Dagblaðið - 08.01.1981, Blaðsíða 7

DAGBLAÐIÐ. FIMMTUDAGUR 8. JANÚAR 1981.
i

Erlent
Erfent
Erlent
Erlent
Samningaviðræður stjórnar og verkamanna út um þúf ur:
Verkfóll og vaxandi ólga
um aUt Póllaml ríkisstjórnarinnar
Helgigripum
smyglað f rá
Rússlandi
Sovézka öryggislögreglan KGB hefur
komið upp um umfangsmikið smygl á
íkonum (helgigripum) frá Sovétríkjun-
um þar sem koma við sögu erlendir
stjórnarerindrekar og kaupmenn í
Vestur-Berlín að því verkalýðsblað i
Sovétríkjunum greindi frá í gær.
Að sögn blaðsins hafa sovézkir þátt-
takendur í smyglinu verið fangelsaðir
eftir mánaðarlöng réttarhöld. Blaðið
getur ekki um hvort einhverjir útlend-
ingar hafi verið fangelsaðir vegna þessa
máls.
Upp komst um smyglið þegar leit var
gerð í lest á pólsku landamærunum.
Fundust þá helgimyndir, róðukrossar
og aðrir helgimunir að andvirði um 135
þúsund dollarar. Munirnir fundust I
farangri eiginkonu útlends stjórnar-
erindreka í Moskvu. Ekki var getið um
þjóðerni hennar.
Belgía:
9,1 prósent
atvinnuleysi
Atvinnuleysi í Belgíu hefur ekki verið
meira en nú eftir síðari heimsstyrjöld-
ina. Nú er svo komið, að 9,1 prósent
vinnufærra manna í landinu eru at-
vinnulaus.
Belgía var þar með með mest at-
vinnuleysi rikja Efnahagsbandalags
Evrópu eða þar til Grikkir gengu í
bandalagið en þeir búa við 10,5 prósent
atvinnuleysi um þessar mundir.
Afríkusöfnunin:
Norðmenn
gáf u mest
Norska Dagblaðið skýrir frá því
nýverið, að framlag Norðmanna til
Rauða krossins í Afríkusöfnuninni
nýafstöðnu hafi verið mest allra
Norðurlandanna.
f Noregi hafi safnazt 40,7 milljónir, í
Danmörku 9,1 milljón, i Svíþjóð 8,8
milljónir, í Finnlandi 4,3 milljónir og á
íslandi 2,4 milljónir. Upphæðirnar eru
í norskum krónum en norsk króna er
nú jafnvirði 1,22 íslenzkra nýkróna.
Ekki þarf að taka fram að framlag
íslendinga er að sjálfsögðu langmest
miðað við höfðatölu.
Hrun banda-
rískra bfla-
framleiðenda
Bifreiðasala fimm stærstu bilafram-
leiðenda í Bandaríkjunum minnkaði
um tuttugu prósent á síðasta ári að því
er sérfræðingar á þessu sviði halda
fram.
Sala Ford-verksmiðjanna minnkaði
um þrjátiu prósent og var síðastliðið ár
versta ár í sögu fyrirtækisins frá því í
síðari heimsstyrjöldinni.
Áskorendaeinvígið:
Tvísýn barátta
Einvígi þeirra Viktors Kortsnoj og
Roberts HUbners um réttinn til að
skora á heimsmeistarann Anatoly
Karpov í skák er æsispennandi sem
fyrr og barizt af mikilli hörku.
Að loknum tíu umferðum hefur
Kortsnoj 4,5 vinninga og Hiibner 3,5!
vinninga. Tvær síðustu skákirnar hafa
farið í bið og verða þær tefldar í dag.
Úrslit úr þeim geta ráðið miklu um úr-
slit einvígisins þar sem aðeins verða
tefldar sextán skákir. Að mati sér-
fræðinga stendur Híibner betur að vígi
i fyrri biðskákinni en Kortsnoj er með
betri stöðu í tíundu skákinni.
Hið sjálfstæða verkalýðssamband,
Eining, virðist nú að nýju vera komið
upp á kant við rikisstjórn Póllands
eftir að hafa greitt atkvæði með
fimm daga vinnuviku.
Málamiölun rfkisstjórnarinnar um
að unnið yrði annan hvern laugardag
var felld af landssambandi Einingar.
Talsmenn Einingar halda þvi fram
að stjórnvöld hafi þegar heitið fimm
daga vinnuviku og tillaga þeirra nú sé
aðeins svik við það sem áður hafi
verið lofað. Pólverjar hafa að undan-
förnu unnið að meðaltali þrjá laugar-
daga í mánuði. Ríkisstjórnin heldur
þvi fram að efnahagur landsins þoli
ekki fjörutiu stunda vinnuviku.
Lech Walesa sagði eftir að hafa átt
viðræður við Mieczyslaw Jagielski
aðstoðarforsætisráðherra, að Eining
væri fleinn í holdi stjórnarinnar og
hún reyndi að brjóta á bak aftur
starfsemi þessa verkalýðssambands.
Vaxandi ólga var í Póllandi í gær
og víða um landið voru bændur,
verkamenn og stúdentar með
aðgerðir til að leggja áherzlu á ýmsar
kröfur sinar.
Rauðu herdeildirnar á Italiu hafa mjög látið til sin taka að undanförnu. Myndin
er tekin fyrir utan kirkju i Róm þar sem var gerð útför hershöfðingjans Enrico
Galvaligi. Hann hafði barizt mjög gegn hryðjuverkasamtökum og þvi tóku Rauðu
herdeildirnar hann af lífi.
