Árbók Kaupfjelags Þingeyinga - 01.01.1925, Blaðsíða 1
Formáli
Ársrit K. Þ. hefir ekki verið gefið út síðan 1925, og var
þá ekki nema að nokkru leyti fyrir það ár. Stjórn félagsins
hefir litið svo á, að af því »Ófeigur« — hið handritaða blað
K. Þ. — er altaf gefið út, sé ekki árlega þörf á riti í svipuð-
um stíl og Ársritið. Samt er það víst, að umgöngublað eins
og »Ófeigur« er ekki fullnægjandi til þess að kynna öllum fé-
lagsmönnum, svo vel sem þarf, lög og reglur K. Þ., starf-
semi þess og hag allan. Væri því mikilsvert, ef hvert heimili
félagsmanna, fengi við og við til eignar rit, sem gæfi glogga
sýn yfir rekstur félagsins, athafnir og stefnumið. Ætlun for-
göngumanna félagsins hefir heldur ekki verið að fella að
fullu niður útgáfu Ársritsins, en þeir telja réttara að gefa
ritið út með 2—5 ára bili eftir ástæðum. Kostnaður við út-
gáfuna á þá að geta orðið minni. Kitið á — ef vel er á hald-
ið — að geta orðið efnismeira og fjölbreyttara. Og af því
það er fyrir árabil á það að geta gefið yfirlit, sem leiði —
frekar en skýrslur fyrir ár og ár í senn — til samanburðar á
því, sem var, og því, sem er, og skýri þá um leið betur sjón
manna á því: hvort munar »aftur á bak ellegar nokkuð á
leið«.
Jafnframt því, sem nú er breytt reglu með útgáfu ritsins,
verður að breyta nafni þess, því það getur vitanlega ekkí
heitið Ársrit lengur. Hefir því verið valið nafnið: Árbók
Kaupfélags Þingeyincja. Er Árbók algengt heiti á þannig
ritum; hefir svipaða merkingu og annáll, enda af sömu rót-
um runnið.