Vísbending - 15.06.1988, Blaðsíða 4
VÍSBENDING
SKANDINAVIA:________________________
Tveir af stærstu bönkum Finnlands
og Svíþjóðar taka upp samvinnu
Nýlega tilkynntu tveir af stærstu
bönkum á Norðurlöndunum að þeir
hyggðust taka upp samvinnu sín á milli
um bankaþjónustu. Þessir bankar eru
annars vegar Kansallis-Osake-Pankki
(KOP), sem er stærsti banki Finn-
lands, og hins vegar Gota Group, sem
er fjórða stærsta samsteypa á fjármála-
sviðinu í Svíþjóð. Hafa þessar tvær
bankastofnanir myndað nýtt fyrirtæki,
Proventus Nordic, þar sem KOP á
40% og stærsti hluthafinn í Gota
Group, Proventus, á 60%. Þar að auki
mun Proventus kaupa 2% hlutafjár í
KOP.
Bankarnir tveir hafa ennfremur látið
að því liggja, að samvinnan verði nán-
ari um leið og sænsk löggjöf leyfir út-
lendingum að eiga hlutabréf í sænskum
bönkum. Er fastlega búist við slíkri
breytingu í kjölfar væntanlegs álits
þessu lútandi frá stjórnskipaðri nefnd.
Síðan eiga menn jafnvel von á því, að
þegar upp verður staðið hafi norskir og
danskir aðilar bæst í hópinn.
Aðalhvatinn að þessari samvinnu er
fyrirsjáanlega aukin samkeppni í kjöl-
far þess að sameiginlegur markaður
Evrópubandalagsins verður að veru-
leika árið 1992. Og að vissu leyti má
líta á þetta sem viðbrögð við þeim sam-
runa bankastofnana sem nú þegar hef-
ur átt sér stað í löndum eins og Spáni,
V.Þýskalandi, Hollandi og Belgíu.
EB:_______________________________
Sömu reglur gildi um starfsemi er-
lendra bankastofnana innan EB og
utan
Hjá Evrópubandalaginu er nú í bí-
gerð reglugerð, sem gerir sömu kröfur
varðandi erlenda starfsemi banka í
eigu aðildarlandanna og starfsemi er-
lendra bankástofnana í EB. Nánar til-
tekið mega þá bankar utan EB hvorki
setja' á fót dótturfyrirtæki né kaupa
hlut í bönkum innan EB, nema að það
sama gildi í viðkomandi landi gagnvart
EB bönkum. En þótt reglugerðin muni
væntanlega ekki taka gildi fyrr en seint
á næsta ári hefur framkvæmdanefnd
EB nú þegar hvatt aðildarlöndin til að
beita þeim ákvæðum sem í reglu-
gerðinni felast.
Ástæðan fyrir þessu er sú, að fram-
kvæmdanefndin hefur áhyggjur af því
að bankar utan EB rjúki nú til og not-
ERLEND
FRÉHBROT
tekið gildi. Er það álit manna að með
þessu sé verið að girða fyrir enn frekari
áhrif japanskra fjármálafyrirtækja. Þó
heyrast einnig nefnd í þessu sambandi
lönd eins og Kanada, Ástralía og sum
Norðurlandanna, en í þessum löndum
er aðgangur erlendra bankastofnana
mjög takmarkaður.
Samkvæmt reglugerðinni á eftirlit
með því að henni sé fylgt að fara fram í
Brussel, og slíkt fellur ekki í kramið
hjá öllum aðildarlöndunum. T.d. er
vitað að Bretar eru áhyggjufullir yfir
því að geta ekki sjálfir ráðið eftirlitinu,
en í London skipta erlendir bankar
hundruðum. Bretar hafa nú þegar beitt
reglunum gagnvart t.d. Japönum með
nokkrum árangri og vilja eftir sem
áður hafa sjálfir hönd í bagga með því
hvernig regiunum er framfylgt.
ITALIA:______________________________
Seðlabankastjóri varar viö ofmikilli
þenslu
ítalir hafa nú vaxandi áhyggjur af því
að vera ekki nógu vel búnir undir 1992
og kom það vel fram í ræðu sem seðla-
bankastjórinn, Carlo Azeglio Ciampi,
hélt á aðalfundi bankans fyrir
skömmu. Miklar ríkisskuldir, vaxandi
halli á utanríkisviðskiptum og óhag-
kvæmni í ríkis- og þjónustugeiranum
voru þau mál, sem seðlabankastjórinn
gerði einkum að umtalsefni. Hvatti
hann ítölsk stjórnvöld eindregið til að
draga enn meir úr ríkisútgjöldum og
auka hagkvæmni í ríkisgeiranum svo
að takast mætti að grynnka á skuldum
og draga úr þenslu.
Ciampi benti m.a. annars á, að á
meðan Ítalía skapaði 19% af landa-
framleiðslu Evrópubandalagsins, þá
ætti landið 29% allra opinberra skulda
Bandalagsins. Óhagkvæmnin í ríkis-
geiranum leiddi ekki aðeins til skulda-
söfnunar, heldur drægi einnig úr sam-
keppnishæfni atvinnulífsins. Enda væri
um að ræða flutningakerfið, fjarskipt-
in, borgaskipulag, menntun og vísinda-
rannsóknir, og allt væru þetta mikil-
vægir þættir í því að standa vel að vígi í
samkeppni.
POLLAND:_____________________________
Frjálsræði aukið, m.a. til að liðka fyr-
ir erlendum fjárfestingum
í janúar á næsta ári er búist við að
nýjar reglur um erlendar fjárfestingar
taki gildi í Póllandi. Þá verður þess
ekki lengur krafist að Pólverjar eigi
meirihluta í sameiginlegum fyrirtækj-
um, og er jafnvel reiknað með því að
fyrirtæki geti að öllu leyti verið í eigu
útlendinga.
Aðrar aðgerðir fela í sér lækkun
tekjuskatts úr 50% í 40%, aukið frelsi í
gjaldeyrismálum, sem m.a. linar á
skilaskyldu gjaldeyris, og tímabundna
afléttingu á tollum vegna innflutnings
einkaaðila.
FINNLAND:__________________________
Miklar launahækkanir ýta undir verð-
bólgu
Nýlega kom út í Finnlandi skýrsla á
vegum fimm leiðandi aðila um efna-
hagsspár. Kemur þar fram að verð-
bólgan á árinu er áætluð 6% eftir að
hafa verið aðeins 3,7% í fyrra. Jafn-
framt er því spáð, að viðskiptahallinn
muni aukast úr 8,5 milljörðum finnskra
marka í fyrra í 10 milljarða í lok þessa
árs.
Það er jafnframt álit þessara aðila,
að raunlaun megi ekki hækka um
meira en 2% á næsta ári ef Finnum eigi
að takast að ná verðbólgu á svipað stig
og gengur og gerist í samkeppnislönd-
um þeirra. Er í því sambandi mælst til
þess að ríkisstjórnin taki upp mark-
vissa tekjustefnu, en ástæðuna fyrir svo
mikilli verðbólgu á þessu ári segja þeir
vera óhóflega miklar kauphækkanir.
Ritstj. og ábm.: Finnur Geirsson.
Útg.: Kaupþing hf. Húsi Verslunarinnar,
Kringlunni 7.103 Reykjavík. Sími 68 69 88.
Umbrot oa útlitshönnun: Kristján Svansson.
Prentun: ísafoldarprentsmiöja hf.
Öll réttindi áskilin. Rit þetta má ekki afrita með
neinum hætti svo sem með Ijósritun eða á
annan hátt að hluta eða í heild sinni án leyfis
útgefanda.