Alþýðublaðið - 15.01.1993, Blaðsíða 5

Föstudagur 15. janúar 1993
5
Marnát i meminyarbyltmgu
- Það er sagt að byttingin éti börnin s/n. Sií futtyrðing öarð að hroðategum öeruteika á tínwm
menningarbyttingarinnar i Kina. AJý gögn fíetta fwtnnni af diðbjöðstegu mannáti - sem öar tátið
öiðgangast afœðstu mönnum Kommúnistaftokksins
í menningarbyltingu Maós sáluga í
Kína gaus upp pólitískt hreintrúarof-
stæki og múgsefjun sem leiddu til
grimmdarlega ofsókna. Áðuren yfir
lauk var að minnsta kosti 10 milljónum
slátrað í nafni hinnar guðlegu hugsjón-
ar formannsins; líf milljóna til viðbótar
var lagt í rústir. Og nú berast tíðindi af
áratugnum hræðilega milli 1966 og
1976 sem slá öll met í villimennsku.
Búið er að draga fram í dagsljósið gögn
sem sýna, svo ekki verður um villst, að
mannát var stundað í nafni hinnar göf-
ugu byltingar.
Sönnunargögn sýna að ýmsir flokks-
broddar kommúnista bæði lögðu bless-
un sína yfir og beinlínis hvöttu til
mannáts. Þetta kom í ljós fyrir fáum
dögum þegar kfnverska andófsmannin-
um og skáldinu Zheng Yi tókst loks að
komast til Bandaríkjanna; hann var
hundeltur af kínverskum stjómvöldum
eftir blóðbaðið hroðalega á Torgi hins
himneska friðar í júní 1991.
Á flóttanum tókst Zlieng Yi að taka
með sér leyniskjöl kínverskra stjóm-
valda, sem hann hafði varið löngum
tíma til að komast yfir. Þessi skjöl vitna
um hryðjuverk sem unnin vom á tím-
um menningarbyltingarinnar.
Skjölin sýna að æðstu menn kín-
verska kommúnistaflokksins létu óá-
talið þótt flokksbroddar í Guangxi-hér-
aði í suðurhluta Kína hvettu félaga sína
til að drepa „stéttaróvini" og éta þá síð-
an á mannfundum.
Zheng Yi byrjaði að safna þessum
skjölum áðuren kínversk stjómvöld
létu til skarar skríða gegn andófsmönn-
unt á Torgi hins himneska friðar. En
hann hafði ekki látið þar við sitja, held-
ur safnaði vitnisburðum og talaði við
tugi manna sem játuðu hreinskilnislega
að hafa lagt sér mannakjöt til munns;
og tók ennfremur viðtöl við ættingja
fómarlambanna.
Ekki er hægt að færa neinar sönnur á
að Maó formaður hafi haft vitneskju
um mannátið í menningarbyltingunni;
það gerði hinsvegar Zhou Enlai forsæt-
isráðherra sem þegar í stað fyrirskipaði
að glæpamennskan yrði stöðvuð. En í
ringulreið menningarbyltingarinnar
voru orð hans að engu höfð og flest
bendir til að mannát hafi viðgengist í
Guangxi-héraði þau ár sent menningar-
byltingin stóð.
„Eg trúi fullyrðingum Zhengs,“ seg-
ir Perry Link, prófessor í kínversku við
Princetonháskóla. „Hann er vandaður
höfundur og gögnin em sannfærandi."
Kínverskir embættismenn harðneita
hinsvegar að vita nokkuð um málið.
„Ég hef aldrei heyrt neitt um þetta,“
sagði embættismaður í Bejing í samtali
við blaðamann Time.
Hryðjuverkin áttu sér ýmsar birting-
armyndir, samkvæmt skjölunum sem
Zheng hefur safnað: „fólk étið í eftir-
rétt... lifrin úr fólki steikt... manna-
kjötsveisla."
í sömu skýrslu er greint nákvæmlega
frá atburðum sem urðu í Wuxuan-
sýslu. Þar segir: „14. maí 1968 tók 11
manna hópur, undir forystu Weibræðr-
anna, mann að nafni Chen Guorong og
drápu hann með stómm hnífi og skáru
úr honum lifrina; síðan var kjötinu deilt
með 20 öðrum.“
I sama mánuði var kennslukonan
Wu Shufang barin til dauða; lifrin var
steikt og étin. I júní 1968 voru þrír
meðlimir Li-fjölskyldunnar drepnir
með barsmíðum; nágranni þeirra, Hu-
ang Chihuan, risti úr þeim lifrina og
færði öðrum bæjarbúa, Yu Yuerong.
Hann steikti liframar, skar þær í bita og
útbjó níu litla pakka sem nota átti í
lækningaskyni. I skýrslunni segir enn-
fremur að árið 1968 hafi 91 félagi
Kommúnistaflokksins í Guangxi verið
rekinn úr flokknum en ekki refsað að
neinu öðru leyti.
