Alþýðublaðið - 21.11.1989, Blaðsíða 6
6
Þriðjudagur 21. nóv. 1989
JÓLABÆKUR '89
Hershöfðinginn í völundarhúsi
sínu er nýjasta skáldsaga Gabriels
García Márquez, en hún kom fyrst
út á Spáni haustið 1988 og hlaut
strax einróma lof. Gudbergur Bergs-
son rithöfundur þýddi og Forlagið
gefur út.
Með sanni má segja að heimur-
inn bíði í ofvæni eftir hverri nýrri
bók frá hendi Nóbelssskáldsins frá
Kólumbíu. Hershöfðinginn í vö-
lundarhúsi sínu fjallar um frelsis-
hetjuna Símon Bólivar sem frelsaði
heila heimsálfu undan nýlendu-
valdi Spánverja. Sagan lýsir síðustu
ævidögum hans þar sem hann
hrekst um dauðveikur — rúinn
valdi og vinum — og spyr sjálfan sig
um tilgang baráttunnar.
-o-o-o-
Dúfa töframannsins eru minn-
ingar Katrínar Hrefnu yngstu dótt-
ur Einars Benediktssonar skálds,
eftir Gylfa Gröndal, sem Forlagið
gefur út.
Hrefna kvaddi ísland að loknu
stúdentsprófi fyrir rúmum 60 árum
og hélt í óþökk föður síns til Suð-
ur-Ameríku ásamt ástmanni sínum.
Með sanni má segja að lif hennar sé
ævintýri líkast og líkist fremur
skáldsögu en veruleika. Ætíð
komst hún þó klakklaust úr hverj-
um hildarleik. Á gamals aldri sneri
Hrefna loks heim til Islands til að
eyða hér siðustu ævidögunum.
í bókinni varpar Hrefna nýju Ijósi
á föður sinn, hið stórbrotna skáld
og framkvæmdamann sem var
langt á undan samtíðinni í hug-
sjónabaráttu sinni. Hún lýsir hon-
um á hispurslausan og áhrifarikan
hátt, ágæti hans og yfirburðum, en
jafnframt veikleika og vanmætti.
-o-o-o-
Stefán Jónsson rithöfundur sendir
nú frá sér nýja bók sem hann nefnir
Lífsgleði á tréfæti með byssu og
stöng. Fyrir tveimur árum komu út
æskuminningar hans, Að breyta
fjalli, sem hlaut afbragðs undirtekt-
ir enda er Stefán engum líkur. Hér
segir hann sögu ástríðunnar að
veiða. Stefán kveðst hafa vitað það
allar götur frá barnæsku að honum
var ætlað að veiða. Ævilangt hefur
hann skoðað umhverfi sitt augum
veiðimanns með öllu kviku og
kyrru — í öllu starfi sínu hefur hann
athugað viðfangsefnin af sjónar-
hóli veiðimannsins og glímt við
þau með aöferðum hans. Útgefandi
er Forlagið.
-o-o-o-
Frá himni og jörðu nefnist smá-
sagnasfan eftir Birgi Sigurdsson.
—Langar þig til himnaríkis? Þú
kemst það í þessum sögum. Viltu
frekar halda þig við jörðina? Ekk-
ert einfaldara því sögurnar gerast
bæði á himni og jörðu. Á himnum
hittirðu auðvitað Guö sjálfan og
ýmsa gamla kunningja, að
ógleymdri englamömmu, Maríu
Magdalenu og Páli postula sem sí-
fellt hyggur á uppreisn. Á jörðu hitt-
irðu brátbroslega ógæfumenn, svíf-
andi skáld, drauga og elskendur.
Útgefandi er Forlagið.
-o-o-o-
Undir eldfjalli nefnist smásagna-
safni eftir Svövu Jakobsdóttir. Með
sanni má segja að ný bók frá hendi
Svövu Jakobsdóttur sé stórvið-
burður í íslenskum bókmennta-
heimi. Undir eldfjalli er fjórða smá-
sagnasafn hennar. Hér er á ferðinni
meitluð frásagnarlist sem sýnir enn
á ný hvert vald Svava hefur á smá-
sagnaforminu. Líf í leit að uppruna
— í leit að tilgangi — sögur um sekt
og samábyrgð — um líf og lífsháska
— yrkisefnin eru sígild og gædd
þeim meistaratökum sem fáum
skáldum er lagin. Útgefandi er For-
lagið.
