Alþýðublaðið - 11.05.1990, Síða 1
MMBUBLtBIB
Sveitarst|órnar-
kosningarnar
I Norðurlandskjördæmi eystra eru umfjöllunarefni á
næstu fjórum síðum. Alþýðublaðinu í dag er dreift í
hús í þéttbýlisstöðum í kjördæminu. Á þessum kosn-
ingasíðum eru kynntir framboðslistar á helstu þétt-
býlisstöðum, greint frá úrslitum síðustu kosninga og
því sem hæst ber í kosningabaráttunni.
Komin er hefð á það að Oláfsfirðingar hafi milli tveggja lista
að velja í bæjarstjórnarkosningum. Sjálfstæðisflokkurinn
hefur farið með völdin undanfarin fjögur ár eftir sigur í síð-
ustu kosningum með sjö atkvæða mun. I.nginn treystir sér
til að segja fyrir um hvað gerast kunni í ár. Á Olafsfirði eru
atvinnuhorfar sagðar allgóðar um þessar mundir eftir að
Hlutafjársjóður og Atvinnutryggingasjóður lögðu fí í at-
vinnufyrirtæki á staðnum ásamt heimamönnum.
A-flokkarnir sameinast á Dalvík í þessum kosningum og
bjóða fram N-lista. Engu að síður fjolgar framboðslistum um
einn frá síðustu kosningum. Við bætist F-listi frjálslyndra.
bessar breytingar á framboösmálum skapa óneitanlega
óvissu og hleypa aukinni spennu í kosningarnar.
Líkt og fyrir fjórum árum virðast kosningarnar á Akureyri
ætla að snúast að verulegu leyti um atvinnumál. Framboðs-
listar eru meö fleira móti aö þessu sinni. Kjósendum gefst
kostur á að velja milli sex lista því auk hinna hefðbundnu
fjögurra framboða, býöur Kvennalistinn fram og Þjóðar-
flokkurinn Itefur einnig bæst í hóp þeirra sem vilja eignast
fulltrúa í bæjarstjórninni.
Ofugt við það sem gerist á Dalvík og Akureyri. fækkar fram-
boðslistum á Húsavík. Óháö framboð fékk þar einn mann
kjörinn í síöustu kosningum en nú kom enginn slíkur listi
fram. Atvinnumál setja svip á kosningabaráttu Húsvíkinga
og atvinnlíf þar ber glögg merki um samdráttinn sem orðiö
hefur í höfuðatvinnugreinum landsbyggöarinnar, sjávarút-
vegi og landbúnaði, á undanförnum árum.
Framsóknarflokkurinn hefur í undanffirnum kosningum
verið fremstur meöal jafningja í hópi stjórnmálaafla á Rauf-
arhöfn. Ekki er stór munur á fylgi flokkanna sem fengið
hafa einn hreppsnefndarmann liver nema Framsóknar-
flokkurinn sem fengiö hefur flest atkvæði og tvo menn
kjörna.
I kosningunum fyrir fjórum árum var talsverö harka í kosn-
ingum á Þórshöfn en nú bregöur hins vegar svo við aö Þórs-
hafnarbúar fá ekki að fara á kjörstað. Einungis einn listi kom
fram og verður hann sjálfkjörinn.
í vissum fámennari sveitarfélögum veröur þó ekki kosið 2(>.
maí þvi að ósk hreppsnefndanna í þessum hreppum hefur
félagsmálaráðuneytið ákveðiö að kosningar í eftirtöldum
hreppum í kjördæminu verði 9. júní.
Skriöuhreppur
Oxnadalshreppur
Hálshreppur
Bárödælahreppur
Reykdælahreppur
Öxarfjarðarhreppur
Prestjólahreppur
Svalbarðshreppur
um hugsanlega sameiningu hreppanna þriggja innan Akur-
eyrar, fer fram jafnhliða sveitarstjórnarkosningum. Niður-
stöðurnar eru ekki bindandi en ef hreppsnefndum hrepp-
anna þriggja þykir niðurstöðurnar gefa tilefni til getur farið
svo að íbúum hreppanna gefist færi á aö taka ákvörðun um
sameiningu í atkvæðagreiöslu á næsta kjörtímabiii. Hrepp-
arnir þrír sem hér um ræöir Hrafnagilshreppur, Saurbæjar-
hreppur og Ongulsstaöahreppur, liafa um langt skeið haft
talsverða samvinnu á mörgum sviðum og reka m.a. hrepp-
skrifstofu í sameiningu.
