðnaði hvernig
sem viðrar og getur slíkt háttalag
beinlínis verið mjög hættulegt bæði
heilsu manna og lífi. Ekki er óalgengt
að sjá ungt fólk klætt bol og jakka
úti í hörkugaddi og norðanbáli og
svona til málamynda setja sumir upp
viðeigandi trefla sem vitanlega er
ekki nægilegt skjól í. Allt þetta
myndarlega fólk, sem likast er krókn-
andi fólki illa klætt i vondu veðri,
leggur þetta á sig til þess að vera ekki
hallærislegt í augum annarra. Mér
finnst nú að fólk ætti að fara að láta
skynsemina ráða og klæða sig eftir
veðri.
Það er því ósk mín að þetta bréf
geti greitt úr þessum misskilningi hjá
sem flestum og víst er að margir, sem
koma auga á þennan stóra misskiln-
ing, finna sig koma úr kuldanum inn
í hlýjuna.
Raddir
lesenda
firt't/mr C
m \
Kortið sýnir jarðarmörk skv. dómlínu og hvernig þau ganga yfir á lönd annarra
jarða.
Hringið í síma
27022
milli kl. 13 og 15,
eða skrifið
Ennaukin
þjónusta!
Eftirtalin eyðublöð bjóðast nú auglýsendum ókeypis hjá smáauglýsingaþjónustu Dagblaðsins:
1. Vegna bifreiðaviðskipta: 2. Vegna lausafjárkaupa:
Sölutilkynningar, tryggingarbréf og víxileyðublöð auk Kaupsamningar og víxileyðublóð
afsalseyðublaða og fjölritaðra leiðbeininga um frágang 3. Vegna leigu íbúðarhúsnæðis:
bifreiðaviðskipta, sem við höfum lengi boðið. Húsaleigusamningar.
Dagblaðið er smáauglýsingablaðið Afgreiðsla Þverholti 11, sími 27022
BIAÐIÐ