Alþýðublaðið - 29.12.1990, Side 9
Laugardagur 29. desember 1990
9
Janúar
VASKURINN í GILDI: Lög um virð-
isaukaskatt tóku gildi um áramótin
og kemur hann í stað söluskatts. Við
þessa breytingu lækkaði verð á
ýmsum matvælum þar sem þau eru
með ígildi 14% virðisaukaskatts.
Ennfremur lækkaði verð á bensíni
og einnig varð lítils háttar lækkun á
verði áfengis og tóbaks.
ÍSLANDSBANKI OPNAÐUR: í
byrjun mánaðarins var íslandsbanki
opnaður eftir langa umræðu um
nauðsyn þess að fækka bönkum og
hagræða í bankakerfinu. Alþýðu-
bankinn, Iðnaðarbankinn og Versl-
unarbankinn keyptu Útvegsbank-
ann og síðan var þessum fjórum
bönkum slegið saman í einn er ber
heitið íslandsbanki. Fyrsti formaður
bankaráðs hins nýja banka er Ás-
mundur Stefánsson en bankastjórar
þeir Valur Valsson, Tryggvi Pálsson
og Björn Björnsson. Eftir standa þá
ríkisbankarnir tveir, Búnaðarbanki
og Landsbanki, sem og Samvinnu-
bankinn, en rætt er um að Lands-
bankinn kaupi hann.
SVIPTINGAR Á STÖÐ 2: Verslun-
arbankinn keypti ríflega 60% hlut í
Stöð 2 á gamlársdag eftir að Jón Ótt-
ar Ragnarsson og meðeigendur
hans höfðu árangurslaus reynt að fá
ríkisábyrgð fyrir erlendu láni upp á
400 milljónir króna. Óvissa ríkir um
framhald málsins og stöðu þre-
menninganna sem stofnuðu Stöð 2,
en gerður var ráðningarsamningur
við þá til þriggja ára.
ALUMAX HEFUR ÁHUGA: Jón
Sigurðsson iðnaðarráðherra og full-
trúar Landsvirkjunar áttu viðræður
við fulltrúa bandaríska álfyrirtækis-
ins Alumax fyrri hluta mánaðarins.
Þar var rætt um hugsanlega þátt-
töku Alumax í áliðnaði hér á landi.
Svo er að sjá sem Alumax-menn
hafi nokkurn áhuga á að koma inn
í samstarf Atlantal-hópsins svo-
nefnda.
OFSAROK OG FLÓÐ: Aðfaranótt
9. þessa mánaðar varð víða mikið
tjón af völdum veðurofsa og flóða.
Þeir staðir sem urðu verst úti voru
Stokkseyri, Eyrarbakki, Grindavík
og Sandgerði.
EKKI PRÓFKJÖR: Undirbúningur
er hafinn fyrir sveitarstjórnarkosn-
ingarnar í vor. Sjálfstæðisflokkurinn
í Reykjavík hefur ákveðið að ekki
skuli fara fram prófkjör um val fram-
bjóðenda á lista flokksins í Reykja-
vík. Á fundi fulltrúaráðs Sjálfstæðis-
félaganna var tillaga um prófkjör
felld með 136 atkvæðum gegn 90.
NÝR SJÓNVARPSSTJÓRI: Nýir
aðilar hafa komið inn í Stöð 2 sem
eigendur meirihluta hlutafjár. Þeir
stærstu eru Haraldur Haraldsson,
Jóhann J. Ólafsson og Jón Ólafsson.
Þá hefur Þorvarður Elíasson skóla-
stjóri verið ráðinn sjónvarpsstjóri
frá næstu mánaðamótum.
GRUNDARKJÖR FÆRIR ÚT KVÍ-
ARNAR: Jens Ólafsson, kaupmað-
ur í Grundarkjöri, er stöðugt að færa
út kvíarnar. Hann á nú fjórar mat-
vöruverslanir, tvær í Reykjavík, eina
í Kópavogi og eina í Hafnarfirði. Nú
hefur hann keypt Kjötmiðstöðina í
Garðabæ til viðbótar.
