Dagblaðið - 16.09.1981, Side 17

Það fór einstaklega vel á með þeim Bergþórí og B-20 Turbo Volvo-vélinni f jepp-
anum hans. Hér típla þeir fyrírhafnarlaust, að þvf er virðist upp snarbratta brekku
á hvðssu grjótí. DB-mynd J óhann Kristjánsson.
DAGBLAÐIÐ. MIÐVIKUDAGUR 16. SEPTEMBER 1981.
Þetta barð reyndist mörgum erfitt Bergþór þeyttist upp það en þegar jeppinn
skall niður að framan brotnaöi drifskaftíð að framan. Bergþóri tókst þó að ljúka
þrautínni og sem betur fer, fyrír hann, var hann með varadrifskaft I verkfærakist-
unni. DB-mynd Jóhann Kristjánsson.
Drullugryfjan reyndist mörgum erfið en hér göslast Bergþór yfir hana að þvi er
virðist fyrírhafnarlaust DB-mynd J óhann Krístjánsson.
17
Torfærukeppni björgunarsveitarinnar Stakks í Grindavík:
Bergþór tryggði sér Is-
landsmeistaratítílinn
i torfæruakstri
Bergþór Guðjónsson sýndi mikla
yfirburði i torfæruaksturskeppni
björgunarsveitarinnar Stakks sem
haldin var við Grinda' íksiðastliðinn
sunnudag. Bergþór hefur tekið þátt í
sjö torfærukeppnum og gengið mis-
jafnlega. En það var síðastliðið vor
sem hann tók upp á þvi að leika sér
að keppinautum sínum og hefur
engum þeirra tekizt að hafa roð við
honum og hafa þó margir lagt sjg
fram við það. Bergþór hefur ætið
verið með fjögurra strokka B-20
Volvo vél í ’47 Willysnum sínum en
síðastliðinn vetur setti hann afgastúr-
bínu, (Turbocharger) á vélina og
virðist hún hafa bætt við þeim hest-
öflum sem á vantaði, til að jeppinn
léki i höndum hans. Var oft unun að
horfa á hvernig Berþór og jeppinn
runnu yfir torfærurnar að því er virt-
ist fyrirhafnarlaust. Með sigrinum i
þessari keppni tryggði Bergþór sér ís-
landsmeistaratitilinn í torfæruakstri
1981 því hann hefur sigrað í þremur
fyrstu af fjórum torfærukeppnum
sumarsins sem gefa stig til íslands-
meistaratitils. En fjórða og síðasta
keppnin verður haustkeppni Bíla-
klúbbs Akureyrar sem haldin verður
fyrir norðan 3. október. Verður fróð
legt að sjá hvort Bergþóri takist að
sigra þar einnig, en öruggt er að
Norðlendingarnir tefla fram sínu
harðasta liði með þá Guðmund
Gunnarsson og Halldór Jóhannesson
AMC foringja i broddi fylkingar.
Keppendur í Grindavík voru 6 og
skiptust þeir í tvo hópa eftir getu.
Guðmundur Gunnarsson og Gunnar
Guðjónsson veittu Bergþóri harða
keppni. Guðmundur hefur tekið þátt
í sjö torfæruaksturskepnum eins og
Bergþór og yfirleitt staðið sig vel.
Guðmundur keppti á AMC Jeep með
340 cid Chrysler vél. Guðmundur
keyrði laglega og hékk lengi vel í
Bergþóri en í fjórðu torfærunni tóku
gömul „meiðsli” sig upp í jeppanum
og hrökk framöxull i sundur. Öxull-
inn hafði brotnað í sandspyrnu-
keppni Bílaklúbbs Akureyrar, þar
sem Guðmundur sigraði reyndar og
tryggði sér Islandsmeistaratitilinn í
sandspyrnu. Hafði Guðmundur
brugðið á það ráð að rafsjóða öxul-
inn saman, þar sem hann fékk ekki
nýjan, til að geta keppt á jeppanum.
Guðmundur hélt keppninni áfram en
ekki gekk honum eins vel eftir að
framdrifið varð óvirkt og hann þurfti
að treysta einvörðungu á afturdrifið.
Gunnar Guðjónsson tók hér þátt í
sinni fyrstu torfærukeppni á þræl-
sprækum jeppa með 350 cid Chevro-
let vél. Gunnar hlífði jeppanum
sínum hvergi og geystist í torfærurn-
ar af miklu hugrekki. Þeyttist hann í
brekkurnar með hægri fótinn í
blöndungnum og öll hólf hans opin.
Ekki sló Gunnar af fyrr en jeppinn
þeyttist í loftköstum út úr brautinni
eða gróf sig niður í hana.
Suzuki umboðið sendi tvo Suzuki
jeppa í keppnina og fékk rallýkapp-
ana Jón Ragnarsson og Hafstein
Hauksson til að aka þeim. Ekki gekk
þeim félögum vel í keppninni þvi bíl-
arnir voru svo máttlausir að þeir gátu
varla spólað í mölinni á breiðum
dekkjunum sem sett höfðu veriö
undir þá. f síðustu þrautinni, sem var
tímabraut, sýndi Hafsteinn góð til-
þrif og brauzt yfir allar hindranirnar
af hörku og þrákelkni, við mikinn
fögnuð áhorfenda. Jón tók hins veg-
ar það til ráðs að sneiða hjá erfiðustu
þrautunum í tímabrautinni og hefur
hann sennilega ekki treyst bílnum í
þær.
Sjötti keppandinn, Már Finnboga-
son, keppti á Moskwitch sem búið
var að setja á jeppagrind. Var bill
hans með fjögurra strokka vél og á
venjulegum götudekkjum. Var
Moskwitchinn anzi skrautlegur en
árangur hans í keppninni ekki um-
talsverður.
Svo sem fyrr sagði sigraði Bergþór
i keppninni og hlaut hann 2270 stig.
Bergþór náði einnig bezta tímanum í
tímabrautinni, 1 mín. 47.3 sek.
Guðmundur lenti í öðru sæti keppn-
innar með 1760 stig. Tími Guðmund-
ar í tímabrautinni var 3. mín. 35.3 sek.
en hann festi jeppann í dekkjagryfj-
unni og varð að hlaupa síðasta hluta
tímabrautarinnar. Gunnar varð
þriðji með 1630 stig en hann náði
næstbezta tímanum í timabrautinni.
Fór hann brautina á 2 mín. 21.9 sek.
Hafsteinn Hauksson náði þriðja
bezta tímanum í timabrautinni þegar
hann böðlaðist brautina á 2 mín. 53
sek.
Jóhann Kristjánsson.
Glöggum mönnum sýndist oft sem hægrí fótur Gunnars Guðjónssonar værí kom-
inn alla leið fram i grill, svo fast steig hann á bensíngjöfina. En hvað um það þá
hlífði Gunnar jeppanum hvergi og sést hér koma fljúgandi yfir barð sem var efst I
einni bröttustu brekkunni f keppninni. DB-mynd Jóhann Krístjánsson.
Seinni hluta keppninnar varð Guðmundur Gunnarsson að treysta einvörðungu á afturdrífið, en brotínn
framöxull gerði framdrífið óvirkt. Þrátt fyrír þessa erfiðleika tókst Guðmundi að komast I annað sætí i
keppninni. DB-mynd Jóhann Krístjánsson.
Hafsteinn Hauksson sýndi mikil tílþríf i drullugryfjunni og eftir mikið sull og margar tilraunir tókst
honum að brjótast rétta leið upp úr henni. DB-mynd Jóhann Kristjánsson.