Alþýðublaðið - 23.03.1993, Blaðsíða 3

Þriðjudagur 23. mars 1993
Fundur Alþýðuflokksins um landbúnaðarmál í Rósinni
500-700 bændur hverfa
eignalitlir á næstu árum
- meðal annars vegna þess að alltoffáir vildu selja framleiðslukvóta, sagði Sigurgeir Þorgeirsson
aðstoðarmaður landbúnaðarráðherra
Búast má við því að 500 til 700 bændur
muni bregða búi og hvcrfa eignalitlir frá
verðlitlum jörðum sínum á næstu árum
vegna hagræðingar og samdráttar í land-
búnaði. Þetta kom m.a. fram í máli Sigur-
geirs Þorgeirssonar aðstoðarmanns land-
búnaðarráðherra á fjölmennum og at-
hyglisverðum fundi sem Alþýðuflokksfé-
lag Reykjavíkur stóð fyrir í Rósinni í lok
síðustu viku.
Sigurgeir sagði að helsta ástæðan fyrir
því að bændur stæðu nú frammi fyrir þessari
hræðilegu staðreynd væri að alltof fáir
hefðu fengist til þess að selja framleiðslu-
kvóta sína þegar ríkið bauðst til að kaupa þá
á árunum 1991 og 1992. Þá væru ákvæði
inn í núverandí búvörusamningi sem skuld-
bindi bændur til þess að lækka frantleiðslu-
kostnaðinn um 20%, sem myndi leiða til
umtalsverðar grisjunar í bændastéttinni.
Sigurgeir sagði ennfremur að horfur væru á
að sumir eldri bændur hættu búskap en
héldu samt sem áður nánast óskertum laun-
um. Þá væm uppi hugmyndir unt að ein-
hverjum gefist tækifæri á að fara út í skóg-
rækt og breyta þannig búskaparháttum sín-
um.
Á fundinn mætti einnig Jónas Þór Jónas-
son matreiðslumaður og kjötkaupmaður
með meiru. Hann bauð fundarmönnum upp
á lambaT og nautakjöt í fundarhléi, þannig
að menn kæmust nær sjálfu efninu á eftir.
Jónas Þór hefur ákveðnar skoðanir í land-
búnaðarmálum og lét aðstoðarmann land-
búnaðarráðherra óspart heyra sfn viðhorf
varðandi útflutning á íslensku kjöti. Jónas
sagði að sölu- og dreifingarkerfið á íslensk-
um landbúnaðarvömm væri nánast stjóm-
laust. Það væri alveg ljóst að sumir aðilar
fengju kjöt á lægra verði en aðrir, og
ákveðnum aðilum væri nákvæmlega sama
hvaða verð þeir fengju fyrir kjötið erlendis.
Það fyrsta sem þyrfti að gera, segir Jónas, er
að hætta að selja íslenskt kjöt á útsöluverði á
erlenda markaði.
Þá kvartaði Jónas Þór einnig yfir því að
erfitt væri að fá staðfestingu á því að hægt
væri að fá kjöt upp í þá samninga sem ein-
stakir aðilar hafi verið að koma á erlendis.
„Ég get fengið mjög gott verð fyrir íslenskt
lambakjöt erlendis og ég sé það fyrir mér að
bændur geti farið að framleiða sérstaklega
fyrir útflutning. Eg fæ hins vegar aldrei nein
svör frá landbúnaðarkcrfinu unt verð eða
hvort ég yfirhöfuð fæ eitlhvert kjöt til út-
flutnings. Það sem er kannski verst í öllu
þessu er að á meðan ég er að selja kjötið fyr-
ir nokkuð hátt verð þá eru íslenskir aðilar
um allan heim að selja sama kjöt á niður-
greiddu verði, jafnvel hálfu heimsmarkaðs-
verði. Það er gert grín að þessu á erlendum
mörkuðum og þetta er ekkert annað en
skemmdarverk á góðum útflutningsmark-
aði“, sagði Jónas Þór.
