Vísbending - 15.03.1990, Blaðsíða 4
VÍSBENDING
NORÐURLÖND:
Sameiginleg verðvísitala fyrir
hlutabréfamarkaðina
Á hlutabréfamarkaðinum í Osló er
farið að birta reglulega sameiginlega
verðvísitölu fyrir alla hlutabréfa-
markaðina á Norðurlöndunum, þ.e.
markaðina í Osló, Kaupmannahöfn,
Stokkhólmi og Helsinki. Hlutabréfa-
vísitala Norðurlanda (The Nordic stock
index) lækkaði um 1,5% í febrúar eftir
að hafa hækkað um 1,3% í janúar.
Pað var aðeins hlutabréfavísitalan í
Osló sem hækkaði í febrúar, eða um
7%. Vísitalan lækkaði í Kaupmanna-
höfn um 1,4%, í Helsinki um 1% og í
Stokkhólmi um 4,7%. Oslóarvísitalan
hefur þá hækkað um 15,3% samanlagt
frá áramótum og þar með heldur áfram
sú þróun sem varð í fyrra þegar
vísitalan hækkaði um 54,5%. Reyndist
það vera ein mesta hækkun á hluta-
bréfamarkaði í heiminum.
Sænski hlutabréfamarkaðurinn er
lang stærstur markaðanna á Norður-
löndunum, en markaðsvirði hluta-
bréfanna þar nemur næstum 114
milljörðum dollara. Viðskiptin voru
hins vegar líflegust á Oslóarmarkað-
inum í febrúar s.l. þar sem kaup og sala
nam 1,6 milljörðum dollara.
JAPAN:
Meiri hömlur á innflutning
bíla til EB en til Japans
Margvíslegar hömlur eru á
innflutningi japanskra bfla til landa
Evrópubandalagsins, sem oft hafa
verið rökstuddar með því að ýmsar
hömlur væru á innflutningi til Japans.
Þessu hafa forráðamenn Honda
bílafyrirtækisins nýlega mótmælt
harðlega og segja engar hömlur lengur
vera á innflutningi bfla til Japans. Ekki
séu lengur fyrir hendi ýmsar hömlur
fyrir utan tolla sem Evrópumenn
kvörtuðu gjarnan yfir.
Honda menn segja sem dæmi um
mismuninn að 10% tollur leggist á
innflutta japanska bíla á meðan tollar
eru engir á innflutning bíla til Japans.
Þar að auki eru í gildi kvótar í hinum
ýmsu löndum EB. ítalir takmarka
innflutning japanskra bíla til dæmis við
1% af markaðinum og Frakkar
lakmarka þá við 3% af markaðinum.
Bretar gefa kost á 10% markaðarins en
V. Þjóðverjar hafa á hinn bóginn engar
takmarkanir.
I Evrópu allri var markaðshlutdeild
japanskra bíla 10,8% á síðasta ári sem
FMND
FRÉTTABROT
samsvarar 13,4 milljónum bifreiða.
Hins vegar var hlutdeild erlendra bíla í
Japan 4,5% á síðasta ári sem samsvarar
fjórum milljónum bíla.
BANDARÍKIN:__________________
Bandaríkjastjórn undirbýr
rýmkun auðhringalöggjafar
Það hefur lengi verið á döfinni að
slaka eilítið á þeim kröfum sem gerðar
eru gagnvart auðhringamyndun í
Bandaríkjunum. Dómsmálaráðuneytið
hefur haft endurskoðun á sinni könnu
og viðskiptaráðuneytið gefið álit sitt
og niðurstaðan er sú, að eðlilegt sé
að lina á þeim kröfum sem nú eru
gerðar um fyrirtækjasamsteypur eða
samstarf á milli fyrirtækja.
Ástæðan fyrir þessari fyrirhuguðu
breytingu er fyrst og fremst sú, að með
hcnni reikna Bandaríkjamenn með að
standa betur að vígi gagnvart erlendri
samkeppni. Það kunni einfaldlega að
reynast nauðsynlegt að bandarísk
fyrirtæki vinni saman til að geta staðist
erlendum keppinautum sínum snúning
og þá l'yrst og fremst japönskum.
Áætlunin er sú, að hvert og eitt tilfelli
samvinnu eða samruna verði kannað
sérslaklega og það metið með tilliti lil
kostnaðar og ávinnings.
ÍSRAEL:_____________________
IMF mælir með gengisfellingu
eða auknu frjálsræði á
fjármagnsmarkaði
ísraelsmenn standa l'rammi fyrir
stórauknum innflutningi fólks frá
Sovétríkjunum og er jafnvel búist við
100.000 manns á þessu ári. Viðbúið
er, að svo mikil aukning á skömmum
tíma geti haft veruleg áhrif á
efnahagslífið til góðs eða ills eftir því
hvernig staðið verður að málum.
Seðlabankastjórinn, Michael Bruno,
metur þetta svo að innflutningur
100.000 manns eða þau viðbrögð sem
hann kallar á muni örva efnahagslífið
og framkalla 6% hagvöxt. Á hinn
bóginn er efnahagsástandið fremur
bágborið og litlu má muna að
verðbólga rjúki upp úr öllu valdi. Hún
hefur verið á bilinu 15 til 20%
undanfarin fimm ár, en þar áður var
hún 450%.
Alþjóðagjaldeyrissjóðurinn hefur
nýlega gefið álit sitt á því hvaða
ráðstafanir séu heppilegastar fyrir
ísraelsk stjórnvöld. Sjóðurinn segir að
um tvo kosti sé að ræða. Annars vegar
að fella gengi gjaldmiðilsins, shekel,
mjög verulega, eða mun meira en þau
6% sem gengið var fellt um fyrir tveim
vikum. Síðan ætti að halda genginu
föstu. Áhrifin á verðbólgu færi eftir
launaþróuninni, en gera mætti ráð fyrir
að innflutningur fólks eða meira
framboð á vinnuafli héldi launa-
hækkunum í skefjum. Hinn kosturinn
er sá, að auka verulega frjálsræði á
fjármagnsmarkaði, fara af stað með
víðtæka einkavæðingu og gefa
gengisskráningu frjálsa. Þessi síðari
koslur myndi örva fjárfestingar og
skapa fleiri störf auk þess sem
viðskiptastaðan gagnvart Banda-
ríkjunum og EB myndi batna.
TYRKLAND:__________________
Illa gengur að hemja
verðbólguna
Stjórnvöld í Tyrklandi eiga sér það
takmark að ná verðbólgu niður í 43%
á þessu ári. Flestir hagfræðingar eiga
þó von á að hún verði einhvers staðar
í kringum 70% eða svipuð og hún var
á síðasta ári. Mikill halli á ríkissjóði er
talinn vera aðalorsök verðbólgunnar,
en hann fór talsvert fram úr áætlun á
síðasta ári vegna aðgerða í tengslum
við kjarasamninga. Þó er hallinn að
mestu fjármagnaður innanlands og til
dæmis er afgangur á viðskiptum við
útlönd.
Ritstj. og ábm.: FinnurGeirsson.
Útg.: Kaupþing hf., Kringlunni 5,
103 Reykjavík. Sími 689080.
Prentun: Gutenberg.
Öll réttindi áskilin. Rit þetta má ekki afrita
með neinum hætti svo sem með Ijósritun
eða á annan hátt að hluta eða í heild sinni án
leyfis útgefanda.