Alþýðublaðið - 13.07.1994, Page 4

4 ALÞÝÐUBLAÐIÐ
Miðvikudagur 13. júlf 1994
21. Landsmót UMFÍ hefst á morgun:
Búist við um 10 þúsund
gestum að Laugarvatni
Skráðir keppendur á þessu 21.
Landsmóti UMFÍ eru um
1.700 talsins og með áhorf-
endum reiknum við með að hér
verði um tíu þúsund manns þá daga
sem mótið stendur. Öll aðstaða til
að taka á móti fólki er til fyrirmynd-
ar, næg tjaldstæði, bílastæði og veit-
ingarekstur og annað sem til þarf.
Mótið dreifist á þrjá daga og engin
hætta á að það myndist einhver
Þjóðhátíðarteppa á vegunum, sagði
Þórunn Oddsdóttir hjá Landsmóti
UMFT að Laugarvatni í samtali við
Alþýðublaðið í gær.
A morgun hefst að Laugarvatni
ÓLAFUR ÖRN HARALDSSON,
framkvœmdastjóri Landsmótsins.
Landsmót Ungmennafélags Is-
lands. Undirbúningur mótsins hefur
staðið lengi og var á lokasprettinum
þegar við ræddum við Þórunni í
gær.
Miklar framkvæmdir hafa átt sér
stað vegna Landsmótsins að Laug-
arvatni og hefur endurbygging
íþróttavallarins vakið hvað mesta
athygli. Það tókst að ljúka við að
leggja gerviefni á hlaupabrautir
vallarins, en um tíma leit út fyrir að
ekki tækist að ljúka þeim fram-
kvæmdum vegna gjaldþrots íram-
leiðenda efnisins í Þýskalandi.
Kostnaður við endurbyggingu vall-
arins mun nálgast eitt hundrað millj-
ónir króna.
Umhverfismál á mótinu
Einn aðalkostunaraðili mótsins er
Olís sem ásamt Landgrœðslunni
stendur fyrir landgræðslu við hell-
mnáLaugarvatnsvöllum. Á vegum
Islandsbanka og fleiri aðila verður
plantað landgræðsluskógi. Um-
liverjisrúðuneytiö styður Lands-
mótið með ýmsum hætti enda verð-
ur mótið eins umhverfisvænt og
kostur er. Þar má til dæmis nefna að
skolp verður nýtt til landgræðslu á
örfoka landi í samvinnu við Land-
græðsluna og Heilbrigðis-
eftirlit Suðurlands. Þá
verður sorp sem til fellur á
svæðinu flokkað í þrennt,
almennt sorp, drykkjarumbúðir og
líffænan úrgang og verður hann not-
aður til jarðvegsgerðar. Strætisvagn
mun ganga um Laugarvatn meðan
mótið stendur til að draga úr bí-
laumferð á svæðinu og gestir fá í
hendur kynningarefni umhverfis-
ráðuneytisins um bíla og útblásturs-
mengun. Þá má geta þess að tóbaks-
reykingar verða ekki leyfðar á móts-
svæðinu.
Fyrir alla fjölskylduna
Nú sem fyrr er íþróttakeppnin
kjami Landsmótsins en fjölskyldu-
og skemmtidagskrá verður fjöl-
breytt að Laugarvatni.
Risatjald sem Selfossbœr á hefur
verið sett upp á mótssvæðinu og í
það sett trégólf sem notað var á
Þingvöllum á þjóðhátfðinni. Dans-
leikir verða í tjaldinu á föstudags-
og laugardagskvöld. Þar spila meðal
annars Hljómar sem koma saman á
ný í tilefni mótsins. Einnig verða
dansleikir að Borg þar sem hljóm-
sveitimar Plúhnetan og Þúsund
andlit skemmta.
Á fjölskyldudagskrá mótsins
verða meðal annars leiktæki fyrir
böm, leiklist, dans, söngur og
Magnús Scheving verður með sýn-
ingar. Svo má ekki gleyma því að
starfsíþróttir Landsmótsins em
spennandi dagskrárliðir fyrir alla
fjölskylduna svo sem starfshlaup,
dráttarvélaakstur og pönnuköku-
bakstur.
TILKVNNING TIL
C3 NOTENDA
Hinn 1. janúar 1995 verfiur núvenandi
Loran-C staðsetningarkerfi lagt niður
Frá sama tíma verður GPS gervihnattakerfið aðalstaðsetningarkerfi
við ísland.
Samtímis því að núverandi Loran-C kerfi verður lagt niður hefst
rekstur nýs lorankerfis, svo kallaðs NELS kerfis. Hætt verður að
senda út loranmerki frá stöðvunum á Gufuskálum og á Grænlandi.
Búast má við að þetta nýja kerfi nýtist ekki við vestanvert landið.
Athugið að breyta þarf Loran-C tækjum svo að hægt sé að nota þau
við NELS kerfið.
