Alþýðublaðið - 15.10.1987, Page 1

Umfangsmikil talning á kindakjötsbirgöum:
Vantar 687 tonn af kjöti?
Samkvæmt áætlun búvörusamnings áttu kindakjötsbirgðir 1. september að vera
2387 tonn en reyndust við talningu vera 1700 tonn. — Skýringar liggja ekki á lausu.
Kindakjötsbirgðir í lanainu
reyndust 1700 tonn i lok verð-
lagsárs, 31. ágúst, sam-
kvæmt umfangsmikilli
birgðatalningu sem lokið er.
Samkvæmt búvörusamningn-
um áttu birgðir 1. september
að vera 2387 tonn og vantar
því 687 tonn miðað við áætl-
un búvörusamnings. Sam-
kvæmt heimildum Alþýðu-
Diaosins stemma birgðatölur
heldur ekki við þær tölur
sem bönkunum eru gefnar
mánaðarlega um birgðastöð-
una. Þrir bankar sem við-
skipti eiga í landbúnaði fram-
kvæmdu talninguna að
beiðni framkvæmdanefndar
búvörusamnings.
Stefán Pálsson bankastjóri
Búnaöarbankans staöfesti i
samtali viö Alþýðublaðið í
gær að birgðirnar hefðu
reynst 1700 tonn við talning-
una. Auk Búnaðarbankans
stóðu Landsbankinn og Sam-
vinnubankinn að talningunni,
og samkvæmt heimildum Al-
þýðublaðsins vill Landsbank-
inn leita nánari skýringa,
áður en fullyrt verður um
birgðastöðuna.
Þeir aðilar sem
Alþýðublaðið leitaði skýringa
hjá í gær áttu fá svör á reið-
um höndum um niðurstöðu
birgðatalningarinnar. Töldu
þeir t.d. rýrnun engan veginn
svara „vöntuninni”, þar sem
einungis 1% rýrnun þætti
innan marka þess eðlilega.
Kindakjöt er geymt á mjög
mörgum stöðum og margir
sláturleyfishafar sem hafa
með höndum birgðahald.
Þannig telja menn hugsan-
legt að eitthvert kjöt eigi eftir
að finnast þó að útilokað sé
að öll 687 tonnin finnist. Eins
kann aö vera að eitthvað
magn hafi fariö til vinnslu, en
gagnvart bönkunum á það
ekki að geta gerst því þeir
eiga að fá nákvæmar birgða-
og söluskýrslur.
Söluskattur og matur:
Nýjar
reglur
Mötuneyti heimavista-
skóla, matargerö á sjúkrahús-
um fyrir sjúklinga og í fang-
elsum vegna fanga svo og
fæðissala til áhafna um borö
i skipum er ekki skattskyld
samkvæmt nýjum reglum um
söluskatt. Von er á nánari
reglum um söluskattsuppgjör
mötuneyta frá fjármálaráðu-
neytinu á næstunni.
I fréttatilkynningu frá fjár-
málaráðuneytinu segir m.a.:
„í fréttum að undanförnu
hafa ýmsir mótmælt þeirri
ákvörðun fjármálaráðherra
um að mötuneyti skuli frá og
með 1. október s.l. greiða
söluskatt af matsölu sinni
með sama hætti og veitinga-
hús. í þessum efnum hefur
einkum orðið vart við mis-
skilning sem annars vegar
lýtur að skattskyldu mötu-
neyta heimavistarskóla og
hins vegar að sþurningunni
um tvísköttun þeirra matvæla
sem mötuneyti selja.
Vegna þessa vill ráðuneyt-
ið taka fram að mötuneyti
heimavistarskóla, matargerð
á sjúkrahúsum fyrir sjúklinga
og í fangelsum vegna fanga
svo og fæðissala til áhafna
um borð í skiþum er ekki
skattskyld samkvæmt hinum
nýju reglum. Að mati skatt-
yfirvalda jafngildir umrædd
matargerð matseld í heima-
húsum.
