Helgarpósturinn - 14.03.1996, Side 2

2
FIMMTUDAGUR14. MARS1396
\
Eftir viku verður frumsýnd lokamyndin frá „íslenska kvikmyndasumrinu" 1995. Þetta er kvikmynd Ásdísar
Thoroddsen, Draumadísir, sem hún segir í samtali við Guðrúnu Kristjánsdóttur afar ólíka og vandaðri en
sína fyrstu mynd, Inguló í grænum sjó.
„Hefði átt að vera dýrari“
Onnur fullburða mynd Ásdís-
ar Thoroddsen verður
frumsýnd 21. mars í Stjörnu-
bíói. Myndin fjallar um tvær tví-
tugar vinkonur sem takast á við
drauma sína í viðsjárverðu um-
hverfi íslensks hversdagslífs og
nútímalegra viðskiptahátta.
Það liggur beinast við að spyrja
hvort nýju myndinni svipi eitt-
tjvað til Ingulóar, þar sem að
minnsta kosti komu við sögu
viðsjárverðir skreiðarviðskipta-
hættir?
„Þótt ekki væri fylgt neinni
formúlu er Ingaló nokkuð klass-
ísk í uppbyggingu. í Draumadís-
um er farin allt önnur leið, yfir-
bragðið allt annað, umhverfið
allt öðruvísi og líka kvikmynda-
stíllinn. Við Halldór Gunnars-
son, kvikmyndatökumaður
Draumadísa, töluðum mikið
saman og unnum mikla for-
vinnu áður en við hófumst
handa. Við ákváðum að hafa
myndatökuna töluvert fágaða
og mikil áhersla var lögð á að
hafa allt tæknilegt útlit pott-
þétt. í Inguló var á hinn bóginn
lögð áhersla á að fanga augna-
blikið. Á henni var eiginlega
meiri heimildamyndarbragur.“
Áttu við að Draumadísir
hafi listrœnni umgjörð?
„Ég vil eiginlega ekki nota
orðið listrænt í þessu samhengi
því ég vil ekki halda því fram að
Ingaló hafi verið ólistræn. Inga-
ló var vissulega hrá á meðan
Draumadísir eru nákvæmari í
lýsingu og vinnslu. Þær eru
bara ólíkar."
Þessar draumadísir, eru
það þessar tvítugu Reykjavík-
urstúlkur?
„Jú, en þarna koma líka fleiri
konur fyrir sem kalla má
draumadísir. Svo má líka hugsa
nafn myndarinnar út frá þeim
punkti að þar koma bæði fyrir
karlmenn og konur sem eiga
sér drauma.“
Nú ertu með allsendis
óþekktar leikkonur í aðal-
hlutverkum, er það ekki viss
áhœtta?
„Jú, auðvitað er það alltaf
áhætta, en ég var ekki svikin af
þeim. Stöllurnar stóðu sig vel.
Ástæðan fyrir þvf að ég leitaði
til þeirra er sú að ég hef þá trú
að erfitt sé að vera með miklu
eldra fólk í rullum á kvikmynda-
tjaldinu en það á að vera. Það
er ákveðinn ungæðisháttur í
hegðun og andliti sem ég þurfti
á að halda til að myndin missti
ekki trúverðugleika."
Áttu við að kvikmyndin af-
hjúpi?
„Já, það er mín skoðun, en ég
veit ekki hvort þeir í leikarafé-
laginu eru mér sammála.“
Svo ertu þarna með hinn
klassíska Baltasar Kormák?
„Já, hann er orðinn klassísk-
ur, en þess má geta að ég var að
leita að manni sem passaði inn
í hlutverkið — ekki að orðspori
Baltasars — enda held ég að
það sé þannig á íslandi að
myndir seljist ekki út á leikar-
ana. Sú hefð sem ég held að sé
til dæmis í London, þar sem
áhorfendur fara í leikhús til að
eltast við vissa leikara, hefur
ekki borist hingað til lands.“
Þarna eru fleiri frœgir,
eins og Bergþóra Aradðttir (8
ára, Tár úr steini) og Magnús
Ólafsson, sem virðast orðin
ómissandi í íslenskum kvik-
myndum!
