Alþýðublaðið - 22.09.1990, Blaðsíða 3
Laugardagur 22. sept. 1990
INNLENDAR FRÉTTIR
3
FRÉTTIR
j HNOTSKURN
NÝ ÍBÚÐABYGGÐ í HAFNARFIRÐI: Setbergshlíð
heitir ný íbúðabyggð, sem rísa mun á næstu þrem árum á
svonefndu Fjárhúsholti efst í Setbergslandi í Hafnarfirði.
ídag kl. 16 mun bæjarstjórinn í Hafnarfirði, Guðmundur
Arni Stefánsson, taka fyrstu skóflustunguna að þessari
nýju 103 íbúða byggð. SH-verktakar, eitt af mörgum öflug-
um verktakafyrirtækjum bæjarins, mun annast allt skipu-
lag byggðarinnar, hönnun húsa, gatna og sameiginlegra
svæða.
SAFNA FYRIR ENDURHÆFINGARÍBÚÐ: sjáifs-
björg mun um helgina selja merki sitt og blað um land allt.
Tekjur af þessari söiu vega á ári hverju þungt og treysta þá
öflugu starfsemi sem samtökin standa fyrir. Að þessu sinni
rennur ágóðinn til innréttingar á sérstakri endurhæfingar-
íbúð í Sjálfsbjargarhúsinu, en slíka íbúð hefur lengi vantað
vegna endurhæfingar fatlaðra. Myndin er af Sjálfsbjargar-
húsinu.
ÁVÍTUR VEGNA STÓLAKAUPA: Stjórn opinberra
innkaupa væntir þess að þeir starfshættir sem tíðkaðir
voru af hálfu byggingarnefndar Þjóðleikhússins verði ekki
ráðandi við opinber innkaup í framtíðinni. Gagnrýnt hefur
verið að byggingarnefndin keypti stóla í Þjóðleikhúsið án
þess að láta fara fram útboð. „Stjórnin telur brýnt að opin-
berir aðilar hagi innkaupum sínum í samræmi við lög og
reglugerðir þar að lútandi og að almenningur í iandinu og
bjóðendur telji réttlátlega að málum staðið hvað varðar
ráðstöfun á opinberu fá og samkeppnisaðstöðu bjóðenda,"
segir í fréttatilkynningu frá Stjórn opinberra innkaupa,
sem skipuð er af fjármálaráðherra.
STÓRA STÖKKIÐ HJÁ HÁSKÓLANUM: Háskóii ís-
lands hefur fylgst vel með í tölvutækninni. Nú tekur skól-
inn stóra stökkið og tekur nýjan IBM-tölvubúnað í notkun,
RISC System/6000. Þessi búnaður opnar dyr að mynd-
rænni vinnslu og eykur möguleika á þjónustu við aðrar
stofnanir og aðila í þjóðfélaginu. Reiknistofnun Háskólans
og ÍBM á íslandi hafa gert með sér samning um uppsetn-
ingu á þrem vélum í Reiknistofnun, auk þess sem fimm
aðrar verða settar upp í öðrum stofnunum og deildum
skólans. Búnaður þessi mun flýta mjög allri úrvinnslu, —
talað er um allt að tífaldan hraða við tölvuvinnslu ýmissa
rannsókarverkefna miðað við fyrri vélar. MYNDIN: Dr.
Sigmundur Guðbjarnason rektor, Þorsteinn Ingi Sig-
fússon prófessor, Gunnar M. Hansson, forstjóri IBM
á íslandi, Viðar Eggertsson eðlisfræðingur og Helgi
Þórsson, forstöðumaður Reiknistofnunar Háskól-
ans, við undirritun samninga.
KOMIN HEIM: Kristín Kjartansdóttir, sem búsett hef-
ur verið í Kúvæt, er nú komin heim til íslands ásamt fjórum
börnum sínum og eiginmanns síns, Sameh Issa. Kristín og
börn hennar komu í fyrrakvöld til landsins, en eiginmaður
hennar dvelur enn í Kúvæt.
KRÁVIÐ SUNDAHÖFN: Það hlaut að koma að þvi að
í Reykjavík yrði opnuð hafnarkrá — hún er tekin til starfa
í Sundakaffi við Sundahöfn í viðbyggingu við veitingahús-
ið þar. Sundakaffi rekur Þorsteinn Þorsteinsson, veit-
ingamaður. Hyggst hann reka almenna veitingasölu á
staðnum og leigja hann út til fyrirtækja og einstaklinga.
STEINGRÍMUR RÆÐIR UM BÖRNIN: Forsætisráð-
herra er í Bandaríkjunum um þessar mundir, situr leið-
togafund Sameinuðu þjóðanna um málefni barna. í ferð
sinni mun hann ennfremur koma við í höfuðstöðvum Alu-
max og eiga viðræður við forystumenn þess fyrirtækis.