Að því er varðar spurning-
una um tvísköttun skal tekið
fram að mötuneytum, sem
kaupa hráefni til matargerðar
með söluskatti eða sérstök-
um söluskatti er að sjálf-
sögðu heimilt samkæmt al-
mennum reglum söluskatts-
laga að draga umrædd inn-
kaup frá skattskyldri veltu
áður en söluskattur er reikn-
aður. Þvi er ekki um tvískött-
un að ræða í þessu sam-
bandi.“
Tillaga í borgarstjórn:
Dagvistun
byggð upp
Fyrir fundi borgarstjórnar
Reykjavíkur í kvöld liggur til-
laga um að dagheimilisvandi
i borginni verði leystur á
þremur árum með sameigin-
legu átaki borgarinnar, ríkis-
ins og atvinnurekenda. Áætl-
aður heildarkostnaöur við
þetta verkefni er um 750 mill-
jónir eða svipuö upphæð og
nú er áformað að verja til að
byggja ráðhús fyrir borgina.
Það eru fulltrúar minnihlut-
ans í borgarstjórn sem sam-
einast um að flytja þessa til-
lögu. Samkvæmt henni yrði á
næstu þremur árum komið
upp 42 nýjum dagheimilis-
deildum og 30 nýjum leik-
skóladeildum i borginni.
Lýsisframleiösla. Nú stendur til að reisa lyfjaverksmiðju til að framleiða lýsisþykkni.
Verksmiðja á sviði hátækniiðnaðar:
Danskt fyrirtæki vill 50%
Fyrirtækið Lýsi og danska fyrirtækið NOVO vilja samstarf
um verksmiðjurekstur, á jafnréttisgrundvelli. — Iðnaðar-
lögin heimila aðeins 49% eignaraðild erlendra fyrirtækja.
Samkvæmt heimildum Al-
þýðublaðsins er danska lyfja-
fyrirtækið NOVO, sem er eitt
virtasta fyrirtæki í heiminum
á sviði lyfjaframleiðsiu, reiðu-
búið að fara í samstarf við
fyrirtækið Lýsi h.f. um rekst-
ur verksmiðju hér á landi
sem framleiddi lysisþykkni
með nýjum aðferðum. NOVO
vill eiga 50% aðild að rekstr-
inum, en hingað til hefur fyr-
irtækið sett skilyrði um
meirihlutaeign í verksmiðjum
utan Danmerkur.
Samkvæmt iðnaðarlögum
mega erlend fyrirtæki ekki
eiga meira en 49% í fyrir-
tækjum hér á landi, en fram
til ársins 1979 var einnig
ákvæði i lögunum sem veitti
iðnaðarráðherra heimild til að
veita undanþágu og var orða-
lagiö „enda standi sérstak-
lega á“. Samkvæmt heimild-
um Alþýðublaðsins er í undir-
búningi stjórnarfrumvarp um
breytingu á lögunum, þar
sem slíkt ákvæði væri aftur
tekið inn í lögin.
í stjórnkerfinu hefur nokk-
uð vafist fyrir mönnum hvort
túlkaeigi framleiðslu lýsis-
þykknis undir iðnað eða sjáv-
arútveg, en sjávarútvegsráð-
herra hefur heimild til að
veita undanþágur samskonar
og ráðherra iðnaðarmála
hafði áður. Samkvæmt heim-
ildum blaðsins verður hins
vegar ofan á að breyta iðnað-
arlögunum, enda þykir eðli-
legt að samræmi sé milli
ráðuneyta varðandi slíkar
undanþágur.
Verksmiðjan sem fyrirhug-
að er að reisa yrði nokkuð
stór á íslenskan mælikvarða
og skapar að likindum fjölda
starfa fyrir efnafræðinga og
annað sérmenntað fólk. Sam-
kvæmt heimildum blaðsins
er gert ráð fyrir að framleiða
omega lýsisþykkni, og yrði
nýjum aðferðum beitt við
framleiðsluna.