„Þegar ég sá fyrst mynd af
Bergþóru hafði ég ekki hug-
mynd um að hún hefði alla
þessa leikreynslu og ég verð að
segja að hún er afskaplega full-
orðinsleg í vinnuaðferðum; hún
hefur bæði mikið úthald, mik-
inn viljastyrk af barni að vera
og mikla ögun, sem er sjálfsagt
komið til af því að hún er í ball-
ett.“
Þjóðverjar virðast fjár-
magna myndina til jafns við
íslendinga.
„Já, myndin er auk Kvik-
myndasjóðs íslands og íslensku
kvikmyndasamsteypunnar
styrkt af Kvikmyndasjóði Berl-
ínar og sjónvarpsrásunum ZDF,
sem er önnur opinbera sjón-
varpsrásin í Þýskalandi, og
ARTE, sem er frönsk/þýsk
menningarrás, og með eigin
áhættufé einnig. Með þessum
styrkjum má segja að sjón-
varpsstöðvarnar hafi forkeypt
myndina.11
Af hverju eru Þjóðverjar
þér svo hliðhollir?
„Þeir tóku þátt í að fjármagna
Inguló á sínum tíma og voru
það ánægðir með myndina —
sögðu hana það besta í flokki
verka ungra. leikstjóra það árið
— að í verðlaunaskyni buðu
þeir mér pening í annað verk,
sem í fyrstu var myndarleg
summa en svo saxaðist eitt-
hvað á hana vegna niðurskurð-
ar. Það þýðir samt ekki að ég sé
ekki þakklát fyrir það sem ég
fékk.“
Ég hef heyrt þvt fleygt að
myndin kosti ekki nema um
60 milljónir, sem er ekki há
summa fyrir kvikmynd í
fullri lengd?
„Myndin hefði samkvæmt
umfangi átt að vera dýrari, en
þar sem kostnaði var haldið
niðri á alla kanta varð hún ekki
dýrari en þetta. Það finnst mér
reyndar svolítið sorglegt, því
mér er ekki að skapi að fram-
leiða mynd sem er ódýrari en
hún ætti að vera. Það bitnar
alltaf á einhverjum. Ég held
samt að það sjáist ekki á mynd-
inni að hún hafi verið þetta
ódýr.“
Kvíðirðu frumsýningunni?
„Þegar Ingaló var frumsýnd
hafði ég ekki vit á að vera
taugaveikluð. Síðar fékk ég ým-
ist skítkast eða lof fyrir þá
mynd, þannig að ég er orðin
sjóuð.“
Er þetta mynd fyrir alla?
„Nei, markhópurinn er ekki
„allir“. Ég var að sjá myndina
upp á nýtt og eftir það held ég
að Draumadísir séu frekar full-
orðinsmynd eða fyrir ungt full-
orðið fólk, komið á kosninga-
aldur og upp úr. Efnistökin eru
öðruvísi. Svo mikið er víst að
þetta er ekki ameríkaníseruð
formúlumynd. Það bregður fyr-
ir smásérvitringshætti, jafnvel
dyntum í myndinni. Svoleiðis
er alltaf áhætta að láta eftir sér,
því það er ekki víst að dyntirnir
falli öllum í geð, en sumir hafa
örugglega gaman af þeim.
Myndin er ekki endilega fyrir þá
sem fara að sjá það sem þeir
búast við. Engu að síður hefur
hún á sér mjög raunsæislegt yf-
irbragð."
Stórviöburöurerframundan í íslensku tónlistarlífi þegar ein þekktasta danshljómsveit
heims heldur útgáfutónleika í Höllinni á laugardagskvöld. Meöal þeirra sem hita upp
er Gus Gus-flokkurinn, sem samkvæmt heimildum HP er nýkominn frá London í boöi
þarlends útgáfurisa.
