Lesbók Morgunblaðsins - 22.03.1936, Síða 4
92
LESBÓK MORGUNBLAÐSINS
ur á Flagveltu. Höfðu eldhúsin
gjörfallið ofan á þær.
Á kotinu Yrjar bjó einsetukerl-
ing, hún koms.t nauðulega út úr
baðstofunni, sem fell, og flýði að
SkarfanCsi. Þar sá hún eitt þil
uppistandandi og varð þá að orði:
„Guð hefir þó verið í Skarfanesi,
ekki var hann í Yrjabaðstofu".
f Ytrakreppi:
Á Þórarinsstöðum var gamall,
blindur karl úfi í fjósi; alt fjósið
fell nema lítil hola var í básnum
þar sem karlinn var og því lifði
hann.
í Vestmannaeyjum:
Fimm menn voru að veiðum í
Dufþekju. Komu þá grjóthlaup efst
úr Hákollahamri og dundi niður
fyrir alla Rauðupalla og nokk-
uð af Dufþekju. Fimm menn voru
á bát fyrir neðan að taka á móti
veiðinni. Þegar skruðningurinn
heyrðist, hlupu mennirnir í bjarg-
inu nokkuð til hliðar og köstuðu
sjer allir á grúfu hver hjá öðrum.
Einn þeirra, fsleifur Jónsson fekk
steinshögg og beið bana af því
nokkrum dögum síðar. Þeir, sem
á bátnum voru hevrðu hávaðann
og reru lífróður frá berginu. í
sama vetfangi dundi grjóthríðin
niður alt í kring um þá, en þá
sakaði ekki.
í Flóa:
í fyrstu kviðunni, 5. sept.
hrundu 3 býli á Selfossi. Úr bæ
Arnbjarnar Þórarinssonar fekk
fólk alt forðað sjer nema hjónin,
Arnbjörn og Guðrún Magnús-
dóttir*. Baðstofan fell svo fljótt,
að enginn komst út um dyrnar
heldur út um rifur, sem komu á
þekjuna; tveir drengir voru sótt-
ir inn síðar. Súðin lagðist ofan á
þau hjón í rúminu og sperru-
kjálki lenti á þeim miðjum. Voru
hafðar svo hraðar hendur á að
skera ofan af þeim þekjuna sem
auðið var í náttmyrkrinu. Heyrð-
ust litla stund nokkrar stunur til
Arinbjarnar, en lengi nokkuð
hljóð til konu hans, en bæði voru
örend eí þau náðust.
* Það var rangt, sem stóð í seinustu
Lesbók að hjónin hefði farist 10. sept.
Brúin yfir Oddcisund.
1 norðanverðu Jótlandi er nú
verið að smíða brú, sem að vísu
et ekki jafn mikið m'annvirki og
Stórstraumsbrúin, en brúarsmíðin
er miklu torveldari vegna strauma.
Þessi brú á að tengja saman
Vesturjótland og Thy og er eina
járnbrautarbrúin yfir Limafjörð.
Lengd hennar er 530 metrar og
gert er ráð fyrir að hún muni
kosta 5,7 miljónir króna og á verk-
inu að vera lokið eftir ,tæp tvö ár.
Myndin hjer að ofan er tekin úr
loftinu og sjest fremst annar stöp-
ullinn í brúarhliðinu. Um stærð-
arhlutföllin fær maður dálitla
hugmynd af því, að fallhamarinn,
sem sjest á myndinni er 42 metra
hár, eða 6 metrum hærri en Sívali-
turn í Kaupmannah'áfn. Stöpull
inn hvílir á rúmlega 150 staurum,
sem eru 33 mefra langir. Voru
höggvin í þá hæstu grePitrjen sem
til voru í Danmörk. Þegar staur-
arnir eru reknir niður, er bafður
utan um þá vatnsheldur belgur,
og geta verkamenn farið niður
hann að bo.tni. Sje'st á þennan
belg á miðju stöpulsins.
í Ölfusi:
í Bæjarþorpi heyrðu menn óg-
urlegan hvin eftir jarðskjálftann
aðfaranótt 6. sept. Heldu sumir að
eldur væri kominn upp, en þeir
fyrir austan Varmá heldu að sjór
væri að brjótast inn á láglendið.
Ólæti þe’ssi voru öll að kenna hin-
um mikla hver, sem þá myndað-
ist fyrir ofan Hveragerði og öskr-
aði óskaplega.