Alþýðublaðið - 30.03.1990, Blaðsíða 1
Mistök í tölvuskráningu veldur forrádamönnum sveitarfélaga höfuöverk:
Þurfa að skila aftur
hluta af staðgreiðslufé
Hugarheimur
valdsmanns
af gamla
skólanum
,,Ef einhver embættismað-
ur er ósammála mér, lýsi ég
því fyrst yfir að hann sé asni.
Síðan kalla ég málflutning
hans fúkyrðaflaum. Að lok-
um legg ég starfið hans niður,
rek hann heim og múra upp i
dyrnar á skrifstofunni hans.
Svo má hugleiða hvort ég læt
hleypa úr dekkjunum á bíln-
um hans." Þannig er upphaf-
ið á grein Guðmundar Einars-
sonar um valdahroka og hug-
arheim valdsmanns af gamla
skólanum. Hann beinir spjót-
um sínum að Svavari Gests-
syni menntamálaráðherra.
Bls. 5.
Mistök urðu í tölvu-
skráningu hjá Skýrslu-
vélum ríkisins og
Reykjavíkurborgar þeg-
ar skiptiprósenta út-
svars til sveitafélaga var
reiknuð út. Afleiðingin
er sú að nú skulda flest
sveitarfélög utan höfuð-
borgarsvæðisins ríkis-
sjóði það sem ofgreitt
var.
„Ljóst er að þetta mun
koma illa við þau sveitarfé-
lög sem gert hafa ráð fyrir
meiri tekjum en þeim í raun
bar,“ sagði Garðar Jónsson,
viðskiptafræðingur hjá
Sambandi íslenskra sveitar-
félaga í samtali við Alþýðu-
blaðið í gærkvöldi.
Mistökin komu í Ijós fyrir
síðustu áramót að sögn
Garðars. Talið er að segul-
bönd sem innihéldu upp-
lýsingar um staðgreiðslu-
hlutfall launa hafi með ein-
hverjum hætti misfarist
þannig að þessar upplýs-
ingar komust aldrei inn i
reiknikerfi tölvanna. Skipti-
prósenta sem reiknuð er
sem hlutfall af staðgreiðslu
launa varð því röng og
greiðslur til sveitarfélaga
samkvæmt henni einnig.
Samkvæmt upplýsingum
Garðars voru það aðallega
sveitarfélög á Stór-Reykja-
víkursvæðinu sem báru
skarðan hlut frá borði með-
an sveitarfélög utan þess
fengu meira en þeim í raun
bar. Hann sagði það mjög
misháar upphæðir sem hér
væri um að ræða en vissu-
lega kæmi þetta illa við þau
sveitarfélög sem vegna
þessara mistaka hefðu of-
metið tekjustofna sína.
Garðar gat ekki svarað
því frekar hver ætti hér sök
en sagði eðlilegt að
grennslast frekar um
hvernig þessi mistök hefðu
orðið.
Jón Þór Þórhallsson, for-
stjóri Skýrr, sagðist ekki
vita til þess að nein slík mis-
tök hefðu átt sér stað, en
vildi þó ekki neita þeim al-
farið að svo stöddu. Hann
sagði hins vegar eðlilegt að
rannsaka hvað hæft væri í
þessum ásökunum því mis-
tök sem þessi gætu hafa
orðið hvar sem er í kerfinu.
Utanríkisrádherra um afstööu íslands og
annarra ríkja til fullveldisyfirlýsingar
Litháens:
Viðurkenning
gæti iellt
Gorbatsjov
„Þeir sem setja á oddinn
kröfuna um formlega við-
urkenningu Litháens, de
jure og de facto, eru vin-
samlegast beðnir um að
hugieiða eftirfarandi: Að
hvaða gagni kæmi hún fyr-
ir Litháa á þessu augna-
bliki? Til hvers myndi hún
leiða?” sagði Jón Baldvin
Hannibalsson utanrikis-
ráðherra í ræðu sinni á Al-
þingi í gær um málefni Lit-
háens.
Þorsteinn Pálsson formað-
ur Sjálfstæðisflokksins hefur
ásamt nokkrum sjálfstæðis-
mönnum og Inga Birni Al-
bertssyni lagt fram þings-
ályktunartillögu þess efnis að
ísland viðurkenni þegar í
stað fullveldi Litháens.
Utanríkisráðherra sem flutti
skýrslu sína á Alþingi í gær
fjallaði m.a. ítarlega um mál-
efni Litháens. Um formlega
viðurkenningu íslands á Lit-
háen sagði utanríkisráð-
herra:
Það er ekki launungarmál
að af hálfu bandarískra
stjórnvalda er litið svo á að
með formlegri viðurkenn-
ingu nú liti það svo út, sem
forseti Sovétrikjanna hefði
orðið að láta undan siga fyrir
þrýstingi frá Bandaríkjunum
eða Atlantshafsbandalaginu.