Fjöldi njósnara fylgist með
Búist er við miklu fjöri í Laug-
ardalshöll á laugardags-
kvöldið þegar ein þekktasta
danshljómsveit heims, Pro-
digy, stígur á svið. Áður en til
þess kemur fá nokkrar íslensk-
ar hljómsveitir tækifæri til að
sýna sig erlendum blaðamönn-
um, meðal annars frá tímaritun-
um Face og ID og fjölmörgum
LHrósið...
... fær aö þessu sinni Benedikt Davíðs-
son, forseti ASÍ, fyrir að drífa í því aö
láta Listasafn Alþýöusambandsins
kauþa Ásmundarsal viö Freyjugötu. Þar
með er Ijóst aö þau fárán-
legu áform R-listans að
gera Ásmundarsal aö
barnaheimili eru úr sög-
unni og húsiö veröur
áfram nýtt í þágu listar
og menningar. Aö vísu
báru R-listamenn því
viö aö þótt Ásmundar-
sal yröl breytt í barna-
heimili færi áfram fram
listsköþun f húsinu þar
sem börnin yröu látin
mála og teikna. Þetta
fannst listunnendum hins
vegar léttvæg rök og Benedikt f ASf er
greinilega sömu skoöunar. Ásmundur
Sveinsson myndhöggvari var mikill lista-
maöur og alþýöumaöur og sjálfsagt aö
halda minningu hans á loft svo sem unnt
er. Svo má auövitaö hrósa forseta ASf f
leiöinni fyrir aö færa forseta fslands 80
trjáplöntur aö gjöf f tilefni af áttatíu ára
afmæli Alþýöusambandsins. Frú Vigdís
Finnbogadóttir forseti ætti aö ná því aö
gróöursetja þessar plöntur áöur en hún
lætur af embætti ef vel vorar. Þaö er viö
hæfi aö ASÍ noti afmælisdaginn til góö-
verka og ekki hægt aö segja annaö en
vel hafi tekist til. Vonandi veröur Ás-
mundarsalur aö einhverju leyti notaður til
aö sýna sum þeirra listaverka sem eru f
eigu Listasafns ASÍ en eru höfö í geymsl-
um vegna þlássleysis. Þótt baráttan um
brauöiö veröi hér eftir sem hingaö til aö-
almál Alþýöusambandsins þá gera menn
þar á bæ sér grein fyrir því aö maðurinn
lifir ekki á brauöi einu saman...
„hæfileikaveiðurum“ eða njósn-
urum, sem ætla að fjölmenna á
tónleikana í Höllinni, bæði til
fylgjast með Prodigy og að auki
ætlar þorri þeirra að sjá hvað
Gus Gus-flokkurinn hefur upp á
að bjóða. Samkvæmt heimild-
um HP er flokkurinn nýkominn
frá London í boði sama útgáfu-
fyrirtækis og hefur með mál
Prodigy að gera.
Aðstoðarmenn Prodigy koma
hingað til lands síðdegis á
föstudag en á laugardag lenda
sjálfir hljómsveitarmeðlimirnir
í Keflavík.
Að sögn Júlíusar Kemp, eins
aðstandenda Kisa sem flytur
Prodigy inn, gengur miðasalan
vel og eru miðarnir bókstaflega
rifnir út, mest af fólki á aldrin-
um 18 til 24 ára. En hverju er
hann sjálfur spenntastur fyrir
þetta kvöld?
