Alþýðublaðið - 30.03.1990, Blaðsíða 5
Föstudagur 30. mars 1990
5
FÖSTUDAGSSPJALL
Yaldahroki Svavars
Svavar Gestsson menntamálaráðherra hefur með árás-
um sínum á ríkislögmann hagaö sér eins og hann væri á
lægsta plani í skítkasti við pólitískan andstæðing, skrifar
Guðmundur Einarsson í eftirfarandi grein. Eftirgrennslan
fjárveitinganefndar er hins vegar af fullkomnlega eðlileg-
um orsökum og í svari ríkislögmanns eru ábendingar sem
eiga fullt erindi í umræðuna og ráðherrann á alveg eftir að
svara, segir Guðmundur ennfremur í Föstudagspistli sín-
um.
Ef einhver embættismaöur er
ósammála mér, lýsi ég því fyrst yf-
ir að hann sé asni. Síðan kalla ég
málflutning hans fúkyrðaflaum.
Að lokum legg ég starfið hans nið-
ur, rek hann heim og múra upp í
dyrnar á skrifstofunni hans. Svo
má hugleiða hvort ég læt hleypa
úr dekkjunum á bílnum hans.
Fúkyrðaflaumur hvers?
Orðbragð Svavars Gestssonar
vegna bréfaskrifta ríkislögmanns
um Sturlumálið er stórkostleg inn-
Gudmundur
Einarsson skrifar
sýn inn í hugarheim valdsmanns
af gamla skólanum. ,,Sá sem er
ekki með mér, er á móti mér.“
I svörum sínum talar Svavar eins
og hann væri á lægsta plani í skít-
kasti við pólitískan andstæðing.
Ein varnaraðferð óvandaðra
manna í stjórnmálum er einmitt
sú að koma sér hjá rökræðum um
mál með því að tortryggja mál-
flutning, ásetning eða persónu
andstæðingsins.
Dæmi um slíkt þekkjum við af
orðaleppum eins og: Hann þekkir
ekki málið, málflutningurinn er
villandi, hann gætir annarlega
hagsmuna o.s.frv.
Svavar velur þá leiðina í þetta
skiptið að ríkislögmaður þyrli upp
moldviðri og skrifi „fúkyrða-
flaum".
. Flogaköst Svavars í fjölmiðlum
breyta því ekki að eftirgrennslan
fjárveitinganefndar ér af fullkom-
lega eðlilegum orsökum og í svari
ríkislögmanns eru ábendingar,
sem eiga fullt erindi í umræðuna
og ráðherrann á alveg eftir að
svara.
Svavar virðist ekki hafa gert sér
grein fyrir þeirri staðreynd, að nú
eru fleiri leikendur inni á sviði
stjórnkerfisins en áður og leikhús-
starfið hefur breyst.
Áður voru ráðherrar leikstjórar,
brellumeistarar og leikendur, og
leikritin voru skrifuð fyrir þá eina.
Nú er líka farið að skrifa hlut-
verk fyrir þingið, ríkisendur-
skoðun og umboðsmann Alþingis,
svo dæmi séu tekin. Nú hefur rikis-
lögmaður kvatt sér hljóðs.
Steinþór Skúlason, forstjóri Sláturfélags Suðurlands, annar frá hœgri, sýnir
viðskiptavini nýja skinkuframleiðslu fyrirtækisins á kynningarfundi, sem fyrir-
tækið hélt nýlega í framleiðslueldhúsi sínu.
Smakka fyrir SS
Nokkrar fjölskyldur á höfuð-
borgarsvæðinu eru með á borð-
um ýmsa rétti sem Sláturfélag
Suðurlands er að þróa fyrir
framleiðsludeildir sínar. Hver
fjöiskylda gegnir því eftirsótta
hlutverki að bragðprófa allar
nýjungar og metur þær sam-
kvæmt ákveðnum staðli. Með
þessu móti á að vera hægt að
markaðssetja matvöru sem fell-
ur fólki vel í geð.
Sláturfélag Suðurlands heldur
sínu striki, — leggur niður verslun-
arrekstur sinn, en eykur á fjöl-
breytni í framleiðslu á góðum mat-
vælum, sem dreift er í matvöru-
verslanir landsins.