Heim kemur Steingrímur 1. október.
HVAÐ VERÐUR I
ÞESSU HÚSI?
Þessi bygging mun trúlega kosta rúma tvo milljarða
en hvað skyldi eiga að fara þar fram?
A-mynd: E.ÓI.
Bygging ráðhúss
Reykjavíkur var eitt
mesta hitamál síðari ára-
tuga og fólk fylkti sér í
tvær andstæðar fylking-
ar með eða á móti.
Þeir sem lagt hafa leið
sína niður í bæ nýlega sjá
að framkvæmdir við ráð-
húsið ganga greiðlega og
byggingin tekur sífellt á sig
meiri mynd. Hjá embætti
borgarverkfræðings feng-
ust þær upplýsingar að
byggingin gengi vel og ef
allt gengur áfram sam-
kvæmt áætlun verður það
tekið i notkun í apríl 1992.
Sjálf byggingarfram-
kvæmdin verður langt
komin í árslok 1991.
Ekkert hefur ennþá kom-
ið fram sem bendir til að
heildarkostnaðaráætlunin
standist ekki en hún hefur
ekki verið endurunnin síð-
ustu mánuði. Áætlað er að
byggingin muni kosta rúma
2 milljarða á núverandi
verðlagi en inn í þá tölu
vantar áhrif virðisauka-
skatts á vinnu véla en skatt-
urinn íþyngir öllum þeim
framkvæmdum sem virðis-
aukaskattur er ekki endur-
greiddur af.
En hvaða starfsemi
skyldi svo verða i
þessu húsi?____________
Þar verður fundarsalur
borgarstjórnar og fundar-
aðstaða borgarráðs en það
fundar títt og mikið.
Einnig verður eitthvað
um nefndarfundi á vegum
borgarinnar en það er alls
ekki svo að allar nefndir
borgarinnar flytji í húsið.
T.d. verður byggingarnefnd
áfram hjá Byggingafulltrúa
borgarinnar en það er álitið
handhægast.
Neðsta hæðin, sú sem er
næst Tjörninni, er fyrst og
fremst opið almennings-
svæði sem er ætlað fyrir
sjálfa borgarana. Þar er
gönguás sem gengur í
gegnum húsið frá Tjarnar-
götu og áfram á brú út að
Iðnó. Salir þeir sem eru
Tjarnarmegin við þennan
gönguás hafa margs konar
hlutverki að gegna. Þar
verður hið fræga Islandslík-
an til sýnis og þar verður
hægt að halda listaverka-
sýningar og ýmiss konar
uppákomur eins og tón-
leika og veislur ef tilefni er
til.
Á næstu hæð fyrir ofan
verða skrifstofur borgar-
innar, þær sem nú eru í
Austurstræti 16 og Pósthús-
stræti 9 en þar eru skrif-
stofa borgarstjóra, skrif-
stofa borgarritara, fjár-
máladeild, starfsmanna-
hald, borgarbókhald og
endurskoðun borgarinnar
til húsa.
Aðrar stofnanir borgar-
innar, s.s. Rafmagnsveitan,
Hitaveitan, Borgarverk-
fræðingur o.s. frv., flytjast
ekki í ráðhúsið.
Það hlýtur að vakna upp
sú spurning hvort ekki
hefði mátt byggja stærra og
hýsa þar með fleiri stofnan-
ir í ráðhúsinu.
Stefán sagði að ef lóðin
og staðurinn hefðu boðið
upp á að byggja stærra
hefði það vel komið til álita
en það var ein fyrsta
ákvörðunin sem tekin var
að stíla ekki upp á að bæta
neinu við þetta hús heldur
flytja fundarsalina og þá
starfsemi sem nú er við
Austurvöll út að Tjörn.
Það er auðvitað pólitísk
en ekki verkfræðileg
spurning hvaða starfsemi
ráðhúsið á að hýsa en hafa
verður í huga að engin lóð
í Kvosinni eða nánastaná-
grenni hennar þolir stærra
hús með góðu móti auk
þess sem skipulagsforsend-
ur leyfa það ekki.
Eftir stendur að tímabært
var að endurnýja skrifstofu-
og fundaraðstöðu borgar-
innar en meginorsökin fyr-
ir byggingu ráðhússins er
kannski upplyfting fyrir
Kvosina og gamla miðbæ-
inn.
Enda er ráðhúsið ætlað
fyrir höfðuborg allra lands-
manna.
Það verður bara hver og
einn að gera það upp við
sig hvort þetta ævintýr er
tveggja milljarða króna
virði.
Skynáihfálp getur
bjargað mannslífum
Námskeið í skyndihjálp hjá Reykjauíkurdeild RKÍ
Reykjavíkurdeild Rauða
krossins heldur námskeið
i skyndihjálp í næstu viku.
