Lesbók Morgunblaðsins - 20.04.1952, Side 11

£ LESBÓK MORGUNBLAÐSINS
115 199
2000 kr. til fjórðungssjúkrahússins, Að-
aldælahreppur 5000 krónur og Umf.
Geislí í Aðaldal 1000 krónur.
Frú Ingibjörg Þorláksson ekkja Jóns
Þorlákssonar fyrrum forsætisráðh. gaf
Háskólanum 50.000 króna sjóð til minn-
ingar um mann sinn og skal sjóðnum
verja til þess að styrkja verkfræði-
stúdenta.
Til minningar um hjónin Guðnýu
Friðbjarnardóttur og Pál Jónsson smið
i Húsavík færðu börn þeirra sjúkra-
húsinu í Húsavík 3000 kr. gjöf.
Stúkan Akurblómið á Akranesi gaf
sjúkrahúsinu þar 2000 kr. til minningar
um hjónin Mettu Hansdóttur og Svein
Guðmundsson, sem lengi voru meðal
ötulustu Góðtemplara þar.
Sjúkrahúsið í Norðfirði fékk vönduð
Röntgentæki að gjöf frá kvenfélaginu
Nanna, kven^adeild Slysavarnafélags-
ins og Kauðákrossdeildinni þar á staðn-
um. •i1 •'* **’
SLYS OG ÓHÖPP . ~ ~~ '
2. marz sótti dráttarbáturinn Magni
út í flóa enskan togara, Lord Cunning-
ham, sem hafði beðið um hjálp vegna
þess að eldur hafði kviknað í kola-
geymslunni. Tólf klukkustundum eftir
að skipið kom hér í höfn tókst að lok-
um að kæfa eldinn.
5. Amerískur hermaður hafði fengið
leigða litla flugvél og var að skemrnta
sér á henni upp við Sandskeið. Svo
slysalega tókst til að hann flaug á
símastaur, flugvélin mölbrotnaði og
hann beið bana.
S. d. kom þýzki dráttarbáturinn, sem
sótti togarana Baldur og Haukanes, til
Reykjavíkur aftur. — Fyrir sunnan
Reykjanes hafði sjór komizt í Haukanes
og héldu menn fyrst að skipið mundi
sökkva, en svo varð ekki. Hér var sjón-
um dælt úr skipinu og það skoðað, og
síðan lagði dráttarbáturinn aftur á stað.
Aðfaranótt 14. strandaði Turkis,
norskt fiskflutningaskip fullhlaðið hjá
Sandgerði, losnaði með flóðinu en hafði
misst stýrið. Sæbjörg og Hermóður
drógu það til Reykjavíkur. Bráðabirgða
viðgerð fór fram hér og síðan kom
norskur dráttarbátur að sækja skipið
og fór með það undir mánaðarlokin.
Aðfaranótt 17. hvarf ungur piltur,
Magnús Sigfinnsson á Grænanesi við
Norðfjörð heiman frá sér og fannst
ekki þrátt fyrir mikla leit.
17. fannst lík Sigurgeirs Guðjónsson-
ar bílstjóra, sem hvarf frá bíl í stórhríð
18. jan. b.1. hjá Hlíðarvatni í Selvogi.
Var líkið skammt utan við veginn þar
sem bílarnir höfðu teppzt.
21. varð lítill drengur fyrir bíl í
Hafnarfirði og beið bana.
Aðfaranótt 30. strandaði vb. Skjöld-
ur frá Siglufirði austan Þorgeirsfjarð-
ar. Menn björguðust allir, en skipið
Yiefur ekki náðst út.
31. datt kona á götu í Reykjavík og
fótbrotnaði illa.
Fjögur börn urðu fyrir bílum í
Reykjavik í þessum mánuði og meidd-
ust öll meira og minna.
31. kom amerísk flugvél frá Græn-
landi með 15 ára Eskimóa, sem hafði
fótbrotnað illa. Drengurinn var sendur
héðan með flugvélinni Gullfaxa til
Kaupmannahafnar.
lS.jjbrann , iiskimjölgverksmiðja. og
lýsisbræðsla *í Grindavík til kaldra
kola. Upptök éldsins voru'í olíukyntum
mjölþurrkará. Þárna'brann lý6Í:og ann-
að verðmæti fyrir 1.5 rriillj, króna. —
Bræðslumaður fótbrotnaði er hann var
að reyna að bjarga lýsistunnum.