Febrúar
ÞJÓÐARSÁTT: Nýir kjarasamning-
ar aðila vinnumarkaðarins, ríkis-
stjórnarinnar og Stéttarsambands
bænda voru undirritaður nú í byrj-
un mánaðarins. Gildistími samning-
anna er fram í miðjan september
1991. Endurmat samninganna fer
fram í nóvember. Laun hækka á
samningstímanum um 9,5% í áföng-
um. Ákvæði eru um sérstakar lág-
launabætur og greiddar verða 10
þúsund krónur í sérstaka desember-
uppbót. Skipuð hefur verið launa-
nefnd til að fylgjast með þróun
kaupmáttar. Ríkisstjórnin sam-
þykkti margvíslegar ráðstafanir til
að greiða fyrir samningunum. Má
þar nefna ráðstafanir til að koma í
veg fyrir hækkun á búvörum, lækk-
un framfærsluvísitölu, endurbætur
á félagslegu húsnæði, samræmingu
á skattlagningu fyrirtækja og koma
á fót aflamiðlun. Gert er ráð fyrir að
með þessum samningum takist að
koma verðbólgunni niður í 6—9% á
árinu og þar með lækkun nafn-
vaxta.
DEILT UM NÝTT RÁÐUNEYTI:
Stjórnarfrumvarp um stofnun um-
hverfisráðuneytis er nú til umfjöll-
unar á Alþingi og hefur raunar verið
samþykkt frá neðri deild. Talsverðar
umræður urðu um frumvarpið þeg-
ar það kom til fyrstu umræðu í efri
deild. Karvel Pálmason sagði að það
væri til of mikils mælst að hann
styddi frumvarp um stofnun um-
hverfisráðuneytis án verkefna.
PÝÐINGARVILLUR: Stjórn Félags
kvikmyndagerðarmanna sam-
þykkti harðorða ályktun um þýð-
endur og textun kvikmynda. Þar
segir meðal annars: ;,Það lætur
nærri að þriðja hver mynd sem sýnd
er á íslandi búi yfir alvarlegum þýð-
ingarvillum en þegar verst lætur
geta heilu atriðin og stundum sjálft
inntak myndanna farið fyrir ofan
garð og neðan." Þó er tekið fram að
það heyri til undantekninga að
óvandaðar þýðingar sjáist í Ríkis-
sjónvarpinu.
ALUMAX í HÓPINN: Forstjóri Al-
umax hefur tilkynnt íslenskum
stjórnvöldum að fyrirtækið hafi
ákveðið að gerast aðili að Atlan-
tal-hópnum en þar voru fyrir hol-
lenska fyrirtækið Hoogovens Alum-
inium og sænska fyrirtækið Gráng-
es. Hópurinn vinnur nú að undir-
búningi að því að reisa 200 þúsund
tonna álver hérlendis.
HAVEL í HEIMSÓKN: Forseti
Tékkóslóvakíu, Václav Havel, kom
hingað í stutta heimsókn í boði
Þjóðleikhússins á leið sinni til
Bandaríkjanna. Hann var viðstadd-
ur frumsýningu Þjóðleikhússins á
leikriti sínu, Endurbyggingunni, og
er það í fyrsta sinn sem hann sér það
á fjölunum.
KÍNVERJAR BUÐU BEST: Opnuð
hafa verið tilboð í útboð Landsvirkj-
unar í þrjá verkhluta véla- og raf-
búnaðar vegna stækkunar Búrfells-
virkjunar. í Ijós kom að tilboð CMEC
í Kína var langlægst, eða 598 millj-
ónir króna. Næst kom ABB í Svíþjóð
með 980 milljóna tilboð.
Mars
BLÁA LÓNIÐ FLUTT: Grindavík-
urbær hefur uppi áætlun um að
flytja Bláa lónið til og reisa jafnvel
200 herbergja heilsuhótel við lónið
á nýja staðnum.
VATN TIL USA: Þóroddur Sigurðs-
son vatnsveitustjóri er nú staddur í
Bandaríkjunum þeirra erinda að
huga að markaðsmöguleikum fyrir
íslenskt neysluvatn. Vatnsveita
Reykjavíkur hefur tekið höndum
saman við Vífilfell og Hagkaup um
að selja neysluvatn vestur um haf.
Vatnsveitan hefur þegar borað sér-
staka holu vegna þessa sem gefur af
sér um 100 þúsund lítra á ári.
OPIÐ HJÁ KRÖTUM: Fulltrúaráð
Alþýðuflokksins í Reykjavík hefur
ákveðið að standa fyrir opnu próf-
kjöri fyrir borgarstjórnarkosning-
arnar. Leggur flokkurinn nú áherslu
á að fá einstaklinga og hópa til sam-
starfs um framboð.