-o-o-o-
„Svartur sjór af síld.“ Síldaræv-
intýrin miklu á sjó og landi, svo
nefnist ný bók eftir Birgi Sigurds-
son rithöfund. Þar endurvekur
hann áhrif síldarinnar á mannlíf og
þjóðlíf í hundrað ár. Hér eru leiddir
fram á sjónarsviðið síldarspekúl-
antar, stórbrotnir athafnamenn,
aflakóngar, síldarstúlkur, hásetar,
verkamenn. Bókin geymir ógrynni
heimilda um þróun sildarútvegsins,
frásagnir og samtöl um líf og störf
karla og kvenna sem upplifðu síld-
arævintýrin miklu. Útgefandi er
Forlagið.
-o-o-o-
Mál og menning hefur nú endurút-
gefið þrjár af eldri skáldsögum
Thors Vilhjálmssonar, Fljótt fljótt
sagði fuglinn, Foldu og Grámo-
sinn glóir, en tvær þær fyrrnefndu
hafa verið ófáanlegar um árabil.
Þetta eru handhægar og ódýrar
kiljur og er það von útgefanda að
þær henti vel nýjum kynslóðum
lesenda og að eldri lesendur geti
endurnýjað kynni sín af skáldsög-
um Thors.
-o-o-o-
Mál og menning hefur sent frá sér
Ijóðabók Ingibjargar Haraldsdótt-
ur, Nú eru aðrir tímar. Þetta er
þriðja ljóðabók höfundar en hún
hefur jafnframt getið sér orð fyrir
þýðingar sínar úr spænsku og rúss-
nesku.
Ljóð Ingibjargar eru einföld og
knöpp, þar má sjá söknuð og trega
og jafnframt margræðar tilfinning-
ar. Samkennd tekst á við einsemd,
sátt við þrár, friðsæld við gný borg-
arinnar, fortíð við nútíma. Yrkisefni
sækir hún bæði í reykvískan veru-
leika og þau lönd þar sem hún hef-
ur veriö langdvölum, Sovétríkin og
Kúbu.
• Krossgátan
□ 1 2 n 4
1
6 □ 7
s 9
10 □ 11
I □ 12
13 ■
Lárétt: 1 hræðslu, 5 vanvirði, 6
grænmeti, 7 hvað, 8 eins, 10 flas,
11 ílát, 12 þei, 13 jaka.
Lóðrétt: 1 lítinn, 2 afkvæmi, 3
ekki, 4 hugrekkis, 5 styggur, 7
undrandi, 9 nísk, 12 umdæmis-
stafir.
Lausn á síðustu krossgátu.
Lárétt: 1 ergin, 5 slög, 6 enn, 7
ag, 8naddur, 10 dr, 11 æla, 12 ós-
ar, 13 líkar.
Lóðrétt: 1 elnar, 2 rönd, 3 gg, 4
negrar, 5 sendil, 7 aular, 9 dæsa,
12 ók.
RAÐAUGLÝSINGAR
Bæjarmálaráð
Alþýðuflokksins
í Hafnarfirði
heldur fund í Alþýðuhúsinu mánudaginn 27. nóv. kl.
20.30.
Fundarstjóri: Valgerður Guðmundsdóttir
Fundarefni: Skólamál
Framsaga: Árni Hjörleifsson og
Guðfinna Vigfúsdóttir
Allir nefndarmenn og stuðningsmenn hvattir til að
mæta.
Bæjarmálaráð
Hafnarfjarðarbær
Samkvæmt grein 4.4. í skipulagsgerð nr. 318/1985 aug-
lýsist hér með breyting á byggingarreit í Lækjarbergi
24.
Bæjarráð Hafnarfjarðar hefur samþykkt færslu á bygg-
ingarreit til norð-austurs um 4,9 m.
Uppdrættir eru til sýnis á afgreiðslu bæjarverkfræð-
ings á Strandgötu 6.
