Vísir - 30.05.1974, Síða 16

16
Vfelr — Fcrftablafl 1974
Þor rignir um 280 dago á ári
Fœreyjar: Forvitnilegt og
„öðruvísi" ferðamannaland
Þegar fólk hér á landi
hugsar til Færeyja, þá
er það sjaldnast, að hug-
urinn beinist að þeim
sem stað til að eyða
sumarleyfi sinu á. En
staðreyndin er nú
reyndar sú, að Færeyjar
hafa upp á ýmislegt að
bjóða, sem gera þær vél
þess virði að heimsækja
þær. Sterk rök liggja að
þvi, að islendingar ættu
að geta notið vel sumar-
leyfisferðar þangað,
engu siður en til marg-
mennis á sólarströnd-
um.
Færeyingar eru sú þjóð meðal
Norðurlandanna, sem á hvað
mest sameiginlegt með okkur Is-
lendingum. Tunga þeirra og
menning likist mjög svo okkar, og
þeir eru orðnir ófáir Færeying-
arnir, sem hafa ekki einhvern
tlma leitað til íslands i atvinnu-
leit, þegar verkefnin heima fyrir
voru minni.
Færeyjar eru „öðruvlsi” ferða-
mannaland, þar er of skýjað til að
stunda sólböð, of hvasst til sigl-
inga of kalt til að stunda sjóböö.
Færeyjar eru „óskaland”
einstaklingsins, ef svo má aö orði
komast. Þar má komast burt frá
tilbúnum ferðamannaiðnaði til
þess óvenjulega. Hjá þeim, sem
eru orðnir þreyttir á mann-
fjöldanum á sólarströndum
Evrópu, getur tilbreytingarleysið
virzt stórkostleg.
Andstæður og tilbreyt-
ingarleysi i einu
Hér á 62. breiddargráðu er oft
stutt á milli veðrabrigða. Vindur-
inn rýfur göt á skýjabakkana, sól-
in brýzt fram og eyðir þokuklökk-
um. Júlimánuður er að jafnaði
aðeins 7 stigum heitari en marz.
Það rignir að jafnaði i 280 daga á
ári. Það verður eiginlega aldrei
heitt á sumrin né kalt á veturna.
Þegar talað er um veðrið I Fær-
eyjum, þá er aðeins hægt að lofa
ferðamönnum einu, þvi óvænta.
Gamalt og nýtt hlið við
hlið
Höfuðstaðurinn Þórshöfn er
langstærstur bæja I Færeyjum,
þótt þar séu aðeins um 11.000 ibú-
ar. Bærinn hefur tekið ótrúlegum
stakkaskiptum hin siðari ár.
Gömlu tréhúsin, ýmist í marg-
breytilegum litum eða svört, með
torfþökum eða marglitum járn-
klæddum þökum, standa við hlið
nýtízkulegra stórbygginga úr
járni og gleri. Þórshöfn I dag er
nokkurs konar smækkuð mynd af
nútlma stórbæ með bönkum og
skrifstofubyggingum, kvik-
myndahúsum, hótelum og stór-
verzlunum.
Ef einhver hefur heyrt það, en
ekki trúaö því, þá er rétt að benda
á það sem staðreynd, að eyjarnar
eru „þurrar”, það er að segja,
þar rlkir bann á sölu áfengis og
áfengs öls. Að vísu fá eyjaskeggj-
ar að kaupa inn áfengi og öl er-
lendis frá, ef vissum skilyrðum er
fullnægt, þar á meöal hafi þeir
greitt öll sín gjöld til hins opin-
bera. Þvi er það svo, að Þórshöfn
er sennilega eina hafnarborgin I
heiminum, sem ekki býður upp á
bari og vlnsölustaði.
Ibúafjöldi Færeyja er um
38.000, og á eyjunum eru um 70
þúsund kindur, og kindurnar eru
aö heita má alls staöar við hvert
fótmál að þvælast fyrir umferð-
inni á vegunum og sem aðalréttur
á matborðinu.
