Alþýðublaðið - 25.01.1984, Side 3

Miðvikudgur 25. janúar 1984
3
Allir þingmenn Alþýðuflokksins og Bandalags jafnaðarmanna biðja um skýrslu
Vilja svipta leyndinni af starf-
semi íslenskra Aðalverktaka
Óska eftir skýrum
„Framkvæmdastjóri íslenskra
aðalverktaka segist engu hafa að
leyna og við þessir þingmenn viljum
láta á það reynaþ sagði Jóhanna
Sigurðardóttir alþingismaður, en í
fyrradag lagði hún ásamt öðrum
þingmönnum Alþýðuflokksins og
öllum fjórum þingmönnum Banda-
lags jafnaðarmanna fram „beiðni
um skýrslu“ frá utanríkisráðherra
um starfsemi íslenskra aðalverk-
taka. Eftirtaldir þingmenn standa
að þessu máli: Jóhanna Sigurðar-
dóttir, Karl Steinar Guðnason,
Kjartan Jóhannsson, Eiður Guðna-
son, Jón Baldvin Hannibalsson,
Karvel Pálmason, Stefán Bene-
diktsson, Guðmundur Einarsson,
Kristín Kvaran og Kolbrún Jóns-
dóttir.
í greinargerð með óskum um
skýrsluna frá ráðherra segir:
„Á undanförnum árum hafa far-
ið fram miklar umræður á Alþingi
og víðar í þjóðfélaginu um starf-
semi og umsvif íslenskra aðalverk-
taka. í þeim umræðum hafa komið
fram ýmsar ásakanir í garð fyrir-
tækisins og óhætt er að segja að
mikillar tortryggni gætir vegna
reksturs og fjármálaumsvifa þess.
Hér skulu ekki tíundaðar þær
ásakanir, sem fram hafa komið, né
afstaða tekin til þeirra. Tilgangur
þessarar beiðni um skýrslu um mál-
efni íslenskra aðalverktaka er fyrst
og fremst sá að varpa ljósi á starf-
semi og fjármál fyrirtækisins þann-
ig að fordómalausar umræður,
reistar á staðreyndum, geti farið
fram um starfsemi og framtíð þessa
fyrirtækis.
í viðtali í Alþýðublaðinu 14.
janúar s.l. við framkvæmdastjóra
íslenskra aðalverktaka kom fram
að fyrirtækið hefði engu að leyna
en dylgjað hafi verið á ósanngjarn-
an hátt um félagið.
í ljósi þess og þeirra umræðna
sem orðið hafa, hlýtur það að vera
hagur fyrirtækisins jafnt sem ann-
arra að þeirri leynd, sem verið hef-
ur, sé varpað af fyrirtækinu. Hlýtur
það að teljast eðlileg krafa í ljósi
þeirrar einokunaraðstöðu, sem fyr-
irtækið hefur, og ekki síður vegna
eignarhluta íslenska ríkisins í fyrir-
tækinu.
Ýmsir hafa einnig gert því skóna
að nauðsynlegt sé að aflétta þeirri
einokunaraðstöðu sem Islenskir
aðalverktakar óneitanlega hafa
vegna framkvæmda á vegum varn-
arliðsins á Keflavíkurflugvelli.
Á grundvelli þeirra upplýsinga,
sem hér er lagt til að utanríkisráð-
herra birti í skýrslu sinni til Alþingis
væri hægt að taka skynsamlegar og
réttar ákvarðanir um fyrirkomulag
verktakastarfsemi á Keflavíkur-
flugvelli, eyða tortryggni og aflétta
þeirri leynd sem hvílt hefur yfir allri
starfsemi þessa fyrirtækis!1 2 3 4 5
Þingmennirnir vísa til 31. greinar
laga um þingsköp Alþingis og óska
eftir því við utanríkisráðherra að
hann flytji Alþingi skýrslu um mál-
efni íslenskra aðalverktaka svo og
innflutning vegna varnarliðsfram-
kvæmda og annan innflutning
tengdan varnarliðinu. Þingmenn-
irnir óska eftir því að í skýrslunni
komi m.a. fram:
1. Hverjir eru eignaraðilar í ís-
lenskum aðalverktökum, annað
hvort beint eða í gegnum önnur fé-
lög, og í hvaða hlutföllum.
2. Eignarfjárstaða Islenskra að-
alverktaka og matsverð varanlegra
rekstrarfjármuna í árslok 1982 — a)
húseignir, b) bifreiðar, c) aðrar
eignir.