Það hefst þriðjudaginn 25.
sept kl. 17 að Fákafeni 11,
2. hæð. Kennsludagar eru
25., 27. sept. og 2. og 4.
okt, 16 kennslustundir
alls.
Meðal þess sem kennt
verður á námskeiðinu er end-
urlífgun, en nú fyrir nokkrum
dögum var barn lifgað við
með blásturmeðferð sem
verður meðal þess sem kennt
verður á námskeiðinu.
Leiðbeinandi á þessu nám-
skeiði verður Guðlaugur Le-
ósson.
Öllum 15 ára og eldri er
heimil þátttaka en skráning
þátttakenda er á skrifstofu
deildarinnar í síma 688188 á
skrifstofutíma.
Tilefni er til að hvetja sem
flesta til að sækja námskeið í
skyndihjálp því eins og mörg
dæmi sanna hefur sú þekking
sem þau veita bjargað
mannslífum.
Reykjavíkurdeild RKÍ hefur
um langt skeið staðið fyrir
námskeiðum sem þessum og
útvegar einnig leiðbeinendur
til að halda námskeið fyrir
skóla, fyrirtæki og aðra sem
þess óska.
Sópað úr efsta þrepi
— boöar sœnski fjármálaráöherrann á þingi sænskra jafnaöarmanna og kallar launahœkkanir Svía ,,loft“
Frá Þorláki Helgasyni, Al-
þýðubladið, Stokkhólmi.
„Það þarf að sópa ræki-
lega og byrja í efsta þrepi,“
sagði Allan Larsson fjár-
málaráðherra á flokks-
þingi sænskra jafnaðar-
manna í gær.
Verðbólga er nú um 11%
hér í Svíþjóð og hafa vörur og
þjónusta hækkað mjög að
undanförnu. Mest er þenslan
í byggingariðnaðinum. í gær
mátti lesa í blöðum að íbúðir
sem verið er að byggja núna
munu verða leigðar fyrir sem
svarar 90 þúsund íslenskum
krónum á mánuði. Launa-
kostnaður hefur aukist um
28—30% á síðustu 3 árum og
hefur verið helmingi hærri
hér en í samkeppnislöndum
Svía í Evrópu.
Fjármálaráðherra kallaði
launahækkanirnar „loft-
bólu“, og sagði að á næsta ári
yrðu nákvæmlega engar
hækkanir. Iðnaður Svía á í
vök að verjast og það sem af
er árinu hafa meira en 20 þús-
und störf í iðnaði verið lögð
niður. í hverri viku er tilkynnt
um fyrirtæki sem draga úr
framleiðslu. Er þar um að
ræða ýmis fyrirtæki sem
blómleg hafa verið talin, ekki
bara Volvo og Saab.
„Það er blóðug alvara á
ferðum", sagði fjármálaráð-
herrann hér á þinginu. Sagði
hann allt bera að einum
brunni, til yrði að koma að-
hald í launum, ríkisútgjöldum
sem og hjá sveitarstjórnum
og lénsþingum. Fjármálaráð-
herra sagði að ekki kæmi til
greina að hálaunafólk, t.d.
ráðherrar, fengju launahækk-
anir, og að hálaunaforstjórar
ættu fráleitt að fá meira í
launaumslagið.
„Laun forstjóranna eru oft
skýjum ofar og miklu hærri
en hjá forsætisráðherra með
80 tíma vinnuviku", sagði All-
an Larsson.
Opinbera kerfið mun ekki
vaxa í Svíþjóð á næsta ári,
a.m.k. verður það ekki gert
með því að hækka skatta.
Fjármálaráðherra boðar
millifærslu fjármagns. Vel-
ferðarkerfið í Svíþjóð kostar
um 3 þúsund milljarða ís-
lenskra króna á ári og telur
fjármálaráðherrann að hægt
sé að fá meira fyrir þá pen-
inga en fæst í dag. Fyrirhug-
aðar eru breytingar á at-
vinnuleysisbótakerfinu til
þess að „draga úr óheil-
brigði", eins og ráðherrann
orðaði það í dag.
Mest verður þó endurnýj-
unin í skólunum. Betrumbæt-
ur eiga líka að verða „innan
þess ramma sem náttúra og
umhverfi setja," sagði tals-
kona ein hér á þinginu er hún
fylgdi úr hlaði drögum að
endurnýjaðri stefnu sænskra
jafnaðarmanna, sem fylgja
skal út öldina.
Jafnaðarmenn hafa boðað
stríð gegn Hægfara flokknum
(Moderata). Hafnað er mark-
aðslausnum einum saman,
enn er talið rými fyrir pólit-
ískar lausnir. „Pólitík er ekki
bara að vilja“, sagði einn
ræðumanna. „Pólitík er líka
það að velja“.