Lesbók Morgunblaðsins - 17.01.1937, Blaðsíða 6

14
LESBÓK MORGUNBLAÐSINS
Hverju er spáð 11
1937

verður utan um hana, er til New
York kemur. New-York-búar gera
altaf mikið stáss af Hollywood-
stjörnum, enda þótt þær sjeu
byrjaðar að fölna.
Nú þykist „stjarnan" hafa him-
in höndum tekið. Ait leikur í
lyndi. Hún býr á dýrustu gisti-
húsum. Fólk dáir hana með öllu
móti. Upptendruð af öllu dálæt-
inu skrifar hún Myron Seknick
og segir, að hann sje óhæfur um-
boðsmaður. Það brjef fer beina
leið í pappírskörfuna.
En svo undarlega vill til, að
þó „stjarnan“ hafi farið til New
York til þess að taka aðalhlut-
verk á einhverju Broadway-leik-
húsi, þá hefir hún engan samning
fengið.
Þá „kemur í ljós“, að hún hafi
fengið mjög álitlegt tilboð frá
Englandi.' Hún fer þangað yfrum.
Blöðin senda frjettamenn til skips
ins í Southampton. Enn koma
myndir af henni í blöðunum. Og
nokkrar vikur lifir hún í Eng-
landi í sælunnar draum. Aðals-
fólk, sem vill hafa fræga menn á
heimilum sínum, hjóða henni til
sín — og nýríkir sömuleiðis. Og
veslings „stjarnan" heldur að hún
eigi enn ólifað langa frægð.
Til Ameríku siglir hún aftur, í
dýru, rósaskreyttu farrými. Og
þegar til New York kemur, taka
blaðamenn kurteislega á móti
henni. Næsta dag býst hún við að
sjá mynd af sjer á forsíðum blað-
anna. En þar er ekki nema 5 lína
bæjarfrjett um komu hennar. Það
er dauðadómurinn.
*
Svona er saga margra, kvi'i-
mynda-stjarna. Nöfnin verða ekki
nefnd. Nú byrjar „lífið eftir dauð
ann“. Þegar niðurlægingin er full
komin, hverfa þær aftur til
Hollywood. Síðar mega þær verða
fegnar, ef þær geta krakt. í
nokkra dollara fyrir að vera
„statistar“ dag og da,sr í senn.
Og fyrir kemur, að þær, sem um
skeið gátu vaðið í fje og baðað
í rósum, verða áður en lýkur að
draga fram lífið með fátækra-
framfæri.
——---------------
Tvær franskar spákonur hafa
látið frjettastofu í tje spádóma um
viðburði ársins 1937, og ber þeim
saman í mörgum atriðum. Þær eru
sammála um, að árið verði mjög
viðburðaríkt.
Önnur þeirra veitir miðilsfje-
lagi forstöðu. Hún heitir Genevi-
éve Zalpffel. Yöktu spádómar
hennar í fyrra mikla athygli, því
hún sagði m. a. fyrir um ófriðinn
í Abyssiníu, borgarastyrjöldina á
Spáni o. fl., sem fram kom.
Hún segir nú m. a.:
Borgarastyrjöldin á Spáni verð
ur ekki til lykta leidd á þessu
ári, en ýmsar aðrar þjóðir taka
vaxandi þátt í henni. Miklar her-
fylkingar erlendra sjálfboðaliða
koma fram á hinn spanska víg-
völl.
í Belgíu verða menn fyrir mik-
illi þjóðarsorg.
Ástandið í ítalíu fer versnandi
á árinu. Mussolini hefir fengið
slæmar ráðleggingar, og iðrast
mikið eftir ýmsu, sem hann gerir.
Þýski herinn verður á hreyf-
ingu, og slær hring um land sitt.
Edvarð fyrverandi Englands-
konungur mun snúa aftur til ætt-
jarðar sinnar, fyr en varir — sem
einræðisherra. Hann kemur á rjett
um tíma til þess að koma í veg
fyrir, að gerður verði samningur
milli Breta og Frakka, sem hefði
fengið mjög slæmar afleiðingar
fyrir Frakkland.
í Frakklandi kemur til óeirða á
árinu. Jafnvel í sjálfum sölum
þingsins kemur til blóðsúthellinga
og götusteinar í París verða hlóði
drifnir. Miklar breytingar verða
á gjaldeyrismálum Frakklands.
Mjög ungur maður kemst þar til
valda, og allur heimurinn verður
undrandi yfir því, hve fljótt hann
nær völdunum.
Alt í uppnámi þangað
til 1939.
Spákonan Fraya segir m. a.:
Jeg sje að mikil tíðindi gerast
á þessu ári í Austur-Asíu. Ófrið-
ur, drepsóttir og morð þar eystra
verða til þess, að athygli heimsins
beinist mest þangað. Rússar og
Japanar heyja ófrið um Kína, er
verður til þess, að vald Japana
rýrnar. Bandaríkin taka ekki þátt
í þessum ófriði. En þó verður all-
ur floti Bandaríkjanna sendur til
Kyrrahafsins.
Gula hættan fer minkandi fyr-
ir Evrópu. Astandið fer batnandi
í Englandi og í Ameríku, og
Roosevelt kemst á hátind frægð-
ar sinnar.
Þrátt fyrir ýmsa erfiðleika mun
hinn nýi konungur Breta leiða
farsæld yfir þjóð sína. Afskiftum
hertogans af Windsor af stjórn-
málum er hvergi nærri lokið. Það
fellur í hans skaut að taka til
sinna ráða, þegar mikið liggur við
fyrir hið hreska heimsveldi. Sam-
band hans við Mrs. Simpson mun
aðeins haldast í fá ár, enda var
það ekki einasta ástæðan til þess
að hann lagði niður völd.
Franco hershöfðingi leggur
Madrid undir sig. En borgara-
styrjöldin stendur lengi yfir enn.
1 Frakklandi kemst á einræði
hersins. Óeirðir verða í landinu,
en engin veruleg hylting eða horg
arastyrjöld.
Á árinu 1937 verður mikið um
slys og morð, og munu Evrópu-
þjóðir• lifa í sífeldum ótta. Alt
verður í uppnámi, þangað til árið
1939.
——<m>-------------