Ferðalög innan eyjanna
Tiltölulega auðvelt er að ferð-
ast um og á milli stærri eyjanna
(Streymoy, Eysturoy, Borðoy,
Vágar Sandoy, og Suðuroy), og þá
með ýmist áætlunarbilum,
leigubilum, ferjum og póstbátun-
um. Áætlanir standast yfirleitt
nokkuð vel. Ferðir til minni eyj-
anna tefjast oft vegna veðurs, og
er því oft nauðsyn að gera ferða-
áætlanir nokkuð sveigjanlegar.
Helzti dvalarstaður ferðamanna
I Færeyjum er Þórshöfn, og þar
er gistiaðstaða mjög góð. Hótel
Hafnia er þar stærst, rúmar 98
gesti, og kostar dvöl þar um 100
krónur (tæpl. 1450 isl.) á
sólarhring. Hótel Föroyar er mun
minna, en gistingin kostar þar um
60-80 kr. Einnig er um að ræða
gistingu á sjómannaheimili og
farfuglaheimili, og er það
mun ódýrara, kostar gistingin á
sjómannaheimili t.d. um kr. 40.
Reikna má með, að hver máltið
kosti sem svarar um 20 d. kr.
Gistiaðstaða er einnig allgóð á
hótelum I Runavlk, Klakksvik og
Þvereyri, ennfremur eru gisti-
heimili I mörgum af minni bæjun-
um. Gistingu á einkaheimilum er
einnig hægt að koma við vlða um
eyjarnar, og hefur feröaskrifstof-
an I Þórshöfn milligöngu um það.
Hvernig kemst maður
þangað og þaðan?
Héðan frá tslandi verða ferðir
tvisvar I viku I sumar með Flug-
félagi tslands á sunnudögum og
fimmtudögum. Fargjaldið þang-
að er 13.254 kr. En völ er á
sérstöku afsláttarfargjaldi, 14
daga fargjaldi, sem flestir hag-
nýta sér, og er verðið þá 8.553 kr.
Frá Færeyjum til meginlands
Evrópu eru daglegar ferðir á veg-
um SAS (um Skotland) til Dan-
merkur.
Skemmtileg hringferð
Fyrir þá, sem vilja kosta meiru
til og sjá sig meira um.i fram-
haldi af Færeyjaferð, þá viljum
við benda á skemmtilegan mögu-
leika, sem býðst i framhaldi af
slikri ferð.
Fyrir þá sem hefðu áhuga á að
skoða heimsborgina London „I
leiðinni”, þá er hægt að fá miða
þangað, sem er þannig, að unnt er
að hoppa” milli staða á leiðinni,
án þess að flugfargjaldið verði
hærra en væri um beint flug
Reykjavik-London-Reykjavik að
ræða.
Sem dæmi um slíka ferð mætti
taka, að farið sé frá Reykjavik til
Færeyja, viðdvöl þar I nokkra
daga, þvínæst flogið frá Færeyj-
um til Kirkwall á Orkneyjum. I
Kirkwall eru nokkur mjög góð
hótel, ef áhugi er fyrir dvöl þar.
Frá Kirkwall væri siðan flogið til
Glasgow. Fyrir þá sem á þvi
hefðu áhuga, gæti flugmiðinn eins
endað I Glasgow, eða þá hring-
feröin væri til Kaupmannahafnar
og siðan heim aftur. Verðið á
slikri hringferð, sem endaði i
Glasgow áður en snúið væri
heimleiðis, er nú um 20.000 kr. Ef
farið er til London, er verðiö um
24.900.
Að sjálfsögðu er bezt að leita
nánari upplýsinga um ferðir sem
þessar og þá hjá skrifstofu SAS,
Flugfélagi Islands eöa ferðaskrif-
stofunum. — JR.