Alþýðublaðið - 31.03.1993, Síða 8

V í K
G
K
LOTT#
• • alltaf á nridvikudögum
L«TT*
• • alltaf á íiriðuikudögum
Miðbœjarkjarninn í Hafnarfirði
Veqghæð hússins
lækkuð um 8 metra
Gert til að koma til móts við óskir þeirra bæjarbúa sem vildu
lœkka húsið þannig að sátt náist um uppbyggingu í miðbœ Hafnarfjarðar,
segir Guðmundur Arni Stefánsson, bæjarstjóri í Hafnaifirði
Guðmundur Árni Stefánsson bæjarstjóri og Viðar Halldórsson, framkvæmdastjóri Miðbæjar
Hafnarfjarðar hf., kvnna teikningar af nvrri verslunar- og þjónustumiðstöð.
Ákveðið hefur verið að lækka svokall-
aðan hótelturn í verslunar- og þjónustu-
kjarna sem rísa á í miðbæ Hafnarfjarðar
um 8 metra sé miðað við vegghæð. Það er
gert til að koma til móts við þau sjónar-
mið sem fram komu í undirskriftalistum
sem um 5.000 Hafnfirðingar undirrituðu
en (ar var einkum hæð hússins mót-
mælt.
Guðmundur Ámi Stefánsson, bæjarstjóri
í Hafnarfirði og forsvarsmenn Miðbæjar
Hafnarfjarðar hf., byggingaraðilar miðbæj-
arkjamans, kynntu í gær á blaðamanna-
fundi í Hafnarborg endanlegar útlitsteikn-
ingar stórhýsis sem rísa á í miðbæ Hafnar-
fjar\ir~. Vegghæð hóteitums hússins verður
sarhkvæmt hinni nýju hönnun rétt um 21
metri eða um 8 metrum lægri en eldri teikn-
ingar gerðu ráð fyrir
Þetta er niðurstaða eftir viðræður bæjar-
stjórans í Hafnarfirði og forsvarsmanna
Miðbæjar þar sem þess var freistað að
koma til móts við óskir þeirra sem fannst
hæð hússins um of. Guðmundur Ámi bæj-
ars'ijíPi sagði að þótt deilt hefði verið um
hæð hússins hefði komið fram hjá þeim
sem stóðu fyrir undirskriftum að ekki væri
verið að mótmæla því að verslunar- og
þjónustumiðstöð risi í miðbæ Hafnarfjarð-
ar, heldur fyrst og fremst hæð hússins.
Kvaðst hann vona að eftir þær breytingar og
lagfæringar sem hefðu verið gerðar á útliti
hússins næðist sátt um þær framkvæmdir
sem væru að fara á stað í miðbæ Hafnar-
fjarðar.
Guðmundur Ámi lagði áherslu á að
framkvæmdir gengju hratt og vel fyrir sig
þar sem verið væri að byggja á viðkvæmu
svæði í hjarta bæjarins. Samhliða fram-
kvæmdum við miðbæjarkjamann stæði
bærinn í umfangsmiklum vegafram-
kvæmdum sem ynnust samhliða því sem
nýbyggingar í miðbænum risu. Frágangur
og fegran í miðbænum væri þannig háð
framkvæmdahraða þeirra sem þar væru að
byggja-
Viðar Halldórsson, framkvæmdastjóri
Miðbæjar Hafnarfjarðar, sagði að fram-
kvæmdum yrði flýtt eftir megni. Jarðvinnu
við grunn væri þegar hart nær lokið en í
kjallara hússins verður bílakjallari með
rúmlega hundrað bflastæðum. Viðar segir
að stefnt sé að því að ljúka kjallara og
gmnnplötu fyrir 1. ágúst næstkomandi en
húsið yrði fokhelt um miðjan febrúar á
næsta ári.
Þá kom fram hjá Viðari að stefnt væri að
því að ljúka öllum frágangi utanhúss fyrir
apríllok á næsta ári. Innréttingum í verslun-
arrými, skrifstofum og hóteli yrði síðan lok-
ið haustið 1994. Hann kvað fjármögnun á
framkvæmdunum hafa gengið vonum
framar og hefðu fjárfestingarfyrirtæki kom-
ið inn í þá mynd.
Guðmundur Ámi var spurður að því
hvort ekki væri erfitt að ráðast í slíkar stór-
framkvæmdir á krepputímum. Hann kvað
það einmitt mikilvægt að bæjaryfirvöld
stæðu fyrir, styddu og stuðluðu að fram-
kvæmdum þegar illa áraði. Það væri mjög
mikilvægt að smyrja hjól atvinnulífsins
þegar að kreppti og spoma þannig gegn at-
vinnuleysi.
Á fundinum kom fram að hlutur Hafn-
firðinga í verslunarrými á höfuðborgar-
svæðinu væri lítill miðað við fólksfjölda
eða um 5% en ætti að vera um 10% miðað
við höfðatölu. Efling miðbæjarins væri því
liður í því að auka verslun og þjónustu í
Hafnarfirði.
