Árbók Landsbókasafns Íslands - Nýr flokkur - 01.01.1992, Blaðsíða 125

LANDSBÓKASAFNIÐ 1990
125
af verið greitt inn á reikning byggingarsjóðsins kr. 243.778.000.
Hefði mismunurinn verið verðbættur samkvæmt lánskjaravísitölu
til ársloka 1989, hefði inneign byggingarsjóðsins hjá ríkissjóði þá
numið kr. 313.090.000. Horfur eru á, að á árinu 1990 muni
innheimtast nær 50 milljónir til viðbótar af eignarskattsauka
áranna 1987-1989, svo að enn eykst það fé, sem byggingarsjóður-
inn á þarna inni.
Svavar Gestsson menntamálaráðherra hefur margoft viður-
kennt, að bókhlöðunni beri þetta fé, og hann sagt, að því verði
skilað.
Sótt var í nóvember um heimild til að láta bjóða út 11. áfanga, en
samstarfsnefnd um opinberar framkvæmdir, er fjallar um slík
mál, kaus að bíða átekta, unz séð yrði, hver yrði lokaniðurstaða
fjárlaga fyrir árið 1991.
Háskóli Islands óskaði eftir að mega kynna starfsemi sína í
Þjóðarbókhlöðu 11. marz, og var veitt leyfi til þess, jafnframt því,
að sætt var færi til að kynna málefni bókhlöðunnar.
Tölvufræðinemar við Háskólann fengu leyfi til að halda mikla
tölvukynningu í bókhlöðunni dagana 3.-7. október. Nokkur þús-
und manns komu í bókhlöðuna í hvort sinn.
Þá stóð Bókvarðafélag Islands fyrir kynningu nýrra bóka í
bókhlöðunni 1. desember, og lásu höfundar þar upp úr ritum
sínum. Tilefni þessarar kynningar var 30 ára afmæli félagsins 4.
desember.
Þá er þess að geta, að Umhverfisráð Reykjavíkur tilkynnti á
afmælisdegi borgarinnar 18. ágúst 1990, að það heíði ákveðið að vcita
Þjóðarbóklilöðunni við Birkimel viðurkenningu fyrir góðan frágang á
stórri og áberandi lóð.
Loks skal frá því skýrt, að gerð var á árinu 25 mínútna kvikmynd um
Þjóðarbókhlöðu á vegum Stöðvar 2, en að nokkru kostuð af byggingar-
sjóði bókhlöðunnar. Hákon Oddsson kvikmyndagerðarmaður sá um
gerð myndarinnar í samvinnu við forstöðumenn bókhlöðusafnanna.
Stöð 2 hefur sýnt myndina tvisvar, 20. nóvember 1990 og 2. febrúar
1991.
Landsbókasafni Islands, 1. desember 1991,
Finnbogi Guðmundsson.