Alþýðublaðið - 20.03.1984, Blaðsíða 1

alþýðu-
Þriðjudagur 20. mars 1984 56. tbl. 65. árg.
Kostnaður Landsvirkjunar vegna
Blöndusamninga við bœndur:
Um 30 millj.við
síðustu áramót
Landeigendur við Blöndu gera
þá kröfu gagnvart Landsvirkjun að
fyrirtækið greiði bætur fyrir afnot
vatnsréttar vegna fyrirhugaðrar
virkjunar. Ekkier hérbeinlínisum
nýjar kröfur að ræða, heldur er
málið nú fyrst að kornast á skrið.
Að sögn Ólafs Jenssonar hjá
Landsvirkjun er með öllu óljóst
hversu háar upphæðir hér kann að
vera rætt um. Hitt væri ljóst að eins
og lögin eru væri ekki hægt að
synja þessari kröfu.
„Hins vegar er margt óljóst varð-
andi fordæmi fyrir slíku og umdeil-
anlegt við svona virkjanagerð, þeg-
ar um er að ræða framkvæmdir sem
landeigendur geta sjálfir ekki farið
út í. Eignaréttur er óneitanlega fyrir
hendi að nokkru leyti, en hluti af
þessum vatnsréttindum eru þó í
eigu ríkisins“, sagði Ólafur.
Kostnaður Landsvirkjunar
vegna aðalsamnings við landeig-
endur í tengslum við Blönduvirkj-
un var um síðustu áramót kominn
upp í tæpar 30 milljónir króna< Þar
af vegna heiðarvega 17 milljónir,
vegna landræktunar 6.9 milljónir,
vegna gangnamannaskála 1.5 millj-
ónir og vegna girðinga 400 þúsund,
en auk þess er kostnaður vegna
samningsgerðar og viðræðna 1.1
milljón krónur og vegna rannsókna
varðandi veiðimál um 2.6 milljónir
króna.
Mikið verk er þó óunnið hjá
Landsvirkjun vegna samningsins
við landeigendur. Framkvæmdir
Framhald á bls. 3
Félagar BSRB taka afstöðu til samninganna:
Tæplega 12 þús.
opinberir
starfsmenn
að kjörborðinu
Allsherjaratkvæðagreiðsla inn-
an Bandalags starfsmanna ríkis
og bæja um aðalkjarasamning
BSRB og ríkisins stendur nú yfir.
Atkvæðagreiðslan hófst formlega
í gær og lýkur í dag. Á kjörskrá
eru tæplega 12 þúsund félags-
menn.
í samtali við Helga Má Art-
húrsson starfsmann yfirkjör-
stjórnar kom fram, að mikill
áhugi virtist meðal félagsmanna á
atkvæðagreiðslunni og mætti því
búast við góðri þátttöku. Helgi
sagði aðspurður að þátttaka í
sambærilegum atkvæðagreiðsl-
um BSRB áður fyrr hefði verið
þetta á bilinu 70—90%
Haldnir voru 18 fundir víðs
vegar á landinu á vegum BSRB,
þar sem samningarnir voru
kynntir. Þá hafa einstök aðildar-
félög einnig efnt til kynningar-
funda af svipuðum toga. Þannig
hélt SFR (Starfsmannafélag ríkis-
stofnana) eina 50 vinnustaða-
fundi vegna kosninganna og aðrir
hópar s.s. símamenn, sjúkraliðar,
tollverðir, lögreglumenn að ó-
gleymdum kennurum héldu einn-
ig fjölmenna félagsfundi vegna
málsins. Góð sókn á þessa fundi
virðist benda til mikils áhuga op-
inberra starfsmanna á atkvæða-
greiðslunni.
Eins og kunnugt er, þá lýsti 800
manna fundur kennara yfir and-
stöðu sinni við samningana og
hvatti eindregið til þess að þeir
yrðu felldir. Kennarar eru nærri
30% félagsmanna BSRB.
Að sögn Helga Más Arthúrs-
sonar fer talning fram annað
kvöld og kemur þá fyrst í ljós af-
staða opinberra starfsmanna til
samningsdraganna.
Úr ríkissjóði vegna Flugleiða 1984:
83 milljón krónur
Framlag ríkisins vegna Flugleiða
hf. mun á þessu ári nema alls um 83
milljónir króna, þ.e. um 2.9 milljón-
ir bandaríkjadala. Annars vegar er
um að ræða að ríkissjóður tekur á
sig greiðslu vegna sjálfskuldará-
byrgðar vegna láns frá 1982, er
nemur 1.9 milljónir dollara eða 55
milljónir króna, en gert var ráð fyrir
þessum kostnaði i fjárlögum 1983.
Þessi upphæð fellur á ríkissjóð í ár.