„Ég hlakka mikið til að sjá
Botnleðju spila í 100 þúsund
vatta hljóðkerfi, stærsta hljóð-
kerfi sem sett hefur verið upp á
íslandi. Botnleðja er nefnilega
frábært band.“
Prodigy-menn hafa, ekki síð-
ur en David Bowie, sínar sér-
þarfir. Þannig hafa þeir félag-
arnir þegar lagt fram óskalista
um það sem þeir vilja hafa bak-
sviðs á meðan á tónleikunum
stendur. Hér er sýnishorn:
• Osta-, rækju- og kjúklinga-
samlokur
• Full skál af ávöxtum
• Evian-vatn, 24 flöskur
• 24 flöskur af orkudrykkjum
• Fjórir kassar af bjór (ekki
undir 4,5 prósentum)
• Ein flaska af eðalrauðvíni
• Sex lítrar af ískaldri mjólk
• Fjórar fötur af ís
• Einn pakki Kellogg’s
Crunchy Nut-kornflögur,
sex diskar, skeiðar og sykur
• Sex lítrar af nýkreistum
appelsínusafa
• 24 kókdósir
• Margar tegundir af
súkkulaði
• Kassi af kartöfluflögum
af ýmsum gerðum
• Ein plastfata
Nýlegt bandarískt leikhúsverk, Standing on My Knees eftir John Olive,
verður innan skamms frumsýnt í Loftkastalanum. Bjami Haukur
Þórsson, annar aðalleikaranna, stendurfyrir innflutningi þessum,
en sýningin fékk góðar viðtökur þegar þau sýndu hana í New York:
Geðklofi og
Bjami Haukur:
„Ég hef verið lengi
erlendis og lang-
aði til að koma
heim og sýna
ísiendingum
hvað í mér býr.“
Mynd: Jim Smart.
Hinn hálfþrítugi Bjarni
Haukur Þórsson stendur
þessa dagana fyrir því að flytja
heilt Ieikhús frá New York til
Reykjavíkur. Hann var á árum
áður nokkuð þekktur útvarps-
maður á Stjörnunni — byrjaði
þar afar ungur að árum — og
Bylgjunni, en kúplaði sig svo
út úr sviðsljósinu um stundar-
sakir. Bjarni Haukur lærði leik-
list í New York og hefur einnig
starfað þar upp á síðkastið
sem leikari. Flutningur á leik-
verki heimsálfa milli er mjög
kostnaðarsamur, en með að-
stoð fyrirtækja og sjóða hefur
fengist svigrúm til að sýna
Standing on My Knees eftir
John Olive þrisvar í Loftkast-
alanum. Frumsýnt verður 27.
mars. Helgarpósturinn sló á
þráðinn til Bjarna Hauks og
spurði fyrst út í verkið:
„Verkið fjallar um stúlku að
nafni Catherine, sem er ljóð-
skáld og geðklofi. í verkinu er
hún nýkomin út af spítala og er
að takast á við lífið og tilver-
una að nýju. í partíi nokkru
hittir hún verðbréfasala, sem
ég leik. Hann er svona streit
bissnessgæi og alger and-
stæða við hana; þau eru eins
og svart og hvítt og koma
hvort úr sínum heiminum.
Hann úr heimi hraða og við-
skipta en hún úr listamanna-
umhverfi þar sem hún lifir í
ljóðunum sínum. Leikritið fjall-
ar síðan um samband þeirra
og breytingar sem verða á lífi
þeirra í kjölfar hins nýja ástar-
sambands. Aðrar persónur í
leikritinu eru vinkona hennar
og sálfræðingur.“
Hvernig kemur það til að
þið flytjið verkið til íslands?
„Það eru í raun tvær ástæð-
ur fyrir því. Önnur er sú að ég
hef verið lengi erlendis og
langaði til að koma heim og
sýna íslendingum hvað í mér
býr. Hin er sú að þeir hjá Flug-
félaginu Lofti sáu upptöku af
sýningunni og vildu fá hana
hingað heim. Það hefur
verið meiriháttar undirbún-
ingsvinna að fá þetta leik-
hús til íslands en er þó að
takast."
Ætlarðu þér að starfa
hér á landi í framtíðinni
eða halda áfram ytra?
„Ég ætla að halda öllum
möguleikum opnum og það fer
bara eftir þeim verkefnum sem
mér bjóðast hvar ég starfa.