NORDJOBB aðfara í gang:
Gengur þokkalega
ai útvega störf
/ /
segir Asa Hreggviðsdóttir, verkefnisstjóri NORDJOBB á Islandi.
Undanfarin ár hefur verið starfrækt á
Nórðurlöndunum atvinnuskiptaverkefnið
NORDJOBB, en það gefur norrænunt ung-
mennum á aldrinum 18-26 ára, tækifæri til
að komast í sumarvinnu á einhverju öðru
Norðurlandanna. Verkefnið er styrkt af nor-
rænu ráðherranefndinni og er í umsjá lands-
samtaka Norrænu félaganna í hverju landi
fyrir sig
Alþýðublaðið hafði samband við Ásu
Hreggviðsdóltur, verkefnisstjóra Nordjobb
á íslandi og grennslaðist fyrir um hvemig
horfumar væru á vinnu erlendis sem hér-
lendis næsta sumar. Ása sagði að það gengi
þokkalega að útvega störl' hérlendis þrátt
fyrir slæmar horfur í atvinnumálum. „At-
vinnuleysið hefur vissulega áhrif, en fólk er
bara svo opið fyrir norrænni samvinnu",
sambærileg fyrirtæki á fastráðnu vinnuafli,
sem dæmi má nefna Póst og Síma.“
Mikil aðsókn er í að komasl í Nordjobb
og hafa 470 íslensk Ungmenni sótt um slíkt
sumarstaif.
En hverskonar vinna er í boði hérlendis?
„Hún er ýmiskonar eins og gengur og ger-
ist“, sagði Ása. „Venjuleg sumarvinna
námsmanna í þéttbýli og einnig er algengt
að þessir krakkar fari á sveitabæi. Islensk
ungmenni eru hætt að vilja fara í sveit og
því taka bændurnir fagnandi við þessu harð-
duglega norræna vinnuafli, sem vill ólmt og
uppvægt kynnast þessu nálæga en framandi
landi sent Island er í augum frændfólks okk-
ar á Norðurlöndum."
„Við þurfum ekkert að niðurgreiða þetta ljúffenga kjöt ofan í útlendinga, smakkaðu bara sjálfur", gæti Jónas Pór niatrciðslumaður vcrið að segja
við Sigurgeir Þorgeirsson aðstoðarmann landbúnaðarráðherra, þegar sá fvrrnefndi bauð upp á kjötrétti á fundi um landbúnaðarmál í Rósinni í síð-
ustu viku. Fundarmenn voru sammála þcssu. A-mynd E.Ó1.
sagði Asa.
Undanfarin sumur hafa farið nokkuð
fleiri íslensk ungmenni til starfa á hinum
Norðurlöndunum, en hafa komið hingað
eða rúmlega hundrað. Ása sagðist búast við
því að sú tala héldist í ár, en hingað kæmu
aftur á móti á milli 70 og 80 krakkar frá
Skandinavíu.
„Fonnið á þessum ungmennaskiptum er
að þróast mikið í þá átt í dag að sveitarfélög
og fyrirtæki skiptast á vinnuafli, þannig að
krakkar úr Hafnarfirði fá vinnu hjá vinabæj-
um þess sveitarfélags á Norðurlöndunum
og til Hafnarfjarðar korna svo krakkar frá
þeim bæjum.“ sagði Ása.“ Einnig skiptast
Kerfið gegn
kirkjunni?
TOLLUR
Á KERTI
I jólamánuði á síðasta ári herti hið
opinbera að kristnihaldi landsmanna
með því að setja reglur um innflutn-
ingsgjöld á ýmsum aðföngum til
kirkna og kristilegs starfs í landinu.
Frá þessu segir í Kaþólska kirkju-
blaðinu. Nefnd eru dæmi um aðföng
sem áður voru gjaldfrjáls en bera nú
toll: 10% gjald var lagt á kerti, - og ob-
látur eru ekki lengur gjaldfrjálsar eins
og þær voru áður, segir Ragnar Brynj-
ólfsson í blaði kajiólskra.