„Vona að kjósendur
meti störf okkar"
Gísli Bragi Hjartarson, bœjarfulltrúi á Akureyri, í viötali viö Alþýöublaöiö.
Alþýðuflokkurinn vann stórsigur á Akureyri í
bæjarstjórnarkosningunum fyrir fjórum árum.
Fram að þeim tíma hafði Alþýðuflokkurinn lengst
af haft einn fulltrúa í bæjarstjórninni en þegar kosn-
inganóttin 1986 var liðin undir morgun var orðiö
Ijóst að flokkurinn hafði ekki aðeins bætt við sig
einum fulltrúa heldur tveimur. Annar þessara nýju
bæjarstjórnarfulltrúa Alþýðuflokksins var Gísli
Bragi Hjartarson, múrarameistari, sem nú, skipar
efsta sæti á lista Alþýðuflokksins til bæjarstjórnar-
kosninga. En heldur hann að sigurnóttin frá því fyrir
fjórum árum endurtaki sig og Alþýðuflokkurinn
haldi sínum þremur fulltrúum?
— Við veröum bara að
vona aö kjósendur meti stfirf
okkar í þessu meirihlutasam-
starfi og minnist þess tíma
þegar núverandi meirihluti
tók við og ástandsins eins og
það var þá. Við berum engan
kinnroöa fyrir störf okkar á
þessu tímabili, síður en svo.
Núverandi meirihluti er
gagnrýndur fyrir það at-
vinnuleysi sem er á Akur-
eyri. Og svo vill til ad fyrir
fjórum árum gagnrýnduð
þið þáverandi bæjar-
stjórnarmeirihluta fyrir
nokkurn veginn það sama.
— Fyrir fjórum árum var
viövarandi atvinnuleysi á Ak-
ureyri en ekki í nágranna-
byggðunum. Akureyri skar
sig úr sveitarfélögunum hér.
Það var líka sláandi aö hér
var byggingariðnaöur í rúst.
Við álitum þá aö bæjarfélagiö
gæti komi inn í þettaUeyst
vandann eða a.m.k. létt undir
með því að hefja byggingu fé-
lagslegra íbúða. Þetta gerð-
um viö og leystum þann at-
vinnuvanda sem þá var hér.
Það sem hefur gerst síðan,
er þaö að störfum hjá Sam-
bandinu og síðar Álafossi hef-
ur fækkað um líklega milli
þrjú og fjögur hundruð. Það
má þannig segja að í stað þess
vanda sem við leystum hafi
okkur bæst nýr í staðinn.
Hvaða áform hafið þið
um að leysa þann atvinnu-
vanda sem nú er fyrir
hendi?
— Þettíi höfum við reynt að
leysa með ýmsu móti. Við
höfum t.d. stutt mjög við Út-
gerðarfélagiö með þvi að
kaupa hingaö bæði skip og
kvóta. Þaö má hins vegar
koma fram að við erum mjög
óánægö með það hve ríkis-
valdiö, sem ásamt okkur er
aöaleigandi slippstöðvarinn-
ar, hefur sýnl vanda þess fyr-
irtækis lítinn skilning.
Hvað sjáið þið einkum
fyrir ykkur að þið getið
gert til að skapa aukna at-
vinnu á næsta kjörtíma-
bili?
— Þaö er ekkert leyndar-
mál að við horfum svolítiö til
þess aö hér komi álver á Eyja-
fjarðarsvæðið. Það er reynd-
ar þaö eina sem gæti breytt
atvinnuástandinu hér með
nokkuö skjótum hætti.
Ég sé líka fyrir mér tals-
verða atvinnuaukningu í
kringum Háskólann hér ef
hann fær að vaxa og dafna.