Til að bæta þjónustu við notendur, sem þurfa meirí nákvæmni en
GPS kerfið gefur, hefur samgönguráðuneytið staðið fyrir
uppbyggingu á leiðréttingarkerfi sem gefur notendum 5 til 10 metra
staðsetningarnákvæmni á hafsvæðinu umhverfis Island.
Vita- og hafnarmálastofnun sér um rekstur leiðréttingarstöðva og
eru fimm af sex þegar komnar í notkun og áætlað er að sú síðasta
verði tilbúin fyrir áramót.
Athygli notenda er vakin á því að mikill munur getur verið á
staðsetningum eftir því í hvaða staðsetningarkerfi þær eru gerðar.
Það er því ekki hægt að finna stað mældan í Loran-C kerfinu með
GPS (eða NELS tækjum), Loranpunktasöfn verða því ónothæf.
Unnið er að því að breyta Loran tölum í GPS tölur.
Núnari upplýsingar veitir Vita- og hafnamálastofnun,
sími 91-600000.
Samgönguráðuneyti
RÁÐUNEYTI FLUTNINGA, FJARSKIPTA OG FERÐAMÁLA
RÚNAR JÚLÍUSSON með HLJÓMUM á Laugarvatni árið 1965.
Hljómar leika fyrir dansi
á Laugarvatni
Hin fomfræga bítlahljómsveit Hljómar ffá
Keflavík kemur saman í tilefni Landsmóts-
ins að Laugarvatni og leikur þar fyrir dansi.
Hljómar spiluðu líka á Landsmótinu sem haldið var
að Laugarvatni sumarið 1965.
Rúnar Júlíusson er liðsmaður Hljóma en hann
var líka landsfrægur knattspymumaður. Á Lands-
mótinu 1965 keppti hann f fótbolta með Keflav-
íkurliðinu á daginn og spilaði síðan fyrir dansi með
Hljómum á kvöldin. I viðtali við Skinfaxa, tímarit
ungmennafélaganna, segir Rúnar að líklega hafi
veðrið verið minnistæðast á mótinu 1965:
„Það var alveg einstakt og stemmningin alveg
sérstaklega góð. Þama vom allir í sólarlandaskapi.
En samkoman í heild var mjög sérstök og mjög
skemmtileg. Ekki spillti það fyrir að ég var í mjög
vinsælli hljómsveit, Hljómum. Það lá við að við
þyrftum lögregluvemd því allir vildu komast sem
næst okkur til að skoða okkur. Við komum inn á
svæðið í okkar merkta bfi og vöktum strax mikla at-
hygli. Við vomm „öðmvísi" með bítlahár niður á
herðar.“
Undarlega klætt fólk
í Skinfaxa er vitnað í bókina Saga Landsmóta
UMFÍ þar sem því er lýst þegar Hljómar komu
þeysandi inn á svæðið:
„Þegar íþróttakeppninni var að ljúka kom stór bfll
bmnandi inn á svæðið, innanborðs var undarlega
klætt fólk, síðhært og með hatta, hafði yfir sér ann-
an blæ en var á flestum gestum staðarins.
„Hvar getum við geymt græjumar, okkur vantar
einhvem stað til að geta dressað okkur upp,“ var
sagt og stjómendur mótsins mku upp til handa og
fóta til að útvega Hljómum og fylgdarliði mann-
sæmandi aðstöðu. Þeim var bent á skúr við völlinn
nærri pallinum, þar væri aðsetur mótstjóra, stjöm-
umar gætu notast við hann. Okey, við þangað!"
Síðan segir að þegar Hljómar hafi byijað að leika
hafi unglingamir þyrpst að þeim, en fáir hafi kunn-
að eða haft uppburði til að dansa eftir þessari tónlist,
hafi verið vanari gömlu dönsunum úr sínum heima-
sveitum.
í 65-nefndinni
Rúnar Júlíusson segir í Skinfaxa að hann þekki
starf ungmennafélagshreyfmgarinnar vel og raunar
megi segja að hann hafi fæðst inn í hana.
„Móðir mín, Guðrún Stefánsdóttir Bergmann,
var einn af stofnendum Ungmennafélags Keflavík-
ur. Ég var því nánast skráður inn í félagið um leið
og ég var skírður. Ég helgaði mig fótboltanum en
var ekki mikið á félagsmálasviðinu, enda var starf
félagsins einkum í kringum íþróttimar.“
Nú er Rúnar ásamt fleirum í 65-nefndinni, sem
ætlar sér að hóa sem flestum þátttakendum ífá
Landsmótinu 1965 saman til ljúfra endurfunda.
„Það er alltaf gaman að rifja upp svona skemmti-
lega atburði,“ segir hann. „Það er sérstakur andi á
þessum mótum. Svo er Laugarvatn alveg einstakur
staður fyrir slíkt mótahald. Það er í hæfilegri fjar-
lægð ffá þéttbýlinu og umhverfið aðlaðandi. Það er
því tilhlökkunarefni að mæta á landsmótið nú,“ hef-
ur blaðið eftir Rúnari.