Það er ýmislegt í bígerð hér
heima og einnig í Bandaríkjun-
um þannig að við sjáum bara
til.“ - EBE
Fyrirlestrarööin „Er vit í visind-
um?" hefur staöiö yfir síöustu
fimm laugardaga og hefur aösókn
verið þaö mikil aö flytja varö fyrir-
iestrana í sal 2 í Háskólabíói. Þarna
hefur veriö tekist á við nokkrar
grundvallarspurningar um eöli og
takmörk vísinda. Lögð hefur verið
áhersla á aö erindin séu aögengi-
leg, enda eru þau ætiuð aimenningi
og aögangur ókeypis. Á laugardag-
inn lýkur Þorsteinn Gylfason pró-
fessor fyrirlestrarööinni. Aö erindi
hans loknu veröa pallborösumræö-
ur meö öllum fyrirlesurum...
Músíktilraunir 1996 heflast í
Tónabæ ! kvöld þar sem
gestahljómsveit veröur Botnleðjan,
sigurvegari Músíktilrauna 1995.
Músíktilraunir eru opnar öllum upp-
rennandi hljómsveitum hvaöanæva
af landinu og nú þegar hafa um 35
hljómsveitir skráö sig í keppnina...
Leikhópurinn Bandamenn frum-
sýnir Amlóðasögu í Borgarleik-
húsinu næstkomandi laugardags-
kvöld. Leikurinn, sem Sveinn Ein-
arsson leikstjóri og leikhópurinn
hafa útbúiö I sameinlngu, var frum-
fluttur á Helsingjaeyri í Danmörku
sunnudaginn 3. mars og var fyrsta
sýningin í röö sýnlnga tengdum
Hamlet-þemanu sem nefnist Ham-
let-sumar. Einnig voru haldnar þrjár
sýningar I Kaupmannahöfn í Café-
leikhúsinu þar I borg. Áöur hefur
leikflokkurinn sýnt fyrri sýningu
sína, Bandamannasögu, sem til
varö 1992, í sjö löndum. I þessari
sýningu heldur leikhópurinn áfram
aö þróa leikaöferöir sem hann
tamdi sér I Bandamannasögu og
sækir sem fyrr efni f gamlar heim-
ildir og nýjar tjáningaraöferðir leik-
hússins. Hér er ekki um Hamjet-
sýningu að ræða; hetjan er fjögur
hundruð árum eldri en persóna
Shakespeares og á sér rætur meö-
al annars í íslenskum heimildum. í
samtali viö Helgarpóstinn sagöi
Sveinn aö sagan hlypi til f tíma og
rúmi. „Þessi hetja okkar er kannski
uppi í dag og kannski fyrir þúsund
árum og hún kemur fram í fjölmörg-
um fslenskum heimildum. Amlóöi
þýöir svona heldur lítill dugnaöar-
maður og jafnvel fífl. Kjaminn í verk-
inu er sá aö þaö er framiö valdarán
og prinsinn er ekki óhultur um Iff
sitt og gerir sér því upp fíflsku."
Bandamenn eru átta talsins, auk
Sveins þau Guðni Franzson. Þór-
unn Magnea Magnúsdóttir, Ragn-
hciður Elfa Amardóttir, Borgar
Garðarsson, Jakob Þór Einarson,
Felix Bergsson og Stefán Sturla
Siguijónsson...
Lei&rétting:
Felix hætti sjálfur
Felix Bergsson, leikari og æsku-
goö, haföi samband viö Helgar-
póstinn og vildi koma á framfæri
leiðréttingu á því ranghermi, aö
honum heföi verið sagt upp af
Viðari Eggertssyni leikhússtjóra
líkt og svo mörgum öörum leikurum
hjá Leikfélagi Reykjavíkur, en svo
mátti skilja af baksíöufrétt HP í síö-
ustu viku. Hiö rétta i málinu er aö
Sigurður Hróarsson, fráfarandi
leikhússtjóri, réö Felix á sínum tíma
til Borgarleikhússins meö þeim for-
merkjum aö um eins árs starf væri
aö ræða. Þegar sá tími var aö lok-
um kominn sagöi Felix sjálfur samn-
ingi sínum lausum, enda frá upp-
hafi ætlaö eftir þaö aö hverfa á aör-
ar slóöir. Felix er vinsamlegast beö-
inn velviröingar á þessu ranghermi
blaðsins og afsökunar á leiöindum
sem skrifin kunna að hafa valdið
honum. - Rítstj.