Lifandi starfíLaugarneskirkju:
Geðlægð - greining og meðferð
—algengur en lœknanlegur sjúkdómur á dagskrá frœðslukvölds í Laugarneskirkju: fyrirlestur um geð-
lœgðir, leikið á altflautu og helgistund.
„Geðlægðir eru mjög alvarlegt vandamál
og ástæðan fyrir því að við fáum Grétar Sig-
urbergsson tii okkar að halda fyrirlestur er
sú að honum er einkar lagið að útskýra geð-
ræna sjúkdóma á mjög einfaldan, skýran og
aðgengilegan hátt. Grétar hefur áður haldið
erindi á vegum Laugameskirkju og margir
hafa notið leiðsagnar hans“, sagði séra Jón
Dalbú Hróbjartsson í viðtali við Alþýðu-
blaðið í gær.
I dag, þriðjudaginn 23. mars, verður safn-
aðarkvöld í Safnaðarheimili Laugames-
kirkju og hefst það klukkan 20:30. Af dag-
skrá kvöldsins ber helst að nefna erindi
Grétars Sigurbergssonar geðlæknis. En
hann mun ræða efnið: Geðlægð - greining
og meðferð. Eftir erindið mun Grétar svara
fyrirspumum. Einnig verður flutt tónlist,
Guðmn Laufey Guðmundsdóttir mun leika
á altflautu. Boðið verður upp á kaffiveiting-
ar og í lok kvöldsins verður stutt helgistund
í kirkjunni í umsjá sóknarprestsins, séra
Jóns Dalbú Hróbjartssonar.
Aljiýðublaðið vildi vita hverju sætti að
geðlæknir væri fenginn til að halda fyrirlest-
ur á safnaðarkvöldi. Séra Jón Dalbú sagði að
aðsóknin og viðbrögðin við fyrirlestrum
Grétars hafi ávallt verið mjög góð og þetta
hefði gengið svo vel að hann hafi verið
fenginn að minnsta kosti einu sinni á ári til
að halda erindi.
„Sennilega er þörfin á upplýsingum um
þennan sjúkdóm enn meiri um þessar mund-
ir þegar atvinnuleysið, sem er stór áhrifa-
valdur varðandi geðlægðir, er svo mikið“,
sagðir séra Jón Dalbú.
Það er nýstárlegt að sjá slíka umfjöllun f
kirkjum. Skyldi þetta ef til vill vera liður í
kirkjusveiflunni sem nú virðist vera í gangi?
„Já, það má segja það. Við höfum til
dæmis verið með svokallaðar kyrrðarstund-
ir hér í Laugameskirkju í hádeginu á
fimmtudögum. Það er góður 50 manna hóp-
ur sem kemur saman, nýtur bænastundar og
síðan altarisgöngu einu sinni í viku. Á eftir
er svo boðið upp á súpu og brauð.
Kyrrðarstundin tekur um það bil klukku-
stund og mestmegnis er það fólk sem býr og
vinnur í nágrenni kirkjunnar sem sækir
þessar kyrrðarstundir. Samskonar stundir
eru líka haldnar í Seltjarnameskirkju, Dóm-
kirkjunni og Grensáskirkju. Einnig veit ég
til þess að Hafnarfjörður og Akureyri ætla
að vera með í þessu og hafa tekið þetta upp
í sínum kirkjum."
Til nánari útsjtýringar má geta þess að
geðlægð eða þunglyndi (depurð) er sjúk-
dómur sem injög rnargir þjást af, sumir án
þess að leita sér aðstoðar og jafnvel án þess
að gera sér grein fyrir því að í dag er hægt að
lækna þennan sjúkdóm í nær öllum tilfell-
um. Það er von aðstandenda safnaðar-
kvöldsins að fræðsla og upplýsingar um
sjúkdóma sem þessa geti orðið mörgum til
hjálpar, leitt þá á rétta braut og til betri
heilsu. j
Að lokum skal það tekið fram að á
fræðslukvöldin í Laugameskirkju eru allir
velkomnir á meðan húsrúm leyfir.
Fróðlegt starf unnið í Laugarneskirkju:
í kvöld verður þar fyrirlestur um „Geðlægð -
greiningu og meðferð“.