Fræöslufundir Gigtarfélagsins
Framundan er hjá Gigtarfélagi íslands, röð af fræðslufundum sem miða að því að
veita almenningi fræðslu og gefa fólki með hliðstæð vandamál, aðstandendum þeirra
og öðm áhugafólki, tækifæri á að hittast og kynnast og stofna til frekari kynna, ef
áhugi er fyrir því, meðal annars með því að koma upp tengiliðum. Fyrsti fundurinn
heitir Rauðir úlfar og verður haldinn í B-sal Hótel Sögu annað kvöld kl. 20.30.
Fundir verða síðan á fimmtudagskvöldum á sama stað hálfsmánaðarlega. Annar
fundur, sem fjallar um Vefjagigt er 15. apríl, Bamaliðagigt 19. apríl, um Beinþynn-
ingu 6. maí og Psoriasisliðagigt 13. maí.
Fótboltamenn geta verið menningarlegir
Enda þótt menn séu fótboltamenn, þá þurfa þeir ekkert endilega að vera með allt
vitið í löppunum. Þetta sanna þeir í Breiðabliki í Kópavogi. Þeir eru nefnilega listunn-
endur og segja: „Líkamsrækt og andans uppbygging hafa oft ekki verið talin líklegir
rekkjunautar. Þeir sem stundað hafa fþróttir hafa ekki alltaf hlotið náð fyrir augum
listunnenda og öfugt.“ En nú hefur Breiðablik ákveðið að sýna að hér em ekki eins
ólíkir heimar og margir hafa viljað halda fram. Þeir standa fyrir málverkauppboði
með menningarlegu ívafi í Félagsheimili Kópavogs á föstudagskvöldið kl. 20. Marg-
ir fremstu tónlistarmenn bæjarins troða upp, en síðan verður haldið uppboð á verkum
eftir þekkta listamenn. Verkin verða til sýnis í Gallerí íspan að Smiðjuvegi 7 í dag og
á morgun frá kl. 17 til 20 og allir velkomnir að líta á þessa nýstárlegu uppákomu. I fé-
lagsheimilinu verða verkin sýnd frá kl. 18 á föstudag. Aðgangseyrir að skemmtuninni
er 500 krónur.
Ólafur Jensson, forstöðumaður Borgarhúss, og Markús Örn Antonsson, skoða merkar
myntir á sýningunni, sem Ragnar Borg, myntfræðingur setti upp.
Skoðar mynt nafna síns
Fyrir um 2000 ámm höndlaði Markús Antoníus með mynt, sem Alexander mikli
lét slá einhvem tíma um 330 fyrir Krists burð. Var Alexander fyrstur manna til að láta
slá mynt með mynd af sjálfum sér. Hann gerði sér grein fyrir auglýsingagildinu sem
í því var fólgið, því myntin með mynd hans barst um hið víðlenda Rómaveldi og
einnig til annarra landa. Á dögunum var borgarstjórinn í Reykjavík, Markús Örn
Antonsson, að skoða hina ágætu sögusýningu í Borgarhúsi, þar sem Geysir var áður.
Á myndinni virðir Markús Óm Antonsson fyrir sér pening sem nafni hans Markús
Antoníus hefur án efa verið vel kunnugur. Vert er að hvetja fólk til að skoða sýning-
amar, þær em vel þess virði að skoða.
STUTTFRÉTTIR
Forseti styður launa-
baráttu kennara
Vigdís Grímsdóttir, rithöfundur, tekur
nöfnu sína, forseta Islands, frú Vigdísi Finn-
bogadóttur tali í nýútkomnu tölublaði af Nýj-
um menntamálum. tíu ára afmælisriti blaðs-
ins. Forseti styður í viðtalinu eindregið við
launabaráttu kennara á Islandi. Hún segir laun
kennara hér á landi eins og sorglega gaman-
sögu. „Laun kennara em þjóðinni til vansa.
Kennarastarfið á að vera eftirsóknarvert af
bestu fáanlegum mönnum, í því felst þjóðar-
hagurinn sjálfur. Kennarar eiga að vera mjög
vel launaðir, störf þeirra em meðal þeirra mik-
ilvægustu í þjóðfélaginu, vinnu þeirra ber að
sýna virðingu", segir forseti Islands í viðtalinu.
Vigdís Grímsdóttir, rithöfundur, ásamt Vigdísi
Finnbogadóttur, forseta Islands.
Skíðavikan á ísafirði
Fyrirtækið Allrahanda í Reykjavík, býður upp á hópferðir á skíðavikuna á fsafirði
um páskana. Rútuferðir em 7. apríl frá Akureyri og frá BSÍ í Reykjavík sama dag. Til
baka er haldið mánudaginn 12. apríl, á öðmm í páskum. Ennfremur er boðið upp á
ódýran flutning á vélsleðum vestur og gistingu. Mikið verður um að vera að venju á
Isafirði um páskana, vélsleðakeppni, páskaeggjamót, furðufatadagur, flugeldasýning,
auk þess sem fólk getur farið í siglingu um Isafjarðardjúp. Þá verður endalaust fjör á
veitingahúsum bæjarins þar sem ísfirskættuð hljómsveit leikur, nefnilega SSSól, að
ekki sé talað um KK-bandið.