ÁLVER í EYJAFIRÐI?: Nú er Eyja-
fjarðarsvæðið talið standa einna
sterkast að vígi hvað varðar staðar-
val fyrir nýja álverksmiðju. Iðnaðar-
ráðherra segir hins vegar að stað-
setningin sé aukamál. Aðalmálið sé
að íslendingar nái samningum um
álver.
í MÁL VIÐ BANKAEFTIRLITIÐ:
Einn af viðskiptavinum Ávöxtunar
hf. hyggst fara í mál við Bankaeftirlit
Seðlabankans vegna aðgerðarleysis
þess mánuðum saman þegar nánast
allir töldu maðk í mysu Ávöxtunar.
Þessi umræddi maður átti 2,5 millj-
ónir inni hjá Ávöxtun þegar starf-
semi fyrirtækisins var hætt.
KJARVAL YFIR MILLJÓN: Á mál-
verkauppboði Klausturhóla var
Kjarvalsmálverkið Vífilfell selt á 1,1
milljón króna. Rífandi sala var á
uppboðinu og fóru tvö önnur verk
eftir Kjarval á háu verði. Annað á
950.000 og hitt á 840.000 krónur.
Ein mynd eftir Erró var á uppboðinu
og var hún slegin á 850.000 krónur.
ÁLVERSYFIRLÝSING UNDIRRIT-
UÐ: Fulltrúar Atlantal-hópsins og
Jón Sigurðsson iðnaðarráðherra
hafa undirritað sameiginlega yfir-
lýsingu varðandi ásetning um bygg-
ingu nýs álvers hérlendis. Stefnt er
að því að reisa álver með 200.000
tonna framleiðslugetu á ári og að
það geti hafið rekstur á árinu 1994.
HAFNFIRÐINGAR VILJA ÁU
VER: Hafnfirðingar una illa um-
ræðu um að væntanlegt álver komi
til með að rísa við Eyjafjörð. Hefur
bæjarstjórn Hafnarfjarðar sam-
þykkt ályktun þess efnis að besti
valkostur fyrir nýtt álver sé í
Straumsvík.
NÝR VETTVANGUR: Nýtt borgar-
málafélag hefur verið stofnað sem
hyggst bjóða fram við borgarstjórn-
arkosningarnar í samvinnu við Al-
þýðuflokkinn og einstaklinga og
samtök úr ýmsum flokksáttum. Er
ætlunin að efna til prófkjörs undir
heitinu Nýr vettvangur. Meðal
þeirra sem talið er að muni gefa kost
á sér við prófkjörið eru Bjarni P.
Magnússon, Ólína Þorvarðardóttir,
Kristín Á. Olafsdóttir og Hrafn Jök-
ulsson.
FISKÚTFLUTNINGUR: Jón Bald-
vin Hannibalsson utanríkisráðherra
hefur veitt nokkrum fyrirtækjum
tímabundið leyfi til að flytja út létt-
saltaðan fisk. Hér er um að ræða
fyrirtæki sem áður fluttu út ferskan
flattan fisk, en sjávarútvegsráðu-
neytið bannaði þann útflutning.
Ráðherrann kvaðst vera að leysa
bráðan vanda sem skapaðist við
bann sjávarútvegsráðherra og sagði
að hagsmunum SÍF væri ekki stefnt
í voða þótt einhverjir áðrir fengju að
flytja út saltfisk.
JARÐSKJÁLFTI: Þann 19. þessa
mánaðar gekk jarðskjálftahrina yfir
Suðvesturland og mældust kippirn-
ir upp í 5,0 á Richterkvarða. Litlar
sem engar skemmdir urðu af völd-
um skjálftans.
STÓRTAP FLUGLEIÐA: Á aðal-
fundi Flugleiða kom fram að tap af
rekstri félagsins í fyrra nam 375
milljónum króna. Fluttir voru sam-
tals 733 þúsund farþegar og hafði
þeim fækkað um 106 þúsund frá ár-
inu áður. Sigurður Helgason var
endurkjörinn stjórnarformaður fé-
lagsins.
REUTER TIL ALÞÝÐUBLAÐS-
INS: Nú hefur Alþýðublaðið gert
samninga við bresku fréttastofuna
Reuter um daglega fréttaþjónustu.
Reuter sendir fréttir allan sólar-
hringinn og hefur á að skipa 650
fréttamönnum í um 100 þjóðlönd-
um.