Alþýðublaðið - 15.01.1993, Qupperneq 7

Föstudagur 15. janúar 1993
7
Ströndum, þvf næst á Eskifirði og loks
í Reykjavík. Föðurafi Amþórs var Jens
Peter Jensen, beykir og veitingamaður,
sem fluttist ungur frá Danmörku til
Austfjarða.
Amþór fluttist með foreldrum sínum
heim til íslands bamungurog ólst upp á
Eskifirði frá þriggja ára aldri. Á Eski-
firði bjó Amþór í 74 ár og skiidi eftir
sig djúp spor í sögu staðarins. Amþór
kvæntist árið 1931 Guðnýju Önnu Pét-
ursdóttur, prests að Eydölum og átti
með henni fjögur böm, sem sum urðu
þjóðkunn: Gauta yfirlækni á Akureyri,
Val kaupfélagsstjóra KEA, Hlíf lög-
giltan skjalaþýðanda í Kaupmanna-
höfn og Guðnýju Önnu hjúkrunarfor-
stjóra í Reykjavík.
Að loknu gagnfræðaprófi frá Akur-
eyri 1923 hóf Amþór framhaldsnám í
skóla lífsins þaðan sem hann útskrifað-
ist með láði. Það var í öndverðri heim-
skreppunni sem Eskfirðingar leituðu
fyrst til Amþórs um forystu í atvinnu-
lífi byggðalagsins. Hann var þá aðeins
26 ára að aldri. Hann brást ekki trausti
þeirra og reyndist best, þegar mest á
reið. Þá stofnaði hann samvinnufélag
um fiskverkun ásamt samstarfsfólkinu
og sá þannig bæjarbúum fyrir atvinnu
þegar mest þurfti við. Það var Amþóri
líkt að þegar félaginu var slitið var
eignum þess skipt upp milli stofnenda í
anda samvinnuhugsjónarinnar, sem var
Amþóri annað og meira en orðin tóm.
1933 beitti Amþór sér fyrir stofnun
pöntunarfélags Eskfirðinga og veitti
því forstöðu í 44 ár. Eins og Ásgeirs-
verslun á Isafirði forðum rak Amþór
milliliðalausa inn- og útflutningsversl-
un í nafni pöntunarfélagsins og tryggði
þannig félagsmönnum sínum betri
þjónustu við lægra verði en fáanlegt
var annars staðar á landinu. Það lýsir
Amþóri vel að hann gætti þess að halda
pöntunarféiaginu utan við pólitíska
flokkadrætti sem þjónustuaðila fyrir
alla - og gekk því ekki í SÍS. Á stríðsár-
unum stofnaði Amþór í félagi við aðra
útgerðarfélagið Hólmaborg h.f. og var
framkvæmdastjóri þess til ársins 1955.
Undir lok stríðsins gerðist pöntunarfé-
lagið annar stærsti hluthafmn í Hrað-
frystihúsi Eskifjarðar. Það er til marks
um það traust sem Amþór naut alla tíð
í viðskiptum að Eggert Kristjánsson
lánaði honum lilutfjárframlagið, án
trygginga umfram það, að Amþór lof-
aði að sleppa ekki hendinni af fyrirtæk-
inu þann tíma sem tæki að endurgreiða
lánið.
í byrjun sjötta áratugarins var Am-
þór f.h. Pöntunarfélagsins aðalhvata-
maður að stofnun Austfirðings h.f. sem
var sameiginlegt útgerðarfélag Fá-
skrúðsfirðinga, Reyðfirðinga og Esk-
firðinga. Það var til þess stofnað að
tryggja hlut Austfirðinga í nýsköpunar-
togumnum. Þegar sfldarævintýrið
hófst aftur upp úr 1960 greip Amþór
tækifærið og lét byggja sfldarplan í
fjömnni til hliðar við hús sitt til þess að
tryggja að sfldargróðinn færi ekki allur
út úr plássinu.
Þetta sem nú er nefnt er aðeins
nokkrar stiklur á ferli óvenjulegs og
sérstaklega farsæls athafnamanns og
byggðarstólpa. Þar að auki lét Amþór
sér alla tíð mjög annt um velferðarmál
síns byggðarlags. Hann tók að sér for-
mennsku skólanefndar og sóknar-
nefndar; var formaður byggingafélags
verkamanna og formaður byggingar-
nefndar og framkvæmdastjóri sam-
komuhússins Valhallar. Þar að auki var
hann í fjölda ára formaður Jafnaðar-
mannafélags Eskifjarðar og hrepps-
nefndamtaður í 4 ár.
