Dagblaðið - 02.04.1981, Blaðsíða 9

DAGBLAÐIÐ. FIMMTUDAGUR 2. APRÍL 1981
9
Nýjar snyrtivörur miða að þvf að gefa konum fjarrænan og upphafinn litblæ sandsléttunnar og skóglausra fjalla.
Nýju litimir í amerískum snyrtivörum:
Tærir og upphafnir eins og fjarlægar eyðimerkur
Meðal tízkulitanna í ár eru ljós-
brúnn og kakibrúnn einna
vinsælastir, gjarna skreyttir með
skærum og heitum litum. Ameríska
snyrtivörufyrirtækið Estée Lauder
sendir nú frá sér snyrtivörur sem
hæfa þessum litum og sækir fyrr-
myndir í eyðimerkurlandslagið sem
yíða finnst sunnarlega í Banda-
ríkjunum. Þessi snyrtivörulína ber
einmitt nafnið Litir eyðimerkurinnar
miklu í Bandaríkjunum (Colors of
the Great American Desert).
Hún einkennist af að reynt er að
hafa litina eins bjarta og gegnsæja og
mðgulegt er. „Meikið” er mjög
þunnt og kallað Litaþvottur (Colour
Wash). Sem sagt litað krem, sem
maður þvær á sig, ef svo má segja,
mjög þægilegt í meðförum. Það fæst
í mörgum litum, frá apríkósu yfir í
brons. Ofan á „meikið” er notað fast
púður og kinnalitur sem kemur í ýms-
um blæbrigðum. Augnalitir koma í
litaskalanum frá melónu og brúnu
yfir í ljósrautt og palomino (eins
konar hvítur litur). Varaliturinn er
frá eldrauðu niður í brúnleitt og
sömuleiðis naglalakkið sem fæst
einnig i hluttausum sandlit.
En ekki er gott að setja eyði-
merkurliti á húð sem er hrjúf eins
og sandpappír, og til að fyrirbyggja
það framleiðir Estée Lauder (og
önnur snyrtivörufyrirtæki) „upp-
byggingar-krem”. Það á að hjálpa
húð sem farin er að eldast og orðin
treg til að endurnýja dauðar húð-
frumur og heitir Age Smoothing
Creme, ellimýkingarkrem.
Þannig Iftur gistigámurinn út — f honum er loftræstlng, útvarp og sjónvarp
en islenzkur karlmaður gæti ekki staðifl uppréttur i honum, þvf lofthæð er
ekki nema hálfur annar metri.
ÓdýrgistihúsíJapan:
Maður sefur f
gám eða hylki
Ný tegund gistiherbergja verður
nú æ algengari í Japan — svokölluð
hylkjahótel (Capsule Inns).
Gestirnir sofa þar ekki í her-
bergjum heldur í smáklefunr úr
gerviefni sem minna ekki lítið á gáma
eins og þá sem notaðir eru í skipa-
lestum. Þessir „gistigámar” eru svo
sem hálfur annar metri á hæð og
breidd. Þeim er staflað hlið við hlið
og hverjum ofan á annan. Gesturinn
verðuraðskríða inn í þetta svefnpláss
á fjórum fótum.
„Þetta er eins og að sofa í lík-
kistu,” er haft eftir manni sem gisti á
þennan hátt í hylkjahótelinu í
Ósaka. Á því hóteli eru 418
gistigámar í þriggja hæða húsi. Á
hverri hæð er sameiginleg setustofa
fyrir gámagestina og auk þess
gufubaðstofa.
í hverjum gámi e'r loftræstingar-
kerfi, útvarp og sjónvarp.
Það sem eykur þessari tegund
gististaða vinsældir er sjálfsagt
verðið sem er lágt. Það kostar þrisvar
sinnum minna að gista á slikum stað
heldur en á venjulegu gistihúsi af
allra ódýrustu tegund. Þeir sem not-
færa sér þetta eru alls konar sölu- og
sendimenn sem á þennan hátt geta
drýgt dagpeninga sína að miklum
mun og leyft sér í staðinn munað í
mat og drykk eða aðrar lystisemdir
borgarlífsins.
FÓLK
Upptökur f rá árinu 1962 gefn-
ar út á nafni Silver Beatles
Paul McCartney, John Lennon og George Harrison uppi á
húsþaki i Hamborg einhvern tima á árinu 1961 — ári áður
en þeir hljóðrituðu til prufu iögin sem eru á Dawn Of The
Silver Beatles.
Fyrirtækið United Distributors Lyrics í Phoenix í Banda-
ríkjunum hefur tilkynnt að nú um mánaðamótin byrji það
að selja LP plötu með hljómsveitinni Silver Beatles gegn
póstkröfu. Plata þessi ber nafnið Dawn Of The Silver
Beatles. Að sögn talsmanna fyrirtækisins hefur hún að
geyma upptökur sem unnar voru árið 1962 eða svo.
Hljóðfæraleikararnir, sem þar koma við sögu, eru John
Lennon, Paul McCartney, George Harrison og Pete Best
trommuleikari.
Sé þetta rétt eru upptökurnar svipaðar að aldri eða
aðeins eldri en Hamborgarspólurnar frægu sem komu út á
plötu fyrir nokkrum árum. Þær voru lengi taldar vera elztu
hljóðritanirnar sem Bítlarnir gerðu saman.
Að sögn talsmanns United Distributors Lyrics voru lögin
á plötunni tekin upp til prufu. Búið er að lagfæra þær mjög
með nútíma tækni, meðal annars digitaltækni. Ef marka má
orð útgefendanna á platan að hljóma betur en fyrstu þrjár
LP-plötur Bítlanna. Þarna er að finna lög eftir Chuck
Berry, Coasters, Carl Perkins, Bobby Vee og tvö lög eftir
Lennon og McCartney. Þau nefnast Love Of The Loved og
Like Dreamers Do.
United Distributors Lyrics hafa boðað að platan Dawn
Of The Silver Beatles sé hin fyrsta í útgáfuröð sem hefur að
geyma sjaldgæfar upptökur. Meðal annars eru væntanlegar
slíkar plötur með Elvis Presley, Rod Stewart, Hall & Oates
og fleirum.
Úr BILLBOARD.
Ringo Starr og Barbara Bach hafa búið saman í heilt ár:
Hjónaband á döfínni
Ringo Starr þurfti ekki að beita
hellisbúaaðferðum til að vinna hug
og hjarta Barböru Bach sem kunnust
er fyrir að hafa leikið eina af ást-
konum James Bond.
Bítillinn fyrrverandi þurfti ekki að
rota hana með kylfu og draga hana
heim á hárinu eins og hellisbúar gera í
steinaldarskrýtlum. Hún féll fyrir
honum þegar þau unnu saman að
gerð gamanmyndar Ringos, Hellis-
búanum. Það var fyrir einu ári og
síðan hafa þau búið saman í tólf her-
bergja húsi í Beverly Hills í
Hollywood.
Barbara sem er 31 árs, á tvö börn
frá hjónabandi sínu og italsks
kaupsýslumanns — Francescu, 12ára
og Gianni sem er 8 ára. Hún hefur
aðstoðað Ringo við að hefja aftur
upptökur laga eftir langt hlé.
{ raun eru þau svo samrýnd að
þau hyggjast ganga í hjónaband
næstahaust.
Ringo og Barbara Bach. Þau hafa
búið saman i heilt ár og hyggjast
ganga i hjónaband næsta haust.