21. kom eldur upp í vélarrúmi björg-
unarskipsins Sæbjargar, en var fljótt
slökktur og urðu skemmdir litlar.
Aðfaranótt 23. kom eldur upp í húsi
Jakobs Jósefssonar á Sauðárkróki. Fólk
komst út, en fáu var bjargað af innan-
stokksmunum og urðu miklar skemmd-
ir á húsinu.
25. kom eldur upp í íbúðarhúsi á
Hofstöðum í Miklaholtshreppi. Komu
menn af næstu bæum fljótlega á vett-
vang og tókst að slökkva eldinn, en
miklar skemmdir höfðu orðið á efri
hæð hússins.
'•* >r u
SÝNINGAR
í þessum mánuði voru tvær mál-
verkasýningar í Reykjavík, heildar-
sýning á myndum Snorra Arinbjarnar
og minningarsýning um Kristján heit.
Magnússon málara.
Þá var og opnuð Ijósmyndasýning
viðvaninga hinn 14. og stóð hún til
mánaðarloka. — 40 menn höfðu sent
myndir þangað. Var aðsókn mikil og
fjórar beztu myndirnar fengu verð-
laun.
Nýtt félag, Styrktarfélag lamaðra og
fatlaðra var stofnað í Reykjavík i önd-
verðum mánuðintim.
Minni mjólkurneyzla. — Samkvæmt
skýrslu mjólkursamlaganna höfðu þeim
borizt rúml. 300.000 lítrum minni mjólk
1951 en 1950, en sala mjólkur á árinu
minnkaði um 600.000 lítra rúmlega. —
Birgðir af ostum og smjöri voru miklu
meiri í landinu við s.l. áramót en ári
áður.
Ekið yfir hálendið. 3. kom Guð-
mundur Jónasson við 4. mann á snjó-
bíl til Akureyrar. Höfðu þeir farið
þvert yfir hálendið frá Þingvöllum um
Kjöl og yfir Hofsjökul. Ökutími hafði
verið 16 stundir.
Orðabók Sigfúsar. Stjórn íslenzk-
dansks orðabókarsjóðs gerði samning
við Lithoprent um að ljósprenta 3000
eintök af orðabók Sigfúsar Blöndals.
Ljóslækningastofa. Hvítabandið opn-
aði Ijóslækningastofu fyrir börn í
Reykjavík.
Sjö flugmenn Loftleiða h.f. komu
heim fr^ Bandaríkjunum, en þangað
höfðu þeir farið til þess að kynnast
nýungum í flugmálum og til þess að
ganga undir flugpróf hjá loftferðaeftir-
liti Bandarikjanna í New York.
Björgunartilraun. í seinasta stríði var
sökkt 15.000 smálesta olíuskipi brezku
inni í Seyðisfirði. H.f. Hamar í Reykja-
vík tók nú að sér að athuga möguleika
á því að ná skipinu upp með öllum
farmi. Var unnið að athugunum j því
seinni hluta mánaðarins. j
Hallgrímur Jónsson flugmaður réðist
til hollenzka flugfélagsins K. L. M. og
á að taka við flugstjórn austur í Indó-
nesíu. Hann er 23 ára.
Axel Helgason forstöðumaður tækni-
deildar rannsóknarlögreglunnar fór til
Englands til þess að kynna sér starfs-
háttu hjá Scotland Yard.
Skattheimtan. — Sérfræðingur frá
Chicago, Mr. Julian Smith, dvaldist hér
í mánuðinum á vegum rikisins til þess
að kynna sér fyrirkomulag skattheimt-
unnar og gera tillögur um endurbætur
á því.
Lynde B. McCormick yfirflotaforingi
Atlantshafs-bandalagsins, kom hingað
í eftirlitsferð um miðjan mánuðinn.
Búnaðarþingi var slitið hinn 8. Hafði
það þá setið í 23 daga og afgreitt 50
mál.
Dómur var kveðinn upp í Hæstarétti
í hinu margumtalaða máli útvarps-
stjórans. Var hann dæmdur til að
greiða 9000 kr. sekt.
Magnús Jochumsson var skipaður
póstmeistari í Reykjavík frá 1. apríl
að telja.