Við núverandi kringumstæð-
ur biði það heim hættunni á
að Gorbatsjov yrði felldur frá
völdum og innan Sovétrikj-
anna yrði um að ræða aftur-
hvarf til fyrri stjórnarhátta;
harðlínumenn og hernaðar-
yfirvöld tækju við og freist-
uðu þess að halda Sovétríkj-
unum saman með vopna-
valdi með öllum þeim afleið-
ingum sem það hefði í för
með sér.
Ég spyr: Hverjum yrði það
að gagni? Að hvaða gagni
kæmi það Litháum? Hinum
Eystrasaltsþjóðunun? Öðrum
þeim þjóðum innan Sovét-
ríkjanna sem ala í brjósti ósk-
ir um aukið sjálfsforræði?
Vonin um það að þeim verði
að ósk sinni er því bundin að
friðsamlegar lausnir finnist
og að ekki komi til hernaðar-
átaka. Þess vegna er það vit-
urleg stefna að forðast í hví-
vetna að magna árekstra en
að halda uppi stöðugum
þrýstingi á báða aðila í skjóli
þess hvað í húfi er, um við-
ræður, samninga, friðsamleg-
ar lausnir," sagði utanrikis-
ráðherra.
SJÁ NÁNAR BAKSÍÐU:
REYKJAVÍK,
BORG ÞÍÐUNNAR.
Framtíðarmaður
skoðar nýja
íþróttahúsið sitt
Liðsmenn FH — Fimleikafélags
Hafnarfjaröar, hafa löngum þótt
einstaklega harðsnúnir í þjóðar-
íþróttinni, handbolta. Þeir hafa þó
ekki fyrr en nú átt eigið þak yfir
höfuðið. Nú stendur það til bóta,
þvi næstu daga hefja þeir störf i
einhverju glæsilegasta íþrótta-
húsi landsins. Strákurinn á mynd-
inni er greinilega í „réttu félagi"
og tilhlýðilega merktur því. Hann
horfir i lotningu inn á nýja leik-
vanginn þar sem merkir íþrótta-
viðburðir eiga eftir aö fara fram.
Kannski er hann einn af f ramtiðar-
mönnum FH, hver veit? —
A-mynd: E.ÓI.
Vœntanlegt frumvarp ríkisstjórnarinnar um nýja stofnun — Lána- og ábyrgöa-
stofnun ríkisins
Stofnun sem mundi
velta 120 milljörðum
Fyrir Alþingi mun trú-
lega koma fram ríkis-
stjórnarfrumvarp á
næstunni um að koma á
laggirnar Lána- og
ábyrgðastofnun ríkisins.
Stofnuninni er ætlað að
vera .vettvangur við-
skipta með spariskír-
teini ríkissjóðs og ríkis-
víxla en hún mun einnig
hafa með höndum allar
erlendar lántökur ríkis-
ins. Stofnunin mun að
sögn koma til með að
velta um 120 milljörðum
króna árlega, sem sam-
svarar tæplega einum og
hálfum fjárlögum ís-
lenska ríkisins.
Að sögn Marðar Árna-
sonar, upplýsingafulltrúa
fjármálaráðuneytisins hef-
ur ríkisstjórnin sett frum-
varpið fram sem forgangs-
mál og telur hann allar lík-
ur á að það verði samþykkt
af þingheimi. Heimildir Al-
þýðublaðsins segja að lík-
legur yfirmaður Lána- og
ábyrgðarstofnunar ríkisins
sé Sigurgeir Jónsson, ráðu-
neytisstjóri fjármálaráðu-
neytisins.
Ráðgert er að hlutverk
Lána- og ábyrgðastofnunar
verði þríþætt. í fyrsta lagi
er stofnuninni ætlað að
halda utanum allar erlend-
ar lántökur, það hlutverk er
nú í höndum Seðlabanka,
Fjármálaráðuneytisins og
Fjárlaga- og hagsýslustofn-
unar. Þá verður Ríkis-
ábyrðasjóður einn hluti
stofnunarinnar og mun sjá
um ríkisábyrgðir á lánum.
Þriðji þáttur í starfsemi
Lána og ábyrgðastofnunar
ríkisins er að vera vett-
vangur spari- og ríkisvíxla-
viðskipta. Þessari starfsemi
hefur til þessa verið sinnt í
samvinnu af Seðlabanka og
fjármálaráðuneyti. Mörður
sagði eðlilegt að starfsemin
fengi sjálfstæði en heyrði
ekki beint undir ráðuneytið
því hér væri um að ræða
viðskipti þar sem keppt er
um markaðinn við banka
og verðbréfafyrirtæki.
„Markmiðið með Lána
og ábyrgðastofnun er að
auka hagræðingu með því
að flytja undir einn hatt
starfsemi sem áður hefur
skipst milli fjármálaráðu-
neytisins og ýmissa ríkis-
stofnana," sagði Mörður.
Hann sagði frumvarpið nú
vera hjá þingflokkunum en
taldi allar líkur á að það
fengist samþykkt þar þó
alltaf mætti reikna með að
þingflokkarnir geri ein-
hverjar breytingar á því.