Skilyrði fyrir því er auðvitað
að það veröi stutt við hann af
fullri einurð, — ekki meö
hangandi hendi eins og yfir-
völd gera nú. Ef t.d. veröur
hægt aö koma sjávarútvegs-
brautinni af stað af fullum
krafti, þá kallar það á rann-
sóknir og starfsemi kringum
þær. Þaö hefði strax ákveöin
margfeldisáhrif sem fljótt
sæjust á vinnumarkaönum.
Hvað hyggjast Akureyr-
ingar fyrir að öðru leyti á
næsta kjörtímabili? Sérðu
fyrir að Akureyri muni
taka einhverjum breyting-
um á næstu fjórum árum?
Við segjum nú kratarnir
hérna að við viljum gera góð-
an bæ betri. I þessu sambandi
bendum við á það að skoð-
anakannanir hafa sýnt að
það eru Akureyringar sem
allra manna helst vilja búa
áfram heima hjá sér. Það þýð-
ir i sjálfu sér ekki að ekki
þurfi að gera neitt. Viö þurf-
um t.d. aö gera ýmislegt í um-
hverfismálum, þótt mikið
hafi þegar verið gert og bær-
inn aldrei litið betur út en
hann gerði sl. sumar.
Við þurfum að ganga frá
miöbænum. Það er byrjað að
vinna í því eftir samkeppni
sem við héldum fyrir stuttu
um torgiö og hjarta bæjarins.
Þetta er u.þ.b. tveggja ára
verkefni. Við viljum líka
leggja áherslu á opin svæði í
nýrri hverfum. Við Akureyr-
ingar höfum líka stundað
mikla trjárækt og henni verð-
ur haldiö áfram.
Núverandi meirihluti
hefur verið gagnrýndur
fyrir að hafa einungis opn-
að um 20 dagheimilispláss
á kjörtímabilinu.
Það verður að taka tillit til
þess að annars vegar tókum.
við í notkun tuttugu pláss,
hins vegar studdum við frjáls
samtök sem settu á stofn dag-
heimili. Þetta var Hvíta-
sunnusöfnuðurinn og olli að
vísu miklum deilum, en við
álitum hins vegar rétt að gera
þetta. Þetta dagheimili er op-
iö öllum. Þessu til viðbótar
eru svo hafnar fratnkvæmdir
við eitt dagheimili.
Spurningin er alltaf þessi: I
hvað eiga peningarnir að
fara. Við höfum látið gríðar-
legt fé í upppstokkun á öldr-
unarpakkanum öllum. Á þvi
sviði hefur orðið gjörbreyt-
ing. Það er auövitaö hægt að
segja að við heföum átt að
fara hægar þar og setja meira
i dagvistir, en okkur fannst
þörfin brýnni í öldrunarmál-
um.
Við viljum líka kanna þann
kost að greiöa þeim foreldr-
um sem geta verið heima hjá
ungum börnum. Þaö skal að
vísu játast að þetta fellur ekki
alveg í kramiö hjá sérfræö-
ingunum, sem telja börnin
betur kominn einhversstaðar
annarsstaðar en heima hjá
sér.
Eruð þið í Alþýðuflokkn-
um ánægð með samstarfið
við Sjálfstæðisflokkinn og
má kannski reikna með
áframhaldandi samstarfi
þessara flokka eftir kosn-
ingar?
— Milli þessara flokka var
gerður málefnasamningur
eftir síðustu kosningar og viö
hann heíur verið staðið af
hálfu beggja aöila. Aö því
leyti höfum við ekkert yfir
þessu samstarfi aö kvarta.
Viö töldum á sínum tíma að
þessi málefnasamningur
væri mjög í okkar anda. Sem
dæmi um þaö get ég nefnt
þær félagslegu íbúðabygg-
ingar sem ég minntist á áðan
og raunar fleira sem hefur
ekki beinlínis verið á stefnu-
skrá Sjálfstæðisflokksins.
Hvernig meirihluti veröur
myndaður eftir kosningar, er
svo auövitað allt annaö mál
og ræðst m.a. af úrslitum
kosninganna. Og viö göng-
um til þessara kosninga með
óbundnar hendur.