Frjáls verslun - 01.07.1965, Qupperneq 8

Af erlendum vettvangi:
Slyrjöldin, sem Þýzkaland
er að vinna
Þýzkur iðjuhöldur, sem spurður var um við-
skiptavelgengni lands síns, vildi fá að vita um hvaða
„velgengni“ væri spurt, en á hinn bóginn svaraði
annar iðjuhöldur spurningunni þannig, að fyrir væri
að þakka „samkeppninni“. Hvorugur mannanna,
sem spurður var, reyndi að setja sig á háan hest,
ellegar draga úr staðreyndum. Sá, sem fyrr var
nefndur, var aðeins að reyna að segja, að velgengn-
in, eins og hann ætti við hana, hefði endað 1961.
Sá síðarnefndi var hinsvegar að benda á, að ef nota
ætti þetta orð á annað borð. þýddi það að hann og
hans líkar gerðu aðeins það eitt að hlíta hinum
kunnu leikreglum kapítalismans, þar sem aðalreglan
er sú, að ef menn vilja komast áfram, verða þeir
að vera miklu betri en allir aðrir.
Hvort heldur sem velgengnin á sjötta áratugnum
hafi endað á fyrstu árum sjöunda tugsins er línu-
ritin tóku að breytast með tilliti til velgengni fyrir-
tækja, er það ljóst að ekki aðeins hafa Þjóðverjar
aldrei haft það eins gott og í dag, heldur er það og
augljóst, að þeir lifa betur með hverju árinu, sem
líður. Fjármálablaðið Der Volkswirt ræddi um þýzk
efnahagsmál og útlitið í þeim sl. áramót undir fyrir-
sögninni „Himnaríki á jörðu“, en Der Spiegel skýrði
frá því, að V.Þjóðverjar drykkju meira skozkt
viský en Skotar sjálfir og meira kampavín (að vísu
Sekt, þýzka freyðivínið) en Frakkar. Sala bíla og
sjónvarpstækja, og viðskipti ferðaskrifstofa eru í
stöðugum vexti, og stöðugt eru sctt ný sölumet.
Tndustriekurier, sem er fjármálablað í miklu áliti,
greindi frá jjessu öllu í hnotskurn með því að birta
skopteikningu, sem sýnir kvikmyndaauglýsinga-
spjald. A því stendur „Gullna vestrið“, og er maður
að líma miða við, sem á stendur „Sýning fram-
lengd“.
Tölfræðingar hafa staðfest við Þjóðverja, að þeir
liafi það betra en áður á þessu ári, því skattalækk-
anir myndu skilja eftir í vösum þeirra sem svarar
24.000 millj. ísl. króna, og að launahækkanir árið
1904 hefðu numið að meðaltali 8^2%- Það eru því
engin undur, að auk þess, sem Þjóðverjar keyptu
á sl. ári fleiri bíla og önnur lífsþægindi, en nokkru
sinni áður, nam sparifjármyndunin í landinu 16.560
ísl. kr. á mann, en j>að er um 2.160 kr. meira á mann,
en árið áður. Þar eð allar þessar tölur byggjast á
raunverulegri aukningu jjjóðartekna, er nemur
6%% á síðasta ári, og gert er ráð fyrir 5% aukn-
ingu á þessu ári, getur enginn sagt,, að Þjóðverjar
lifi um efni fram, eða hætta sé á verðbólgu. Verzl-
unarjöfnuðurinn var hagstæður um 64.200 milljónir
kr. á sl. ári, og hefði orðið hagstæður um 96.000
milljónir kr., hefðu ekki komið til sérstakar tolla-
lækkanir, sem miða beinlínis að jjví að auka inn-
flutninginn. Loks nema gjaldeyrisvarasjóðir 124.000
milljónum króna. Svissneskt blað lýsti því yfir fyrir
skömmu, að úr efnahagsvaxti drægi í öllum löndum
Efnahagsbandalags Evrópu, „nema i Þýzkalandi“.
Það var löngum haft í flimtingum, að eyðilegg-
ing þýzks atvinnulífs á styrjaldarárunum hefði
neytt Þjóðverja til að hefjast handa á ný frá grunni,
með nýjum tækjum og vélum, og því hafi Banda-
menn, óafvitandi að vísu, orðið til að leggja grund-
völlinn að v-þýzka „efnahagsundrinu“. Öllu gamni
fylgir þó nokkur alvara. Það hefur verið sagt, og
er satt, að Bretar hafi látið sér nægja gamla tækni,
meðan Þjóðverjar hafi hagnýtt sér allt nýtt, sem
komið hefur fram heima fyrir, og í Bandaríkjunum.
Hafi ósigur Þjóðverja „komið þeim vel“ síðar, ])á
verður einnig að hafa í huga, að á fyrstu árunum
eftir styrjöldina fengu þeir mikla efnahagsaðstoð
frá Vesturlöndum, en hernaðarútgjöld þeirra voru
engin. Þá höfðu þeir miklar tekjur af erlendu varn-
8
FRJÁLS VBRZLUN