Athugasemdum við þessa breytingu skal skila skrif-
lega til bæjarstjórans í Hafnarfirði ekki seinna en fjór-
um vikum frá birtingu þessarar auglýsingar.
Bæjarstjórinn í Hafnarfirði
Menntamálaráðuneytið
Rannsóknaaðstaða við
Atómvísindastofnun
Norðurlanda (NORDITA)
Við Atómvísindastofnun Norðurlanda (NORDITA) í
Kaupmannahöfn kann að verða völ á rannsóknaað-
stöðu fyrir íslenskan eðlisfræðing á næsta hausti.
Rannsóknaaðstöðu fylgir styrkur til eins árs dvalar við
stofnunina. Auk fræðilegra atómvísinda er við stofnun-
ina unnt að leggja stund á stjarneðlisfræði og eðlis-
fræði fastra efna.
Kratakaffi
miðvikudaginn 22. nóvember kl. 20.30 í Félagsheimili
jafnaðarmanna, Hverfisgötu 8—10.
Gestir fundarins:
Ingólfur Margeirsson, ritstjóri Alþýðublaðsins
og Hákon Hákonarson, framkvstj. Alþýðublaðsins
Alþýðuflokksfélag Reykjavíkur
Umsækjendur skulu hafa lokið háskólaprófi í fræði-
legri eðlisfræði og skal staðfest afrit prófskírteina
fylgja umsókn ásamt ítarlegri greinargerð um mennt-
un, vísindaleg störf og ritsmíðar. Umsóknareyðublöð
og nánari upplýsingar fást í menntamálaráðuneytinu,
Hverfisgötu 6, 150 Reykjavík. Umsóknir skulu sendar
í tvíriti til NORDITA, Blegdamsvej 17, DK-2100 Köben-
havn ö, Danmark, fyrir 1. desember nk. Auk þess
skulu 2-3 meðmælabréf send beint til Nordita.
Menntamálaráðuneytið,
20. nóvember 1989.
Menntamálaráöuneytiö
Laus
Staða sérfræðings við jarðfræðistofu Raunvísinda-
stofnunar Háskólans er laus til umsóknar. Æskilegt er
að sérfræðingurinn starfi á sviði aldursgreininga og
tímatalsfræði.
Laun samkvæmt launakerfi starfsmanna ríkisins. Um-
sækjendur skulu hafa lokið meistaraprófi eða tilsvar-
andi háskólanámi og starfað minnst eitt ár við rann-
sóknir.
Starfsmaðurinn verður ráðinn til rannsóknastarfa, en
kennsla þeirra við Háskóla íslands er háð samkomu-
lagi milli deildarráðs raunvísindadeildar og stjórnar
Raunvísindastofnunar Háskólans, og skal þá m.a.
ákveðið, hvort kennsla skuli teljast hluti starfsskyldu
viðkomandi starfsmanns.
Umsóknir, ásamt ítarlegri greinargerð og skilríkjum
um menntun og vísindaleg störf, auk ítarlegrar lýsing-
ar á fyrirhuguðum rannsóknum skulu hafa borist
menntamálaráðuneytinu, Hverfisgötu 6, 150 Reykja-
vík, fyrir 15. desember nk.
Æskilegt er, að umsókn fylgi umsagnir frá 1-3 dóm-
bærum mönnum á vísindasviði umsækjanda um
menntun hans og vísindaleg störf. Umsagnir þessar
skulu vera í lokuðu umslagi sem trúnaðarmál og má
senda þær beint til menntamálaráðuneytisins.
Menntaskólinn á Egilsstöðum Kennara vantar á
vorönn til að kenna eftirtaldar greinar: viðskipta- og
tölvugreinar og íþróttir og félagsstörf.
Umsóknir ásamt upplýsingum um menntun og fyrri
störf sendist menntamálaráðuneytinu, Hverfisgötu 6,
150 Reykjavík fyrir 1. desember nk.
Menntamálaráðuneytið
Aðalfundur
Hamraborgar hf.
verður haldinn í húsakynnum Alþýðuflokksfélaganna í
Kópavogi, að Hamraborg 14A, Kópavogi, mánudag-
inn 27. nóvember 1989 kl. 20.00, stundvíslega.
Stjórnin