Nýlega kynnti SS marga nýja rétti,
átta tegundir af samlokum, ham-
borgara og langlokur, auk fjögurra
tegunda af ídýfum, skólaskinku,
ostapylsu og fjallapaté. Framleiðir
fyrirtækið nú á annað hundrað
vörutegundir en rekur auk þess inn-
flutningsverslun.
„Orðbragð Svavars Gestssonar vegna bréfaskrifta ríkislögmanns um
Sturlumálið er stórkostleg innsýn inn í hugarheim valdsmanns af gamla
skólanum: „Sá sem ekki er með mér, er á móti mér," skrifar Guðmundur
Einarsson m.a. í pistli sínum.
Varnir valdákerfisins__________
Nýlega hefur verið vakin athygli
á viðbrögðum fjármálaráðherra
við starfsemi umboðsmanns Al-
þingis.
Ráðherrann hefur skorið niður
fjárveitingar til embættisins með
þeirri skýringu að „mikill óbeinn
kostnaður hljótist af starfi um-
boðsmanns Alþingis vegna
mikillar vinnu í ráðuneytum og
stofnunum við að svara erindum
og vinna upplýsingar, sem hann
óskar eftir."
Þetta má líta á sem tilraun Ólafs
Ragnars Grímssonar til að draga
þróttinn úr þessum miklu úrbót-
um á réttarstöðu almennings
gagnvart stjórnsýslunni.
Þannig bregst þröngsýnt valda-
kerfið til varnar.
Árás Svavars Gestssonar á ríkis-
lögmann er af sama toga. Heift
hans er að vísu svo mikil að hon-
um nægir ekki að leggja til að fjár-
veitingar verði skornar niður,
heldur fer hann alla leið og leggur
til að embættið verði lagt niður.
Þetta frumstæða viðhorf þeirra
Alþýðubandalagsráðherranna til
stjórnsýslunnar er einn rauna-
legur vitnisburðurinn enn um of-
stæki og afturhald, sem virðist
hafa gegnsýrt flokksnefnuna
þeirra og hugsanaganginn þar á
bæ.
Reyndar hafa þessir tveir löng-
um látið líta svo út að þeir eigi ekki
sama pólitiska heimilisfangið, en
valdahroki þeirra i þessum málum
bendir þó til að svo sé.
Auglýsing frá
Orlofssjóði VR
ORLOFSHUS VR
Dvalarleyfi
Auglýst er eftir umsóknum um dvalarleyfi í orlofshúsum VR sumarið 1990. Umsóknir á þar til gerðum
eyðublöðum þurfa að berast skrifstofu VR, Húsi verslunarinnar 9. hæð í síðasta lagi 20. apríl 1990.
Orlofshús eru á eftirtöldum stöðum:
Ölfusborgum
Húsafelli í Borgarfirði
Svignaskarði í Borgarfirði
lllugastöðum i Fnjóskadal
Vatnsfirði, Barðaströnd
Einarsstöðum, Suður-Múlasýslu
íbúðir á Akureyri
Flúðum
Miðhúsum, Biskupstungum
Aðeinsfullgildirfélagarhafa rétt til dvalarleyfis. Þeirsem ekki hafadvalið sl. 5 ár í orlofshúsum átíma-
bilinu 28. maí til 17. september sitja fyrir dvalarleyfum. Hafi ekki verið gengið frá leigusamningi fyrir
18. maí n.k. fellur úthlutun úr gildi. Dregið verður milli umsækjenda ef fleiri umsóknir berast en hægt
er að verða við. Verður það gert á skrifstofu félagsins laugardaginn 5. maí n.k. kl. 14 og hafa umsækj-
endur rétt til að vera viðstaddir.
Sérstök athygli er vakin á því að umsókinir verða að berast skrifstofu VR
í síðasta lagi föstudaginn 20. apríl n.k.
Umsóknareyðublöð eru afhent á skrifstofu VR, Húsi verslunarinnar 9. hæð. Ekki verður tekið á móti
umsóknum símleiðis.