Hins vegar er um að ræða endur-
greiðslu á lendingargjöldum, sem
Alþingi hefur nú til umfjöllunar,
alls rúmlega 957 þúsund dollarar
eða 27.7 milljónir króna.
Inn í þessum tölum eru endur-
greidd gjöld á íslandi er tilheyra ár-
inu 1983. Þess skal getið að þessir 1.9
milljón dollarar eða rúmlega 55
milljónir króna á núverandi gengi,
er föst tala: Ríkissjóður tekur ekki
á sig stærri part við endurgreiðslu
lánsins frá 1982.
í bráðabirgðauppgjöri yfir af-
komuna 1983 kemur fram að áætl-
að tap vegna þessa flugs er um 3.9
milljónir dollara, en þó er talið að
tapið verði meira en þar kæmi fram.
Eins og áður segir er þó styrkurinn
bundinn við 1.9 milljónir dollara.
Ríkisstyrkur til Flugleiða nam
1981 40.6 milljónum kr., árið 1982
35.5 milljónum kr. (þáverandi verð-
gildi), árið 1983 að minnsta kosti 27
milljónir króna og eins og áður seg-
ir er útlit fyrir að ríkisstyrkurinn
verði fyrir tvö síðustu árin annars
vegar 55 milljónir vegna láns sem
fellur á ríkissjóð og hins vegar tæp-
lega 28 milljónir vegna afnáms
lendingargjalda, samtals um 83
milljónir króna.
Sigurður Helgason, forstjóri Flugleiða:
Miklir hags-
munir í veði
„Það var ákveðið á sínum tíma
af hálfu stjórnvalda að með tilliti
til mikilvægis Norður-Atlants-
hafsflugsins yrðu Flugleiðum
endurgreidd hin ýmsu gjöld og
skyldi þetta ná yfir þriggja ára
tímabil. Því tímabili lauk í októ-
ber á siðasta ári. Þessar 1.9 millj-
ón dollara eru hluti af því þó það
falli á ríkissjóð í ár“, sagði Sigurð-
ur Helgason, forstjóri Flugleiða
um útgjöld ríkissjóðs vegna
félagsins á þessu ári.
„Hins vegar er það þannig með
lendingargjöldin að þar er um
samninga ríkja að ræða. Við
höfðum fengið vilyrði fyrir því að
þau yrðu felld niður í Luxemburg
og þeir féllust á það ef íslensk
stjórnvöld gerðu slíkt hið sama.
Varðandi þessi mál öll er mikil-
vægt að hafa í huga að það eru
miklir hagsmunir í veði. Flugleið-
ir eru í samkeppni við 40—50
flugfélög á þessari leið og við
stöndum frammi fyrir því að
þurfa að lenda alls fjórum sinnum
á leiðinni en önnur félög aðeins
tvisvar. Þetta er auðvitað mjög
íþyngjandi fyrir félagið. Og ekki
má gleyma því í umræðunni um
kostnað ríkisins að það eru auð-
vitað gífurlegar tekjur sem skap-
ast af þessu flugi til fjölmargra
aðila“, sagði Sigurður.
Stjórnarfrumvarp um tekju- og eignaskatt:
Ólafur Jóh með stj órnarand-
stöðunni gegn frumvarpinu
Ólafur Johannesson fyrrum ut-
anríkis- og forsætisráðherra
greiddi atkvæði gegn tillögum
stjórnarinnar um hækkun tekju-
skatts, sem var til afgreiðslu í efri
deild Alþingis í gær.
í tillögum stjórnarinnar er lagt
til að hækka hlutfall tekjuskatts-
ins vegna þess að nýgerðir kjara-
samningar hefðu leitt til launa-
hækkana umfram það sem gert
hefði verið ráð fyrir í upphafleg-
um forsendum fyrir álagningu
tekjuskattsins.
Eiður Guðnason þingmaður
Alþýðuflokksins og aðrir þing-
menn stjórnarandstöðunnar
lögðust gegn hækkun álagningar
og sögðu enga sanngirni að auka
skattaálögur, þótt kjarasamning-
ar hefðu hugsanlega gefið meira í
sinn hlut, en ríkisstjórnin hefði
áætlað.
Ólafur Jóhannesson tók í sama
streng í umræðunum og greiddi
eins og fyrr er sagt atkvæði gegn
hækkunartillögum ríkisstjórnar-
innar. Aðrir stjórnarsinnar létu
sig hins vegar hafa það að auka á-
lögur á launafólk, þótt margir
þeirra hafi einmitt básúnað það
um langt skeið, að ekki bæri að
auka skattaálögur, auk þess sem
þingmenn Sjálfstæðisnokksins
segjast — sérstaklega fyrir kosn-
ingar — vilja leggja tekjuskattinn
af. Það sýndu þeir þó ekki í verki
í þinginu í gær. Þvert á móti: þeir
hækkuðu enn tekjuskattinn frá
því sem var.