3. Hvernig hefur húseignin
Höfðabakka 9 verið fjármögnuð
og hvaða starfsemi fer þar fram.
4. Heildarvelta íslenskra aðal-
verktaka árin 1980, 1981 og 1982.
5. Árlegur hagnaður fyrirtækis-
ins árin 1980, 1981 og 1982 og
svörum við 17 spurningum viðvíkjandi starfsemi Aðalverktaka
hvernig honum hefur verið ráðstaf-
að.
6. Hverjar tekjur íslenska ríkisins
hafa verið og eignaaukning hjá ís-
Ienskum aðalverktökum s.l. ár og
hvernig það hefur verið fært í ríkis-
bókhaldi.
7. Stofnfjárframlag íslenska rík-
isins og verðmæti eignarhluta þess í
árslok 1982.
8. Hversu miklum gjaldeyri ís-
lenskir aðalverktakar hafa skilað
inn s.l. 5 ár, hversu háar gjaldeyris-
yfirfærslur þeir hafa fengið vegna
innflutningsskrifstofu fyrirtækis-
ins í Bandarikjunum og hvernig
háttað hefur verið skilagrein til
bankanna.
9. Hvort íslenskir aðalverktakar
hafa fengið umboðslaun og ef svo
er hver þau hafa verið s.l. 5 ár og
hvernig háttað hefur verið skila-
grein til banka.
10. Hverjir viðskiptabankar fyr-
irtækisins eru og hver var hlutfalls-
Ieg skipting innistæðna í þeim
bönkum í árslok 1981 og 1982.
11. Verðmæti tollfrjáls innflutn-
ings íslenskra aðalverktaka s.l. þrjú
ár, sem heimilaður hefur verið af
varnarmáladeild utanríkisráðu-
neytisins vegna eftirfarandi: a)
varnarliðsframkvæmda, sem unnar
eru á grundvelli verktakasamninga
við varnarliðið, b) annars innflutn-
ings, sem ekki er skráður á ákveðna
verksamninga.
12. Upphæð umsaminna efnis-
kaupa samkvæmt verktakasamn-
ingum fyrir sama tímabil milli ís-
lenskra aðalverktaka og varnarliðs-
ins.
13. Eftirgjöf ríkisins s.i. 3 ár
(fært fram til verðlags í dag) í toll-
um og aðflutningsgjöldum af vél-
um, tækjum og búnaði vegna verk-
takastarfsemi við Keflavíkur-
flugvöll.
14. Hvort' yfirvöld hafa kannað
hvort innflutningur tækja, véla eða
varahluta hvers konar, sem ekki eru
skráð á ákveðna verktakasamn-
inga, séu í samræmi við raunveru-
lega þörf íslenkra aðalverktaka.
15. Hvernig háttað er eftirliti
með innflutningi samkvæmt 8. gr.
6. tl. fylgiskjals með varnarsajnn-
ingi milli íslands og Bandaríkjanna
og hverjar hafa verið tollatekjur ís-
lenska ríkisins af þeim innflutningi.
16. Verkamannakaup pr. klst. í
verksamningum á árinu 1983 og
starfsmannafjöldi fyrirtækisins s.l.
3 ár.
17. Utanríkisráðherra hafi áform
um að breyta fyrirkomulagi verkút-
boða á vegum varnarliðsins og ef
svo er þá hvernig, og hvort það fyr-
irkomulag verkútboðs, sem hér rík-
ir, eigi sér hliðstæður við samsvar-
andi aðstæður í öðrum löndum og
sé ekki svo, þá hvernig því sé háttað.
Þingmenn Alþýðuflokks og
Bandalags jafnaðarmanna óska
einnig eftir því að væntanleg
skýrsla utanríkisráðherra verði tek-
in til umræðu á fundi sameinaðs
þings fljótlega eftir að henni hefur
verið útbýtt meðal þingmanna.
„Ég á von á ítarlegum og skýrum
svörum frá utanríkisráðherra oe að
skýrsla hans leiði margt í Ijós, sem
ntönnum hefur verið hulið fram að
þessu í starfsemi íslenskra aðal-
verktaka," sagði Jóhanna Sigurð-
ardóttir, fyrsti flutningsntaður
„beiðninnar um skýrslu“ frá utan-
ríkisráðherra í samtali við Alþýðu-
blaðið.