Aukiðfrjálsræði íKína kemurtrúarhreyfingum tilgóða:
Trúarhreyfmgar
færast í aukana
— stjómvöld vilja virða trúf relsi en leggja jafnframt áherzlu
á nauðsyn áróðurs fyrir trúleysi
Fyrsti fundur búddatrúarmanna
eftir átján ára hlé var nýlega haldinn
í Kína.
í menningarbyltingunni voru allir
trúflokkar ofsóttir en nú virðist
breyting á orðin. Mörg musteri hafa
þegar verið opnuð á nýjan leik fyrir
milljónir búddatrúarmanna og nýir
munkar hafa verið vígðir.
Zhao Puch, leiðtogi búddatrúar-
manna, sagði nýlega á fundi i
Beijing: „Margir munkar og nunnur,
sem hrakin voru burt frá musterum
og klaustrum i menningarbyltingunni
snúa nú aftur. Fjöldi nýrra munka og
nunna eykst og búddatrúin nýtur
virðingaráný.”
Búddatrúin er stærsta trúar-
hreyfingin í Kína með um hundrað
milljónir manna innan sinna vé-
banda. En fjöldi áhangenda trúar-
innar og munka hefur minnkaö mjög
síðan kommúnistar gerðu byltingu í
landinu árið 1949. Þá voru um það
bil milljón munkar í Kina. Fimmtán
árum síðar hafði fjöldi þeirra hrapað
niður í fimmtán þúsund og á meðan á
menningarbyltingunni stóð voru þeir
aðeins nokkur hundruð.
Það er nú fyrst á allra siðustu árum
sem munkar hafa verið vígðir á nýjan
leik. Fyrir skömmu voru þrjátíu
munkar á aldrinum 19—30 ára,
vigðir í Beijing.
í menningarbyltingunni voru mörg
klaustur og trúarmusteri eyðilögð.
Sum þeirra hafa verið endurreist en
öðrum er ekki hægt að bjarga, slík
var eyðilegging þeirra.
Önnur trúarbrögð en búddadómur
eru einnig leyfð í Kína, til dæmis
islam, kristin trú og taóismi.
Múhameðstrúarmenn (muslimar)
undirbúa nú endurútgáfu kóranins
og kristnir menn hafa sömuleiðis í
hyggju að gefa út biblíu.
Biblíur voru brenndar á báli í
menningarbyltingunni og nú eru
aðeins örfáar þeirra til í Kína.
í októbermánuði sföastliðnum
héldu kristnir mótmælehdur fund í
Beijing, líkt og búddatrúarmenn gera
nú. Þá var endurvakið Félag krist-
inna manna í Kína, sem neyddist til
að hætta starfsemi sinni í menningar-
byltingunni. Formaður félagsins var
kosinn Ding Guanxun biskup.
Kaþólska kirkjan hélt fyrsta
biskupaþing sitt snemma á síðasta
ári. Þá var tilkynnt að kaþóisk
klaustur yröu opnuð á ný í Kina en
þess má geta að kaþólikkar í Kina
hafa oftsinnis ítrekað það, að þeir
vilji vera óháðir Vatíkaninu i Róm.
Fleiri kristniboðshreyfingar hafa
lýst áhuga sínum á að hefja störf að
nýju í Kína. Ekki þykir þó líklegt, að
stjórnvöld leyfi það. Samkvæmt
stjórnarskrá landsins má flytja áróð-
ur fyrir guðleysi opinberlega en trú-
boðar mega ekki boða sína trú utan
síns trúflokks.
Fyrir einum mánuði var haldin
ráðstefna um guöleysi þar sem
saman voru komnir fulltrúar úr
öllum landshlutum Kína. Þar voru
fulltrúarnir sammála um, að áróður
fyrir trúleysi yrði að aukast samtímis
því sem trúfrelsi yrði virt. Eftir
ráðstefnuna hafa margar trúar-
hreyfingar verið fordæmdar í fjöl-
miðlum og starfi þeirra lýst sem
skemmdarverkastarfsemi og afskipt-
um af stjórnmálum.
Enrico Galvaligi henhöfðlngi var
myrtur af Rauðu herdeildunum er hann
kom heim frá nýársmessu ásamt konu
sinni.
Fangelsaðir
skæruliðar
biðja dómar-
anum griða
Hópur fangelsaðra skæruliða úr
Rauðu herdeildunum á Ítalíu hefur
beðið félaga sína utan múranna að
sýna dómaranum d’Urso miskunn en
hreyfingin hafði þegar kveðið upp
dauðadóm yfir honum.
„Dómurinn yfir d’Urso var réttlátur
en styrkleiki byltingarhreyfmgarinnar
er slíkur að hún hefur efni á að sýna
göfuglyndi,” sögðu nokkrir leiðtogar
skæruliða sem sitja í fangelsi.
Miskunnarbeiðni þeirra hefur vakið
nýjar vonir um að lífi d’Urso verði
þyrmt.
SUÐURNESJAKONUR!
MUSIK- LEIKFIMI
Nýtt5 vikna námskefð hefst 13. janúar í íþróttahúsi
Njarðvíkur — dag- og kvökhímar, styrkjandi og
mýkjandi æfingar fyrir dömur á öllum aidri.
UPPLÝSIIMGAR OG INNRITUN í SÍMA 6062 BIRNA MAGNÚSDÓTTIR