Zheng Yi ferðaðist til Guangxi í tví-
gang og fékk góða fyrirgreiðslu hjá yf-
irmönnum flokksins þar. Ekki var nóg
með að þeir leyfðu honum að lesa
rannsóknarskýrslur Kommúnista-
flokksins um mannát heldur komu þeir
líka í kring viðtölum við vitni. „Þegar
ég var skilinn eftir einn gat ég ljós-
myndað skýrslumar," segir Zheng Yi.
Þegar Zheng kom í Shanglin-sýslu
komst hann að því að mannátið var rætt
á opinskáan hátt, mörgum ámm eftir að
voðaverkin gerðust. Fólk minntist þess
til dæmis þegar maður var ristur á kvið-
inn og lifrin fjarlægð meðan hann var
enn á lífí.
Zheng hitti líka gamlan mann sem
ekki fór í neinar felur með fortíðina:
„Já, ég játa allt,“ sagði skröggurinn
Yi Wansheng, og lýsti hvemig hann
drap eitt fómarlamb, son landeiganda.
„Ég notaði hníf til að vinna á honum.
En hnífurinn var vita bitlaus svo ég
henti honum frá mér; með öðrum og
beittari kuta tókst mér að skera upp á
honum brjóstið. En þegar ég reyndi að
rífa hjartað og lifrina út var blóðið svo
heitt að ég þurfti að
fara eftir vatni til
þess að kæla það.
Þannig tókst mér
að ná úr honum
innyflunum, sem
ég skar í bita og
deildi þeim með
bæjarbúum.“
Éftir að menn-
ingarbyltingunni
lauk hefur hulunni
verið svipt af
mörgum voða-
verkum. Það er
hluti af þeirri við-
leitni Deng Xiaop-
ing að varpa rýrð á
pólitíska rétttrún-
aðarkirkju Maós.
Hversvegna var þá
sögum um mannát
haldið leyndum?
„Sumir þeirra
sem tengjast mál-
inu eru enn við
völd í Guangxi,"
segir Zheng. „Þetta
fólk sagði mér að
ég yrði að passa
mig vel, ella gæti
forvitnin orðið mér
að aldurtila.“
Zheng bendir
líka á að mannáts-
sögumar hefðu
orðið mjög auð-
mýkjandi fyrir kín-
versk stjómvöld.
Bejing á sjöunda áratugnum: Milljónum var slátraö ■' nafni
pólitískra trúarbragða.
Rannsókn hans bendir til að mannáts-
faraldurinn hafi valdið titringi í efstu
þrepum flokkskerfisins. Zhou Enlai
forsætisráðherra sendi yfirmanni hers-
ins í Guangxi kristaltær skilaboð:
„Verði einn maður til viðbótar étinn,
mun ég drepa þig.“
Hótuninni var ekki fy lgt eftir og ekk-
ert bendir til þess að mannátsveislunni
hafi lokið. Flokksbroddamir þorðu
ekki að fordæma mannátið opinber-
lega; til þess vom glæpimir of við-
bjóðslegir.
„Æðstu menn flokksins hafa alltaf
vitað af þessu,“ segir Zheng, „en þeir
vildu ekki að neinn annar byggi yfir
vitneskjunni."
HJ/Byggt á Time
Hafðu staðreyndimar
** / 1 f
a hreinul
Landshagir 1992 hafa aö geyma tölulegar upplýsingar um ísland
Hagstofa íslands
Ritið er til sölu í afgreiðslu Hagstofunnar,
Skuggasundi 3, sími 91-609860 og
91-609866, bréfasími 91-623312 og Bóksölu
stúdenta, Félagsstofnun stúdenta, Hringbraut,
sími 91-615961,
bréfasími 91-620256.
Verö 2.100 kr.
Einnig er ritið
fáanlegt á
tölvudisklingum.
Landshag'r
^ -1992
Nú er komiö út hjá Hagstofu íslands
ársritið Landshagir. Landshagir
1992 er ómissandi rit öllum þeim
sem þurfa að fá réttar upplýsingar
um hag lands og þjóðar.
í ritinu, sem er afar víðtækt, er að
finna tölur um mannfjölda, atvinnu-
vegi, félags- og heilbrigðismál,
menntamál, þjóðarbúskap, verslun
og margt fleira.
Landshagir svara spurningum um
ólíkustu svið samfélagsins, eins og
t.d. þessum:
Hve margir fæðast á ári hverju?
Hver hefur verið þróun launa, verðlags og tekna?
Hve margir eru utan þjóðkirkjunnar?
Hver er nýting gistirýmis og af hvaða þjóðerni
eru gestirnir?
Hvernig er peningunum varið f heilbrigðis- og
félagsmálum?
Hvað hefur kjörsókn verið mikil í kosningum?
Hve mikið skulda íslendingar erlendis?
Hve gamlir verða íslendingar?
Hvort var atvinnuleysi meira á Suðurnesjum eða
Vestfjörðum sl. áratug?
Hvað borða íslendingar mörg kíló af kjöti á ári?
Hversu mörg dagsverk eru unnin á
togaraflotanum?
Hvað eru margir bílar á hverja 1000 íslendinga?
Hve miklum hluta þjóðarútgjalda er varið til neyslu?
Hversu margir eru í framhaldsskólum?
Hve þungt vegur olían í orkunotkun landsmanna?