Ávarp vegna sjóslyssins við Bjarnareyjar:
Styðjum leitar-
og björgunaraðila
— Alþýðublaðinu hefur borist
eftirfarandi ávarp:
Frásagnir af slysförum birtast
jafnótt og slysin verða. Öllum mun
,því kunnugt um sjóslysið við Lón í
Bjarnareyjum mánudaginn 31.
október 1983, þar sem 3 úr áhöfn
Hafarnar SH 122 fórust. Frásagnir
af því yfirgripsmikla leitarstarfi
sem hefur verið innt af höndum frá
þeim degi hafa ekki verið miklar.
Leitað hefur verið alltaf þegar
mögulegt var. Árangur leitarinnar
er, að einn hinna látnu fannst og
mikil þekking og reynsla hefur fall-
ið þeim í skaut, sem lagt hafa fram
tæki, búnað og mannafla til fjöl-
þúsunda dagsverka við leit. Enginn
hefur hreyft úrtölum og einbeittur
hugur hefur fylgt áreynslufrekum
athöfnum þar sem óbilandi kjarkur
hefur fengið að reyna sig viðmis-
blíðar náttúrufarsástæður.
Það fjármagn, sem leitin hefur
kostað er ótvírætt mikið og hefur
sjálfsagt komið við sjóði þeirra
björgunarsveita og einstaklinga,
sem lagt hafa til tæki sín og búnað,
báta sína og önnur flutningstæki.
Við undirritaðir heitum því á alla
velviljaða, sem lesa þetta ávarp að
leggja nokkuð af mörkum til þess
að styðja við veigamikil störf þeirra
leitar- og björgunaraðila, sem hér
eiga hlut að máli. Framlögum geta
þeir, sem vilja styðja þá komið á
framfæri með því að leggja inn á
sparisjóðsávísanareikning nr.
2214-3 við útibú Búnaðarbanka
íslands í Stykkishólmi. Auðvelt er
að gera það í hvaða sparisjóði eða
banka sem er með C gíró seðli.
Einnig geta þeir sem vilja veita
fjárstuðning þeim aðilum, sem
urðu fyrir verulegri röskun á hög-
um vegna slyssins á sama hátt kom-
ið framlögum sínum á framfæri
með því að leggja þau í sparisjóðs-
ávísanareikning nr. 2215-1 við sömu
stofnun.
Við undirritaðir viljum reyna að
skipta því sem safnast á sem réttast-
an hátt milli þeirra sem hlut eiga að
máli við vertíðarlok í vor. Við vænt-
um að allir velunnarar björgunar-
starfs og vinir Stykkishólms leggi
góðu málefni lið og þökkum fyrir-
fram sérhverjum sem leggur lóð sitt
á vogarskálina til góðs.
Guð blessi glaðan gjafara.
Jóhannes Árnason sýslumaður
Ellert Kristinsson oddviti
Gísli H. Kolbeins sóknarprestur.
11% aukning
Á árinu 1983 framleiddu Sam-
bandsfrystihúsin 39.900 lestir af
frystum sjávarafurðum á móti 35.
920 lestum árið 1982. F.r þetta
mesta framleiðsla á einu ári til
þessa. Aukningin frá fyrra ári nem-
ur 3.980 lestum eða 11 af hundraði.
Á 7 ára tímabilinu frá 1977 til
1983 hefur framleiðslan tvöfaldast.
Á árinu 1983 jókst frysting þorsk-
afurða um 14%, frysting grálúðu
um 19% og frysting karfa-afurða
um 6%.
Benedikt 1
nógu gleðiiegar, við þurfum fyrst
og fremst að reyna að ná upp
þeirri kjaraskerðingu sem orðið
hefur. Þannig að þetta eru engar
gleðitölur" r sagði Benedikt
Daviðsson, form. félags bygging-
armanna,í samtali við Alþýðu-
blaðið um blaðafregn þess efnis
að samningar væru að takast.
„Mér finnst ekki líklegt að
hægt sé að ná upp kauprtiættinum
eins og hann var 1982 með ein-
hverju bráðabirgðasamkomu-
lagi.“
— Er í þessu sambandi e.t.v.
beðið eftir loforðum frá ríkis-
stjórninni?
„Það veit ég ekki til að verið sé
að gera, en auðvitað ætti það að
liggja næst ríkisstjórninni að
reyna að rétta hlut þessa fólks sem
einmitt hún hefur leikið svo grátt‘,‘
sagði Benedikt.