Á 200 ára afmæli Eskifjarðarkaup-
staðar var hann kjörinn heiðursborgari
Eskifjarðar og sama árið jafnframt
heiðursfélagi í Alþýðuflokknum. Mér
er minnisstætt frá þessu ári að Amþór
var heiðursgestur á árshátíð kjördæm-
isráðs Alþýðuflokksins og aðalræðu-
maður, en hátíðin var haldin í sam-
komuhúsinu Valhöll, sem hann hafði
beitt sér fyrir að reisa. Þrátt fyrir stutt
kynni duldist mér ekki að heiðursgest-
ur okkar var ekki einasta traustur at-
hafnamaður heldur einnig heillandi
persóna við nánari kynni. Þessi aldraði
maður var í fullu fjöri, andlega lifandi
frásagnameistari með fjölbreytt áhuga-
mál. Það gleður mig að heyra að hann
hélt reisn sinni til hinstu stundar.
Fyrir hönd Alþýðuflokksins, Jafnað-
armannaflokks íslands færi ég honum
þakkir fyrir samfylgdina og flyt afkom-
endum hans, vinum og vandamönnum
okkar dýpstu samúðarkveðjur.
Jón Baldvin Hannibalsson
Fatlaðir takast á við
meistara Moliere
„Ef persónur í leikritum eru
fatlaðar, þá eru þær yFirleitt leikn-
ar af ófötluðum. Við snúuin dæm-
inu við: I uppfærslu okkar á Aura-
sálinni eftir Moliere fara leikarar í
hjólastólum með hlutverk sem
vitaskuld voru
skrifuð fyrir ófatl-
aða,“ segir Sigurður
Björnsson, félagi í
nýjum leikhópi,
Halaleikhópnum,
sem frumsýnir á
laugardaginn.
Halaleikhópurinn
var stofnaður síðast-
liðið haust og eru fé-
lagar nú eitthvað á
sjötta tuginn, að sögn
Sigurðar. Félagamir
eru á öllum aldri, fatl-
aðir sem ófatlaðir.
„Fyrst og fremst
eru þetta áhugamenn
um leiklist. Hópurinn
er að því leyti ffá-
brugðinn öðrum að
við miðum alla starf-
semi við aðgengi og
möguleika fatlaöra,"
segir Sigurður. Um
60% félaga í Hala-
leikhópnum eru fatl-
aðir.
Það er vitaskuld
áhuginn og leikgleðin
sem er •aflvaki Hala-
leikhússins einsog
annarra áhugaleikfé-
laga; flestir leikar-
anna þreyja frumraun
á laugardaginn.
Fjöldi fólks stend-
ur að uppfærslunni,
leikarar eru alls
fimmtán og leikstjór-
ar eru tveir, Guð-
mundur Magnússon
og Þorsteinn Guð-
mundsson.
Frumsýningin verður semsagt á
laugardaginn, 16. janúar, klukkan
20.30 í félagsmiðstöðinni Árseli.
Önnur sýning verður miðvikudaginn
20. janúar og sú þriðja annan sunnu-
dag. Sannarlega forvitnilegur nýr
leikhópur sem
ekki ræðst á
garðinn þarsem
hann er lægstur.
HJ
Aurasálin sjálf,
Harpagon.
Með hlutverkið
fer Ómar B.
Walderhaug.
Glæsilegt par.
Sigurður Björns-
son og Kolbrún
Dögg Kristjáns-
dóttir í hlutverk-
um Valére og
Elise.
Frá Alþýðuflokksfélagi
Kópavogs
Aðalfundur félagsins verður haldinn 25. janúar
nk., kl. 20,30 í Hamraborg.
Dagskrá:
Venjuleg aðalfundarstörf.
