Alþýðublaðið - 21.05.1987, Síða 1

Hillir undir stjórn Sjálfstæðisflokks, Alþýöuflokks og Kvennalista:
Formlegar stjórnarmyndunarviðræður?
Þorsteinn Pálsson hefur átt jákvæðar viðræöur við fulltrúa Kvennalista.
Leynifundur Alþýðuflokks og Kvennalista sl. mánudag. Mikil fundarhöld
hjá flokkunum þremur.
Talsverður skriður hefur komist
á stjórnarmyndunarviðræðurnar
síöustu daga og ekki talið ólíklegt
að formlegar viðræður Sjálfstæðis-
flokks, Alþýðuflokks og Kvenna-
lista hefjist í dag. Hinar löngu við-
ræður Þorsteins Pálssonar í fyrra-
dag við fulltrúa Kvennalista munu
hafa skilað góðum árangri og
ágreiningsmál eins og launamál og
utanríkismál talin brúanleg. Þor-
steinn mun einnig hafa beðið um
afstöðu Kvennalistans um þátttöku
kvenna í hugsanlegri fjórflokka-
stjórn. Alþýðuflokkur og Kvenna-
listi átti leynilegan fund s.l. mánu-
dagskvöld áður en viðræður
Kvennalista við Sjálfstæðisflokks
hófust á þriðjudag.
í gær var stíft þingað í þessum
þremur flokkum og þykir það
benda til að saman sé að draga í átt
að formlegum stjórnarmyndunar-
viðræðum og jafnvel stjórnar-
myndun. Þingflokksfundur
Kvennalistans hófst árdegis í gær og
síðar um daginn komu stuðnings-
menn Kvennalistans saman á Hótel
Vík til viðræðna um fund Kvenna-
listans með Þorsteini Pálssyni.
Þingflokksfundir Sjálfstæðis-
flokks og Alþýðuflokks hófust kl.
21.00 í gærkvöldi og stóðu fram
eftir kvöldi. Hin miklu fundarhöld
þessara þriggja flokka og sá árang-
ur sem náðst hefur á viðræðum
Þorsteins Pálssonar við fulltrúa Al-
þýðuflokks og Kvennalista bendir
til þess að nú hilli undir formlegar
stjórnarmyndunarviðræður þess-
ara þriggja flokka.
Sögulegt
handtak
Hendur Þorsteins Páls-
sonar og Alberts Guö-
mundssonar snertast í
fyrsta sinn eftir að Albert
sagði af sér ráðherradómi
fyrir Sjálfstæðisflokkinn
og klauf flokkinn með því
að stofna Borgaraflokkinn.
Myndin var tekin i gær
þegar Albert mætti á fund
Þorsteins til óformlegra
viðræðna um stjórnar-
myndun.
A-mynd/Róbert.
Kjararannsóknarnefnd:
Launin fjóröungi hærri í Reykjavík
Gífurlegur launamunur á landsbyggö og höfuðborgarsvæði. Jafnvel hátt í 70%
milli kvenna á landsbyggð og karla í Reykjavík. Algengur munur kringum 15%
miðað við sama kyn og sömu störf.
Fólk á landsbyggðinni vinnur
lengri vinnutíma fyrir mun lægri
laun en stéttarfélagar þess á höfuð-
borgarsvæðinu. Munurinn er mis-
mikill eftir stéttum en er á hinn bóg-
inn án undantekninga. Tölur um
þetta efni er að finna í nýútkomnu
fréttabréfi Kjararannsóknarnefnd-
ar og þar kemur m.a. fram að mest-
ur munur er á launum karlmanna
sem vinna skrifstofustörf. Þeir sem
eru svo lánsamir að vinna þau störf
á höfuðborgarsvæðinu hafa næst-
um fjórðungi hærra tímakaup en
starfsbræður þeirra á landsbyggð-
inni.
Karlmenn sem vinna skrifstofu-
störf á höfuðborgarsvæðinu hafa
að meðaltali um 323 kr í hreint
tímakaup í dagvinnu á móti 263 kr.
sem stéttarfélagar þeirra í hliðstæð-
um störfum á landsbyggðinni verða
að láta sér nægja. Munurinn á þess-
um tölum er um 23%, sem svarar til
þess að Reykvíkingarnir vinni sér
inn tæpar fimm krónur á móti
hverjum fjórum sem landsbyggðar-
mennirnir hafa í laun.
Skrifstofumenn á höfuðborgar-
svæðinu vinna styttri vinnutíma en
þeir sem vinna sömu störf á lands-
byggðinni. Það sama gildir reyndar
um aðrar starfsstéttir sem um er
fjallað í fréttabréfi Kjararannsókn-
arnefndar.
Launamunurinn er talsvert mis-
mikill eftir stéttum, mestur hjá
körlum við skrifstofustörf en einna
minnstur hjá konum við afgreiðslu-
störf, þar sem aðeins munar um
þrem prósentum á launum í dag-
vinnu. Algengast virðist að launa-
munurinn sé kringum 15%.
Munurinn á þessum Iaunum staf-
ar væntanlega fyrst og fremst af því
að yfirborganir eru bæði meiri og
tíðari í Reykjavík og nánasta ná-
grenni höfuðborgarinnar en annars
staðar á landinu. Af tölum frétta-
bréfsins virðist einnig mega draga
þá ályktun að yfirborganirnar auk-
ist hlutfallslega með hækkandi
taxtalaunum, eða m.ö.o. i öfugu
hlutfalli við þörfjna.
Það sem hér hefur verið rakið
gildir um svokallað „hreint tíma-
kaup“, en það má gróflega skil-
greina sem dagvinnulaun að með-
töldum aukagreiðslum, svo sem yf-
irborgunum.
Þegar laun fyrir yfirvinnu hafa,
verið tekin með inn í reiknings-
dæmið, minnkar munurinn nokk-
uð, enda alltítt að yfirborganir nái
einungis til dagvinnu, en eftirvinna
sé unnin á taxtakaupi. Engu að síð-
ur er talsverður munur á heildar-
tekjum fólks eftir því hvort það
stundar vinnu sína á höfuðborgar-
svæðinu eða utan þess. Sé haldið
áfram með dæmið sem við tókum í
upphafi um karlmenn í skrifstofu-
störfum, lækkar umframhlutfall
Reykvíkinga úr 23% í 22% þegar
eftirvinnan hefur verið tekin með.
Meðal þeirra stétta sem frétta-
bréfið nær til er einnig verulegur
munur á launum karla og kvenna.
Sé þessi munur tekinn inn í reikn-
ingsdæmið og borin sansun laun
kvenna á landsbyggðinni og karl-
manna sem vinna hliðstæð störf á
höfuðborgarsvæðinu verður mun-
urinn gífurlegur. Sem dæmi má
nefna að konur sem vinna skrif-
stofustörf úti á landi hafa að með-
altali um 195 kr. á tímann í dag-
vinnu en karlmenn við hliðstæð
störf á höfuðborgarsvæðinu fá að
meðaltali 323 kr. á tímann og bera
þannig 66% meira úr býtum.