Lesbók Morgunblaðsins - 21.02.1937, Page 3
LESBÓK MORGUNBLAÐSINS
51
<
Fyrstu skátatjaldbúðir, sem reistar hafa verið, þar
voru á Brbwnsee-eyju í ánni Thames 1907,
er hún stendur á krossgötum lífs-
ins.
Baden-Powell hefur máls á
þessu, í ræðu og riti. Og sumarið
1907 hefst hann handa. í ágúst
safnar hann saman hóp drengja
af öllum stjettum og legst út með
þeim. Þá er skátahreyfingin hafin.
í Mafeking hafði Baden-Powell
safnað drengjum frá 11 ára aldri
í eina sveit, og látið þá elda mat,
hjúkra særðum, standa á verði,
njósna og margt annað. Af við-
kynning sinni við drengjasveit
þessa sá hann, að dáð og dugur
býr í hverjum dreng, ef hann fær
að njóta sín, og er ekki alinn upp
í of miklu dáðleysi og eftirlæti.
Hann hugsaði sjer að búa
drengjahóp sínum leik, sem væri
bæði gagn og gaman að. En að
þessi leikur vrði svo góður og að-
laðandi, að drengir um heim all-
an vildu taka þátt í honum, það
kom höfundi ekki til hugar.
Drengjahóp sinn nefndi hann
,,8couts“ (Skáta), sem þýðir
njósnarar, en þannig nefndi hann
drengjasveit sína í Mafeking.
Af lögum þeim og reglum, sem
Baden-Powell setti skátun-
um sínum, sýndi hann best hvgg-
indi sín og frjálslyndi. Hann vildi
ekki binda f jelagsskapinn við
neinar tríimála- nje stjórnmála-
stefnur, eða annað sem gæti vald-
ið ofstæki og flokkadráttum, nje
heldur fastákveða vín- og tóbaks-
bindindi. Því hann leit svo á, að
hver skáti yrði að vera algerlega
frjáls maður, og kæmi því ekki
til mála, að hann væri þræll
neinna nautna, sem víns og tó-
baks. En slíkt hlyti að vera undir
honum sjálfum komið.
í árslok 1936 voru 2.592.632
skátar alls í heiminum í 49 lönd-
um. Hafði ’skátum fjölgað á því
ári um 86.889. En auk þessa er
kvenskátareglan, og ýmsar aðrar
greinar skátastarfseminnar er
ekki tilheyra aðalreglunni.
Baden-Powell er maður mjög
viðfeldinn og blátt áfram í
viðmóti. Hann lifir mjög óbrotnu
Jífi. Starfsmaður er hann mikill,
ræðumaður og ritskörungur, hefir
ritað mikið um uppeldismál. Bæk-
ur hans hafa verið þýddar á nál.
50 tungumál.
Rúmlega fimtugur að aldri gift-
ist hann. Kona hans Olavia Soam-
es er mikið yngri en hann. Þau
hjón hafa eignast tvær dætur og
einn son.
Ekki hefir Baden-Powell verið
auðugur að fje, fremur en aðrir
hugsjónamenn. Árið 1925 söfnuðu
allir skátar heims til heiðursgjaf-
ar handa honum, og lagði hver
skáti sem svaraði 25 aurum í þann
sjóð. Varð úr því álitleg upphæð.
í fyrra dó einn æskuvinur hans,
og arfleiddi hann að 25.000 ster-
lingspundum, en konu hans að
5000 sterlingspundum. Hefir þáð
bætt mjög úr fjárhag hans.
Heiðursviðurkenningu hefir hann
fengið frá öllum löndum, þar sem
skátareglan starfar, nema frá Is-
landi.
Hann er nú um það bil að
vera kominn til Tndlands.
Þar ætlar hann að taka þátt í
stóru skátamóti, „jamboree", sem
kallað er. En svo nefna Indverj-
ar mót þau, er ættbálkar þeirra
halda. En skátareglan er sem stór
og mikill ættbálkur, sem fer sífelt
stækkandi, þar sem ættarhöfðing-
inn er Baden-Powell. Hann er
enn hiun ernasti, þó áttræður sje.
Verður eigi sjeð, af nokkrum lín-
um, er undirritaður fekk frá hon-
um, um það leyti sem hann lagði
upp í Indlandsferð sína, að hann
sje vitund skjálfhentur.
Margar og hlýjar heillaóskir
munu honum berast á áttræðis-
afmælinu, frá miljónum skáta,
eldri og yngri, um allan heim. En
margir menn, sem utan við skáta-
regluna standa, munu senda hon-
um þakkir fyrir ómetanlegt starf.
Því þar sem skátahreyfingin og
önnur fögur æskulýðsstarfsemi er
í blóma, þar birtir yfir framtíð
þjóðanna.
Gunnar Guðlaugsson.
— Eruð þjer nú fullkominn
heiðursmaður 1
— Svo að segja, mig vantar
eina tönn í efri góminn!