Stjórnin
LANDBÚNAÐARRÁnUNEYTIÐ
Til ábúenda og
eigenda lögbýla
Á síöastliðnu hausti var fullviröisréttur til framleiöslu
mjólkur og sauðfjárafuröa færöur niöur til aö laga hann
aö innanlandsmarkaöi samkvæmt ákvæöum búvöru-
samnings frá 11. mars 1991 og samnings um mjólkur-
framleiöslu frá 16. ágúst 1992. I þeim samningum og i
lögum, sem samþykkt voru á Alþingi 22. desember s.l.
um breytingar á búvörulögum nr. 46/1985, er kveöið á
um greiöslur fyrir niöurfærslu fullvirðisréttar. Greiðslur
vegna niöurfærslu fullviröisréttar veröa greiddar hand-
hafa beinna greiöslna á lögbýlinu, en greiöslur þessar
á að greiöa 31. janúar n.k. vegna niöurfærslu fullviröis-
réttar til framleiöslu sauöfjárafuröa og 31. mars n.k.
vegna niðurfærslu fullviröisréttar til framleiöslu mjólkur.
Þær skulu þó ekki greiddar handhafa beinna greiöslna,
geri ábúandi og eigandi lögbýlis samkomulag um aö
viötakandi veröi annar aöili, enda berist skrifleg tilkynn-
ing þess efnis til landbúnaöarráöuneytisins fyrir
greiösludaga, þ.e. 31. janúar og 31. mars n.k.
Landbúnaöarráöuneytiö,
11. janúar 1993.
Örn Falkner, lengst til hægri á myndinni, tekur við styrknum úr hendi Hauks Guð-
laugssonar söngmálastjóra, en vinstra megin á myndinni eru þau Sigrún Karlsdóttir
og Jakob F. Magnússon.
Byrjaði í bílskúrsbandi, - varð organleikari
Lærir hjá aðalorganista
Péturskirkjunnar í Róm
Orn Falkner, 32 ára organisti í
Hveragerði, hlaut styrk til náms-
dvalar í Rómaborg úr Minningar-
sjóði Karls J. Sighvatssonar, sem af-
hentur var á föstudaginn var.
Jakob Frímann Magnússon trúnað-
armaður sjóðsins greindi frá niður-
stöðu sjóðsstjómar í hófi sem haldið
var í tilefni þessarar annarrar úthlutun-
ar úr sjóðnum. I stjóminni em þau
Haukur Guðlaugsson, söngmálastjóri,
formaður, Sigurður Rúnar Jónsson, El-
len Kristjánsdóttir og Sigrún Karlsdótt-
ir.
Strax á laugardag hélt Öm utan þar
sem hann ntun njóta tilsagnar aðalorg-
anista Péturskirkjunnar í Róm, Þjóð-
verjans James Goettsche, næstu sjö
mánuðina. Öm hefur tvívegis áður not-
ið tilsagnar hans, en þar áður var Hauk-
ur Guðlaugsson í læri hjá þessum
mikla hljómlistannanni.
Öm Falkner er langt kominn í gull-
smíðaiðn, á aðeins sveinsstykkið eftir.
En hljómlistin á hug hans allan. Hann
segir að hann hafi á unga aldri byrjað
að leika með bflskúrsböndum, en 17
ára sneri hann sér að námi í orgelleik.
Hann tók við staríi af Karli heitnum
Sighvatssyni austan fjalls og er drif-
fjöður í söng- og tónlistarstaifi bæði í
Hveragerði og í Þorlákshöfn.
Ekki er það heiglum hent að komast
að hjá aðalorganista í höfuðkirkju kaþ-
ólskra manna í heiminum. ,^Etli þeim
þyki það ekki eitthvað forvitnilegt að fá
að kenna eskimóunurrí', sagði Öm
Falkner og kímdi við, þegar hann
ræddi við blaðamann Alþýðublaðisins
á föstudaginn.
Kratakvöld
i Rósinni
miðvikudaginn 20.janúar kl. 20.30.
Alþýðuflokksfélag Reykjavíkur
Húsbréf
Innlausnarverð
húsbréfa í
1. flokki 1991
3. flokki 1991
Innlausnardagur 15. janúar 1993.
1. flokkur 1991 Nafnverð: Innlausnarverð:
10.000 12.284
100.000 122.843
1.000.000 1.228.429
3. flokkur 1991 Nafnverð: Innlausnarverð:
10.000 10.931
100.000 109.306
500.000 546.532
1.000.000 1.093.065
Innlausnarstaður;
Veðdeild Landsbanka íslands ;
Suðurlandsbraut 24.
HÚSNÆÐISSTOFNUN RÍKISINS !
LJ HÚSBRÉFADEILD SUDURLANDSBRAUT 24 108 REYKJAVÍK SiMI 696900 S